| 1 | MTוירא בלעם כי טוב בעיני יהוה לברך את ישׂראל ולא הלך כפעם בפעם לקראת נחשׁים וישׁת אל המדבר פניו |
| SPוירא בלעם כי טוב בעיני יהוה לברך את ישׂראל ולא הלך כפעם בפעם לקראת הנחשׁים וישׁת אל המדבר פניו | |
| 2 | MTוישׂא בלעם את עיניו וירא את ישׂראל שׁכן לשׁבטיו ותהי עליו רוח אלהים |
| SPוישׂא בלעם את עיניו וירא את ישׂראל שׁכן לשׁבטיו ותהי עליו רוח אלהים | |
| 3 | MTוישׂא משׁלו ויאמר נאם בלעם בנו בער ונאם הגבר שׁתם העין |
| SPוישׂא משׁלו ויאמר נאם בלעם בנו בעור ונאם הגבר שׁתם העין | |
| 4 | MTנאם שׁמע אמרי אל אשׁר מחזה שׁדי יחזה נפל וגלוי עינים |
| SPאשׁר מחזה שׁדה יחזה נפל וגלוי עין | |
| 5 | MTמה טבו אהליך יעקב משׁכנתיך ישׂראל |
| SPמה טבו אהליך יעקב ומשׁכנתיך ישׂראל | |
| 6 | MTכנחלים נטיו כגנת עלי נהר כאהלים נטע יהוה כארזים עלי מים |
| SPכנחלים נטוי כגנות עלי נהר כאהלים נטה יהוה כארזים עלי מים | |
| 7 | MTיזל מים מדליו וזרעו במים רבים וירם מאגג מלכו ותנשׂא מלכתו |
| SPיזל מים מדליו וזרעו במים רבים וירם מגוג מלכו ותתנשׂא מלכותו | |
| 8 | MTאל מוציאו ממצרים כתועפת ראם לו יאכל גוים צריו ועצמתיהם יגרם וחציו ימחץ |
| SPאל נחהו ממצרים כתועפת ראם לו יאכל גוים צריו ועצמתיהם יגרם וחציו ימחץ | |
| 9 | MTכרע שׁכב כארי וכלביא מי יקימנו מברכיך ברוך וארריך ארור |
| SPכרע שׁכב כאריה וכלביה מי יקימנו מברכיך ברוך וארריך ארור | |
| 10 | MTויחר אף בלק אל בלעם ויספק את כפיו ויאמר בלק אל בלעם לקב איבי קראתיך והנה ברכת ברך זה שׁלשׁ פעמים |
| SPויחר אף בלק אל בלעם ויספק את כפיו ויאמר בלק אל בלעם לקב איבי קראתי לך והנה ברכת ברוך זה שׁלשׁ רגלים | |
| 11 | MTועתה ברח לך אל מקומך אמרתי כבד אכבדך והנה מנעך יהוה מכבוד |
| SPועתה ברח לך אל מקומך אמרתי כבד אכבדך והנה מנעך יהוה מכבוד | |
| 12 | MTויאמר בלעם אל בלק הלא גם אל מלאכיך אשׁר שׁלחת אלי דברתי לאמר |
| SPויאמר בלעם אל בלק הלוא גם אל מלאכיך אשׁר שׁלחת אלי דברתי לאמר | |
| 13 | MTאם יתן לי בלק מלא ביתו כסף וזהב לא אוכל לעבר את פי יהוה לעשׂות טובה או רעה מלבי אשׁר ידבר יהוה אתו אדבר |
| SPאם יתן לי בלק מלוא ביתו כסף או זהב לא אוכל לעבר את פי יהוה לעשׂות טובה או רעה מלבי אשׁר ידבר יהוה אלי אתו אדברה | |
| 14 | MTועתה הנני הולך לעמי לכה איעצך אשׁר יעשׂה העם הזה לעמך באחרית הימים |
| SPועתה הנני הלך לעמי לך ואעיצך את אשׁר יעשׂה העם הזה לעמך באחרית הימים | |
| 15 | MTוישׂא משׁלו ויאמר נאם בלעם בנו בער ונאם הגבר שׁתם העין |
| SPוישׂא משׁלו ויאמר נאם בלעם בנו בעור ונאם הגבר שׁתם העין | |
| 16 | MTנאם שׁמע אמרי אל וידע דעת עליון מחזה שׁדי יחזה נפל וגלוי עינים |
| SPנאם שׁמע אמרי אל וידע דעת עליון מחזה שׁדה יחזה נפל וגלוי עינים | |
| 17 | MTאראנו ולא עתה אשׁורנו ולא קרוב דרך כוכב מיעקב וקם שׁבט מישׂראל ומחץ פאתי מואב וקרקר כל בני שׁת |
| SPאראנו ולא עתה אשׁורנו ולא קרוב דרך כוכב מיעקב וקם שׁבט מישׂראל מחץ פתי מואב וקדקד כל בני שׁת | |
| 18 | MTוהיה אדום ירשׁה והיה ירשׁה שׂעיר איביו וישׂראל עשׂה חיל |
| SPוהיה אדום ירשׁה והיה ירשׁה עשׂו איביו וישׂראל עשׂה חיל | |
| 19 | MTוירד מיעקב והאביד שׂריד מעיר |
| SPוירד מיעקב והאביד שׂריד מעיר | |
| 20 | MTוירא את עמלק וישׂא משׁלו ויאמר ראשׁית גוים עמלק ואחריתו עדי אבד |
| SPוירא את עמלק וישׂא משׁלו ויאמר ראשׁית גוים עמלק ואחריתו עד יאבד | |
| 21 | MTוירא את הקיני וישׂא משׁלו ויאמר איתן מושׁבך ושׂים בסלע קנך |
| SPוירא את הקיני וישׂא משׁלו ויאמר איתן מושׁבך ושׂים בסלע קנך | |
| 22 | MTכי אם יהיה לבער קין עד מה אשׁור תשׁבך |
| SPכי אם יהיה לבער קין עד מאשׁור תושׁבך | |
| 23 | MTוישׂא משׁלו ויאמר אוי מי יחיה משׂמו אל |
| SPוישׂא משׁלו ויאמר אוי מי יהיה משׂמו אל יוציאם מיד כתים | |
| 24 | MTוצים מיד כתים וענו אשׁור וענו עבר וגם הוא עדי אבד |
| SPיענו אשׁור ויענו עבר וגם הוא עד יאבד | |
| 25 | MTויקם בלעם וילך וישׁב למקמו וגם בלק הלך לדרכו |
| SPויקם בלעם וילך וישׁב למקומו וגם בלק הלך לדרכו |