| 1 | MTויסעו בני ישׂראל ויחנו בערבות מואב מעבר לירדן ירחו |
| SPויסעו בני ישׂראל ויחנו בערבת מואב מעבר לירדן יריחו | |
| 2 | MTוירא בלק בן צפור את כל אשׁר עשׂה ישׂראל לאמרי |
| SPוירא בלק בן צפור את כל אשׁר עשׂה ישׂראל לאמרי | |
| 3 | MTויגר מואב מפני העם מאד כי רב הוא ויקץ מואב מפני בני ישׂראל |
| SPויגר מואב מפני העם מאד כי רב הוא ויקץ מואב מפני בני ישׂראל | |
| 4 | MTויאמר מואב אל זקני מדין עתה ילחכו הקהל את כל סביבתינו כלחך השׁור את ירק השׂדה ובלק בן צפור מלך למואב בעת ההוא |
| SPויאמר מואב אל זקני מדין עתה ילחך הקהל הזה את כל סביבתינו כלחך השׁור את ירק השׂדה ובלק בן צפור מלך למואב בעת ההיא | |
| 5 | MTוישׁלח מלאכים אל בלעם בן בעור פתורה אשׁר על הנהר ארץ בני עמו לקרא לו לאמר הנה עם יצא ממצרים הנה כסה את עין הארץ והוא ישׁב ממלי |
| SPוישׁלח מלאכים אל בלעם בן בעור פתרה אשׁר על הנהר ארץ בני עמון לקרא לו לאמר הן עם יצא ממצרים והנה כסה את עין הארץ והוא ישׁב ממולי | |
| 6 | MTועתה לכה נא ארה לי את העם הזה כי עצום הוא ממני אולי אוכל נכה בו ואגרשׁנו מן הארץ כי ידעתי את אשׁר תברך מברך ואשׁר תאר יואר |
| SPועתה לכה נא ארה לי את העם הזה כי עצום הוא ממני אולי אוכל נכה בו ואגרשׁנו מן הארץ כי ידעתי את אשׁר תברך מברך ואת אשׁר תאר ויאר | |
| 7 | MTוילכו זקני מואב וזקני מדין וקסמים בידם ויבאו אל בלעם וידברו אליו דברי בלק |
| SPוילכו זקני מואב וזקני מדין וקסמיהם בידם ויבאו אל בלעם וידברו אליו דברי בלק | |
| 8 | MTויאמר אליהם לינו פה הלילה והשׁבתי אתכם דבר כאשׁר ידבר יהוה אלי וישׁבו שׂרי מואב עם בלעם |
| SPויאמר אליהם לינו פה הלילה והשׁבתי אתכם דבר כאשׁר ידבר יהוה אלי וישׁבו שׂרי מואב עם בלעם | |
| 9 | MTויבא אלהים אל בלעם ויאמר מי האנשׁים האלה עמך |
| SPויבא אלהים אל בלעם ויאמר מה האנשׁים האלה עמך | |
| 10 | MTויאמר בלעם אל האלהים בלק בן צפר מלך מואב שׁלח אלי |
| SPויאמר בלעם אל האלהים בלק בן צפור מלך מואב שׁלח אלי | |
| 11 | MTהנה העם היצא ממצרים ויכס את עין הארץ עתה לכה קבה לי אתו אולי אוכל להלחם בו וגרשׁתיו |
| SPהן עם יצא ממצרים ויכס את עין הארץ ועתה לכה קבה לי אתו אולי אוכל להלחם בו וגרשׁתיו | |
| 12 | MTויאמר אלהים אל בלעם לא תלך עמהם לא תאר את העם כי ברוך הוא |
| SPויאמר אלהים אל בלעם לא תלך עמהם ולא תאר את העם כי ברוך הוא | |
| 13 | MTויקם בלעם בבקר ויאמר אל שׂרי בלק לכו אל ארצכם כי מאן יהוה לתתי להלך עמכם |
| SPויקם בלעם בבקר ויאמר אל שׂרי בלק לכו אל ארצכם כי מאן יהוה לתתי להלך עמכם | |
| 14 | MTויקומו שׂרי מואב ויבאו אל בלק ויאמרו מאן בלעם הלך עמנו |
| SPויקמו שׂרי מואב ויבאו אל בלק ויאמרו מאן בלעם הלך עמנו | |
| 15 | MTויסף עוד בלק שׁלח שׂרים רבים ונכבדים מאלה |
| SPויסף עוד בלק שׁלח שׂרים רבים ונכבדים מאלה | |
| 16 | MTויבאו אל בלעם ויאמרו לו כה אמר בלק בן צפור אל נא תמנע מהלך אלי |
| SPויבאו אל בלעם ויאמרו לו כה אמר בלק בן צפור אל נא תמנע מהלך אלי | |
| 17 | MTכי כבד אכבדך מאד וכל אשׁר תאמר אלי אעשׂה ולכה נא קבה לי את העם הזה |
| SPכי כבד אכבדך מאד וכל אשׁר תאמר אלי אעשׂה ולכה נא קבה לי את העם הזה | |
| 18 | MTויען בלעם ויאמר אל עבדי בלק אם יתן לי בלק מלא ביתו כסף וזהב לא אוכל לעבר את פי יהוה אלהי לעשׂות קטנה או גדולה |
| SPויען בלעם ויאמר אל עבדי בלק אם יתן לי בלק מלוא ביתו כסף או זהב לא אוכל אעבר את פי יהוה אלהי לעשׂות קטנה או גדלה | |
| 19 | MTועתה שׁבו נא בזה גם אתם הלילה ואדעה מה יסף יהוה דבר עמי |
| SPועתה שׁבו נא בזה גם אתם הלילה ואדעה מה יסף יהוה דבר עמי | |
| 20 | MTויבא אלהים אל בלעם לילה ויאמר לו אם לקרא לך באו האנשׁים קום לך אתם ואך את הדבר אשׁר אדבר אליך אתו תעשׂה |
| SPויבא מלאך אלהים אל בלעם לילה ויאמר לו אם לקרא לך באו האנשׁים קום לך אתם ואך את הדבר אשׁר אדבר אליך אתו תעשׂה | |
| 21 | MTויקם בלעם בבקר ויחבשׁ את אתנו וילך עם שׂרי מואב |
| SPויקם בלעם בבקר ויחבשׁ את אתנו וילך עם שׂרי מואב | |
| 22 | MTויחר אף אלהים כי הולך הוא ויתיצב מלאך יהוה בדרך לשׂטן לו והוא רכב על אתנו ושׁני נעריו עמו |
| SPויחר אף יהוה כי הלך הוא ויתיצב מלאך יהוה בדרך לשׂטן לו והוא רכב על אתנו ושׁני נעריו עמו | |
| 23 | MTותרא האתון את מלאך יהוה נצב בדרך וחרבו שׁלופה בידו ותט האתון מן הדרך ותלך בשׂדה ויך בלעם את האתון להטתה הדרך |
| SPותרא האתון את מלאך יהוה נצב בדרך וחרבו שׁלופה בידו ותט האתון מן הדרך ותלך בשׂדה ויך בלעם את האתון להטותה הדרך | |
| 24 | MTויעמד מלאך יהוה במשׁעול הכרמים גדר מזה וגדר מזה |
| SPויעמד מלאך יהוה במשׁעל הכרמים גדר מזה וגדר מזה | |
| 25 | MTותרא האתון את מלאך יהוה ותלחץ אל הקיר ותלחץ את רגל בלעם אל הקיר ויסף להכתה |
| SPותרא האתון את מלאך יהוה ותלחץ אל הקיר ותלחץ את רגל בלעם אל הקיר ויסף להכותה | |
| 26 | MTויוסף מלאך יהוה עבור ויעמד במקום צר אשׁר אין דרך לנטות ימין ושׂמאול |
| SPויסף מלאך יהוה עבר ויעמד במקום צר אשׁר אין דרך לנטות ימין ושׂמאל | |
| 27 | MTותרא האתון את מלאך יהוה ותרבץ תחת בלעם ויחר אף בלעם ויך את האתון במקל |
| SPותרא האתון את מלאך יהוה ותרבץ תחת בלעם ויחר אף בלעם ויך את האתון במקל | |
| 28 | MTויפתח יהוה את פי האתון ותאמר לבלעם מה עשׂיתי לך כי הכיתני זה שׁלשׁ רגלים |
| SPויפתח יהוה את פי האתון ותאמר אל בלעם מה עשׂיתי לך כי הכיתני זה שׁלשׁ רגלים | |
| 29 | MTויאמר בלעם לאתון כי התעללת בי לו ישׁ חרב בידי כי עתה הרגתיך |
| SPויאמר בלעם לאתון כי התעללתי בי לו ישׁ חרב בידי כי עתה הרגתיך | |
| 30 | MTותאמר האתון אל בלעם הלוא אנכי אתנך אשׁר רכבת עלי מעודך עד היום הזה ההסכן הסכנתי לעשׂות לך כה ויאמר לא |
| SPותאמר האתון אל בלעם הלוא אנכי אתנך אשׁר רכבת עלי מהודך עד היום הזה הסכן הסכנתי לעשׂות לך כה ויאמר לא | |
| 31 | MTויגל יהוה את עיני בלעם וירא את מלאך יהוה נצב בדרך וחרבו שׁלפה בידו ויקד וישׁתחו לאפיו |
| SPויגל יהוה את עיני בלעם וירא את מלאך יהוה נצב בדרך וחרבו שׁלופה בידו ויקד וישׁתחוי לאפיו | |
| 32 | MTויאמר אליו מלאך יהוה על מה הכית את אתנך זה שׁלושׁ רגלים הנה אנכי יצאתי לשׂטן כי ירט הדרך לנגדי |
| SPויאמר אליו מלאך יהוה על מה הכית את אתנך זה שׁלשׁ רגלים הנה אנכי יצאתי לשׂטנך כי הרע דרכך לנגדי | |
| 33 | MTותראני האתון ותט לפני זה שׁלשׁ רגלים אולי נטתה מפני כי עתה גם אתכה הרגתי ואותה החייתי |
| SPותראני האתון ותט מלפני זה שׁלשׁ רגלים אולי נטתה מפני כי עתה גם אתך הכיתי ואתה החייתי | |
| 34 | MTויאמר בלעם אל מלאך יהוה חטאתי כי לא ידעתי כי אתה נצב לקראתי בדרך ועתה אם רע בעיניך אשׁובה לי |
| SPויאמר בלעם אל מלאך יהוה חטאתי כי לא ידעתי כי אתה נצב לקראתי בדרך ועתה אם רעה בעיניך אשׁובה לי | |
| 35 | MTויאמר מלאך יהוה אל בלעם לך עם האנשׁים ואפס את הדבר אשׁר אדבר אליך אתו תדבר וילך בלעם עם שׂרי בלק |
| SPויאמר מלאך יהוה אל בלעם לך עם האנשׁים ואפס את הדבר אשׁר אדבר אליך אתו תשׁמר לדבר וילך בלעם עם שׂרי בלק | |
| 36 | MTוישׁמע בלק כי בא בלעם ויצא לקראתו אל עיר מואב אשׁר על גבול ארנן אשׁר בקצה הגבול |
| SPוישׁמע בלק כי בא בלעם ויצא לקראתו אל עיר מואב אשׁר על גבול ארנן אשׁר בקצה הגבול | |
| 37 | MTויאמר בלק אל בלעם הלא שׁלח שׁלחתי אליך לקרא לך למה לא הלכת אלי האמנם לא אוכל כבדך |
| SPויאמר בלק אל בלעם הלוא שׁלח שׁלחתי אליך לקרא לך למה לא הלכת אלי האמנם לא אוכל כבדך | |
| 38 | MTויאמר בלעם אל בלק הנה באתי אליך עתה היכול אוכל דבר מאומה הדבר אשׁר ישׂים אלהים בפי אתו אדבר |
| SPויאמר בלעם אל בלק הנה באתי אליך עתה היוכל אוכל דבר מאומה הדבר אשׁר ישׂים אלהים בפיי אתו אשׁמר לדבר | |
| 39 | MTוילך בלעם עם בלק ויבאו קרית חצות |
| SPוילך בלעם עם בלק ויבאהו קרית חיצות | |
| 40 | MTויזבח בלק בקר וצאן וישׁלח לבלעם ולשׂרים אשׁר אתו |
| SPויזבח בלק בקר וצאן וישׁלח לבלעם ולשׂרים אשׁר אתו | |
| 41 | MTויהי בבקר ויקח בלק את בלעם ויעלהו במות בעל וירא משׁם קצה העם |
| SPויהי בבקר ויקח בלק את בלעם ויעלהו במות בעל וירא משׁם את קצה העם |