| 1 | MTויאמר בלעם אל בלק בנה לי בזה שׁבעה מזבחת והכן לי בזה שׁבעה פרים ושׁבעה אילים |
| SPויאמר בלעם אל בלק עשׂה לי בזה שׁבעה מזבחות והכן לי בזה שׁבעה פרים ושׁבעה אילים | |
| 2 | MTויעשׂ בלק כאשׁר דבר בלעם ויעל בלק ובלעם פר ואיל במזבח |
| SPויעשׂ בלק כאשׁר דבר בלעם ויעל בלק ובלעם פר ואיל במזבח | |
| 3 | MTויאמר בלעם לבלק התיצב על עלתך ואלכה אולי יקרה יהוה לקראתי ודבר מה יראני והגדתי לך וילך שׁפי |
| SPויאמר בלעם אל בלק התיצב על עלתיך ואלכה אולי יקרא אלהים לקראתי ודבר מה יראני והגדתי לך וילך שׁפי | |
| 4 | MTויקר אלהים אל בלעם ויאמר אליו את שׁבעת המזבחת ערכתי ואעל פר ואיל במזבח |
| SPוימצא מלאך אלהים את בלעם ויאמר אליו את שׁבעת המזבחות ערכתי ואעלה פר ואיל במזבח | |
| 5 | MTוישׂם יהוה דבר בפי בלעם ויאמר שׁוב אל בלק וכה תדבר |
| SPוישׂם מלאך יהוה דבר בפי בלעם ויאמר שׁוב אל בלק וכה תדבר | |
| 6 | MTוישׁב אליו והנה נצב על עלתו הוא וכל שׂרי מואב |
| SPוישׁב אליו והנה נצב על עלתיו הוא וכל שׂרי מואב | |
| 7 | MTוישׂא משׁלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישׂראל |
| SPוישׂא משׁלו ויאמר מארם ינחני בלק מלך מואב מהררי קדם לכה ארה לי יעקב ולכה זעמה ישׂראל | |
| 8 | MTמה אקב לא קבה אל ומה אזעם לא זעם יהוה |
| SPמה אקב לא קבו אל ומה אזעם לא זעם יהוה | |
| 9 | MTכי מראשׁ צרים אראנו ומגבעות אשׁורנו הן עם לבדד ישׁכן ובגוים לא יתחשׁב |
| SPכי מראשׁ צורים אראנו ומגבעות אשׁורנו הן עם לבדד ישׁכן ובגוים לא יתחשׁב | |
| 10 | MTמי מנה עפר יעקב ומספר את רבע ישׂראל תמת נפשׁי מות ישׁרים ותהי אחריתי כמהו |
| SPמי מנה עפר יעקב ומי ספר מרבע ישׂראל תמות נפשׁי מות ישׁירים ותהי אחריתי כמהו | |
| 11 | MTויאמר בלק אל בלעם מה עשׂית לי לקב איבי לקחתיך והנה ברכת ברך |
| SPויאמר בלק אל בלעם מה עשׂית לי לקב איבי לקחתיך והנה ברכת ברוך | |
| 12 | MTויען ויאמר הלא את אשׁר ישׂים יהוה בפי אתו אשׁמר לדבר |
| SPויען ויאמר הלוא את אשׁר ישׂים יהוה בפיי אתו אשׁמר לדבר | |
| 13 | MTויאמר אליו בלק לך נא אתי אל מקום אחר אשׁר תראנו משׁם אפס קצהו תראה וכלו לא תראה וקבנו לי משׁם |
| SPויאמר אליו בלק לך נא אתי אל מקום אחר תראנו משׁם אפס קצהו תראה וכלו לא תראה וקבנו לי משׁם | |
| 14 | MTויקחהו שׂדה צפים אל ראשׁ הפסגה ויבן שׁבעה מזבחת ויעל פר ואיל במזבח |
| SPויקחהו שׂדה צפים אל ראשׁ הפסגה ויבן שׁבעה מזבחות ויעל פר ואיל במזבח | |
| 15 | MTויאמר אל בלק התיצב כה על עלתך ואנכי אקרה כה |
| SPויאמר אל בלק התיצב על עלתיך ואנכי אקרא כה | |
| 16 | MTויקר יהוה אל בלעם וישׂם דבר בפיו ויאמר שׁוב אל בלק וכה תדבר |
| SPויקרא מלאך יהוה אל בלעם וישׂם דבר בפיו ויאמר שׁוב אל בלק וכה תדבר | |
| 17 | MTויבא אליו והנו נצב על עלתו ושׂרי מואב אתו ויאמר לו בלק מה דבר יהוה |
| SPויבא אליו והנה נצב על עלתיו ושׂרי מואב אתו ויאמר אליו בלק מה דבר יהוה | |
| 18 | MTוישׂא משׁלו ויאמר קום בלק ושׁמע האזינה עדי בנו צפר |
| SPוישׂא משׁלו ויאמר קום בלק ושׁמעה האזינה עדי בנו צפור | |
| 19 | MTלא אישׁ אל ויכזב ובן אדם ויתנחם ההוא אמר ולא יעשׂה ודבר ולא יקימנה |
| SPלא אישׁ אל ויכזב ובן אדם ויתנחם ההוא אמר ולא יעשׂה דבר ולא יקימנה | |
| 20 | MTהנה ברך לקחתי וברך ולא אשׁיבנה |
| SPהן לברך לקחתי אברך ולא אשׁיבנה | |
| 21 | MTלא הביט און ביעקב ולא ראה עמל בישׂראל יהוה אלהיו עמו ותרועת מלך בו |
| SPלא אביט און ביעקב ולא ראה עמל בישׂראל יהוה אלהיו עמו ותרועת מלך בו | |
| 22 | MTאל מוציאם ממצרים כתועפת ראם לו |
| SPאל מוציאם ממצרים כתועפת ראם לו | |
| 23 | MTכי לא נחשׁ ביעקב ולא קסם בישׂראל כעת יאמר ליעקב ולישׂראל מה פעל אל |
| SPכי לא נחשׁ ביעקב ולא קסם בישׂראל כעת יאמר ליעקב ולישׂראל מה פעל אל | |
| 24 | MTהן עם כלביא יקום וכארי יתנשׂא לא ישׁכב עד יאכל טרף ודם חללים ישׁתה |
| SPהן עם כלביה יקום וכאריה יתנשׂא לא ישׁכב עד יאכל טרף ודם חללים ישׁתה | |
| 25 | MTויאמר בלק אל בלעם גם קב לא תקבנו גם ברך לא תברכנו |
| SPויאמר בלק אל בלעם גם קב לא תקבנו וגם ברוך לא תברכנו | |
| 26 | MTויען בלעם ויאמר אל בלק הלא דברתי אליך לאמר כל אשׁר ידבר יהוה אתו אעשׂה |
| SPויען בלעם ויאמר אל בלק הלוא דברתי אליך לאמר כל הדבר אשׁר ידבר האלהים אתו אעשׂה | |
| 27 | MTויאמר בלק אל בלעם לכה נא אקחך אל מקום אחר אולי יישׁר בעיני האלהים וקבתו לי משׁם |
| SPויאמר בלק אל בלעם לך נא אקחך אל מקום אחר אולי יישׁר בעיני האלהים וקבתו לי משׁם | |
| 28 | MTויקח בלק את בלעם ראשׁ הפעור הנשׁקף על פני הישׁימן |
| SPויקח בלק את בלעם ראשׁ הפעור הנשׁקף על פני הישׁמון | |
| 29 | MTויאמר בלעם אל בלק בנה לי בזה שׁבעה מזבחת והכן לי בזה שׁבעה פרים ושׁבעה אילים |
| SPויאמר בלעם אל בלק בנה לי בזה שׁבעה מזבחות והכן לי בזה שׁבעה פרים ושׁבעה אילים | |
| 30 | MTויעשׂ בלק כאשׁר אמר בלעם ויעל פר ואיל במזבח |
| SPויעשׂ בלק כאשׁר דבר בלעם ויעל פר ואיל על המזבח |