| 1 | MTוישׁב ישׂראל בשׁטים ויחל העם לזנות אל בנות מואב |
| SPוישׁב ישׂראל בשׁטים ויחל העם לזנות אל בנות מואב | |
| 2 | MTותקראן לעם לזבחי אלהיהן ויאכל העם וישׁתחוו לאלהיהן |
| SPותקראנה לעם לזבחי אלהיהן ויאכל העם וישׁתחוי לאלהיהן | |
| 3 | MTויצמד ישׂראל לבעל פעור ויחר אף יהוה בישׂראל |
| SPויצמד מבני ישׂראל לבעל פעור ויחר אף יהוה בישׂראל | |
| 4 | MTויאמר יהוה אל משׁה קח את כל ראשׁי העם והוקע אותם ליהוה נגד השׁמשׁ וישׁב חרון אף יהוה מישׂראל |
| SPויאמר יהוה אל משׁה אמר ויהרגו את האנשׁים הנצמדים לבעל פעור וישׁוב חרון אף יהוה מישׂראל | |
| 5 | MTויאמר משׁה אל שׁפטי ישׂראל הרגו אישׁ אנשׁיו הנצמדים לבעל פעור |
| SPויאמר משׁה אל שׁפטי ישׂראל הרגו אישׁ את אנשׁיו הנצמדים לבעל פעור | |
| 6 | MTוהנה אישׁ מבני ישׂראל בא ויקרב אל אחיו את המדינית לעיני משׁה ולעיני כל עדת בני ישׂראל והמה בכים פתח אהל מועד |
| SPוהנה אישׁ מבני ישׂראל בא ויקרב אל אחיו את המדינית לעיני משׁה ולעיני כל עדת בני ישׂראל והם בכים פתח אהל מועד | |
| 7 | MTוירא פינחס בן אלעזר בן אהרן הכהן ויקם מתוך העדה ויקח רמח בידו |
| SPוירא פינחס בן אלעזר בן אהרן הכהן ויקם מתוך העדה ויקח רמח בידו | |
| 8 | MTויבא אחר אישׁ ישׂראל אל הקבה וידקר את שׁניהם את אישׁ ישׂראל ואת האשׁה אל קבתה ותעצר המגפה מעל בני ישׂראל |
| SPויבא אחרי אישׁ ישׂראל אל הקבה וידקר את שׁניהם את אישׁ ישׂראל ואת האשׁה על קבתה ותעצר המגפה מעל בני ישׂראל | |
| 9 | MTויהיו המתים במגפה ארבעה ועשׂרים אלף |
| SPויהיו המיתים במגפה ארבעה ועשׂרים אלף | |
| 10 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 11 | MTפינחס בן אלעזר בן אהרן הכהן השׁיב את חמתי מעל בני ישׂראל בקנאו את קנאתי בתוכם ולא כליתי את בני ישׂראל בקנאתי |
| SPפינחס בן אלעזר בן אהרן הכהן השׁיב את חמתי מעל בני ישׂראל בקנאו את קנאתי בתוכם ולא כליתי את בני ישׂראל בקנאתי | |
| 12 | MTלכן אמר הנני נתן לו את בריתי שׁלום |
| SPלכן אמר הנני נתן לו את בריתי שׁלום | |
| 13 | MTוהיתה לו ולזרעו אחריו ברית כהנת עולם תחת אשׁר קנא לאלהיו ויכפר על בני ישׂראל |
| SPוהיתה לו ולזרעו אחריו ברית כהנת עולם תחת אשׁר קנא לאלהיו ויכפר על בני ישׂראל | |
| 14 | MTושׁם אישׁ ישׂראל המכה אשׁר הכה את המדינית זמרי בן סלוא נשׂיא בית אב לשׁמעני |
| SPושׁם האישׁ ישׂראל המכה אשׁר הכה את המדינית זמרי בן סלוא נשׂיא בית אב לשׁמעוני | |
| 15 | MTושׁם האשׁה המכה המדינית כזבי בת צור ראשׁ אמות בית אב במדין הוא |
| SPושׁם האשׁה המכה המדינית כזבית בת צור ראשׁ אמת בית אב במדין הוא | |
| 16 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 17 | MTצרור את המדינים והכיתם אותם |
| SPצררו את המדינים והכיתם אתם | |
| 18 | MTכי צררים הם לכם בנכליהם אשׁר נכלו לכם על דבר פעור ועל דבר כזבי בת נשׂיא מדין אחתם המכה ביום המגפה על דבר פעור |
| SPכי צררים הם לכם בנכליהם אשׁר נכלו לכם על דבר פעור ועל דבר כזבי בת נשׂיא מדין אחותם המכה ביום המגפה על דבר פעור | |
| 19 | MTויהי אחרי המגפה |
| SPויהי אחר המגפה |