| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTצו את בני ישׂראל ואמרת אלהם כי אתם באים אל הארץ כנען זאת הארץ אשׁר תפל לכם בנחלה ארץ כנען לגבלתיה |
| SPצוי את בני ישׂראל ואמרת אליהם כי אתם באים אל ארץ כנען זאת הארץ אשׁר תפל לכם בנחלה ארץ כנען לגבולתיה | |
| 3 | MTוהיה לכם פאת נגב ממדבר צן על ידי אדום והיה לכם גבול נגב מקצה ים המלח קדמה |
| SPוהיה לכם פאת נגבה ממדבר צן על ידי אדום והיה לכם גבול נגבה מקצה ים המלח קדמה | |
| 4 | MTונסב לכם הגבול מנגב למעלה עקרבים ועבר צנה והיה תוצאתיו מנגב לקדשׁ ברנע ויצא חצר אדר ועבר עצמנה |
| SPונסב לכם הגבול מנגב למעלה עקרבים ועבר צנה והיה תוצאיתו מנגב לקדשׁ ברנע ויצא חצר אדר ועבר עצמונה | |
| 5 | MTונסב הגבול מעצמון נחלה מצרים והיו תוצאתיו הימה |
| SPונסב הגבול מעצמונה נחל מצרים והיה תוצאיתו הים | |
| 6 | MTוגבול ים והיה לכם הים הגדול וגבול זה יהיה לכם גבול ים |
| SPוגבול ימה יהיה לכם הים הגדול יגבל זה יהיה לכם גבול ימה | |
| 7 | MTוזה יהיה לכם גבול צפון מן הים הגדל תתאו לכם הר ההר |
| SPוזה יהיה לכם גבול צפונה מן הים הגדול תתאו לכם הר ההר | |
| 8 | MTמהר ההר תתאו לבא חמת והיו תוצאת הגבל צדדה |
| SPומהר ההר תתאו לבוא חמתה והיה תוצאיתו הגבול צרדה | |
| 9 | MTויצא הגבל זפרנה והיו תוצאתיו חצר עינן זה יהיה לכם גבול צפון |
| SPויצא הגבול זפרנה והיה תוצאיתו חצר עינן זה יהיה לכם גבול צפונה | |
| 10 | MTוהתאויתם לכם לגבול קדמה מחצר עינן שׁפמה |
| SPוהתאויתם לכם לגבול קדמה מחצר עינן שׁפמה | |
| 11 | MTוירד הגבל משׁפם הרבלה מקדם לעין וירד הגבול ומחה על כתף ים כנרת קדמה |
| SPוירד הגבול משׁפמה הארבלה מקדם לעין וירד הגבול ומחה אל כתף ים כנרת קדמה | |
| 12 | MTוירד הגבול הירדנה והיו תוצאתיו ים המלח זאת תהיה לכם הארץ לגבלתיה סביב |
| SPוירד הגבול הירדנה והיה תוצאיתו ים המלח זאת תהיה לכם הארץ לגבולתיה סביב | |
| 13 | MTויצו משׁה את בני ישׂראל לאמר זאת הארץ אשׁר תתנחלו אתה בגורל אשׁר צוה יהוה לתת לתשׁעת המטות וחצי המטה |
| SPויצו משׁה את בני ישׂראל לאמר זאת הארץ אשׁר תתנחלו אתה בגורל אשׁר צוה יהוה לתת לתשׁעת המטות וחצי המטה | |
| 14 | MTכי לקחו מטה בני הראובני לבית אבתם ומטה בני הגדי לבית אבתם וחצי מטה מנשׁה לקחו נחלתם |
| SPכי לקחו מטה בני הראובני לבית אבותם ומטה בני הגדי לבית אבותם וחצי מטה מנשׁה לקחו נחלתם | |
| 15 | MTשׁני המטות וחצי המטה לקחו נחלתם מעבר לירדן ירחו קדמה מזרחה |
| SPשׁני המטות וחצי המטה לקחו נחלתם מעבר לירדן יריחו קדמה מזרחה | |
| 16 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 17 | MTאלה שׁמות האנשׁים אשׁר ינחלו לכם את הארץ אלעזר הכהן ויהושׁע בן נון |
| SPאלה שׁמות האנשׁים אשׁר ינחלו לכם את הארץ אלעזר הכהן ויהושׁע בן נון | |
| 18 | MTונשׂיא אחד נשׂיא אחד ממטה תקחו לנחל את הארץ |
| SPונשׂיא אחד נשׂיא אחד ממטה תקחו לנחל את הארץ | |
| 19 | MTואלה שׁמות האנשׁים למטה יהודה כלב בן יפנה |
| SPואלה שׁמות האנשׁים למטה יהודה כלב בן יפנה | |
| 20 | MTולמטה בני שׁמעון שׁמואל בן עמיהוד |
| SPלמטה בני שׁמעון שׁמואל בן עמיהוד | |
| 21 | MTלמטה בנימן אלידד בן כסלון |
| SPלמטה בנימים אלדד בן כסלן | |
| 22 | MTולמטה בני דן נשׂיא בקי בן יגלי |
| SPלמטה בני דן נשׂיא בקי בן יגלי | |
| 23 | MTלבני יוסף למטה בני מנשׁה נשׂיא חניאל בן אפד |
| SPלבני יוסף למטה בני מנשׁה נשׂיא חנאל בן אפוד | |
| 24 | MTולמטה בני אפרים נשׂיא קמואל בן שׁפטן |
| SPולמטה בני אפרים נשׂיא קמואל בן שׁפטן | |
| 25 | MTולמטה בני זבולן נשׂיא אליצפן בן פרנך |
| SPולמטה בני זבולן נשׂיא אליצפן בן פרנך | |
| 26 | MTולמטה בני ישׂשׂכר נשׂיא פלטיאל בן עזן |
| SPולמטה בני ישׂשׂכר נשׂיא פלטאל בן עזן | |
| 27 | MTולמטה בני אשׁר נשׂיא אחיהוד בן שׁלמי |
| SPולמטה בני אשׁר נשׂיא אחיוד בן שׁלמי | |
| 28 | MTולמטה בני נפתלי נשׂיא פדהאל בן עמיהוד |
| SPולמטה בני נפתלי נשׂיא פדהאל בן עמיהוד | |
| 29 | MTאלה אשׁר צוה יהוה לנחל את בני ישׂראל בארץ כנען |
| SPאלה אשׁר צוה יהוה לנחל את בני ישׂראל בארץ כנען |