| 1 | MTומקנה רב היה לבני ראובן ולבני גד עצום מאד ויראו את ארץ יעזר ואת ארץ גלעד והנה המקום מקום מקנה |
| SPומקנה רב היה לבני ראובן ולבני גד ולחצי שׁבט המנשׁה עצום מאד ויראו את ארץ יעזיר ואת ארץ גלעד והנה המקום מקום מקנה | |
| 2 | MTויבאו בני גד ובני ראובן ויאמרו אל משׁה ואל אלעזר הכהן ואל נשׂיאי העדה לאמר |
| SPויבאו בני גד ובני ראובן וחצי שׁבט המנשׁה ויאמרו אל משׁה ואל אלעזר הכהן ואל נשׂיאי העדה לאמר | |
| 3 | MTעטרות ודיבן ויעזר ונמרה וחשׁבון ואלעלה ושׂבם ונבו ובען |
| SPעטרות ודיבון ויעזיר ונמרה וחשׁבון ואלעלה ושׂבם ונבו ובעון | |
| 4 | MTהארץ אשׁר הכה יהוה לפני עדת ישׂראל ארץ מקנה הוא ולעבדיך מקנה |
| SPהארץ אשׁר הכה יהוה לפני עדת ישׂראל ארץ מקנה היא ולעבדיך מקנה | |
| 5 | MTויאמרו אם מצאנו חן בעיניך יתן את הארץ הזאת לעבדיך לאחזה אל תעברנו את הירדן |
| SPויאמרו אם מצאנו חן בעיניך יתן את הארץ הזאת לעבדיך לאחזה ואל תעבירנו את הירדן | |
| 6 | MTויאמר משׁה לבני גד ולבני ראובן האחיכם יבאו למלחמה ואתם תשׁבו פה |
| SPויאמר משׁה לבני ראובן ולבני גד ולחצי שׁבט המנשׁה האחיכם יבאו למלחמה ואתם תשׁבו פה | |
| 7 | MTולמה תנואון את לב בני ישׂראל מעבר אל הארץ אשׁר נתן להם יהוה |
| SPולמה תניאו את לב בני ישׂראל מעבר אל הארץ אשׁר נתן להם יהוה | |
| 8 | MTכה עשׂו אבתיכם בשׁלחי אתם מקדשׁ ברנע לראות את הארץ |
| SPכה עשׂו אבתיכם בשׁלחי אתם מקדשׁ ברנע לראות את הארץ | |
| 9 | MTויעלו עד נחל אשׁכול ויראו את הארץ ויניאו את לב בני ישׂראל לבלתי בא אל הארץ אשׁר נתן להם יהוה |
| SPויעלו עד נחל אשׁכול ויראו את הארץ ויניאו את לב בני ישׂראל לבלתי בא אל הארץ אשׁר נתן להם יהוה | |
| 10 | MTויחר אף יהוה ביום ההוא וישׁבע לאמר |
| SPויחר אף יהוה ביום ההוא וישׁבע לאמר | |
| 11 | MTאם יראו האנשׁים העלים ממצרים מבן עשׂרים שׁנה ומעלה את האדמה אשׁר נשׁבעתי לאברהם ליצחק וליעקב כי לא מלאו אחרי |
| SPאם יראו האנשׁים העלים ממצרים מבן עשׂרים שׁנה ומעלה את האדמה אשׁר נשׁבעתי לאברהם ליצחק וליעקב כי לא מלאו אחרי | |
| 12 | MTבלתי כלב בן יפנה הקנזי ויהושׁע בן נון כי מלאו אחרי יהוה |
| SPבלתי כלב בן יפנה הקנזי ויהושׁע בן נון כי מלאו אחרי יהוה | |
| 13 | MTויחר אף יהוה בישׂראל וינעם במדבר ארבעים שׁנה עד תם כל הדור העשׂה הרע בעיני יהוה |
| SPויחר אף יהוה בישׂראל וינעם במדבר ארבעים שׁנה עד תם כל הדור העשׂה הרע בעיני יהוה | |
| 14 | MTוהנה קמתם תחת אבתיכם תרבות אנשׁים חטאים לספות עוד על חרון אף יהוה אל ישׂראל |
| SPוהנה קמתם תחת אבתיכם תרבות אנשׁים חטאים לספות עוד על חרון אף יהוה על ישׂראל | |
| 15 | MTכי תשׁובן מאחריו ויסף עוד להניחו במדבר ושׁחתם לכל העם הזה |
| SPכי תשׁובון מאחריו ויסף עוד להניחו במדבר ושׁחתם לכל העם הזה | |
| 16 | MTויגשׁו אליו ויאמרו גדרת צאן נבנה למקננו פה וערים לטפנו |
| SPויגשׁו אליו ויאמרו גדרות צאן נבנה למקנינו פה וערים לטפנו | |
| 17 | MTואנחנו נחלץ חשׁים לפני בני ישׂראל עד אשׁר אם הביאנם אל מקומם וישׁב טפנו בערי המבצר מפני ישׁבי הארץ |
| SPואנחנו נחלץ חשׁים לפני בני ישׂראל עד אשׁר אם הבאנום אל מקומם וישׁב טפנו בערי המבצר מפני ישׁבי הארץ | |
| 18 | MTלא נשׁוב אל בתינו עד התנחל בני ישׂראל אישׁ נחלתו |
| SPלא נשׁוב אל בתינו עד התנחלו בני ישׂראל אישׁ את נחלתו | |
| 19 | MTכי לא ננחל אתם מעבר לירדן והלאה כי באה נחלתנו אלינו מעבר הירדן מזרחה |
| SPכי לא ננחל אתם מעבר לירדן והלאה כי באה נחלתנו אלינו מעבר לירדן מזרחה | |
| 20 | MTויאמר אליהם משׁה אם תעשׂון את הדבר הזה אם תחלצו לפני יהוה למלחמה |
| SPויאמר אליהם משׁה אם תעשׂון את הדבר הזה ואם תחלצו לפני יהוה למלחמה | |
| 21 | MTועבר לכם כל חלוץ את הירדן לפני יהוה עד הורישׁו את איביו מפניו |
| SPועבר לכם כל חלוץ את הירדן לפני יהוה עד אורישׁו את איביו מפניו | |
| 22 | MTונכבשׁה הארץ לפני יהוה ואחר תשׁבו והייתם נקיים מיהוה ומישׂראל והיתה הארץ הזאת לכם לאחזה לפני יהוה |
| SPונכבשׁה הארץ לפני יהוה ואחר תשׁובון והייתם נקואים מיהוה ומישׂראל והיתה הארץ הזאת לכם לאחזה לפני יהוה | |
| 23 | MTואם לא תעשׂון כן הנה חטאתם ליהוה ודעו חטאתכם אשׁר תמצא אתכם |
| SPואם לא תעשׂון כן הנה חטאתם ליהוה ודעו חטאתיכם אשׁר תמצא אתכם | |
| 24 | MTבנו לכם ערים לטפכם וגדרת לצנאכם והיצא מפיכם תעשׂו |
| SPבנו לכם ערים לטפכם וגדרות לצאנכם והיוצא מפיכם תעשׂון | |
| 25 | MTויאמר בני גד ובני ראובן אל משׁה לאמר עבדיך יעשׂו כאשׁר אדני מצוה |
| SPויאמרו בני ראובן ובני גד וחצי שׁבט המנשׁה אל משׁה לאמר עבדיך יעשׂו כאשׁר אדני מצוה | |
| 26 | MTטפנו נשׁינו מקננו וכל בהמתנו יהיו שׁם בערי הגלעד |
| SPטפנו ונשׁינו ומקנינו וכל בהמתנו יהיו שׁם בערי הגלעד | |
| 27 | MTועבדיך יעברו כל חלוץ צבא לפני יהוה למלחמה כאשׁר אדני דבר |
| SPועבדיך יעברו כל חלוץ צבא לפני יהוה למלחמה כאשׁר אדני דבר | |
| 28 | MTויצו להם משׁה את אלעזר הכהן ואת יהושׁע בן נון ואת ראשׁי אבות המטות לבני ישׂראל |
| SPויצו להם משׁה את אלעזר הכהן ואת יהושׁע בן נון ואת ראשׁי אבות המטות לבני ישׂראל | |
| 29 | MTויאמר משׁה אלהם אם יעברו בני גד ובני ראובן אתכם את הירדן כל חלוץ למלחמה לפני יהוה ונכבשׁה הארץ לפניכם ונתתם להם את ארץ הגלעד לאחזה |
| SPויאמר משׁה אליהם אם יעברו בני ראובן ובני גד וחצי שׁבט המנשׁה אתכם את הירדן כל חלוץ למלחמה לפני יהוה ונכבשׁה הארץ לפניכם ונתתם להם את ארץ הגלעד לאחזה | |
| 30 | MTואם לא יעברו חלוצים אתכם ונאחזו בתככם בארץ כנען |
| SPואם לא יעברו חלוצים אתכם ונאחזו בתוככם בארץ כנען | |
| 31 | MTויענו בני גד ובני ראובן לאמר את אשׁר דבר יהוה אל עבדיך כן נעשׂה |
| SPויענו בני ראובן ובני גד וחצי שׁבט המנשׁה לאמר את אשׁר דבר יהוה אל עבדיך כן נעשׂה | |
| 32 | MTנחנו נעבר חלוצים לפני יהוה ארץ כנען ואתנו אחזת נחלתנו מעבר לירדן |
| SPאנחנו נעבר חלוצים לפני יהוה ארץ כנען ואתנו אחזת נחלתנו מעבר לירדן | |
| 33 | MTויתן להם משׁה לבני גד ולבני ראובן ולחצי שׁבט מנשׁה בן יוסף את ממלכת סיחן מלך האמרי ואת ממלכת עוג מלך הבשׁן הארץ לעריה בגבלת ערי הארץ סביב |
| SPויתן להם משׁה לבני ראובן ולבני גד ולחצי שׁבט המנשׁה בן יוסף את ממלכת סיחון מלך האמרי ואת ממלכת עוג מלך הבשׁן ארץ לעריה בגבולות ערי הארץ סביב | |
| 34 | MTויבנו בני גד את דיבן ואת עטרת ואת ערער |
| SPויבנו בני גד את דיבון ואת עטרות ואת ערער | |
| 35 | MTואת עטרת שׁופן ואת יעזר ויגבהה |
| SPואת עטרות שׁפים ואת יעזיר ויגבהה | |
| 36 | MTואת בית נמרה ואת בית הרן ערי מבצר וגדרת צאן |
| SPואת בית נמרה ואת בית הרן ערי מבצר וגדרות צאן | |
| 37 | MTובני ראובן בנו את חשׁבון ואת אלעלא ואת קריתים |
| SPובני ראובן בנו את חשׁבון ואת אלעלה ואת קריתים | |
| 38 | MTואת נבו ואת בעל מעון מוסבת שׁם ואת שׂבמה ויקראו בשׁמת את שׁמות הערים אשׁר בנו |
| SPואת נבו ואת בעל מעון מוסבות שׁם ואת שׂבמה ויקראו בשׁמות את שׁמות הערים אשׁר בנו | |
| 39 | MTוילכו בני מכיר בן מנשׁה גלעדה וילכדה ויורשׁ את האמרי אשׁר בה |
| SPוילכו בני מכיר בן מנשׁה גלעדה וילכדוה ויורישׁו את האמרי אשׁר בה | |
| 40 | MTויתן משׁה את הגלעד למכיר בן מנשׁה וישׁב בה |
| SPויתן משׁה את הגלעד למכיר בן מנשׁה וישׁב בה | |
| 41 | MTויאיר בן מנשׁה הלך וילכד את חותיהם ויקרא אתהן חות יאיר |
| SPויאיר בן מנשׁה הלך וילכד את חותים ויקרא אתהן חות יאיר | |
| 42 | MTונבח הלך וילכד את קנת ואת בנתיה ויקרא לה נבח בשׁמו |
| SPונבח הלך וילכד את קנת ואת בנתיה ויקרא לה נבח בשׁמו |