| 1 | MTוידבר יהוה אל משׁה בערבת מואב על ירדן ירחו לאמר |
| SPוידבר יהוה אל משׁה בערבת מואב על ירדן יריחו לאמר | |
| 2 | MTצו את בני ישׂראל ונתנו ללוים מנחלת אחזתם ערים לשׁבת ומגרשׁ לערים סביבתיהם תתנו ללוים |
| SPצוי את בני ישׂראל ונתנו ללוים מנחלת אחזתם ערים לשׁבת ומגרשׁ לערים סביבתיהם תתנו ללוים | |
| 3 | MTוהיו הערים להם לשׁבת ומגרשׁיהם יהיו לבהמתם ולרכשׁם ולכל חיתם |
| SPוהיו הערים להם לשׁבת ומגרשׁיהן יהיו לבהמתם ולרכושׁם ולכל חיתם | |
| 4 | MTומגרשׁי הערים אשׁר תתנו ללוים מקיר העיר וחוצה אלף אמה סביב |
| SPומגרשׁי הערים אשׁר תתנו ללוים מקיר העיר החוצה אלף אמה סביב | |
| 5 | MTומדתם מחוץ לעיר את פאת קדמה אלפים באמה ואת פאת נגב אלפים באמה ואת פאת ים אלפים באמה ואת פאת צפון אלפים באמה והעיר בתוך זה יהיה להם מגרשׁי הערים |
| SPומדתם מחוץ לעיר את פאת קדמה אלפים באמה ואת פאת נגבה אלפים באמה ואת פאת ימה אלפים באמה ואת פאת צפונה אלפים באמה והעיר בתוך זה יהיה לכם מגרשׁי הערים | |
| 6 | MTואת הערים אשׁר תתנו ללוים את שׁשׁ ערי המקלט אשׁר תתנו לנס שׁמה הרצח ועליהם תתנו ארבעים ושׁתים עיר |
| SPואת הערים אשׁר תתנו ללוים את שׁשׁ ערי המקלט אשׁר תתנו לנוס שׁם הרצח ועליהן תתנו ארבעים ושׁתים עיר | |
| 7 | MTכל הערים אשׁר תתנו ללוים ארבעים ושׁמנה עיר אתהן ואת מגרשׁיהן |
| SPכל הערים אשׁר תתנו ללוים ארבעים ושׁמנה עיר אתהן ואת מגרשׁיהן | |
| 8 | MTוהערים אשׁר תתנו מאחזת בני ישׂראל מאת הרב תרבו ומאת המעט תמעיטו אישׁ כפי נחלתו אשׁר ינחלו יתן מעריו ללוים |
| SPוהערים אשׁר תתנו מאחזת בני ישׂראל מאת הרב תרבו ומאת המעט תמעיטו אישׁ כפי נחלתו אשׁר ינחל יתן מעריו ללוים | |
| 9 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 10 | MTדבר אל בני ישׂראל ואמרת אלהם כי אתם עברים את הירדן ארצה כנען |
| SPדבר אל בני ישׂראל ואמרת אליהם כי אתם עברים את הירדן אל ארץ כנען | |
| 11 | MTוהקריתם לכם ערים ערי מקלט תהיינה לכם ונס שׁמה רצח מכה נפשׁ בשׁגגה |
| SPוהקריתם לכם ערים ערי מקלט תהיינה לכם ונס שׁמה הרצח מכה נפשׁ בשׁגגה | |
| 12 | MTוהיו לכם הערים למקלט מגאל ולא ימות הרצח עד עמדו לפני העדה למשׁפט |
| SPוהיו לכם הערים למקלט מגאל ולא יומת הרצח עד עמדו לפני העדה למשׁפט | |
| 13 | MTוהערים אשׁר תתנו שׁשׁ ערי מקלט תהיינה לכם |
| SPוהערים אשׁר תתנו שׁשׁ ערי מקלט תהינה לכם | |
| 14 | MTאת שׁלשׁ הערים תתנו מעבר לירדן ואת שׁלשׁ הערים תתנו בארץ כנען ערי מקלט תהיינה |
| SPאת שׁלשׁ הערים תתנו מעבר לירדן ואת שׁלשׁ הערים תתנו בארץ כנען ערי מקלט תהינה לבני ישׂראל | |
| 15 | MTלבני ישׂראל ולגר ולתושׁב בתוכם תהיינה שׁשׁ הערים האלה למקלט לנוס שׁמה כל מכה נפשׁ בשׁגגה |
| SPולגר ולתושׁב בתוכם תהיינה שׁשׁ הערים האלה למקלט לנוס שׁמה כל מכה נפשׁ בשׁגגה | |
| 16 | MTואם בכלי ברזל הכהו וימת רצח הוא מות יומת הרצח |
| SPואם בכלי ברזל הכהו וימת רצח הוא מות יומת הרצח | |
| 17 | MTואם באבן יד אשׁר ימות בה הכהו וימת רצח הוא מות יומת הרצח |
| SPואם באבן יד אשׁר ימות בה הכהו וימת רצח הוא מות יומת הרצח | |
| 18 | MTאו בכלי עץ יד אשׁר ימות בו הכהו וימת רצח הוא מות יומת הרצח |
| SPואם בכלי עץ יד אשׁר ימות בו הכהו וימת רצח הוא מות יומת הרצח | |
| 19 | MTגאל הדם הוא ימית את הרצח בפגעו בו הוא ימיתנו |
| SPגאל הדם הוא ימית את הרצח בפגעו בו הוא ימיתנו | |
| 20 | MTואם בשׂנאה יהדפנו או השׁליך עליו בצדיה וימת |
| SPואם בשׂנאה יחדיפנו או השׁליך עליו בצדיה וימת | |
| 21 | MTאו באיבה הכהו בידו וימת מות יומת המכה רצח הוא גאל הדם ימית את הרצח בפגעו בו |
| SPאו באיבה הכהו בידו וימת מות יומת המכה רצח הוא גאל הדם ימית את הרצח בפגעו בו | |
| 22 | MTואם בפתע בלא איבה הדפו או השׁליך עליו כל כלי בלא צדיה |
| SPואם בפתע בלא איבה הדיפו או השׁליך עליו כל כלי בלא צדיה | |
| 23 | MTאו בכל אבן אשׁר ימות בה בלא ראות ויפל עליו וימת והוא לא אויב לו ולא מבקשׁ רעתו |
| SPאו בכל אבן אשׁר ימות בה בלא ראות ויפל עליו וימת והוא לא אויב לו ולא מבקשׁ רעתו | |
| 24 | MTושׁפטו העדה בין המכה ובין גאל הדם על המשׁפטים האלה |
| SPושׁפטו העדה בין המכה ובין גאל הדם על המשׁפטים האלה | |
| 25 | MTוהצילו העדה את הרצח מיד גאל הדם והשׁיבו אתו העדה אל עיר מקלטו אשׁר נס שׁמה וישׁב בה עד מות הכהן הגדל אשׁר משׁח אתו בשׁמן הקדשׁ |
| SPוהצילו העדה את המכה מיד גאל הדם והשׁיבו אתו העדה אל עיר מקלטו אשׁר נס שׁמה וישׁב בה עד מות הכהן הגדול אשׁר משׁח אתו בשׁמן הקדשׁ | |
| 26 | MTואם יצא יצא הרצח את גבול עיר מקלטו אשׁר ינוס שׁמה |
| SPואם יצא יצא הרצח את גבול עיר מקלטו אשׁר ינוס שׁמה | |
| 27 | MTומצא אתו גאל הדם מחוץ לגבול עיר מקלטו ורצח גאל הדם את הרצח אין לו דם |
| SPומצא אתו גאל הדם מחוץ לגבול עיר מקלטו ורצח גאל הדם את הרצח אין לו דם | |
| 28 | MTכי בעיר מקלטו ישׁב עד מות הכהן הגדל ואחרי מות הכהן הגדל ישׁוב הרצח אל ארץ אחזתו |
| SPכי בעיר מקלטו ישׁב עד מות הכהן הגדול ואחרי מות הכהן הגדול ישׁוב הרצח אל ארץ אחזתו | |
| 29 | MTוהיו אלה לכם לחקת משׁפט לדרתיכם בכל מושׁבתיכם |
| SPוהיו אלה לכם לחקת משׁפט לדרתיכם בכל מושׁבתיכם | |
| 30 | MTכל מכה נפשׁ לפי עדים ירצח את הרצח ועד אחד לא יענה בנפשׁ למות |
| SPכל מכה נפשׁ לפי עדים ירצח את הרצח ועד אחד לא יענה בנפשׁ למות | |
| 31 | MTולא תקחו כפר לנפשׁ רצח אשׁר הוא רשׁע למות כי מות יומת |
| SPולא תקחו כפר לנפשׁ רצח אשׁר הוא רשׁע למות כי מות יומת | |
| 32 | MTולא תקחו כפר לנוס אל עיר מקלטו לשׁוב לשׁבת בארץ עד מות הכהן |
| SPולא תקחו כפר לנוס אל עיר מקלטו לשׁוב לשׁבת בארץ עד מות הכהן הגדול | |
| 33 | MTולא תחניפו את הארץ אשׁר אתם בה כי הדם הוא יחניף את הארץ ולארץ לא יכפר לדם אשׁר שׁפך בה כי אם בדם שׁפכו |
| SPולא תחניפו את הארץ אשׁר אתם ישׁבים בה כי הדם הוא יחניף את הארץ ולארץ לא יכפר לדם אשׁר שׁפך בה כי אם בדם שׁפכו | |
| 34 | MTולא תטמא את הארץ אשׁר אתם ישׁבים בה אשׁר אני שׁכן בתוכה כי אני יהוה שׁכן בתוך בני ישׂראל |
| SPולא תטמאו את הארץ אשׁר אתם ישׁבים בה אשׁר אני שׁכן בתוכה כי אני יהוה שׁכן בתוך בני ישׂראל |