| 1 | MTאלה מסעי בני ישׂראל אשׁר יצאו מארץ מצרים לצבאתם ביד משׁה ואהרן |
| SPאלה מסעי בני ישׂראל אשׁר יצאו מארץ מצרים לצבאתם ביד משׁה ואהרן | |
| 2 | MTויכתב משׁה את מוצאיהם למסעיהם על פי יהוה ואלה מסעיהם למוצאיהם |
| SPויכתב משׁה את מוצאיהם למסעיהם על פי יהוה ואלה מסעיהם למוצאיהם | |
| 3 | MTויסעו מרעמסס בחדשׁ הראשׁון בחמשׁה עשׂר יום לחדשׁ הראשׁון ממחרת הפסח יצאו בני ישׂראל ביד רמה לעיני כל מצרים |
| SPויסעו מרעמסס בחדשׁ הראישׁון בחמשׁה עשׂר יום לחדשׁ הראישׁון ממחרת הפסח יצאו בני ישׂראל ביד רמה לעיני כל מצרים | |
| 4 | MTומצרים מקברים את אשׁר הכה יהוה בהם כל בכור ובאלהיהם עשׂה יהוה שׁפטים |
| SPומצרים מקברים את אשׁר הכה יהוה בהם כל בכור ובאלהיהם עשׂה יהוה שׁפטים | |
| 5 | MTויסעו בני ישׂראל מרעמסס ויחנו בסכת |
| SPויסעו בני ישׂראל מרעמסס ויחנו בסכות | |
| 6 | MTויסעו מסכת ויחנו באתם אשׁר בקצה המדבר |
| SPויסעו מסכות ויחנו באתם אשׁר בקצה המדבר | |
| 7 | MTויסעו מאתם וישׁב על פי החירת אשׁר על פני בעל צפון ויחנו לפני מגדל |
| SPויסעו מאתם וישׁבו על פי החירת אשׁר לפני בעל צפון ויחנו לפני מגדול | |
| 8 | MTויסעו מפני החירת ויעברו בתוך הים המדברה וילכו דרך שׁלשׁת ימים במדבר אתם ויחנו במרה |
| SPויסעו מפי החירת ויעברו בתוך הים המדברה וילכו דרך שׁלשׁת ימים במדבר אתם ויחנו במרה | |
| 9 | MTויסעו ממרה ויבאו אילמה ובאילם שׁתים עשׂרה עינת מים ושׁבעים תמרים ויחנו שׁם |
| SPויסעו ממרה ויבאו אילים ובאילים שׁתים עשׂרה עינות מים ושׁבעים תמרים ויחנו שׁם | |
| 10 | MTויסעו מאילם ויחנו על ים סוף |
| SPויסעו מאילים ויחנו על ים סוף | |
| 11 | MTויסעו מים סוף ויחנו במדבר סין |
| SPויסעו מים סוף ויחנו במדבר סין | |
| 12 | MTויסעו ממדבר סין ויחנו בדפקה |
| SPויסעו ממדבר סין ויחנו בדפקה | |
| 13 | MTויסעו מדפקה ויחנו באלושׁ |
| SPויסעו מדפקה ויחנו באלישׁ | |
| 14 | MTויסעו מאלושׁ ויחנו ברפידם ולא היה שׁם מים לעם לשׁתות |
| SPויסעו מאלישׁ ויחנו ברפידים ולא היה שׁם מים לעם לשׁתות | |
| 15 | MTויסעו מרפידם ויחנו במדבר סיני |
| SPויסעו מרפידים ויחנו במדבר סיני | |
| 16 | MTויסעו ממדבר סיני ויחנו בקברת התאוה |
| SPויסעו ממדבר סיני ויחנו בקברות התאוה | |
| 17 | MTויסעו מקברת התאוה ויחנו בחצרת |
| SPויסעו מקברות התאוה ויחנו בחצרות | |
| 18 | MTויסעו מחצרת ויחנו ברתמה |
| SPויסעו מחצרות ויחנו ברתמה | |
| 19 | MTויסעו מרתמה ויחנו ברמן פרץ |
| SPויסעו מרתמה ויחנו ברמונ פרץ | |
| 20 | MTויסעו מרמן פרץ ויחנו בלבנה |
| SPויסעו מרמונ פרץ ויחנו בלבונה | |
| 21 | MTויסעו מלבנה ויחנו ברסה |
| SPויסעו מלבונה ויחנו ברסה | |
| 22 | MTויסעו מרסה ויחנו בקהלתה |
| SPויסעו מרסה ויחנו בקהלתה | |
| 23 | MTויסעו מקהלתה ויחנו בהר שׁפר |
| SPויסעו מקהלתה ויחנו בהר שׁפר | |
| 24 | MTויסעו מהר שׁפר ויחנו בחרדה |
| SPויסעו מהר שׁפר ויחנו בחרדה | |
| 25 | MTויסעו מחרדה ויחנו במקהלת |
| SPויסעו מחרדה ויחנו במקהלת | |
| 26 | MTויסעו ממקהלת ויחנו בתחת |
| SPויסעו ממקהלת ויחנו בתחת | |
| 27 | MTויסעו מתחת ויחנו בתרח |
| SPויסעו מתחת ויחנו בתרח | |
| 28 | MTויסעו מתרח ויחנו במתקה |
| SPויסעו מתרח ויחנו במתקה | |
| 29 | MTויסעו ממתקה ויחנו בחשׁמנה |
| SPויסעו ממתקה ויחנו בחשׁמונה | |
| 30 | MTויסעו מחשׁמנה ויחנו במסרות |
| SPויסעו מחשׁמונה ויחנו במסרות | |
| 31 | MTויסעו ממסרות ויחנו בבני יעקן |
| SPויסעו ממסרות ויחנו בבני יעקן | |
| 32 | MTויסעו מבני יעקן ויחנו בחר הגדגד |
| SPויסעו מבני יעקן ויחנו בהר הגדגדה | |
| 33 | MTויסעו מחר הגדגד ויחנו ביטבתה |
| SPויסעו מהר הגדגדה ויחנו ביטבתה | |
| 34 | MTויסעו מיטבתה ויחנו בעברנה |
| SPויסעו מיטבתה ויחנו בעברנה | |
| 35 | MTויסעו מעברנה ויחנו בעציון גבר |
| SPויסעו מעברנה ויחנו בעציונ גבר | |
| 36 | MTויסעו מעציון גבר ויחנו במדבר צן הוא קדשׁ |
| SPויסעו מעציונ גבר ויחנו במדבר צן היא קדשׁ | |
| 37 | MTויסעו מקדשׁ ויחנו בהר ההר בקצה ארץ אדום |
| SPויסעו מקדשׁ ויחנו בהר ההר בקצה ארץ אדום | |
| 38 | MTויעל אהרן הכהן אל הר ההר על פי יהוה וימת שׁם בשׁנת הארבעים לצאת בני ישׂראל מארץ מצרים בחדשׁ החמישׁי באחד לחדשׁ |
| SPויעל אהרן הכהן אל הר ההר על פי יהוה וימת שׁם בשׁנת הארבעים לצאת בני ישׂראל מארץ מצרים בחדשׁ החמישׁי באחד לחדשׁ | |
| 39 | MTואהרן בן שׁלשׁ ועשׂרים ומאת שׁנה במתו בהר ההר |
| SPואהרן בן שׁלשׁ ועשׂרים ומאת שׁנה במותו בהר ההר | |
| 40 | MTוישׁמע הכנעני מלך ערד והוא ישׁב בנגב בארץ כנען בבא בני ישׂראל |
| SPוישׁמע הכנעני מלך ערד והוא ישׁב בנגב בארץ כנען בבוא בני ישׂראל | |
| 41 | MTויסעו מהר ההר ויחנו בצלמנה |
| SPויסעו מהר ההר ויחנו בצלמונה | |
| 42 | MTויסעו מצלמנה ויחנו בפונן |
| SPויסעו מצלמונה ויחנו בפינן | |
| 43 | MTויסעו מפונן ויחנו באבת |
| SPויסעו מפינן ויחנו באבות | |
| 44 | MTויסעו מאבת ויחנו בעיי העברים בגבול מואב |
| SPויסעו מאבות ויחנו בעיי העברים בגבול מואב | |
| 45 | MTויסעו מעיים ויחנו בדיבן גד |
| SPויסעו מעיים ויחנו בדיבון גד | |
| 46 | MTויסעו מדיבן גד ויחנו בעלמן דבלתימה |
| SPויסעו מדיבון גד ויחנו בעלמונ דבלתימה | |
| 47 | MTויסעו מעלמן דבלתימה ויחנו בהרי העברים לפני נבו |
| SPויסעו מעלמונ דבלתימה ויחנו בהרי העברים לפני נבו | |
| 48 | MTויסעו מהרי העברים ויחנו בערבת מואב על ירדן ירחו |
| SPויסעו מהרי העברים ויחנו בערבת מואב על ירדן יריחו | |
| 49 | MTויחנו על הירדן מבית הישׁמת עד אבל השׁטים בערבת מואב |
| SPויחנו על הירדן מבית הישׁמות עד אבל שׁטים בערבת מואב | |
| 50 | MTוידבר יהוה אל משׁה בערבת מואב על ירדן ירחו לאמר |
| SPוידבר יהוה אל משׁה בערבת מואב על ירדן יריחו לאמר | |
| 51 | MTדבר אל בני ישׂראל ואמרת אלהם כי אתם עברים את הירדן אל ארץ כנען |
| SPדבר אל בני ישׂראל ואמרת אליהם כי אתם עברים את הירדן אל ארץ כנען | |
| 52 | MTוהורשׁתם את כל ישׁבי הארץ מפניכם ואבדתם את כל משׂכיתם ואת כל צלמי מסכתם תאבדו ואת כל במתם תשׁמידו |
| SPוהורשׁתם את כל ישׁבי הארץ מפניכם ואבדתם את כל משׂכיותם ואת כל צלמי מסכותם תאבידו ואת כל במתם תשׁמידו | |
| 53 | MTוהורשׁתם את הארץ וישׁבתם בה כי לכם נתתי את הארץ לרשׁת אתה |
| SPוהורשׁתם את הארץ וישׁבתם בה כי לכם נתתי את הארץ לרשׁת אתה | |
| 54 | MTוהתנחלתם את הארץ בגורל למשׁפחתיכם לרב תרבו את נחלתו ולמעט תמעיט את נחלתו אל אשׁר יצא לו שׁמה הגורל לו יהיה למטות אבתיכם תתנחלו |
| SPוהתנחלתם את הארץ בגורל למשׁפחותיכם לרב תרבה את נחלתו ולמעט תמעיט את נחלתו על אשׁר יצא לו שׁם הגורל לו יהיה למטות אבתיכם תתנחלו | |
| 55 | MTואם לא תורישׁו את ישׁבי הארץ מפניכם והיה אשׁר תותירו מהם לשׂכים בעיניכם ולצנינם בצדיכם וצררו אתכם על הארץ אשׁר אתם ישׁבים בה |
| SPואם לא תורישׁו את ישׁבי הארץ מפניכם והיה אשׁר תותירו מהם לשׂכים בעיניכם ולצנים בצדיכם וצררו אתכם על הארץ אשׁר אתם ישׁבים בה | |
| 56 | MTוהיה כאשׁר דמיתי לעשׂות להם אעשׂה לכם |
| SPוהיה כאשׁר דמיתי לעשׂות להם כן אעשׂה לכם |