| 1 | MTויאמר יהוה אל משׁה ואל אלעזר בן אהרן הכהן לאמר |
| SPוידבר יהוה אל משׁה ואל אלעזר בן אהרן הכהן לאמר | |
| 2 | MTשׂאו את ראשׁ כל עדת בני ישׂראל מבן עשׂרים שׁנה ומעלה לבית אבתם כל יצא צבא בישׂראל |
| SPשׂאו את ראשׁ כל עדת בני ישׂראל מבן עשׂרים שׁנה ומעלה לבית אבותם כל יצא צבא בישׂראל | |
| 3 | MTוידבר משׁה ואלעזר הכהן אתם בערבת מואב על ירדן ירחו לאמר |
| SPוידבר משׁה ואלעזר הכהן אתם בערבת מואב על ירדן יריחו לאמר | |
| 4 | MTמבן עשׂרים שׁנה ומעלה כאשׁר צוה יהוה את משׁה ובני ישׂראל היצאים מארץ מצרים |
| SPמבן עשׂרים שׁנה ומעלה כאשׁר צוה יהוה את משׁה ובני ישׂראל היוצאים מארץ מצרים | |
| 5 | MTראובן בכור ישׂראל בני ראובן חנוך משׁפחת החנכי לפלוא משׁפחת הפלאי |
| SPראובן בכור ישׂראל ובני ראובן חנוך משׁפחת החנוכי לפלוא משׁפחת הפלואי | |
| 6 | MTלחצרן משׁפחת החצרוני לכרמי משׁפחת הכרמי |
| SPלחצרון משׁפחת החצרוני לכרמי משׁפחת הכרמי | |
| 7 | MTאלה משׁפחת הראובני ויהיו פקדיהם שׁלשׁה וארבעים אלף ושׁבע מאות ושׁלשׁים |
| SPאלה משׁפחות הראובני ויהיו פקדיהם שׁלשׁה וארבעים אלף ושׁבע מאות ושׁלשׁים | |
| 8 | MTובני פלוא אליאב |
| SPבני פלוא אליאב | |
| 9 | MTובני אליאב נמואל ודתן ואבירם הוא דתן ואבירם קרואי העדה אשׁר הצו על משׁה ועל אהרן בעדת קרח בהצתם על יהוה |
| SPובני אליאב נמואל דתן ואבירם הוא דתן ואבירם קריאי העדה אשׁר הועדו על משׁה ועל אהרן בעדת קרח בהועדתם על יהוה | |
| 10 | MTותפתח הארץ את פיה ותבלע אתם ואת קרח במות העדה באכל האשׁ את חמשׁים ומאתים אישׁ ויהיו לנס |
| SPותפתח הארץ את פיה ותבלע אתם הארץ במות העדה באכל האשׁ את קרח ואת חמשׁים ומאתים אישׁ ויהיו לנוס | |
| 11 | MTובני קרח לא מתו |
| SPובני קרח לא מתו | |
| 12 | MTבני שׁמעון למשׁפחתם לנמואל משׁפחת הנמואלי לימין משׁפחת הימיני ליכין משׁפחת היכיני |
| SPבני שׁמעון למשׁפחות השׁמעוני לנמואל משׁפחת הנמואלי לימין משׁפחת הימיני ליכין משׁפחת היכיני | |
| 13 | MTלזרח משׁפחת הזרחי לשׁאול משׁפחת השׁאולי |
| SPלזרח משׁפחת הזרחי לשׁאול משׁפחת השׁאולי | |
| 14 | MTאלה משׁפחת השׁמעני שׁנים ועשׂרים אלף ומאתים |
| SPאלה משׁפחות השׁמעוני שׁנים ועשׂרים אלף ומאתים | |
| 15 | MTבני גד למשׁפחתם לצפון משׁפחת הצפוני לחגי משׁפחת החגי לשׁוני משׁפחת השׁוני |
| SPבני גד למשׁפחותם לצפון משׁפחת הצפוני לחגי משׁפחת החגי לשׁוני משׁפחת השׁוני | |
| 16 | MTלאזני משׁפחת האזני לערי משׁפחת הערי |
| SPלאזני משׁפחת האזני לעדי משׁפחת העדי | |
| 17 | MTלארוד משׁפחת הארודי לאראלי משׁפחת האראלי |
| SPלארודי משׁפחת הארודי לארולי משׁפחת הארולי | |
| 18 | MTאלה משׁפחת בני גד לפקדיהם ארבעים אלף וחמשׁ מאות |
| SPאלה משׁפחות גד לפקדיהם ארבעים אלף וחמשׁ מאות | |
| 19 | MTבני יהודה ער ואונן וימת ער ואונן בארץ כנען |
| SPבני יהודה ער ואונן וימת ער ואונן בארץ כנען | |
| 20 | MTויהיו בני יהודה למשׁפחתם לשׁלה משׁפחת השׁלני לפרץ משׁפחת הפרצי לזרח משׁפחת הזרחי |
| SPויהיו בני יהודה למשׁפחותם לשׁלה משׁפחת השׁלני לפרץ משׁפחת הפריצי לזרח משׁפחת הזרחי | |
| 21 | MTויהיו בני פרץ לחצרן משׁפחת החצרני לחמול משׁפחת החמולי |
| SPויהיו בני פרץ לחצרון משׁפחת החצרוני לחמואל משׁפחת החמואלי | |
| 22 | MTאלה משׁפחת יהודה לפקדיהם שׁשׁה ושׁבעים אלף וחמשׁ מאות |
| SPאלה משׁפחות יהודה לפקדיהם שׁשׁה ושׁבעים אלף וחמשׁ מאות | |
| 23 | MTבני ישׂשׂכר למשׁפחתם תולע משׁפחת התולעי לפוה משׁפחת הפוני |
| SPבני ישׂשׂכר למשׁפחותם לתולע משׁפחת התולעי לפואה משׁפחת הפואי | |
| 24 | MTלישׁוב משׁפחת הישׁובי לשׁמרן משׁפחת השׁמרני |
| SPלישׁוב משׁפחת הישׁובי לשׁמרון משׁפחת השׁמרוני | |
| 25 | MTאלה משׁפחת ישׂשׂכר לפקדיהם ארבעה ושׁשׁים אלף ושׁלשׁ מאות |
| SPאלה משׁפחות ישׂשׂכר לפקדיהם ארבעה ושׁשׁים אלף ושׁלשׁ מאות | |
| 26 | MTבני זבולן למשׁפחתם לסרד משׁפחת הסרדי לאלון משׁפחת האלני ליחלאל משׁפחת היחלאלי |
| SPבני זבולן למשׁפחותם לסרד משׁפחת הסרדי לאלון משׁפחת האלוני ליחלאל משׁפחת היחלאלי | |
| 27 | MTאלה משׁפחת הזבולני לפקדיהם שׁשׁים אלף וחמשׁ מאות |
| SPאלה משׁפחות זבולן לפקדיהם שׁשׁים אלף וחמשׁ מאות | |
| 28 | MTבני יוסף למשׁפחתם מנשׁה ואפרים |
| SPבני יוסף למשׁפחותם מנשׁה ואפרים | |
| 29 | MTבני מנשׁה למכיר משׁפחת המכירי ומכיר הוליד את גלעד לגלעד משׁפחת הגלעדי |
| SPבני מנשׁה למכיר משׁפחת המכירי ומכיר הוליד את גלעד משׁפחת הגלעדי | |
| 30 | MTאלה בני גלעד איעזר משׁפחת האיעזרי לחלק משׁפחת החלקי |
| SPאלה בני גלעד איעזר משׁפחת האיעזרי וחלק משׁפחת החלקי | |
| 31 | MTואשׂריאל משׁפחת האשׂראלי ושׁכם משׁפחת השׁכמי |
| SPואשׂרואל משׁפחת האשׂרואלי ושׁכם משׁפחת השׁכמי | |
| 32 | MTושׁמידע משׁפחת השׁמידעי וחפר משׁפחת החפרי |
| SPושׁמידע משׁפחת השׁמידעי וחפר משׁפחת החפרי | |
| 33 | MTוצלפחד בן חפר לא היו לו בנים כי אם בנות ושׁם בנות צלפחד מחלה ונעה חגלה מלכה ותרצה |
| SPוצלפחד בן חפר לא היה לו בנים כי אם בנות ושׁם בנות צלפחד מחלה ונעה חגלה מלכה ותרצה | |
| 34 | MTאלה משׁפחת מנשׁה ופקדיהם שׁנים וחמשׁים אלף ושׁבע מאות |
| SPאלה משׁפחות מנשׁה לפקדיהם שׁנים וחמשׁים אלף ושׁבע מאות | |
| 35 | MTאלה בני אפרים למשׁפחתם לשׁותלח משׁפחת השׁתלחי לבכר משׁפחת הבכרי לתחן משׁפחת התחני |
| SPואלה בני אפרים למשׁפחותם לשׁותלח משׁפחת השׁותלחי לבכר משׁפחת הבכרי לתחם משׁפחת התחמי | |
| 36 | MTואלה בני שׁותלח לערן משׁפחת הערני |
| SPאלה בני שׁותלח לעדן משׁפחת העדני | |
| 37 | MTאלה משׁפחת בני אפרים לפקדיהם שׁנים ושׁלשׁים אלף וחמשׁ מאות אלה בני יוסף למשׁפחתם |
| SPאלה משׁפחות בני אפרים לפקדיהם שׁנים ושׁלשׁים אלף וחמשׁ מאות אלה בני יוסף למשׁפחותם | |
| 38 | MTבני בנימן למשׁפחתם לבלע משׁפחת הבלעי לאשׁבל משׁפחת האשׁבלי לאחירם משׁפחת האחירמי |
| SPבני בנימים למשׁפחותם לבלע משׁפחת הבלעי לאשׁבל משׁפחת האשׁבלי לאחירם משׁפחת האחירמי | |
| 39 | MTלשׁפופם משׁפחת השׁופמי לחופם משׁפחת החופמי |
| SPלשׁופם משׁפחת השׁופמי לחופם משׁפחת החופמי | |
| 40 | MTויהיו בני בלע ארד ונעמן משׁפחת הארדי לנעמן משׁפחת הנעמי |
| SPלארד משׁפחת הארדי לנעמן משׁפחת הנעמני | |
| 41 | MTאלה בני בנימן למשׁפחתם ופקדיהם חמשׁה וארבעים אלף ושׁשׁ מאות |
| SPאלה בני בנימים למשׁפחותם ופקדיהם חמשׁה וארבעים אלף ושׁשׁ מאות | |
| 42 | MTאלה בני דן למשׁפחתם לשׁוחם משׁפחת השׁוחמי אלה משׁפחת דן למשׁפחתם |
| SPואלה בני דן למשׁפחותם לשׁוחם משׁפחת השׁוחמי אלה משׁפחות דן למשׁפחותם | |
| 43 | MTכל משׁפחת השׁוחמי לפקדיהם ארבעה ושׁשׁים אלף וארבע מאות |
| SPכל משׁפחות השׁוחמי ופקדיהם ארבעה ושׁשׁים אלף וארבע מאות | |
| 44 | MTבני אשׁר למשׁפחתם לימנה משׁפחת הימנה לישׁוי משׁפחת הישׁוי לבריעה משׁפחת הבריעי |
| SPבני אשׁר למשׁפחותם לימנה משׁפחת הימני לישׁוה משׁפחת הישׁוי לבריעה משׁפחת הבריעי | |
| 45 | MTלבני בריעה לחבר משׁפחת החברי למלכיאל משׁפחת המלכיאלי |
| SPלחבר משׁפחת החברי למלכיאל משׁפחת המלכיאלי | |
| 46 | MTושׁם בת אשׁר שׂרח |
| SPושׁם בת אשׁר שׂרח | |
| 47 | MTאלה משׁפחת בני אשׁר לפקדיהם שׁלשׁה וחמשׁים אלף וארבע מאות |
| SPאלה משׁפחות בני אשׁר לפקדיהם שׁלשׁה וחמשׁים אלף וארבע מאות | |
| 48 | MTבני נפתלי למשׁפחתם ליחצאל משׁפחת היחצאלי לגוני משׁפחת הגוני |
| SPבני נפתלי למשׁפחותם ליחצאל משׁפחת היחצאלי לגוני משׁפחת הגוני | |
| 49 | MTליצר משׁפחת היצרי לשׁלם משׁפחת השׁלמי |
| SPליצר משׁפחת היצרי לשׁלום משׁפחת השׁלומי | |
| 50 | MTאלה משׁפחת נפתלי למשׁפחתם ופקדיהם חמשׁה וארבעים אלף וארבע מאות |
| SPאלה משׁפחות נפתלי למשׁפחותם ופקדיהם חמשׁה וארבעים אלף וארבע מאות | |
| 51 | MTאלה פקודי בני ישׂראל שׁשׁ מאות אלף ואלף שׁבע מאות ושׁלשׁים |
| SPאלה פקדי בני ישׂראל שׁשׁ מאות אלף ואלף ושׁבע מאות ושׁלשׁים | |
| 52 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 53 | MTלאלה תחלק הארץ בנחלה במספר שׁמות |
| SPלאלה תחלק הארץ בנחלה במספר שׁמות | |
| 54 | MTלרב תרבה נחלתו ולמעט תמעיט נחלתו אישׁ לפי פקדיו יתן נחלתו |
| SPלרב תרבה נחלתו ולמעט תמעיט נחלתו אישׁ לפי פקדיו יתן נחלתו | |
| 55 | MTאך בגורל יחלק את הארץ לשׁמות מטות אבתם ינחלו |
| SPאך בגורל יחלק את הארץ לשׁמות מטות אבתיכם יתנחלו | |
| 56 | MTעל פי הגורל תחלק נחלתו בין רב למעט |
| SPעל פי הגורל יחלק נחלתו בין רב למעט | |
| 57 | MTואלה פקודי הלוי למשׁפחתם לגרשׁון משׁפחת הגרשׁני לקהת משׁפחת הקהתי למררי משׁפחת המררי |
| SPואלה פקדי הלוים למשׁפחותם לגרשׁון משׁפחת הגרשׁוני לקהת משׁפחת הקהתי למררי משׁפחת המררי | |
| 58 | MTאלה משׁפחת לוי משׁפחת הלבני משׁפחת החברני משׁפחת המחלי משׁפחת המושׁי משׁפחת הקרחי וקהת הולד את עמרם |
| SPאלה משׁפחות בני לוי משׁפחת הלבני ומשׁפחת החברוני ומשׁפחת המחלי ומשׁפחת הקרחי ומשׁפחת המושׁי וקהת הוליד את עמרם | |
| 59 | MTושׁם אשׁת עמרם יוכבד בת לוי אשׁר ילדה אתה ללוי במצרים ותלד לעמרם את אהרן ואת משׁה ואת מרים אחתם |
| SPושׁם אשׁת עמרם יוכבד בת לוי אשׁר ילדה אתה ללוי במצרים ותלד לעמרם את אהרן ואת משׁה ואת מרים אחתם | |
| 60 | MTויולד לאהרן את נדב ואת אביהוא את אלעזר ואת איתמר |
| SPויולד לאהרן את נדב ואת אביהוא את אלעזר ואת איתמר | |
| 61 | MTוימת נדב ואביהוא בהקריבם אשׁ זרה לפני יהוה |
| SPוימת נדב ואביהוא בהקריבם אשׁ זרה לפני יהוה | |
| 62 | MTויהיו פקדיהם שׁלשׁה ועשׂרים אלף כל זכר מבן חדשׁ ומעלה כי לא התפקדו בתוך בני ישׂראל כי לא נתן להם נחלה בתוך בני ישׂראל |
| SPויהיו פקדיהם שׁלשׁה ועשׂרים אלף כל זכר מבן חדשׁ ומעלה כי לא התפקדו בתוך בני ישׂראל כי לא נתן להם נחלה בתוך בני ישׂראל | |
| 63 | MTאלה פקודי משׁה ואלעזר הכהן אשׁר פקדו את בני ישׂראל בערבת מואב על ירדן ירחו |
| SPאלה פקדי משׁה ואלעזר הכהן אשׁר פקדו את בני ישׂראל בערבת מואב על ירדן יריחו | |
| 64 | MTובאלה לא היה אישׁ מפקודי משׁה ואהרן הכהן אשׁר פקדו את בני ישׂראל במדבר סיני |
| SPובאלה לא היה אישׁ מפקדי משׁה ואהרן הכהן אשׁר פקדו את בני ישׂראל במדבר סיני | |
| 65 | MTכי אמר יהוה להם מות ימתו במדבר ולא נותר מהם אישׁ כי אם כלב בן יפנה ויהושׁע בן נון |
| SPכי אמר יהוה להם מות ימותו במדבר ולא נותר מהם אישׁ כי אם כלב בן יפנה ויהושׁע בן נון |