| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTאמר אל אלעזר בן אהרן הכהן וירם את המחתת מבין השׂרפה ואת האשׁ זרה הלאה כי קדשׁו |
| SPאמר אל אלעזר בן אהרן הכהן וירם את המחתות מבין השׂרפה ואת האשׁ זרה הלאה כי קדשׁו | |
| 3 | MTאת מחתות החטאים האלה בנפשׁתם ועשׂו אתם רקעי פחים צפוי למזבח כי הקריבם לפני יהוה ויקדשׁו ויהיו לאות לבני ישׂראל |
| SPאת מחתות החטאים האלה בנפשׁותם ועשׂו אתם רקועי פחים צפואי למזבח כי הקריבום לפני יהוה ויקדשׁו והיו לאות לבני ישׂראל | |
| 4 | MTויקח אלעזר הכהן את מחתות הנחשׁת אשׁר הקריבו השׂרפים וירקעום צפוי למזבח |
| SPויקח אלעזר בן אהרן הכהן את מחתות הנחשׁת אשׁר הקריבו השׂרופים וירקעום צפואי למזבח | |
| 5 | MTזכרון לבני ישׂראל למען אשׁר לא יקרב אישׁ זר אשׁר לא מזרע אהרן הוא להקטיר קטרת לפני יהוה ולא יהיה כקרח וכעדתו כאשׁר דבר יהוה ביד משׁה לו |
| SPזכרון לבני ישׂראל למען אשׁר לא יקרב אישׁ זר אשׁר לא מזרע אהרן הוא להקטיר קטרת לפני יהוה ולא יהיה כקרח וכעדתו כאשׁר דבר יהוה ביד משׁה לו | |
| 6 | MTוילנו כל עדת בני ישׂראל ממחרת על משׁה ועל אהרן לאמר אתם המתם את עם יהוה |
| SPוילנו כל עדת בני ישׂראל ממחרת על משׁה ועל אהרן לאמר אתם המתם את עם יהוה | |
| 7 | MTויהי בהקהל העדה על משׁה ועל אהרן ויפנו אל אהל מועד והנה כסהו הענן וירא כבוד יהוה |
| SPויהי בהקהל העדה על משׁה ועל אהרן ויפנו אל אהל מועד והנה כסהו הענן ויראה כבוד יהוה | |
| 8 | MTויבא משׁה ואהרן אל פני אהל מועד |
| SPויבא משׁה ואהרן אל פני אהל מועד | |
| 9 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 10 | MTהרמו מתוך העדה הזאת ואכלה אתם כרגע ויפלו על פניהם |
| SPהרמו מתוך העדה הזאת ואכלה אתם כרגע ויפלו על פניהם | |
| 11 | MTויאמר משׁה אל אהרן קח את המחתה ותן עליה אשׁ מעל המזבח ושׂים קטרת והולך מהרה אל העדה וכפר עליהם כי יצא הקצף מלפני יהוה החל הנגף |
| SPויאמר משׁה אל אהרן קח את המחתה ותן עליה אשׁ מעל המזבח ושׂים קטרת והלך מהר אל העדה וכפר עליהם כי יצא הקצף מלפני יהוה החל הנגף | |
| 12 | MTויקח אהרן כאשׁר דבר משׁה וירץ אל תוך הקהל והנה החל הנגף בעם ויתן את הקטרת ויכפר על העם |
| SPויקח אהרן כאשׁר דבר משׁה וירץ אל תוך הקהל והנה החל הנגף בעם ויתן את הקטרת ויכפר על העם | |
| 13 | MTויעמד בין המתים ובין החיים ותעצר המגפה |
| SPויעמד בין המיתים ובין החיים ותעצר המגפה | |
| 14 | MTויהיו המתים במגפה ארבעה עשׂר אלף ושׁבע מאות מלבד המתים על דבר קרח |
| SPויהיו המיתים במגפה ארבעה עשׂר אלף ושׁבע מאות מלבד המיתים על דבר קרח | |
| 15 | MTוישׁב אהרן אל משׁה אל פתח אהל מועד והמגפה נעצרה |
| SPוישׁב אהרן אל משׁה אל פתח אהל מועד והמגפה נעצרה | |
| 16 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 17 | MTדבר אל בני ישׂראל וקח מאתם מטה מטה לבית אב מאת כל נשׂיאהם לבית אבתם שׁנים עשׂר מטות אישׁ את שׁמו תכתב על מטהו |
| SPדבר אל בני ישׂראל וקח מאתם מטה מטה לבית אב מאת כל נשׂיאיהם לבית אבותם שׁנים עשׂר מטות אישׁ את שׁמו תכתב על מטהו | |
| 18 | MTואת שׁם אהרן תכתב על מטה לוי כי מטה אחד לראשׁ בית אבותם |
| SPואת שׁם אהרן תכתב על מטה לוי כי מטה אחד לראשׁ בית אבותם | |
| 19 | MTוהנחתם באהל מועד לפני העדות אשׁר אועד לכם שׁמה |
| SPוהנחתם באהל מועד לפני העדות אשׁר אועד לך שׁמה | |
| 20 | MTוהיה האישׁ אשׁר אבחר בו מטהו יפרח והשׁכתי מעלי את תלנות בני ישׂראל אשׁר הם מלינם עליכם |
| SPוהיה האישׁ אשׁר אבחר בו מטהו יפרח והשׁכתי מעלי את תלנות בני ישׂראל אשׁר הם מלנים עליכם | |
| 21 | MTוידבר משׁה אל בני ישׂראל ויתנו אליו כל נשׂיאיהם מטה לנשׂיא אחד מטה לנשׂיא אחד לבית אבתם שׁנים עשׂר מטות ומטה אהרן בתוך מטותם |
| SPוידבר משׁה אל בני ישׂראל ויתנו אליו כל נשׂיאיהם מטה לנשׂיא אחד מטה לנשׂיא אחד לבית אבותם שׁנים עשׂר מטות ומטה אהרן בתוך מטותם | |
| 22 | MTוינח משׁה את המטת לפני יהוה באהל העדת |
| SPוינח משׁה את המטות לפני יהוה באהל העדות | |
| 23 | MTויהי ממחרת ויבא משׁה אל אהל העדות והנה פרח מטה אהרן לבית לוי ויצא פרח ויצץ ציץ ויגמל שׁקדים |
| SPויהי ממחרת ויבא משׁה אל אהל העדות והנה פרח מטה אהרן לבית לוי ויוצא פרח ויצץ ציץ ויגמל שׁקידים | |
| 24 | MTויצא משׁה את כל המטת מלפני יהוה אל כל בני ישׂראל ויראו ויקחו אישׁ מטהו |
| SPויוצא משׁה את כל המטות מלפני יהוה אל כל בני ישׂראל ויראו ויקחו אישׁ מטהו | |
| 25 | MTויאמר יהוה אל משׁה השׁב את מטה אהרן לפני העדות למשׁמרת לאות לבני מרי ותכל תלונתם מעלי ולא ימתו |
| SPויאמר יהוה אל משׁה השׁיב את מטה אהרן לפני העדות למשׁמרת לאות לבני מרי ותכל תלנותם מעלי ולא ימותו | |
| 26 | MTויעשׂ משׁה כאשׁר צוה יהוה אתו כן עשׂה |
| SPויעשׂ משׁה כאשׁר צוה יהוה אתו כן עשׂה | |
| 27 | MTויאמרו בני ישׂראל אל משׁה לאמר הן גוענו אבדנו כלנו אבדנו |
| SPויאמרו בני ישׂראל אל משׁה לאמר הן גוענו אבדנו כלנו אבדנו | |
| 28 | MTכל הקרב הקרב אל משׁכן יהוה ימות האם תמנו לגוע |
| SPכל הקרוב הקרב אל משׁכן יהוה יומת האם תמנו לגוע |