| 1 | MTויקח קרח בן יצהר בן קהת בן לוי ודתן ואבירם בני אליאב ואון בן פלת בני ראובן |
| SPויקח קרח בן יצהר בן קהת בן לוי ודתן ואבירם בני אליאב ואון בן פלת בן ראובן | |
| 2 | MTויקמו לפני משׁה ואנשׁים מבני ישׂראל חמשׁים ומאתים נשׂיאי עדה קראי מועד אנשׁי שׁם |
| SPויקמו לפני משׁה ואנשׁים מבני ישׂראל חמשׁים ומאתים נשׂיאי עדה קריאי מועד אנשׁי שׁם | |
| 3 | MTויקהלו על משׁה ועל אהרן ויאמרו אלהם רב לכם כי כל העדה כלם קדשׁים ובתוכם יהוה ומדוע תתנשׂאו על קהל יהוה |
| SPויקהלו על משׁה ועל אהרן ויאמרו אליהם רב לכם כי כל העדה כלם קדישׁים ובתוכם יהוה ומדוע תתנשׂאו על קהל יהוה | |
| 4 | MTוישׁמע משׁה ויפל על פניו |
| SPוישׁמע משׁה ויפל על פניו | |
| 5 | MTוידבר אל קרח ואל כל עדתו לאמר בקר וידע יהוה את אשׁר לו ואת הקדושׁ והקריב אליו ואת אשׁר יבחר בו יקריב אליו |
| SPוידבר אל קרח ואל כל עדתו לאמר בקר ויודע יהוה את אשׁר לו ואת הקדושׁ יקריב אליו ואת אשׁר יבחר בו יקריב אליו | |
| 6 | MTזאת עשׂו קחו לכם מחתות קרח וכל עדתו |
| SPזאת עשׂו קחו לכם מחתות קרח וכל עדתו | |
| 7 | MTותנו בהן אשׁ ושׂימו עליהן קטרת לפני יהוה מחר והיה האישׁ אשׁר יבחר יהוה הוא הקדושׁ רב לכם בני לוי |
| SPותנו בהן אשׁ ושׂימו עליהן קטרת לפני יהוה מחר והיה האישׁ אשׁר יבחר יהוה הוא הקדושׁ רב לכם בני לוי | |
| 8 | MTויאמר משׁה אל קרח שׁמעו נא בני לוי |
| SPויאמר משׁה אל קרח שׁמעו נא בני לוי | |
| 9 | MTהמעט מכם כי הבדיל אלהי ישׂראל אתכם מעדת ישׂראל להקריב אתכם אליו לעבד את עבדת משׁכן יהוה ולעמד לפני העדה לשׁרתם |
| SPהמעט מכם כי הבדיל אלהי ישׂראל אתכם מעדת ישׂראל להקריב אתכם אליו לעבד את עבדת משׁכן יהוה לעמד לפני העדה לשׁרתם | |
| 10 | MTויקרב אתך ואת כל אחיך בני לוי אתך ובקשׁתם גם כהנה |
| SPויקריב אתך ואת כל אחיך בני לוי אתך ובקשׁתם גם כהנה | |
| 11 | MTלכן אתה וכל עדתך הנעדים על יהוה ואהרן מה הוא כי תלונו עליו |
| SPלכן אתה וכל עדתך הנועדים על יהוה ואהרן מה הוא כי תלנו עליו | |
| 12 | MTוישׁלח משׁה לקרא לדתן ולאבירם בני אליאב ויאמרו לא נעלה |
| SPוישׁלח משׁה לקרא לדתן ולאבירם בני אליאב ויאמרו לא נעלה | |
| 13 | MTהמעט כי העליתנו מארץ זבת חלב ודבשׁ להמיתנו במדבר כי תשׂתרר עלינו גם השׂתרר |
| SPהמעט כי העליתנו מארץ זבת חלב ודבשׁ להמיתנו במדבר כי תשׂתרר עלינו גם השׂתרר | |
| 14 | MTאף לא אל ארץ זבת חלב ודבשׁ הביאתנו ותתן לנו נחלת שׂדה וכרם העיני האנשׁים ההם תנקר לא נעלה |
| SPאף לא אל ארץ זבת חלב ודבשׁ הבאתנו ותתן לנו נחלת שׂדה או כרם העיני האנשׁים ההם תנקר לא נעלה | |
| 15 | MTויחר למשׁה מאד ויאמר אל יהוה אל תפן אל מנחתם לא חמור אחד מהם נשׂאתי ולא הרעתי את אחד מהם |
| SPויחר למשׁה מאד ויאמר אל יהוה אל תפן אל מנחתם לא חמוד אחד מהם נשׂאתי ולא הרעתי את אחד מהם | |
| 16 | MTויאמר משׁה אל קרח אתה וכל עדתך היו לפני יהוה אתה והם ואהרן מחר |
| SPויאמר משׁה אל קרח אתה וכל עדתך היו לפני יהוה אתה והם ואהרן מחר | |
| 17 | MTוקחו אישׁ מחתתו ונתתם עליהם קטרת והקרבתם לפני יהוה אישׁ מחתתו חמשׁים ומאתים מחתת ואתה ואהרן אישׁ מחתתו |
| SPוקחו אישׁ מחתתו ונתתם עליהן קטרת והקרבתם לפני יהוה אישׁ מחתתו חמשׁים ומאתים מחתות ואתה ואהרן אישׁ מחתתו | |
| 18 | MTויקחו אישׁ מחתתו ויתנו עליהם אשׁ וישׂימו עליהם קטרת ויעמדו פתח אהל מועד ומשׁה ואהרן |
| SPויקחו אישׁ מחתתו ויתנו בהן אשׁ וישׂמו עליהן קטרת ויעמדו פתח אהל מועד ומשׁה ואהרן | |
| 19 | MTויקהל עליהם קרח את כל העדה אל פתח אהל מועד וירא כבוד יהוה אל כל העדה |
| SPויקהל עליהם קרח את כל העדה אל פתח אהל מועד וירא כבוד יהוה אל כל העדה | |
| 20 | MTוידבר יהוה אל משׁה ואל אהרן לאמר |
| SPוידבר יהוה אל משׁה ואל אהרן לאמר | |
| 21 | MTהבדלו מתוך העדה הזאת ואכלה אתם כרגע |
| SPהבדלו מתוך העדה הזאת ואכלה אתם כרגע | |
| 22 | MTויפלו על פניהם ויאמרו אל אלהי הרוחת לכל בשׂר האישׁ אחד יחטא ועל כל העדה תקצף |
| SPויפלו על פניהם ויאמרו אל אלהי הרוחות לכל הבשׂר האישׁ האחד יחטא ועל כל העדה תקצף | |
| 23 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 24 | MTדבר אל העדה לאמר העלו מסביב למשׁכן קרח דתן ואבירם |
| SPדבר אל העדה לאמר העלו מסביב למשׁכן קרח דתן ואבירם | |
| 25 | MTויקם משׁה וילך אל דתן ואבירם וילכו אחריו זקני ישׂראל |
| SPויקם משׁה וילך אל דתן ואבירם וילכו אחריו זקני ישׂראל | |
| 26 | MTוידבר אל העדה לאמר סורו נא מעל אהלי האנשׁים הרשׁעים האלה ואל תגעו בכל אשׁר להם פן תספו בכל חטאתם |
| SPוידבר אל העדה לאמר סורו נא מעל אהלי האנשׁים הרשׁעים האלה ואל תגעו בכל אשׁר להם פן תספו בכל חטאתם | |
| 27 | MTויעלו מעל משׁכן קרח דתן ואבירם מסביב ודתן ואבירם יצאו נצבים פתח אהליהם ונשׁיהם ובניהם וטפם |
| SPויעלו מעל משׁכן קרח דתן ואבירם מסביב ודתן ואבירם יצאו נצבים פתח אהליהם ונשׁיהם ובניהם וטפם | |
| 28 | MTויאמר משׁה בזאת תדעון כי יהוה שׁלחני לעשׂות את כל המעשׂים האלה כי לא מלבי |
| SPויאמר משׁה בזאת תדעון כי יהוה שׁלחני לעשׂות את כל המעשׂים האלה כי לא מלבי | |
| 29 | MTאם כמות כל האדם ימתון אלה ופקדת כל האדם יפקד עליהם לא יהוה שׁלחני |
| SPאם כמות כל האדם ימותון אלה ופקדת כל האדם יפקד עליהם לא יהוה שׁלחני | |
| 30 | MTואם בריאה יברא יהוה ופצתה האדמה את פיה ובלעה אתם ואת כל אשׁר להם וירדו חיים שׁאלה וידעתם כי נאצו האנשׁים האלה את יהוה |
| SPואם בריה יברא יהוה ופצתה האדמה את פיה ובלעה אתם ואת כל אשׁר להם וירדו חיים שׁאלה וידעתם כי נאצו האנשׁים האלה את יהוה | |
| 31 | MTויהי ככלתו לדבר את כל הדברים האלה ותבקע האדמה אשׁר תחתיהם |
| SPויהי ככלותו לדבר את כל הדברים האלה ותבקע האדמה אשׁר תחתיהם | |
| 32 | MTותפתח הארץ את פיה ותבלע אתם ואת בתיהם ואת כל האדם אשׁר לקרח ואת כל הרכושׁ |
| SPותפתח הארץ את פיה ותבלע אתם ואת בתיהם ואת כל האדם אשׁר לקרח ואת כל הרכושׁ | |
| 33 | MTוירדו הם וכל אשׁר להם חיים שׁאלה ותכס עליהם הארץ ויאבדו מתוך הקהל |
| SPוירדו הם וכל אשׁר להם חיים שׁאלה ותכס עליהם הארץ ויאבדו מתוך הקהל | |
| 34 | MTוכל ישׂראל אשׁר סביבתיהם נסו לקלם כי אמרו פן תבלענו הארץ |
| SPוכל ישׂראל אשׁר סביבתיהם נסו לקולם כי אמרו פן תבלענו הארץ | |
| 35 | MTואשׁ יצאה מאת יהוה ותאכל את החמשׁים ומאתים אישׁ מקריבי הקטרת |
| SPואשׁ יצאה מאת יהוה ותאכל את חמשׁים ומאתים אישׁ מקרבי הקטרת |