| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTנקם נקמת בני ישׂראל מאת המדינים אחר תאסף אל עמיך |
| SPנקם נקמת בני ישׂראל מאת המדינים ואחר תאסף אל עמך | |
| 3 | MTוידבר משׁה אל העם לאמר החלצו מאתכם אנשׁים לצבא ויהיו על מדין לתת נקמת יהוה במדין |
| SPוידבר משׁה אל העם לאמר החליצו מאתכם אנשׁים לצבא ויהיו על מדין לתת נקמת יהוה במדין | |
| 4 | MTאלף למטה אלף למטה לכל מטות ישׂראל תשׁלחו לצבא |
| SPאלף למטה אלף למטה לכל מטות ישׂראל תשׁלחו לצבא | |
| 5 | MTוימסרו מאלפי ישׂראל אלף למטה שׁנים עשׂר אלף חלוצי צבא |
| SPוימסרו מאלפי ישׂראל אלף למטה שׁנים עשׂר אלף חלוצי צבא | |
| 6 | MTוישׁלח אתם משׁה אלף למטה לצבא אתם ואת פינחס בן אלעזר הכהן לצבא וכלי הקדשׁ וחצצרות התרועה בידו |
| SPוישׁלח אתם משׁה אלף למטה לצבא אתם ואת פינחס בן אלעזר הכהן לצבא וכלי הקדשׁ וחצצרות התרועה בידו | |
| 7 | MTויצבאו על מדין כאשׁר צוה יהוה את משׁה ויהרגו כל זכר |
| SPויצבאו על מדין כאשׁר צוה יהוה את משׁה ויהרגו כל זכר | |
| 8 | MTואת מלכי מדין הרגו על חלליהם את אוי ואת רקם ואת צור ואת חור ואת רבע חמשׁת מלכי מדין ואת בלעם בן בעור הרגו בחרב |
| SPואת מלכי מדין הרגו על חלליהם את אוי ואת רקם ואת צור ואת חור ואת רבע חמשׁת מלכי מדין ואת בלעם בן בעור הרגו בחרב | |
| 9 | MTוישׁבו בני ישׂראל את נשׁי מדין ואת טפם ואת כל בהמתם ואת כל מקנהם ואת כל חילם בזזו |
| SPוישׁבו בני ישׂראל את נשׁי מדין ואת טפם ואת כל בהמתם ואת כל מקניהם ואת כל חילם בזזו | |
| 10 | MTואת כל עריהם במושׁבתם ואת כל טירתם שׂרפו באשׁ |
| SPואת כל עריהם במושׁבתם ואת כל טירתם שׂרפו באשׁ | |
| 11 | MTויקחו את כל השׁלל ואת כל המלקוח באדם ובבהמה |
| SPויקחו את כל השׁלל ואת כל המלקח באדם ובבהמה | |
| 12 | MTויבאו אל משׁה ואל אלעזר הכהן ואל עדת בני ישׂראל את השׁבי ואת המלקוח ואת השׁלל אל המחנה אל ערבת מואב אשׁר על ירדן ירחו |
| SPויביאו אל משׁה ואל אלעזר הכהן ואל כל עדת בני ישׂראל את השׁבי ואת המלקח ואת השׁלל אל המחנה אל ערבת מואב אשׁר על ירדן יריחו | |
| 13 | MTויצאו משׁה ואלעזר הכהן וכל נשׂיאי העדה לקראתם אל מחוץ למחנה |
| SPויצא משׁה ואלעזר הכהן וכל נשׂיאי העדה לקראתם אל מחוץ למחנה | |
| 14 | MTויקצף משׁה על פקודי החיל שׂרי האלפים ושׂרי המאות הבאים מצבא המלחמה |
| SPויקצף משׁה על פקדי החיל שׂרי האלפים ושׂרי המאות הבאים מצבא המלחמה | |
| 15 | MTויאמר אליהם משׁה החייתם כל נקבה |
| SPויאמר אליהם משׁה למה החיתם כל נקבה | |
| 16 | MTהן הנה היו לבני ישׂראל בדבר בלעם למסר מעל ביהוה על דבר פעור ותהי המגפה בעדת יהוה |
| SPהנה הנה היו לבני ישׂראל בדבר בלעם למסר מעל ביהוה על דבר פעור ותהי המגפה בעדת יהוה | |
| 17 | MTועתה הרגו כל זכר בטף וכל אשׁה ידעת אישׁ למשׁכב זכר הרגו |
| SPועתה הרגו כל זכר בטף וכל אשׁה ידעת אישׁ למשׁכב זכר הרגו | |
| 18 | MTוכל הטף בנשׁים אשׁר לא ידעו משׁכב זכר החיו לכם |
| SPוכל הטף בנשׁים אשׁר לא ידעו משׁכב זכר חיו לכם | |
| 19 | MTואתם חנו מחוץ למחנה שׁבעת ימים כל הרג נפשׁ וכל נגע בחלל תתחטאו ביום השׁלישׁי וביום השׁביעי אתם ושׁביכם |
| SPואתם חנו לכם מחוץ למחנה שׁבעת ימים כל הרג נפשׁ וכל הנגע בחלל תתחטאו ביום השׁלישׁי וביום השׁביעי אתם ושׁביתכם | |
| 20 | MTוכל בגד וכל כלי עור וכל מעשׂה עזים וכל כלי עץ תתחטאו |
| SPוכל בגד וכל כלי עור וכל מעשׂה עזים וכל כלי עץ תתחטאו ויאמר משׁה אל אלעזר הכהן אמר אל אנשׁי הצבא הבאים למלחמה זאת חקת התורה אשׁר צוה יהוה אך את הזהב ואת הכסף ואת הנחשׁת ואת הברזל ואת הבדיל ואת העופרת כל דבר אשׁר יבוא באשׁ תעבירו באשׁ וטהר אך במי נדה יתחטא וכל אשׁר לא יבוא באשׁ תעבירו במים וכבסתם בגדיכם ביום השׁביעי וטהרתם ואחר תבאו אל המחנה | |
| 21 | MTויאמר אלעזר הכהן אל אנשׁי הצבא הבאים למלחמה זאת חקת התורה אשׁר צוה יהוה את משׁה |
| SPויאמר אלעזר הכהן אל אנשׁי הצבא הבאים למלחמה זאת חקת התורה אשׁר צוה יהוה את משׁה | |
| 22 | MTאך את הזהב ואת הכסף את הנחשׁת את הברזל את הבדיל ואת העפרת |
| SPאך את הזהב ואת הכסף ואת הנחשׁת ואת הברזל ואת הבדיל ואת העופרת | |
| 23 | MTכל דבר אשׁר יבא באשׁ תעבירו באשׁ וטהר אך במי נדה יתחטא וכל אשׁר לא יבא באשׁ תעבירו במים |
| SPכל דבר אשׁר יבוא באשׁ תעבירו באשׁ וטהר אך במי נדה יתחטא וכל אשׁר לא יבוא באשׁ תעבירו במים | |
| 24 | MTוכבסתם בגדיכם ביום השׁביעי וטהרתם ואחר תבאו אל המחנה |
| SPוכבסתם בגדיכם ביום השׁביעי וטהרתם ואחר תבאו אל המחנה | |
| 25 | MTויאמר יהוה אל משׁה לאמר |
| SPויאמר יהוה אל משׁה לאמר | |
| 26 | MTשׂא את ראשׁ מלקוח השׁבי באדם ובבהמה אתה ואלעזר הכהן וראשׁי אבות העדה |
| SPשׂא את ראשׁ המלקח השׁבי באדם ובבהמה אתה ואלעזר הכהן וראשׁי אבות העדה | |
| 27 | MTוחצית את המלקוח בין תפשׂי המלחמה היצאים לצבא ובין כל העדה |
| SPוחצית את המלקח בין תפשׂי המלחמה היוצאים לצבא ובין כל העדה | |
| 28 | MTוהרמת מכס ליהוה מאת אנשׁי המלחמה היצאים לצבא אחד נפשׁ מחמשׁ המאות מן האדם ומן הבקר ומן החמרים ומן הצאן |
| SPוהרמת מכס ליהוה מאת אנשׁי המלחמה היוצאים לצבא אחת נפשׁ מחמשׁ מאות מן האדם ומן הבקר ומן החמרים ומן הצאן מכל הבהמה | |
| 29 | MTממחציתם תקחו ונתתה לאלעזר הכהן תרומת יהוה |
| SPממחציתם תקח ונתתה לאלעזר הכהן את תרומת יהוה | |
| 30 | MTוממחצת בני ישׂראל תקח אחד אחז מן החמשׁים מן האדם מן הבקר מן החמרים ומן הצאן מכל הבהמה ונתתה אתם ללוים שׁמרי משׁמרת משׁכן יהוה |
| SPוממחצית בני ישׂראל תקח אחד אחז מן החמשׁים מן האדם ומן הבקר ומן החמרים ומן הצאן מכל הבהמה ונתתה אתם ללוים שׁמרי משׁמרת משׁכן יהוה | |
| 31 | MTויעשׂ משׁה ואלעזר הכהן כאשׁר צוה יהוה את משׁה |
| SPויעשׂ משׁה ואלעזר הכהן כאשׁר צוה יהוה את משׁה | |
| 32 | MTויהי המלקוח יתר הבז אשׁר בזזו עם הצבא צאן שׁשׁ מאות אלף ושׁבעים אלף וחמשׁת אלפים |
| SPויהי המלקח יתר הבז אשׁר בזזו עם הצבא צאן שׁשׁ מאות אלף ושׁבעים אלף וחמשׁת אלפים | |
| 33 | MTובקר שׁנים ושׁבעים אלף |
| SPובקר שׁנים ושׁבעים אלף | |
| 34 | MTוחמרים אחד ושׁשׁים אלף |
| SPוחמרים אחד ושׁשׁים אלף | |
| 35 | MTונפשׁ אדם מן הנשׁים אשׁר לא ידעו משׁכב זכר כל נפשׁ שׁנים ושׁלשׁים אלף |
| SPונפשׁ אדם מן הנשׁים אשׁר לא ידעו משׁכב זכר כל נפשׁ שׁנים ושׁלשׁים אלף | |
| 36 | MTותהי המחצה חלק היצאים בצבא מספר הצאן שׁלשׁ מאות אלף ושׁלשׁים אלף ושׁבעת אלפים וחמשׁ מאות |
| SPותהי המחצה חלק היוצאים בצבא מספר צאן שׁלשׁ מאות אלף ושׁלשׁים אלף ושׁבעת אלפים וחמשׁ מאות | |
| 37 | MTויהי המכס ליהוה מן הצאן שׁשׁ מאות חמשׁ ושׁבעים |
| SPויהי המכס ליהוה מן הצאן שׁשׁ מאות חמשׁה ושׁבעים | |
| 38 | MTוהבקר שׁשׁה ושׁלשׁים אלף ומכסם ליהוה שׁנים ושׁבעים |
| SPובקר שׁשׁה ושׁלשׁים אלף ומכסם ליהוה שׁנים ושׁבעים | |
| 39 | MTוחמרים שׁלשׁים אלף וחמשׁ מאות ומכסם ליהוה אחד ושׁשׁים |
| SPוחמרים שׁלשׁים אלף וחמשׁ מאות ומכסם ליהוה אחד ושׁשׁים | |
| 40 | MTונפשׁ אדם שׁשׁה עשׂר אלף ומכסם ליהוה שׁנים ושׁלשׁים נפשׁ |
| SPונפשׁ אדם שׁשׁה עשׂר אלף ומכסם ליהוה שׁנים ושׁלשׁים נפשׁ | |
| 41 | MTויתן משׁה את מכס תרומת יהוה לאלעזר הכהן כאשׁר צוה יהוה את משׁה |
| SPויתן משׁה את מכס תרומת יהוה לאלעזר הכהן כאשׁר צוה יהוה את משׁה | |
| 42 | MTוממחצית בני ישׂראל אשׁר חצה משׁה מן האנשׁים הצבאים |
| SPוממחצית בני ישׂראל אשׁר חצה משׁה מן האנשׁים הצבאים | |
| 43 | MTותהי מחצת העדה מן הצאן שׁלשׁ מאות אלף ושׁלשׁים אלף שׁבעת אלפים וחמשׁ מאות |
| SPותהי מחצית העדה מן הצאן שׁלשׁ מאות אלף ושׁלשׁים אלף ושׁבעת אלפים וחמשׁ מאות | |
| 44 | MTובקר שׁשׁה ושׁלשׁים אלף |
| SPובקר שׁשׁה ושׁלשׁים אלף | |
| 45 | MTוחמרים שׁלשׁים אלף וחמשׁ מאות |
| SPוחמרים שׁלשׁים אלף וחמשׁ מאות | |
| 46 | MTונפשׁ אדם שׁשׁה עשׂר אלף |
| SPונפשׁ אדם שׁשׁה עשׂר אלף | |
| 47 | MTויקח משׁה ממחצת בני ישׂראל את האחז אחד מן החמשׁים מן האדם ומן הבהמה ויתן אתם ללוים שׁמרי משׁמרת משׁכן יהוה כאשׁר צוה יהוה את משׁה |
| SPויקח משׁה ממחצית בני ישׂראל את האחז אחד מן החמשׁים מן האדם ומן הבהמה ויתן אתם אל הלוים שׁמרי משׁמרת משׁכן יהוה כאשׁר צוה יהוה את משׁה | |
| 48 | MTויקרבו אל משׁה הפקדים אשׁר לאלפי הצבא שׂרי האלפים ושׂרי המאות |
| SPויקרבו אל משׁה הפקדים אשׁר לאלפי הצבא שׂרי האלפים ושׂרי המאות | |
| 49 | MTויאמרו אל משׁה עבדיך נשׂאו את ראשׁ אנשׁי המלחמה אשׁר בידנו ולא נפקד ממנו אישׁ |
| SPויאמרו אל משׁה עבדיך נשׂאו את ראשׁ אנשׁי המלחמה אשׁר בידנו ולא נפקד ממנו אישׁ | |
| 50 | MTונקרב את קרבן יהוה אישׁ אשׁר מצא כלי זהב אצעדה וצמיד טבעת עגיל וכומז לכפר על נפשׁתינו לפני יהוה |
| SPונקריב את קרבן יהוה אישׁ אשׁר מצא כלי זהב אצעדה וצמיד טבעת עגיל וכומז לכפר על נפשׁתינו לפני יהוה | |
| 51 | MTויקח משׁה ואלעזר הכהן את הזהב מאתם כל כלי מעשׂה |
| SPויקח משׁה ואלעזר הכהן את הזהב מאתם כל כלי מעשׂה | |
| 52 | MTויהי כל זהב התרומה אשׁר הרימו ליהוה שׁשׁה עשׂר אלף שׁבע מאות וחמשׁים שׁקל מאת שׂרי האלפים ומאת שׂרי המאות |
| SPויהי זהב התרומה אשׁר הרימו ליהוה שׁשׁה עשׂר אלף ושׁבע מאות וחמשׁים שׁקל מאת שׂרי האלפים ומאת שׂרי המאות | |
| 53 | MTאנשׁי הצבא בזזו אישׁ לו |
| SPאנשׁי הצבא בזזו אישׁ לו | |
| 54 | MTויקח משׁה ואלעזר הכהן את הזהב מאת שׂרי האלפים והמאות ויבאו אתו אל אהל מועד זכרון לבני ישׂראל לפני יהוה |
| SPויקח משׁה ואלעזר הכהן את הזהב מאת שׂרי האלפים והמאות ויביאו אתו אל אהל מועד זכרון לבני ישׂראל לפני יהוה |