| 1 | MTוידבר יהוה אל משׁה ואל אהרן לאמר |
| SPוידבר יהוה אל משׁה ואל אהרן לאמר | |
| 2 | MTזאת חקת התורה אשׁר צוה יהוה לאמר דבר אל בני ישׂראל ויקחו אליך פרה אדמה תמימה אשׁר אין בה מום אשׁר לא עלה עליה על |
| SPזאת חקות התורה אשׁר צוה יהוה לאמר דבר אל בני ישׂראל ויקחו אליך פרה אדמה תמימה אשׁר אין בה מום ואשׁר לא עלה עליה עול | |
| 3 | MTונתתם אתה אל אלעזר הכהן והוציא אתה אל מחוץ למחנה ושׁחט אתה לפניו |
| SPונתתם אתה אל אלעזר הכהן והוציא אתה אל מחוץ למחנה ושׁחט אתה לפניו | |
| 4 | MTולקח אלעזר הכהן מדמה באצבעו והזה אל נכח פני אהל מועד מדמה שׁבע פעמים |
| SPולקח אלעזר הכהן מדמה באצבעו והזה אל נכח פני אהל מועד מדמה שׁבע פעמים | |
| 5 | MTושׂרף את הפרה לעיניו את ערה ואת בשׂרה ואת דמה על פרשׁה ישׂרף |
| SPושׂרף את הפרה לעיניו את עורה ואת בשׂרה ואת דמה על פרשׁה ישׂרף | |
| 6 | MTולקח הכהן עץ ארז ואזוב ושׁני תולעת והשׁליך אל תוך שׂרפת הפרה |
| SPולקח הכהן עץ ארז ואזוב ושׁני תולעת והשׁליך אל תוך שׂרפת הפרה | |
| 7 | MTוכבס בגדיו הכהן ורחץ בשׂרו במים ואחר יבוא אל המחנה וטמא הכהן עד הערב |
| SPוכבס בגדיו הכהן ורחץ את בשׂרו במים ואחר יבוא אל המחנה וטמא הכהן עד הערב | |
| 8 | MTוהשׂרף אתה יכבס בגדיו במים ורחץ בשׂרו במים וטמא עד הערב |
| SPוהשׂרף אתה יכבס בגדיו במים ורחץ את בשׂרו במים וטמא עד הערב | |
| 9 | MTואסף אישׁ טהור את אפר הפרה והניח מחוץ למחנה במקום טהור והיתה לעדת בני ישׂראל למשׁמרת למי נדה חטאת הוא |
| SPואסף אישׁ טהור את אפר הפרה והניח מחוץ למחנה במקום טהור והיתה לעדת בני ישׂראל למשׁמרת למי נדה חטאת היא | |
| 10 | MTוכבס האסף את אפר הפרה את בגדיו וטמא עד הערב והיתה לבני ישׂראל ולגר הגר בתוכם לחקת עולם |
| SPוכבס האסף את אפר הפרה את בגדיו וטמא עד הערב והיתה לבני ישׂראל ולגר הגר בתוכם לחקות עולם | |
| 11 | MTהנגע במת לכל נפשׁ אדם וטמא שׁבעת ימים |
| SPהנגע במת לכל נפשׁ אדם יטמא שׁבעת ימים | |
| 12 | MTהוא יתחטא בו ביום השׁלישׁי וביום השׁביעי יטהר ואם לא יתחטא ביום השׁלישׁי וביום השׁביעי לא יטהר |
| SPוהוא יתחטא בו ביום השׁלישׁי וביום השׁביעי וטהר ואם לא יתחטא ביום השׁלישׁי וביום השׁביעי לא יטהר | |
| 13 | MTכל הנגע במת בנפשׁ האדם אשׁר ימות ולא יתחטא את משׁכן יהוה טמא ונכרתה הנפשׁ ההוא מישׂראל כי מי נדה לא זרק עליו טמא יהיה עוד טמאתו בו |
| SPכל הנגע במת בנפשׁ אדם אשׁר ימות ולא יתחטא את משׁכן יהוה טמא ונכרתה הנפשׁ ההיא מישׂראל כי מי נדה לא זרק עליו טמא יהיה עוד טמאתו בו | |
| 14 | MTזאת התורה אדם כי ימות באהל כל הבא אל האהל וכל אשׁר באהל יטמא שׁבעת ימים |
| SPוזאת התורה אדם כי ימות באהל כל הבא אל האהל וכל אשׁר באהל יטמא שׁבעת ימים | |
| 15 | MTוכל כלי פתוח אשׁר אין צמיד פתיל עליו טמא הוא |
| SPוכל כלי פתוח אשׁר אין צמיד ופתיל עליו טמא הוא | |
| 16 | MTוכל אשׁר יגע על פני השׂדה בחלל חרב או במת או בעצם אדם או בקבר יטמא שׁבעת ימים |
| SPוכל אשׁר יגע על פני השׂדה בחלל חרב או במת או בעצם אדם או בקבר יטמא שׁבעת ימים | |
| 17 | MTולקחו לטמא מעפר שׂרפת החטאת ונתן עליו מים חיים אל כלי |
| SPולקחו לטמא מעפר שׂרפת החטאת ונתנו עליו מים חיים אל כלי | |
| 18 | MTולקח אזוב וטבל במים אישׁ טהור והזה על האהל ועל כל הכלים ועל הנפשׁות אשׁר היו שׁם ועל הנגע בעצם או בחלל או במת או בקבר |
| SPולקח אזוב וטבל במים אישׁ טהור והזה על האהל ועל הכלים ועל הנפשׁות אשׁר היו שׁם ועל הנגע בעצם או בחלל או במת או בקבר | |
| 19 | MTוהזה הטהר על הטמא ביום השׁלישׁי וביום השׁביעי וחטאו ביום השׁביעי וכבס בגדיו ורחץ במים וטהר בערב |
| SPוהזה הטהור על הטמא ביום השׁלישׁי וביום השׁביעי וחטאו ביום השׁביעי וכבס בגדיו ורחץ במים וטהר בערב | |
| 20 | MTואישׁ אשׁר יטמא ולא יתחטא ונכרתה הנפשׁ ההוא מתוך הקהל כי את מקדשׁ יהוה טמא מי נדה לא זרק עליו טמא הוא |
| SPוהאישׁ אשׁר יטמא ולא יתחטא ונכרתה הנפשׁ ההיא מתוך הקהל כי את מקדשׁ יהוה טמא מי נדה לא זרק עליו טמא הוא | |
| 21 | MTוהיתה להם לחקת עולם ומזה מי הנדה יכבס בגדיו והנגע במי הנדה יטמא עד הערב |
| SPוהיתה לכם לחקות עולם ומזה מי הנדה יכבס בגדיו והנגע במי הנדה יטמא עד הערב | |
| 22 | MTוכל אשׁר יגע בו הטמא יטמא והנפשׁ הנגעת תטמא עד הערב |
| SPוכל אשׁר יגע בו הטמא יטמא והנפשׁ הנגעת תטמא עד הערב |