| 1 | MTאלה הדברים אשׁר דבר משׁה אל כל ישׂראל בעבר הירדן במדבר בערבה מול סוף בין פארן ובין תפל ולבן וחצרת ודי זהב |
| SPאלה הדברים אשׁר דבר משׁה אל כל ישׂראל בעבר הירדן במדבר בערבה מול סוף בין פראן ובין תפל ולבן וחצרות ודי זהב | |
| 2 | MTאחד עשׂר יום מחרב דרך הר שׂעיר עד קדשׁ ברנע |
| SPאחד עשׂר יום מחורב דרך הר שׂעיר עד קדשׁ ברנע | |
| 3 | MTויהי בארבעים שׁנה בעשׁתי עשׂר חדשׁ באחד לחדשׁ דבר משׁה אל בני ישׂראל ככל אשׁר צוה יהוה אתו אלהם |
| SPויהי בארבעים שׁנה בעשׁתי עשׂר חדשׁ באחד לחדשׁ דבר משׁה אל בני ישׂראל ככל אשׁר צוה יהוה אתו אליהם | |
| 4 | MTאחרי הכתו את סיחן מלך האמרי אשׁר יושׁב בחשׁבון ואת עוג מלך הבשׁן אשׁר יושׁב בעשׁתרת באדרעי |
| SPאחרי הכותו את סיחון מלך האמרי אשׁר ישׁב בחשׁבון ואת עוג מלך הבשׁן אשׁר ישׁב בעשׁתרות באדרעי | |
| 5 | MTבעבר הירדן בארץ מואב הואיל משׁה באר את התורה הזאת לאמר |
| SPבעבר הירדן בארץ מואב הואל משׁה באר את התורה הזאת לאמר | |
| 6 | MTיהוה אלהינו דבר אלינו בחרב לאמר רב לכם שׁבת בהר הזה |
| SPיהוה אלהינו דבר אלינו בחורב לאמר רב לכם שׁבת בהר הזה | |
| 7 | MTפנו וסעו לכם ובאו הר האמרי ואל כל שׁכניו בערבה בהר ובשׁפלה ובנגב ובחוף הים ארץ הכנעני והלבנון עד הנהר הגדל נהר פרת |
| SPפנו וסעו לכם ובאו הר האמרי ואל כל שׁכינו בערבה בהר ובשׁפלה בנגב ובחוף הים ארץ הכנעני והלבנון עד הנהר הגדול נהר פרת | |
| 8 | MTראה נתתי לפניכם את הארץ באו ורשׁו את הארץ אשׁר נשׁבע יהוה לאבתיכם לאברהם ליצחק וליעקב לתת להם ולזרעם אחריהם |
| SPראו נתתי לפניכם את הארץ באו ורשׁו את הארץ אשׁר נשׁבעתי לאבתיכם לאברהם ליצחק וליעקב לתת לזרעם אחריהם | |
| 9 | MTואמר אלכם בעת ההוא לאמר לא אוכל לבדי שׂאת אתכם |
| SPואמר אליכם בעת ההיא לאמר לא אוכל לבדי שׂאת אתכם | |
| 10 | MTיהוה אלהיכם הרבה אתכם והנכם היום ככוכבי השׁמים לרב |
| SPיהוה אלהיכם הרבה אתכם והנכם היום ככוכבי השׁמים לרב | |
| 11 | MTיהוה אלהי אבותכם יסף עליכם ככם אלף פעמים ויברך אתכם כאשׁר דבר לכם |
| SPיהוה אלהי אבתיכם יסף עליכם ככם אלף פעמים ויברך אתכם כאשׁר דבר לכם | |
| 12 | MTאיכה אשׂא לבדי טרחכם ומשׂאכם וריבכם |
| SPאיכה אשׂא לבדי טרחכם משׂאכם וריבכם | |
| 13 | MTהבו לכם אנשׁים חכמים ונבנים וידעים לשׁבטיכם ואשׂימם בראשׁיכם |
| SPהבו לכם אנשׁים חכמים ונבונים וידעים לשׁבטיכם ואשׂימם בראשׁיכם | |
| 14 | MTותענו אתי ותאמרו טוב הדבר אשׁר דברת לעשׂות |
| SPותענו אתי ותאמרו טוב הדבר אשׁר דברת לעשׂות | |
| 15 | MTואקח את ראשׁי שׁבטיכם אנשׁים חכמים וידעים ואתן אתם ראשׁים עליכם שׂרי אלפים ושׂרי מאות ושׂרי חמשׁים ושׂרי עשׂרת ושׁטרים לשׁבטיכם |
| SPואקח את ראשׁי שׁבטיכם אנשׁים חכמים וידעים ואתן אתם ראשׁים עליכם שׂרי אלפים ושׂרי מאות שׂרי חמשׁים ושׂרי עשׂרות ושׁטרים לשׁבטיכם | |
| 16 | MTואצוה את שׁפטיכם בעת ההוא לאמר שׁמע בין אחיכם ושׁפטתם צדק בין אישׁ ובין אחיו ובין גרו |
| SPואצוה את שׁפטיכם בעת ההיא לאמר שׁמעו בין אחיכם ושׁפטתם צדק בין אישׁ ובין אחיו ובין גרו | |
| 17 | MTלא תכירו פנים במשׁפט כקטן כגדל תשׁמעון לא תגורו מפני אישׁ כי המשׁפט לאלהים הוא והדבר אשׁר יקשׁה מכם תקרבון אלי ושׁמעתיו |
| SPלא תכירו פנים במשׁפט כקטן כגדול תשׁמעון לא תגורו מפני אישׁ כי המשׁפט לאלהים הוא והדבר אשׁר יקשׁה מכם תקריבון אלי ושׁמעתיו | |
| 18 | MTואצוה אתכם בעת ההוא את כל הדברים אשׁר תעשׂון |
| SPואצוה אתכם בעת ההיא את כל הדברים אשׁר תעשׂון | |
| 19 | MTונסע מחרב ונלך את כל המדבר הגדול והנורא ההוא אשׁר ראיתם דרך הר האמרי כאשׁר צוה יהוה אלהינו אתנו ונבא עד קדשׁ ברנע |
| SPונסעה מחורב ונלכה את כל המדבר הגדול והנורא ההוא אשׁר ראיתם דרך הר האמרי כאשׁר צוה יהוה אלהינו אתנו ונבוא עד קדשׁ ברנע | |
| 20 | MTואמר אלכם באתם עד הר האמרי אשׁר יהוה אלהינו נתן לנו |
| SPואמר אליכם באתם עד הר האמרי אשׁר יהוה אלהינו נתן לנו | |
| 21 | MTראה נתן יהוה אלהיך לפניך את הארץ עלה רשׁ כאשׁר דבר יהוה אלהי אבתיך לך אל תירא ואל תחת |
| SPראה נתן יהוה אלהיך לפניך את הארץ עלה רשׁ כאשׁר דבר יהוה אלהי אבתיך לך אל תירא ואל תחת | |
| 22 | MTותקרבון אלי כלכם ותאמרו נשׁלחה אנשׁים לפנינו ויחפרו לנו את הארץ וישׁבו אתנו דבר את הדרך אשׁר נעלה בה ואת הערים אשׁר נבא אליהן |
| SPותקרבון אלי כלכם ותאמרו נשׁלחה אנשׁים לפנינו ויחפדו לנו את הארץ וישׁיבו אתנו דבר את הדרך אשׁר נעלה בה ואת הערים אשׁר נבוא עליהן | |
| 23 | MTוייטב בעיני הדבר ואקח מכם שׁנים עשׂר אנשׁים אישׁ אחד לשׁבט |
| SPוייטב בעיני הדבר ואקח מכם שׁנים עשׂר אנשׁים אישׁ אחד לשׁבט | |
| 24 | MTויפנו ויעלו ההרה ויבאו עד נחל אשׁכל וירגלו אתה |
| SPויפנו ויעלו ההרה ויבאו עד נחל אשׁכול וירגלו אתה | |
| 25 | MTויקחו בידם מפרי הארץ ויורדו אלינו וישׁבו אתנו דבר ויאמרו טובה הארץ אשׁר יהוה אלהינו נתן לנו |
| SPויקחו בידם מפרי הארץ ויורידו אלינו וישׁיבו אתנו דבר ויאמרו טובה הארץ אשׁר יהוה אלהינו נתן לנו | |
| 26 | MTולא אביתם לעלת ותמרו את פי יהוה אלהיכם |
| SPולא אביתם לעלות ותמרו את פי יהוה אלהיכם | |
| 27 | MTותרגנו באהליכם ותאמרו בשׂנאת יהוה אתנו הוציאנו מארץ מצרים לתת אתנו ביד האמרי להשׁמידנו |
| SPותרגנו באהליכם ותאמרו בשׂנאת יהוה אתנו הוציאנו מארץ מצרים לתת אתנו ביד האמרי להשׁמידנו | |
| 28 | MTאנה אנחנו עלים אחינו המסו את לבבנו לאמר עם גדול ורם ממנו ערים גדלת ובצורת בשׁמים וגם בני ענקים ראינו שׁם |
| SPאנה אנחנו עלים ואחינו המיסו את לבבנו לאמר עם גדול ורב ממנו ערים גדלות ובצרות בשׁמים וגם בני ענקים ראינו שׁם | |
| 29 | MTואמר אלכם לא תערצון ולא תיראון מהם |
| SPואמר אליכם לא תערצון ולא תיראון מהם | |
| 30 | MTיהוה אלהיכם ההלך לפניכם הוא ילחם לכם ככל אשׁר עשׂה אתכם במצרים לעיניכם |
| SPיהוה אלהיכם ההלך לפניכם הוא ילחם לכם ככל אשׁר עשׂה אתכם במצרים לעיניכם | |
| 31 | MTובמדבר אשׁר ראית אשׁר נשׂאך יהוה אלהיך כאשׁר ישׂא אישׁ את בנו בכל הדרך אשׁר הלכתם עד באכם עד המקום הזה |
| SPובמדבר אשׁר ראית אשׁר נשׂאך יהוה אלהיך כאשׁר ישׂא אישׁ את בנו בכל הדרך אשׁר הלכתם עד באכם עד המקום הזה | |
| 32 | MTובדבר הזה אינכם מאמינם ביהוה אלהיכם |
| SPובדבר הזה אינכם מאמנים ביהוה אלהיכם | |
| 33 | MTההלך לפניכם בדרך לתור לכם מקום לחנתכם באשׁ לילה לראתכם בדרך אשׁר תלכו בה ובענן יומם |
| SPההלך לפניכם בדרך לתור לכם מקום להחנותכם באשׁ לילה להראותכם בדרך אשׁר תלכו בה ובענן יומם | |
| 34 | MTוישׁמע יהוה את קול דבריכם ויקצף וישׁבע לאמר |
| SPוישׁמע יהוה את קול דבריכם ויקצף וישׁבע לאמר | |
| 35 | MTאם יראה אישׁ באנשׁים האלה הדור הרע הזה את הארץ הטובה אשׁר נשׁבעתי לתת לאבתיכם |
| SPאם יראה אישׁ באנשׁים האלה הדור הרע הזה את הארץ הטובה אשׁר נשׁבעתי לאבתיכם | |
| 36 | MTזולתי כלב בן יפנה הוא יראנה ולו אתן את הארץ אשׁר דרך בה ולבניו יען אשׁר מלא אחרי יהוה |
| SPזולתי כלב בן יפנה הוא יראנה ולו אתן את הארץ אשׁר דרך בה ולבניו יען כי מלא אחרי יהוה | |
| 37 | MTגם בי התאנף יהוה בגללכם לאמר גם אתה לא תבא שׁם |
| SPגם בי התאנף יהוה בגללכם לאמר גם אתה לא תבוא שׁמה | |
| 38 | MTיהושׁע בן נון העמד לפניך הוא יבא שׁמה אתו חזק כי הוא ינחלנה את ישׂראל |
| SPיהושׁע בן נון העמד לפניך הוא יבוא שׁמה אתו אחזיק כי הוא ינחלנה את ישׂראל | |
| 39 | MTוטפכם אשׁר אמרתם לבז יהיה ובניכם אשׁר לא ידעו היום טוב ורע המה יבאו שׁמה ולהם אתננה והם יירשׁוה |
| SPוטפכם אשׁר אמרתם לבוז יהיה ובניכם הם יבאו שׁם ולהם אתננה והם יירשׁוה | |
| 40 | MTואתם פנו לכם וסעו המדברה דרך ים סוף |
| SPואתם פנו וסעו לכם המדברה דרך ים סוף | |
| 41 | MTותענו ותאמרו אלי חטאנו ליהוה אנחנו נעלה ונלחמנו ככל אשׁר צונו יהוה אלהינו ותחגרו אישׁ את כלי מלחמתו ותהינו לעלת ההרה |
| SPותענו ותאמרו אלי חטאנו ליהוה אלהינו אנחנו נעלה ונלחמנו ככל אשׁר צונו יהוה אלהינו ותחגרו אישׁ את כלי מלחמתו ותהיינו לעלות ההרה | |
| 42 | MTויאמר יהוה אלי אמר להם לא תעלו ולא תלחמו כי אינני בקרבכם ולא תנגפו לפני איביכם |
| SPויאמר יהוה אלי אמר להם לא תעלו ולא תלחמו כי אינני בקרבכם ולא תנגפו לפני איביכם | |
| 43 | MTואדבר אליכם ולא שׁמעתם ותמרו את פי יהוה ותזדו ותעלו ההרה |
| SPואדברה אליכם ולא שׁמעתם ותמרו את פי יהוה אלהיכם ותזידו ותעלו ההרה | |
| 44 | MTויצא האמרי הישׁב בהר ההוא לקראתכם וירדפו אתכם כאשׁר תעשׂינה הדברים ויכתו אתכם בשׂעיר עד חרמה |
| SPויצא העמלקי והכנעני הישׁב בהר ההוא לקראתכם וירדפו אתכם כאשׁר תעשׂינה הדברים ויכתו אתכם בשׂעיר עד חרמה | |
| 45 | MTותשׁבו ותבכו לפני יהוה ולא שׁמע יהוה בקלכם ולא האזין אליכם |
| SPותשׁבו ותבכו לפני יהוה ולא שׁמע יהוה בקולכם ולא האזין אליכם | |
| 46 | MTותשׁבו בקדשׁ ימים רבים כימים אשׁר ישׁבתם |
| SPותשׁבו בקדשׁ ימים רבים כימים אשׁר ישׁבתם |