| 1 | MTויקרבו ראשׁי האבות למשׁפחת בני גלעד בן מכיר בן מנשׁה ממשׁפחת בני יוסף וידברו לפני משׁה ולפני הנשׂאים ראשׁי אבות לבני ישׂראל |
| SPויקרבו ראשׁי האבות למשׁפחות בני גלעד בן מכיר בן מנשׁה ממשׁפחות בני יוסף וידברו לפני משׁה ולפני הנשׂיאים ראשׁי האבות לבני ישׂראל | |
| 2 | MTויאמרו את אדני צוה יהוה לתת את הארץ בנחלה בגורל לבני ישׂראל ואדני צוה ביהוה לתת את נחלת צלפחד אחינו לבנתיו |
| SPויאמרו את אדני צוה יהוה לתת את הארץ בנחלה בגורל לבני ישׂראל ואדני צוה ביהוה לתת את נחלת צלפחד אחינו לבנתיו | |
| 3 | MTוהיו לאחד מבני שׁבטי בני ישׂראל לנשׁים ונגרעה נחלתן מנחלת אבתינו ונוסף על נחלת המטה אשׁר תהיינה להם ומגרל נחלתנו יגרע |
| SPוהיו לאחד מבני שׁבטי בני ישׂראל לנשׁים ונגרעה נחלתן מנחלת אבתינו ונוספה על נחלת המטה אשׁר תהיינה להם ומגורל נחלתנו יגרע | |
| 4 | MTואם יהיה היבל לבני ישׂראל ונוספה נחלתן על נחלת המטה אשׁר תהיינה להם ומנחלת מטה אבתינו יגרע נחלתן |
| SPואם יהיה היובל לבני ישׂראל ונוספה נחלתן על נחלת המטה אשׁר תהיינה להם ומנחלת מטה אבתינו יגרע נחלתן | |
| 5 | MTויצו משׁה את בני ישׂראל על פי יהוה לאמר כן מטה בני יוסף דברים |
| SPויצו משׁה את בני ישׂראל על פי יהוה לאמר כן מטה בני יוסף דברים | |
| 6 | MTזה הדבר אשׁר צוה יהוה לבנות צלפחד לאמר לטוב בעיניהם תהיינה לנשׁים אך למשׁפחת מטה אביהם תהיינה לנשׁים |
| SPזה הדבר אשׁר צוה יהוה לבנות צלפחד לאמר לטוב בעיניהם תהינה לנשׁים אך למשׁפחת מטה אביהן תהינה לנשׁים | |
| 7 | MTולא תסב נחלה לבני ישׂראל ממטה אל מטה כי אישׁ בנחלת מטה אבתיו ידבקו בני ישׂראל |
| SPולא תסוב נחלה לבני ישׂראל ממטה אל מטה כי אישׁ בנחלת מטה אבתיו ידבקו בני ישׂראל | |
| 8 | MTוכל בת ירשׁת נחלה ממטות בני ישׂראל לאחד ממשׁפחת מטה אביה תהיה לאשׁה למען יירשׁו בני ישׂראל אישׁ נחלת אבתיו |
| SPוכל בת ירשׁת נחלה ממטות בני ישׂראל לאחד ממשׁפחת מטה אביה תהיה לאשׁה למען יירשׁו בני ישׂראל אישׁ את נחלת אבתיו | |
| 9 | MTולא תסב נחלה ממטה למטה אחר כי אישׁ בנחלתו ידבקו מטות בני ישׂראל |
| SPולא תסב נחלה ממטה אל מטה אחר כי אישׁ בנחלתו ידבקו מטות בני ישׂראל | |
| 10 | MTכאשׁר צוה יהוה את משׁה כן עשׂו בנות צלפחד |
| SPכאשׁר צוה יהוה את משׁה כן עשׂו בנות צלפחד | |
| 11 | MTותהיינה מחלה תרצה וחגלה ומלכה ונעה בנות צלפחד לבני דדיהן לנשׁים |
| SPותהיינה מחלה ונעה חגלה מלכה ותרצה בנות צלפחד לבני דדיהן לנשׁים | |
| 12 | MTממשׁפחת בני מנשׁה בן יוסף היו לנשׁים ותהי נחלתן על מטה משׁפחת אביהן |
| SPממשׁפחות בני מנשׁה בן יוסף היו לנשׁים ותהי נחלתן על מטה משׁפחת אביהן | |
| 13 | MTאלה המצות והמשׁפטים אשׁר צוה יהוה ביד משׁה אל בני ישׂראל בערבת מואב על ירדן ירחו |
| SPאלה המצות והמשׁפטים אשׁר צוה יהוה ביד משׁה אל בני ישׂראל בערבת מואב על ירדן יריחו |