| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל בני ישׂראל ואמרת אלהם כי תבאו אל ארץ מושׁבתיכם אשׁר אני נתן לכם |
| SPדבר אל בני ישׂראל ואמרת אליהם כי תבאו אל ארץ מושׁבתיכם אשׁר אני נתן לכם | |
| 3 | MTועשׂיתם אשׁה ליהוה עלה או זבח לפלא נדר או בנדבה או במעדיכם לעשׂות ריח ניחח ליהוה מן הבקר או מן הצאן |
| SPועשׂיתם אשׁה ליהוה עלה או זבח לפלא נדר או נדבה או במועדיכם לעשׂות ריח ניחח ליהוה מן הבקר או מן הצאן | |
| 4 | MTוהקריב המקריב קרבנו ליהוה מנחה סלת עשׂרון בלול ברבעית ההין שׁמן |
| SPוהקריב המקריב את קרבנו ליהוה מנחה סלת עשׂרון בלול ברבעית ההין שׁמן | |
| 5 | MTויין לנסך רביעית ההין תעשׂה על העלה או לזבח לכבשׂ האחד |
| SPויין לנסך רבעית ההין תעשׂה על העלה או לזבח לכבשׂ האחד | |
| 6 | MTאו לאיל תעשׂה מנחה סלת שׁני עשׂרנים בלולה בשׁמן שׁלשׁית ההין |
| SPאו לאיל תעשׂה מנחה סלת שׁני עשׂרנים בלול בשׁמן שׁלשׁית ההין | |
| 7 | MTויין לנסך שׁלשׁית ההין תקריב ריח ניחח ליהוה |
| SPויין לנסך שׁלשׁית ההין תקריב ריח ניחח ליהוה | |
| 8 | MTוכי תעשׂה בן בקר עלה או זבח לפלא נדר או שׁלמים ליהוה |
| SPוכי תעשׂה בן בקר עלה או זבח לפלא נדר או שׁלמים ליהוה | |
| 9 | MTוהקריב על בן הבקר מנחה סלת שׁלשׁה עשׂרנים בלול בשׁמן חצי ההין |
| SPוהקריב על בן הבקר מנחה סלת שׁלשׁה עשׂרנים בלול בשׁמן חצי ההין | |
| 10 | MTויין תקריב לנסך חצי ההין אשׁה ריח ניחח ליהוה |
| SPויין תקריב לנסך חצי ההין אשׁה ריח ניחח ליהוה | |
| 11 | MTככה יעשׂה לשׁור האחד או לאיל האחד או לשׂה בכבשׂים או בעזים |
| SPככה יעשׂה לשׁור האחד או לאיל האחד או לשׂה בכשׂבים או בעזים | |
| 12 | MTכמספר אשׁר תעשׂו ככה תעשׂו לאחד כמספרם |
| SPכמספרם אשׁר תעשׂו ככה תעשׂו לאחד במספרם | |
| 13 | MTכל האזרח יעשׂה ככה את אלה להקריב אשׁה ריח ניחח ליהוה |
| SPכל האזרח יעשׂה ככה את אלה להקריב אשׁה ריח ניחח ליהוה | |
| 14 | MTוכי יגור אתכם גר או אשׁר בתוככם לדרתיכם ועשׂה אשׁה ריח ניחח ליהוה כאשׁר תעשׂו כן יעשׂה |
| SPוכי יגור אתכם גר או אשׁר בתוככם לדרתיכם ועשׂה אשׁה ריח ניחח ליהוה כאשׁר תעשׂו כן יעשׂה | |
| 15 | MTהקהל חקה אחת לכם ולגר הגר חקת עולם לדרתיכם ככם כגר יהיה לפני יהוה |
| SPהקהל חקה אחת לכם ולגר הגר חקת עולם לדרתיכם ככם כגר יהיה לפני יהוה | |
| 16 | MTתורה אחת ומשׁפט אחד יהיה לכם ולגר הגר אתכם |
| SPתורה אחת ומשׁפט אחד יהיה לכם ולגר הגר אתכם | |
| 17 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 18 | MTדבר אל בני ישׂראל ואמרת אלהם בבאכם אל הארץ אשׁר אני מביא אתכם שׁמה |
| SPדבר אל בני ישׂראל ואמרת אליהם בבאכם אל הארץ אשׁר אני מביא אתכם שׁמה | |
| 19 | MTוהיה באכלכם מלחם הארץ תרימו תרומה ליהוה |
| SPוהיה באכלכם מלחם הארץ תרימו תרומה ליהוה | |
| 20 | MTראשׁית ערסתכם חלה תרימו תרומה כתרומת גרן כן תרימו אתה |
| SPראשׁית עריסתיכם חלה תרימו תרומה כתרומת גרן כן תרימו אתה | |
| 21 | MTמראשׁית ערסתיכם תתנו ליהוה תרומה לדרתיכם |
| SPמראשׁית עריסתיכם תתנו ליהוה תרומה לדרתיכם | |
| 22 | MTוכי תשׁגו ולא תעשׂו את כל המצות האלה אשׁר דבר יהוה אל משׁה |
| SPוכי תשׁגו ולא תעשׂו את כל המצות האלה אשׁר דבר יהוה אל משׁה | |
| 23 | MTאת כל אשׁר צוה יהוה אליכם ביד משׁה מן היום אשׁר צוה יהוה והלאה לדרתיכם |
| SPאת כל אשׁר צוה יהוה אליכם ביד משׁה למן היום אשׁר צוה יהוה והלאה לדרתיכם | |
| 24 | MTוהיה אם מעיני העדה נעשׂתה לשׁגגה ועשׂו כל העדה פר בן בקר אחד לעלה לריח ניחח ליהוה ומנחתו ונסכו כמשׁפט ושׂעיר עזים אחד לחטת |
| SPוהיה אם מעיני העדה נעשׂתה לשׁגגה ועשׂו כל העדה פר בן בקר אחד לעלה לריח ניחח ליהוה ומנחתו ונסכו כמשׁפט ושׂעיר עזים אחד לחטאת | |
| 25 | MTוכפר הכהן על כל עדת בני ישׂראל ונסלח להם כי שׁגגה הוא והם הביאו את קרבנם אשׁה ליהוה וחטאתם לפני יהוה על שׁגגתם |
| SPוכפר הכהן על כל עדת בני ישׂראל ונסלח להם כי שׁגגה היא והם הביאו את קרבנם אשׁה ליהוה וחטאתם לפני יהוה על שׁגגתם | |
| 26 | MTונסלח לכל עדת בני ישׂראל ולגר הגר בתוכם כי לכל העם בשׁגגה |
| SPונסלח לכל עדת בני ישׂראל ולגר הגר בתוכם כי לכל העם בשׁגגה | |
| 27 | MTואם נפשׁ אחת תחטא בשׁגגה והקריבה עז בת שׁנתה לחטאת |
| SPואם נפשׁ אחת תחטא בשׁגגה והקריבה עז בת שׁנתה לחטאת | |
| 28 | MTוכפר הכהן על הנפשׁ השׁגגת בחטאה בשׁגגה לפני יהוה לכפר עליו ונסלח לו |
| SPוכפר הכהן על הנפשׁ השׁגגת בחטאה בשׁגגה לפני יהוה לכפר עליו ונסלח לו | |
| 29 | MTהאזרח בבני ישׂראל ולגר הגר בתוכם תורה אחת יהיה לכם לעשׂה בשׁגגה |
| SPהאזרח בבני ישׂראל ולגר הגר בתוכם תורה אחת יהיה לכם לעשׂה בשׁגגה | |
| 30 | MTוהנפשׁ אשׁר תעשׂה ביד רמה מן האזרח ומן הגר את יהוה הוא מגדף ונכרתה הנפשׁ ההוא מקרב עמה |
| SPוהנפשׁ אשׁר תעשׂה ביד רמה מן האזרח ומן הגר את יהוה הוא מגדף ונכרתה הנפשׁ ההיא מקרב עמיה | |
| 31 | MTכי דבר יהוה בזה ואת מצותו הפר הכרת תכרת הנפשׁ ההוא עונה בה |
| SPכי את דבר יהוה בזה ואת מצותיו הפר הכרת תכרת הנפשׁ ההיא עונה בה | |
| 32 | MTויהיו בני ישׂראל במדבר וימצאו אישׁ מקשׁשׁ עצים ביום השׁבת |
| SPויהיו בני ישׂראל במדבר וימצאו אישׁ מקשׁשׁ עצים ביום השׁבת | |
| 33 | MTויקריבו אתו המצאים אתו מקשׁשׁ עצים אל משׁה ואל אהרן ואל כל העדה |
| SPויקריבו אתו המצאים אתו מקשׁשׁ עצים אל משׁה ואל אהרן ואל כל העדה | |
| 34 | MTויניחו אתו במשׁמר כי לא פרשׁ מה יעשׂה לו |
| SPויניחו אתו במשׁמר כי לא פרשׁ מה יעשׂה לו | |
| 35 | MTויאמר יהוה אל משׁה מות יומת האישׁ רגום אתו באבנים כל העדה מחוץ למחנה |
| SPויאמר יהוה אל משׁה מות יומת האישׁ רגמו אתו באבנים כל העדה מחוץ למחנה | |
| 36 | MTויציאו אתו כל העדה אל מחוץ למחנה וירגמו אתו באבנים וימת כאשׁר צוה יהוה את משׁה |
| SPויוציאו אתו כל העדה אל מחוץ למחנה וירגמו אתו באבנים וימת כאשׁר צוה יהוה את משׁה | |
| 37 | MTויאמר יהוה אל משׁה לאמר |
| SPויאמר יהוה אל משׁה לאמר | |
| 38 | MTדבר אל בני ישׂראל ואמרת אלהם ועשׂו להם ציצת על כנפי בגדיהם לדרתם ונתנו על ציצת הכנף פתיל תכלת |
| SPדבר אל בני ישׂראל ואמרת אליהם ועשׂו להם ציצות על כנפי בגדיהם לדרתם ונתנו על ציצית הכנף פתיל תכלת | |
| 39 | MTוהיה לכם לציצת וראיתם אתו וזכרתם את כל מצות יהוה ועשׂיתם אתם ולא תתרו אחרי לבבכם ואחרי עיניכם אשׁר אתם זנים אחריהם |
| SPוהיו לכם לציצות וראיתם אתם וזכרתם את כל מצות יהוה ועשׂיתם אתם ולא תתורו אחרי לבבכם ואחרי עיניכם אשׁר אתם זנים אחריהם | |
| 40 | MTלמען תזכרו ועשׂיתם את כל מצותי והייתם קדשׁים לאלהיכם |
| SPלמען תזכרו ועשׂיתם את כל מצותי והייתם קדישׁים לאלהיכם | |
| 41 | MTאני יהוה אלהיכם אשׁר הוצאתי אתכם מארץ מצרים להיות לכם לאלהים אני יהוה אלהיכם |
| SPאני יהוה אלהיכם אשׁר הוצאתי אתכם מארץ מצרים להיות לכם לאלהים אני יהוה אלהיכם |