| 1 | MTויאמר משׁה אל בני ישׂראל ככל אשׁר צוה יהוה את משׁה |
| SPויאמר משׁה אל בני ישׂראל ככל אשׁר צוה יהוה את משׁה | |
| 2 | MTוידבר משׁה אל ראשׁי המטות לבני ישׂראל לאמר זה הדבר אשׁר צוה יהוה |
| SPוידבר משׁה אל ראשׁי המטות לבני ישׂראל לאמר זה הדבר אשׁר צוה יהוה | |
| 3 | MTאישׁ כי ידר נדר ליהוה או השׁבע שׁבעה לאסר אסר על נפשׁו לא יחל דברו ככל היצא מפיו יעשׂה |
| SPאישׁ כי ידר נדר ליהוה או השׁבע שׁבועה לאסר אסר על נפשׁו לא יחל דבריו ככל היוצא מפיו יעשׂה | |
| 4 | MTואשׁה כי תדר נדר ליהוה ואסרה אסר בבית אביה בנעריה |
| SPואשׁה כי תדר נדר ליהוה ואסרה אסר בבית אביה בנעריה | |
| 5 | MTושׁמע אביה את נדרה ואסרה אשׁר אסרה על נפשׁה והחרישׁ לה אביה וקמו כל נדריה וכל אסר אשׁר אסרה על נפשׁה יקום |
| SPושׁמע אביה את נדריה ואסריה אשׁר אסרה על נפשׁה והחרישׁ לה אביה וקמו כל נדריה ואסריה אשׁר אסרה על נפשׁה יקומו | |
| 6 | MTואם הניא אביה אתה ביום שׁמעו כל נדריה ואסריה אשׁר אסרה על נפשׁה לא יקום ויהוה יסלח לה כי הניא אביה אתה |
| SPואם הנא יניא אביה אתה ביום שׁמעו כל נדריה ואסריה אשׁר אסרה על נפשׁה לא יקומו ויהוה יסלח לה כי הניא אביה אתה | |
| 7 | MTואם היו תהיה לאישׁ ונדריה עליה או מבטא שׂפתיה אשׁר אסרה על נפשׁה |
| SPואם היו תהיה לאישׁ ונדריה עליה או מבטא שׂפתיה אשׁר אסרה על נפשׁה | |
| 8 | MTושׁמע אישׁה ביום שׁמעו והחרישׁ לה וקמו נדריה ואסרה אשׁר אסרה על נפשׁה יקמו |
| SPושׁמע אישׁה ביום שׁמעו וחרישׁ לה וקמו כל נדריה ואסריה אשׁר אסרה על נפשׁה יקומו | |
| 9 | MTואם ביום שׁמע אישׁה יניא אותה והפר את נדרה אשׁר עליה ואת מבטא שׂפתיה אשׁר אסרה על נפשׁה ויהוה יסלח לה |
| SPואם ביום שׁמע אישׁה יניא אתה והפר את נדריה אשׁר עליה או מבטא שׂפתיה אשׁר אסרה על נפשׁה ויהוה יסלח לה | |
| 10 | MTונדר אלמנה וגרושׁה כל אשׁר אסרה על נפשׁה יקום עליה |
| SPונדר אלמנה וגרושׁה כל אשׁר אסרה על נפשׁה יקום עליה | |
| 11 | MTואם בית אישׁה נדרה או אסרה אסר על נפשׁה בשׁבעה |
| SPואם בית אישׁה נדרה או אסרה אסר על נפשׁה בשׁבועה | |
| 12 | MTושׁמע אישׁה והחרשׁ לה לא הניא אתה וקמו כל נדריה וכל אסר אשׁר אסרה על נפשׁה יקום |
| SPושׁמע אישׁה וחרישׁ לה לא הניא אתה וקמו כל נדריה וכל אסריה אשׁר אסרה על נפשׁה יקומו | |
| 13 | MTואם הפר יפר אתם אישׁה ביום שׁמעו כל מוצא שׂפתיה לנדריה ולאסר נפשׁה לא יקום אישׁה הפרם ויהוה יסלח לה |
| SPואם הפר יפיר אתם אישׁה ביום שׁמעו כל מוצא שׂפתיה לנדריה ולאסר נפשׁה לא יקומו אישׁה הפירם ויהוה יסלח לה | |
| 14 | MTכל נדר וכל שׁבעת אסר לענת נפשׁ אישׁה יקימנו ואישׁה יפרנו |
| SPכל נדר וכל שׁבועת אסר לענות נפשׁ אישׁה יקימנו ואישׁה יפירנו | |
| 15 | MTואם החרשׁ יחרישׁ לה אישׁה מיום אל יום והקים את כל נדריה או את כל אסריה אשׁר עליה הקים אתם כי החרשׁ לה ביום שׁמעו |
| SPואם החרישׁ יחרישׁ לה אישׁה מיום אל יום והקם את כל נדריה או את כל אסריה אשׁר עליה הקים אתם כי חרישׁ לה ביום שׁמעו | |
| 16 | MTואם הפר יפר אתם אחרי שׁמעו ונשׂא את עונה |
| SPואם הפר יפיר אתם אחרי שׁמעו ונשׂא את עונו | |
| 17 | MTאלה החקים אשׁר צוה יהוה את משׁה בין אישׁ לאשׁתו בין אב לבתו בנעריה בית אביה |
| SPאלה החקים אשׁר צוה יהוה את משׁה בין אישׁ לאשׁתו ובין אב לבתו בנעריה בבית אביה |