| 1 | MTוישׁמע הכנעני מלך ערד ישׁב הנגב כי בא ישׂראל דרך האתרים וילחם בישׂראל וישׁב ממנו שׁבי |
| SPוישׁמע הכנעני מלך ערד ישׁב הנגב כי בא ישׂראל דרך האתורים וילחם בישׂראל וישׁב ממנו שׁבי | |
| 2 | MTוידר ישׂראל נדר ליהוה ויאמר אם נתן תתן את העם הזה בידי והחרמתי את עריהם |
| SPוידר ישׂראל נדר ליהוה ויאמר אם נתון תתן את העם הזה בידי וחרמתי את עריהם | |
| 3 | MTוישׁמע יהוה בקול ישׂראל ויתן את הכנעני ויחרם אתהם ואת עריהם ויקרא שׁם המקום חרמה |
| SPוישׁמע יהוה בקול ישׂראל ויתן את הכנעני בידו ויחרם אתם ואת עריהם ויקרא שׁם המקום חרמה | |
| 4 | MTויסעו מהר ההר דרך ים סוף לסבב את ארץ אדום ותקצר נפשׁ העם בדרך |
| SPויסעו מהר ההר דרך ים סוף לסבב את ארץ אדום ותקצר נפשׁ העם בדרך | |
| 5 | MTוידבר העם באלהים ובמשׁה למה העליתנו ממצרים למות במדבר כי אין לחם ואין מים ונפשׁנו קצה בלחם הקלקל |
| SPוידבר העם באלהים ובמשׁה למה הוצאתנו ממצרים למות במדבר כי אין לחם ואין מים ונפשׁנו קצה בלחם הקלקל | |
| 6 | MTוישׁלח יהוה בעם את הנחשׁים השׂרפים וינשׁכו את העם וימת עם רב מישׂראל |
| SPוישׁלח יהוה בעם את הנחשׁים השׂרופים וינשׁכו את העם וימת עם רב מישׂראל | |
| 7 | MTויבא העם אל משׁה ויאמרו חטאנו כי דברנו ביהוה ובך התפלל אל יהוה ויסר מעלינו את הנחשׁ ויתפלל משׁה בעד העם |
| SPויבא העם אל משׁה ויאמרו חטאנו כי דברנו ביהוה ובך התפלל אל יהוה ויסר מעלינו את הנחשׁ ויתפלל משׁה בעד העם | |
| 8 | MTויאמר יהוה אל משׁה עשׂה לך שׂרף ושׂים אתו על נס והיה כל הנשׁוך וראה אתו וחי |
| SPויאמר יהוה אל משׁה עשׂה לך שׂרוף ושׂים אתו על הנס והיה כל הנשׁך וראה אתו וחי | |
| 9 | MTויעשׂ משׁה נחשׁ נחשׁת וישׂמהו על הנס והיה אם נשׁך הנחשׁ את אישׁ והביט אל נחשׁ הנחשׁת וחי |
| SPויעשׂ משׁה נחשׁ נחשׁת וישׂמהו על הנס והיה אם נשׁך הנחשׁ את האישׁ והביט אל נחשׁ הנחשׁת וחי | |
| 10 | MTויסעו בני ישׂראל ויחנו באבת |
| SPויסעו בני ישׂראל ויחנו באבות | |
| 11 | MTויסעו מאבת ויחנו בעיי העברים במדבר אשׁר על פני מואב ממזרח השׁמשׁ |
| SPויסעו מאבות ויחנו בעיי העברים במדבר אשׁר על פני מואב מזרח השׁמשׁ ויאמר יהוה אל משׁה אל תצור את מואב ואל תתגר בם כי לא אתן לך מארצו ירשׁה כי לבני לוט נתתי את ער ירשׁה | |
| 12 | MTמשׁם נסעו ויחנו בנחל זרד |
| SPמשׁם נסעו ויחנו בנחל זרד וידבר יהוה אל משׁה לאמר אתה עבר היום את גבול מואב את ער וקרבת מול בני עמון אל תצורם ואל תתגר בם כי לא אתן מארץ בני עמון לך ירשׁה כי לבני לוט נתתיה ירשׁה | |
| 13 | MTמשׁם נסעו ויחנו מעבר ארנון אשׁר במדבר היצא מגבול האמרי כי ארנון גבול מואב בין מואב ובין האמרי |
| SPויסעו מנחל זרד ויחנו בעבר ארנן אשׁר על המדבר היוצא מגבול האמרי כי ארנן גבול מואב בין מואב ובין האמרי | |
| 14 | MTעל כן יאמר בספר מלחמת יהוה את והב בסופה ואת הנחלים ארנון |
| SPעל כן יאמר בספר מלחמות יהוה את והב בסופה ואת הנחלים ארנן | |
| 15 | MTואשׁד הנחלים אשׁר נטה לשׁבת ער ונשׁען לגבול מואב |
| SPאשׁר הנחילם ואשׁר נטה לשׁבת עיר ונשׁען לגבול מואב | |
| 16 | MTומשׁם בארה הוא הבאר אשׁר אמר יהוה למשׁה אסף את העם ואתנה להם מים |
| SPומשׁם בארה היא הבאר אשׁר אמר יהוה אל משׁה אספה לי את העם ואתן להם מים | |
| 17 | MTאז ישׁיר ישׂראל את השׁירה הזאת עלי באר ענו לה |
| SPאז ישׁיר ישׂראל את השׁירה הזאת עלה באר ענו לה | |
| 18 | MTבאר חפרוה שׂרים כרוה נדיבי העם במחקק במשׁענתם וממדבר מתנה |
| SPבאר חפרוה שׂרים כרואה נדיבי העם במחקק ובמשׁענתם ממדבר מתנה | |
| 19 | MTוממתנה נחליאל ומנחליאל במות |
| SPוממתנה נחליאל ומנחליאל במות | |
| 20 | MTומבמות הגיא אשׁר בשׂדה מואב ראשׁ הפסגה ונשׁקפה על פני הישׁימן |
| SPומבמות הגיא אשׁר בשׂדה מואב ראשׁ הפסגה הנשׁקף על פני הישׁמון ויאמר יהוה אל משׁה קומו סעו ועברו את נחל ארנן ראה נתתי בידך את סיחון מלך חשׁבון האמרי ואת ארצו החל רשׁ והתגר בו מלחמה היום הזה החל תת פחדך ויראתך על פני העמים תחת כל השׁמים אשׁר ישׁמעו את שׁמעך ורגזו וחלו מפניך | |
| 21 | MTוישׁלח ישׂראל מלאכים אל סיחן מלך האמרי לאמר |
| SPוישׁלח ישׂראל מלאכים אל סיחון מלך האמרי דברי שׁלום לאמר | |
| 22 | MTאעברה בארצך לא נטה בשׂדה ובכרם לא נשׁתה מי באר בדרך המלך נלך עד אשׁר נעבר גבלך |
| SPאעברה בארצך בדרך המלך אלך לא אסור ימין ושׂמאל לא אטה בשׂדה ובכרם אכל בכסף תשׁבירני ואכלתי ומים בכסף תתן לי ושׁתיתי רק אעברה ברגלי כאשׁר עשׂו לי בני עשׂו הישׁבים בשׂעיר והמואבים הישׁבים בער | |
| 23 | MTולא נתן סיחן את ישׂראל עבר בגבלו ויאסף סיחן את כל עמו ויצא לקראת ישׂראל המדברה ויבא יהצה וילחם בישׂראל |
| SPולא נתן סיחון את ישׂראל עבר בגבולו ויאמר יהוה אל משׁה ראה החלתי תת לפניך את סיחון ואת ארצו החל רשׁ לרשׁת את ארצו ויאסף סיחון את כל עמו ויצא לקראת ישׂראל המדברה ויבא יחצה וילחם בישׂראל | |
| 24 | MTויכהו ישׂראל לפי חרב ויירשׁ את ארצו מארנן עד יבק עד בני עמון כי עז גבול בני עמון |
| SPויכהו ישׂראל ואת בניו ואת כל עמו לפי חרב ויירשׁו את ארצו מארנן עד יבק עד בני עמון כי עז גבול בני עמון | |
| 25 | MTויקח ישׂראל את כל הערים האלה וישׁב ישׂראל בכל ערי האמרי בחשׁבון ובכל בנתיה |
| SPויקח ישׂראל את כל הערים האלה וישׁב ישׂראל בכל ערי האמרי בחשׁבון ובכל בנתיה | |
| 26 | MTכי חשׁבון עיר סיחן מלך האמרי הוא והוא נלחם במלך מואב הראשׁון ויקח את כל ארצו מידו עד ארנן |
| SPכי חשׁבון עיר סיחון מלך האמרי היא והוא הנלחם במלך מואב הראישׁון ויקח את כל ארצו מידו עד ארנן | |
| 27 | MTעל כן יאמרו המשׁלים באו חשׁבון תבנה ותכונן עיר סיחון |
| SPעל כן יאמרו המשׁלים באי חשׁבון תבנה ותתכונן עיר סיחון | |
| 28 | MTכי אשׁ יצאה מחשׁבון להבה מקרית סיחן אכלה ער מואב בעלי במות ארנן |
| SPכי אשׁ יצאה מחשׁבון להבה מקרית סיחון אכלה עד מואב בעלי במות ארנן | |
| 29 | MTאוי לך מואב אבדת עם כמושׁ נתן בניו פליטם ובנתיו בשׁבית למלך אמרי סיחון |
| SPאוי לך מואב אבדת עם כמושׁ נתן בניו פלטים ובנתיו בשׁבי למלך האמרי סיחון | |
| 30 | MTונירם אבד חשׁבון עד דיבון ונשׁים עד נפח אשׁר עד מידבא |
| SPונירם אבדה חשׁבון עד דיבון ונשׁים עד הנפח אשׁ על מידבא | |
| 31 | MTוישׁב ישׂראל בארץ האמרי |
| SPוישׁב ישׂראל בערי האמרי | |
| 32 | MTוישׁלח משׁה לרגל את יעזר וילכדו בנתיה ויירשׁ את האמרי אשׁר שׁם |
| SPוישׁלח משׁה לרגל את יעזיר וילכדו בנתיה ויורישׁו את האמרי אשׁר שׁם | |
| 33 | MTויפנו ויעלו דרך הבשׁן ויצא עוג מלך הבשׁן לקראתם הוא וכל עמו למלחמה אדרעי |
| SPויפנו ויעלו דרך הבשׁן ויצא עוג מלך הבשׁן לקראתם הוא וכל עמו למלחמה אדרעי | |
| 34 | MTויאמר יהוה אל משׁה אל תירא אתו כי בידך נתתי אתו ואת כל עמו ואת ארצו ועשׂית לו כאשׁר עשׂית לסיחן מלך האמרי אשׁר יושׁב בחשׁבון |
| SPויאמר יהוה אל משׁה אל תירא אתו כי בידך נתתי אתו ואת כל עמו ואת ארצו ועשׂית לו כאשׁר עשׂית לסיחון מלך האמרי אשׁר ישׁב בחשׁבון | |
| 35 | MTויכו אתו ואת בניו ואת כל עמו עד בלתי השׁאיר לו שׂריד ויירשׁו את ארצו |
| SPויכו אתו ואת כל עמו עד בלתי השׁאיר לו שׂריד ויירשׁו את ארצו |