| 1 | MTויבאו בני ישׂראל כל העדה מדבר צן בחדשׁ הראשׁון וישׁב העם בקדשׁ ותמת שׁם מרים ותקבר שׁם |
| SPויבאו בני ישׂראל כל העדה מדבר צן בחדשׁ הראישׁון וישׁב העם בקדשׁ ותמת שׁם מרים ותקבר שׁם | |
| 2 | MTולא היה מים לעדה ויקהלו על משׁה ועל אהרן |
| SPולא היה מים לעדה ויקהלו על משׁה ועל אהרן | |
| 3 | MTוירב העם עם משׁה ויאמרו לאמר ולו גוענו בגוע אחינו לפני יהוה |
| SPוירב העם עם משׁה ויאמרו לאמר ולוי גוענו בגוע אחינו לפני יהוה | |
| 4 | MTולמה הבאתם את קהל יהוה אל המדבר הזה למות שׁם אנחנו ובעירנו |
| SPולמה הבאתם את קהל יהוה אל המדבר הזה למות שׁם אנחנו ובעירנו | |
| 5 | MTולמה העליתנו ממצרים להביא אתנו אל המקום הרע הזה לא מקום זרע ותאנה וגפן ורמון ומים אין לשׁתות |
| SPולמה העליתנו ממצרים להביא אתנו אל המקום הרע הזה לא מקום זרע תאנה גפן ורמון ומים אין לשׁתות | |
| 6 | MTויבא משׁה ואהרן מפני הקהל אל פתח אהל מועד ויפלו על פניהם וירא כבוד יהוה אליהם |
| SPויבא משׁה ואהרן מפני הקהל אל פתח אהל מועד ויפלו על פניהם וירא כבוד יהוה אליהם | |
| 7 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 8 | MTקח את המטה והקהל את העדה אתה ואהרן אחיך ודברתם אל הסלע לעיניהם ונתן מימיו והוצאת להם מים מן הסלע והשׁקית את העדה ואת בעירם |
| SPקח את המטה והקהל את העדה אתה ואהרן אחיך ודברתם אל הסלע לעיניהם ונתן מימיו והוצאת להם מים מן הסלע והשׁקית את העדה ואת בעירם | |
| 9 | MTויקח משׁה את המטה מלפני יהוה כאשׁר צוהו |
| SPויקח משׁה את המטה מלפני יהוה כאשׁר צוהו | |
| 10 | MTויקהלו משׁה ואהרן את הקהל אל פני הסלע ויאמר להם שׁמעו נא המרים המן הסלע הזה נוציא לכם מים |
| SPויקהלו משׁה ואהרן את הקהל אל פני הסלע ויאמר להם שׁמעו נא המרים המן הסלע הזה נוציא לכם מים | |
| 11 | MTוירם משׁה את ידו ויך את הסלע במטהו פעמים ויצאו מים רבים ותשׁת העדה ובעירם |
| SPוירם משׁה את ידו ויך את הסלע במטהו פעמים ויצאו מים רבים ותשׁת העדה ובעירם | |
| 12 | MTויאמר יהוה אל משׁה ואל אהרן יען לא האמנתם בי להקדישׁני לעיני בני ישׂראל לכן לא תביאו את הקהל הזה אל הארץ אשׁר נתתי להם |
| SPויאמר יהוה אל משׁה ואל אהרן יען לא האמנתם בי להקדישׁני לעיני בני ישׂראל לכן לא תביאו את הקהל הזה אל הארץ אשׁר נתתי להם | |
| 13 | MTהמה מי מריבה אשׁר רבו בני ישׂראל את יהוה ויקדשׁ בם |
| SPהם מי מריבה אשׁר רבו בני ישׂראל את יהוה ויקדשׁ בם ויאמר משׁה אדני יהוה אתה החלת להראות את עבדך את גדלך ואת ידך החזקה אשׁר מי אל בשׁמים ובארץ אשׁר יעשׂה כמעשׂיך וכגבורתיך אעברה נא ואראה את הארץ הטובה אשׁר בעבר הירדן ההר הטוב הזה והלבנון ויאמר יהוה אל משׁה רב לך אל תוסף דבר אלי עוד בדבר הזה עלה אל ראשׁ הפסגה ושׂא עיניך ימה וצפונה ותימנה ומזרחה וראה בעיניך כי לא תעבר את הירדן הזה וצוי את יהושׁע בן נון וחזקהו ואמצהו כי הוא יעבר לפני העם הזה והוא ינחל אתם את הארץ אשׁר תראה וידבר יהוה אל משׁה לאמר רב לכם סוב את ההר הזה פנו לכם צפונה ואת העם צוי לאמר אתם עברים בגבול אחיכם בני עשׂו הישׁבים בשׂעיר וייראו מכם ונשׁמרתם מאד אל תתגרו בם כי לא אתן לכם מארצם ירשׁה עד מדרך כף רגל כי ירשׁה לעשׂו נתתי את הר שׂעיר אכל תשׁברו מאתם בכסף ואכלתם וגם מים תכירו מאתם בכסף ושׁתיתם | |
| 14 | MTוישׁלח משׁה מלאכים מקדשׁ אל מלך אדום כה אמר אחיך ישׂראל אתה ידעת את כל התלאה אשׁר מצאתנו |
| SPוישׁלח משׁה מלאכים מקדשׁ אל מלך אדום כה אמר אחיך ישׂראל אתה ידעת את כל התלאה אשׁר מצאתנו | |
| 15 | MTוירדו אבתינו מצרימה ונשׁב במצרים ימים רבים וירעו לנו מצרים ולאבתינו |
| SPוירדו אבתינו מצרימה ונשׁב במצרים ימים רבים ויריעו לנו המצרים ולאבתינו | |
| 16 | MTונצעק אל יהוה וישׁמע קלנו וישׁלח מלאך ויצאנו ממצרים והנה אנחנו בקדשׁ עיר קצה גבולך |
| SPונצעק אל יהוה וישׁמע קולנו וישׁלח מלאך ויוציאנו ממצרים והנה אנחנו בקדשׁ עיר קצה גבולך | |
| 17 | MTנעברה נא בארצך לא נעבר בשׂדה ובכרם ולא נשׁתה מי באר דרך המלך נלך לא נטה ימין ושׂמאול עד אשׁר נעבר גבולך |
| SPנעבר נא בארצך לא נעבר בשׂדה ובכרם ולא נשׁתה מי בור דרך המלך נלך לא נסור ימין ושׂמאל עד אשׁר נעבר גבולך | |
| 18 | MTויאמר אליו אדום לא תעבר בי פן בחרב אצא לקראתך |
| SPויאמר אליו אדום לא תעבר בי פן בחרב אצא לקראתך | |
| 19 | MTויאמרו אליו בני ישׂראל במסלה נעלה ואם מימיך נשׁתה אני ומקני ונתתי מכרם רק אין דבר ברגלי אעברה |
| SPויאמרו אליו בני ישׂראל במסלה נעלה ואם ממימיך נשׁתה אני ומקני ונתתי מכרם רק אין דבר ברגלי אעבר | |
| 20 | MTויאמר לא תעבר ויצא אדום לקראתו בעם כבד וביד חזקה |
| SPויאמר לא תעבר ויצא אדום לקראתו בעם כבד וביד חזקה | |
| 21 | MTוימאן אדום נתן את ישׂראל עבר בגבלו ויט ישׂראל מעליו |
| SPוימאן אדום נתון את ישׂראל עבר בגבולו ויט ישׂראל מעליו | |
| 22 | MTויסעו מקדשׁ ויבאו בני ישׂראל כל העדה הר ההר |
| SPויסעו מקדשׁ ויבאו בני ישׂראל כל העדה הר ההר | |
| 23 | MTויאמר יהוה אל משׁה ואל אהרן בהר ההר על גבול ארץ אדום לאמר |
| SPויאמר יהוה אל משׁה ואל אהרן בהר ההר על גבול ארץ אדום לאמר | |
| 24 | MTיאסף אהרן אל עמיו כי לא יבא אל הארץ אשׁר נתתי לבני ישׂראל על אשׁר מריתם את פי למי מריבה |
| SPיאסף אהרן אל עמו כי לא יבוא אל הארץ אשׁר נתתי לבני ישׂראל על אשׁר מריתם את פיי למי מריבה | |
| 25 | MTקח את אהרן ואת אלעזר בנו והעל אתם הר ההר |
| SPקח את אהרן ואת אלעזר בנו והעל אתם הר ההר | |
| 26 | MTוהפשׁט את אהרן את בגדיו והלבשׁתם את אלעזר בנו ואהרן יאסף ומת שׁם |
| SPוהפשׁטת את אהרן את בגדיו והלבשׁתם את אלעזר בנו ואהרן יאסף וימת שׁם | |
| 27 | MTויעשׂ משׁה כאשׁר צוה יהוה ויעלו אל הר ההר לעיני כל העדה |
| SPויעשׂ משׁה כאשׁר צוה יהוה ויעלהו אל הר ההר לעיני כל העדה | |
| 28 | MTויפשׁט משׁה את אהרן את בגדיו וילבשׁ אתם את אלעזר בנו וימת אהרן שׁם בראשׁ ההר וירד משׁה ואלעזר מן ההר |
| SPויפשׁט משׁה את אהרן את בגדיו וילבשׁ אתם את אלעזר בנו וימת אהרן שׁם בראשׁ ההר וירד משׁה ואלעזר מן ההר | |
| 29 | MTויראו כל העדה כי גוע אהרן ויבכו את אהרן שׁלשׁים יום כל בית ישׂראל |
| SPויראו כל העדה כי גוע אהרן ויבכו את אהרן שׁלשׁים יום כל בית ישׂראל |