| 1 | MTותשׂא כל העדה ויתנו את קולם ויבכו העם בלילה ההוא |
| SPותשׂא כל העדה ויתנו את קולם ויבך העם בלילה ההוא | |
| 2 | MTוילנו על משׁה ועל אהרן כל בני ישׂראל ויאמרו אלהם כל העדה לו מתנו בארץ מצרים או במדבר הזה לו מתנו |
| SPוילנו על משׁה ועל אהרן כל בני ישׂראל ויאמרו אליהם כל העדה לו מתנו בארץ מצרים או במדבר הזה לו מתנו | |
| 3 | MTולמה יהוה מביא אתנו אל הארץ הזאת לנפל בחרב נשׁינו וטפנו יהיו לבז הלוא טוב לנו שׁוב מצרימה |
| SPולמה יהוה מביא אתנו אל הארץ הזאת לנפל בחרב נשׁינו וטפנו יהיו לבוז הלוא טוב לנו שׁובה מצרימה | |
| 4 | MTויאמרו אישׁ אל אחיו נתנה ראשׁ ונשׁובה מצרימה |
| SPויאמרו אישׁ אל אחיו נתן ראשׁ ונשׁוב מצרימה | |
| 5 | MTויפל משׁה ואהרן על פניהם לפני כל קהל עדת בני ישׂראל |
| SPויפל משׁה ואהרן על פניהם לפני כל קהל עדת בני ישׂראל | |
| 6 | MTויהושׁע בן נון וכלב בן יפנה מן התרים את הארץ קרעו בגדיהם |
| SPויהושׁע בן נון וכלב בן יפנה מן האתורים את הארץ קרעו בגדיהם | |
| 7 | MTויאמרו אל כל עדת בני ישׂראל לאמר הארץ אשׁר עברנו בה לתור אתה טובה הארץ מאד מאד |
| SPויאמרו אל כל עדת בני ישׂראל לאמר הארץ אשׁר עברנו בה לתור אתה טובה הארץ מאד מאד | |
| 8 | MTאם חפץ בנו יהוה והביא אתנו אל הארץ הזאת ונתנה לנו ארץ אשׁר הוא זבת חלב ודבשׁ |
| SPאם חפץ בנו יהוה והביא אתנו אל הארץ הזאת ונתנה לנו ארץ אשׁר היא זבת חלב ודבשׁ | |
| 9 | MTאך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראם |
| SPאך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראום | |
| 10 | MTויאמרו כל העדה לרגום אתם באבנים וכבוד יהוה נראה באהל מועד אל כל בני ישׂראל |
| SPויאמרו כל העדה לרגם אתם באבנים וכבוד יהוה נראה באהל מועד אל כל בני ישׂראל | |
| 11 | MTויאמר יהוה אל משׁה עד אנה ינאצני העם הזה ועד אנה לא יאמינו בי בכל האתות אשׁר עשׂיתי בקרבו |
| SPויאמר יהוה אל משׁה עד אנה ינאצני העם הזה ועד הנה לא יאמנו בי בכל האתות אשׁר עשׂיתי בקרבו | |
| 12 | MTאכנו בדבר ואורשׁנו ואעשׂה אתך לגוי גדול ועצום ממנו |
| SPאכנו בדבר ואורישׁנו ואעשׂה אתך ואת בית אביך לגוי גדול ועצום ממנו | |
| 13 | MTויאמר משׁה אל יהוה ושׁמעו מצרים כי העלית בכחך את העם הזה מקרבו |
| SPויאמר משׁה אל יהוה ושׁמעו מצרים כי העלית בכחך את העם הזה מקרבו | |
| 14 | MTואמרו אל יושׁב הארץ הזאת שׁמעו כי אתה יהוה בקרב העם הזה אשׁר עין בעין נראה אתה יהוה ועננך עמד עלהם ובעמד ענן אתה הלך לפניהם יומם ובעמוד אשׁ לילה |
| SPואמרו אל יושׁב הארץ הזאת שׁמעו כי אתה יהוה בקרב העם הזה אשׁר עין בעין נראה אתה יהוה ועננך עמד עליהם ובעמוד ענן אתה הלך לפניהם יומם ובעמוד אשׁ לילה | |
| 15 | MTוהמתה את העם הזה כאישׁ אחד ואמרו הגוים אשׁר שׁמעו את שׁמעך לאמר |
| SPוהמת את העם הזה כאישׁ אחד ואמרו הגוים אשׁר שׁמעו את שׁמעך לאמר | |
| 16 | MTמבלתי יכלת יהוה להביא את העם הזה אל הארץ אשׁר נשׁבע להם וישׁחטם במדבר |
| SPמבלתי יכלת יהוה להביא את העם הזה אל הארץ אשׁר נשׁבע להם וישׁחטם במדבר | |
| 17 | MTועתה יגדל נא כח אדני כאשׁר דברת לאמר |
| SPועתה יגדל נא כח אדני כאשׁר דברת לאמר | |
| 18 | MTיהוה ארך אפים ורב חסד נשׂא עון ופשׁע ונקה לא ינקה פקד עון אבות על בנים על שׁלשׁים ועל רבעים |
| SPיהוה ארך אפים ורב חסד ואמת נשׂא עון ופשׁע וחטאה ונקה לו ינקה פקד עון אבות על בנים על שׁלישׁים ועל רביעים | |
| 19 | MTסלח נא לעון העם הזה כגדל חסדך וכאשׁר נשׂאתה לעם הזה ממצרים ועד הנה |
| SPסלח נא לעון העם הזה כגדל חסדך וכאשׁר נשׂאת לעם הזה ממצרים ועד הנה | |
| 20 | MTויאמר יהוה סלחתי כדברך |
| SPויאמר יהוה סלחתי כדבריך | |
| 21 | MTואולם חי אני וימלא כבוד יהוה את כל הארץ |
| SPואולם חי אני וימלא כבוד יהוה את כל הארץ | |
| 22 | MTכי כל האנשׁים הראים את כבדי ואת אתתי אשׁר עשׂיתי במצרים ובמדבר וינסו אתי זה עשׂר פעמים ולא שׁמעו בקולי |
| SPכי כל האנשׁים הראים את כבודי ואת אתותי אשׁר עשׂיתי במצרים ובמדבר וינסו אתי זה עשׂר פעמים ולא שׁמעו בקולי | |
| 23 | MTאם יראו את הארץ אשׁר נשׁבעתי לאבתם וכל מנאצי לא יראוה |
| SPאם יראו את הארץ אשׁר נשׁבעתי לאבותם לתת להם וכל מנאצי לא יראוה | |
| 24 | MTועבדי כלב עקב היתה רוח אחרת עמו וימלא אחרי והביאתיו אל הארץ אשׁר בא שׁמה וזרעו יורשׁנה |
| SPועבדי כלב עקב היתה רוח אחרת עמו וימלא אחרי והבאתיו אל הארץ אשׁר בא שׁמה וזרעו יירשׁנה | |
| 25 | MTוהעמלקי והכנעני יושׁב בעמק מחר פנו וסעו לכם המדבר דרך ים סוף |
| SPוהעמלקי והכנעני ישׁב בעמק מחר פנו וסעו לכם המדברה דרך ים סוף | |
| 26 | MTוידבר יהוה אל משׁה ואל אהרן לאמר |
| SPוידבר יהוה אל משׁה ואל אהרן לאמר | |
| 27 | MTעד מתי לעדה הרעה הזאת אשׁר המה מלינים עלי את תלנות בני ישׂראל אשׁר המה מלינים עלי שׁמעתי |
| SPעד מתי לעדה הרעה הזאת אשׁר הם מלנים עלי את תלנות בני ישׂראל אשׁר הם מלנים עלי שׁמעתי | |
| 28 | MTאמר אלהם חי אני נאם יהוה אם לא כאשׁר דברתם באזני כן אעשׂה לכם |
| SPאמר אליהם חי אני נאם יהוה אם לא כאשׁר דברתם באזני כן אעשׂה לכם | |
| 29 | MTבמדבר הזה יפלו פגריכם וכל פקדיכם לכל מספרכם מבן עשׂרים שׁנה ומעלה אשׁר הלינתם עלי |
| SPבמדבר הזה יפלו פגריכם וכל פקדיכם לכל מספרכם מבן עשׂרים שׁנה ומעלה אשׁר הלנתם עלי | |
| 30 | MTאם אתם תבאו אל הארץ אשׁר נשׂאתי את ידי לשׁכן אתכם בה כי אם כלב בן יפנה ויהושׁע בן נון |
| SPאם אתם תבאו אל הארץ אשׁר נשׂאתי את ידי לשׁכן אתכם בה כי אם כלב בן יפנה ויהושׁע בן נון | |
| 31 | MTוטפכם אשׁר אמרתם לבז יהיה והביאתי אתם וידעו את הארץ אשׁר מאסתם בה |
| SPוטפכם אשׁר אמרתם לבוז יהיה והבאתי אתם וידעו את הארץ אשׁר מאסתם בה | |
| 32 | MTופגריכם אתם יפלו במדבר הזה |
| SPופגריכם אתם יפלו במדבר הזה | |
| 33 | MTובניכם יהיו רעים במדבר ארבעים שׁנה ונשׂאו את זנותיכם עד תם פגריכם במדבר |
| SPובניכם יהיו רעים במדבר ארבעים שׁנה ונשׂאו את זונתיכם עד תם פגריכם במדבר | |
| 34 | MTבמספר הימים אשׁר תרתם את הארץ ארבעים יום יום לשׁנה יום לשׁנה תשׂאו את עונתיכם ארבעים שׁנה וידעתם את תנואתי |
| SPבמספר הימים אשׁר תרתם את הארץ ארבעים יום יום לשׁנה יום לשׁנה תשׂאו את עונתיכם ארבעים שׁנה וידעתם את תנואתי | |
| 35 | MTאני יהוה דברתי אם לא זאת אעשׂה לכל העדה הרעה הזאת הנועדים עלי במדבר הזה יתמו ושׁם ימתו |
| SPאני יהוה דברתי אם לא זאת אעשׂה לכל העדה הרעה הזאת הנועדים עלי במדבר הזה יתמו ושׁם ימותו | |
| 36 | MTוהאנשׁים אשׁר שׁלח משׁה לתור את הארץ וישׁבו וילונו עליו את כל העדה להוציא דבה על הארץ |
| SPוהאנשׁים אשׁר שׁלח משׁה לתור את הארץ וישׁבו וילנו עליו את כל העדה להוציא דבה על הארץ | |
| 37 | MTוימתו האנשׁים מוצאי דבת הארץ רעה במגפה לפני יהוה |
| SPוימתו האנשׁים מוצאי דבת הארץ רעה במגפה לפני יהוה | |
| 38 | MTויהושׁע בן נון וכלב בן יפנה חיו מן האנשׁים ההם ההלכים לתור את הארץ |
| SPויהושׁע בן נון וכלב בן יפנה חיו מן האנשׁים ההם ההלכים לתור את הארץ | |
| 39 | MTוידבר משׁה את הדברים האלה אל כל בני ישׂראל ויתאבלו העם מאד |
| SPוידבר משׁה את הדברים האלה אל כל בני ישׂראל ויתאבלו העם מאד | |
| 40 | MTוישׁכמו בבקר ויעלו אל ראשׁ ההר לאמר הננו ועלינו אל המקום אשׁר אמר יהוה כי חטאנו |
| SPוישׁכמו בבקר ויעלו אל ראשׁ ההר לאמר הננו ועלינו אל המקום אשׁר אמר יהוה כי חטאנו ויאמר יהוה אל משׁה אמר להם לא תעלו ולא תלחמו כי אינני בקרבכם ולא תנגפו לפני איביכם | |
| 41 | MTויאמר משׁה למה זה אתם עברים את פי יהוה והוא לא תצלח |
| SPויאמר משׁה למה זה אתם עברים את פי יהוה והיא לא תצליח | |
| 42 | MTאל תעלו כי אין יהוה בקרבכם ולא תנגפו לפני איביכם |
| SPאל תעלו כי אין יהוה בקרבכם ולא תנגפו לפני איביכם | |
| 43 | MTכי העמלקי והכנעני שׁם לפניכם ונפלתם בחרב כי על כן שׁבתם מאחרי יהוה ולא יהיה יהוה עמכם |
| SPכי העמלקי והכנעני שׁם לפניכם ונפלתם בחרב כי על כן שׁבתם מאחרי יהוה ולא יהיה יהוה עמכם | |
| 44 | MTויעפלו לעלות אל ראשׁ ההר וארון ברית יהוה ומשׁה לא משׁו מקרב המחנה |
| SPויעפלו לעלות אל ראשׁ ההר וארון ברית יהוה ומשׁה לא משׁו מקרב המחנה | |
| 45 | MTוירד העמלקי והכנעני הישׁב בהר ההוא ויכום ויכתום עד החרמה |
| SPוירד העמלקי והכנעני הישׁב בהר ההוא לקראתם וירדפו אתם כאשׁר תעשׂינה הדברים ויכום ויכתום עד חרמה וישׁבו אל המחנה |