| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTשׁלח לך אנשׁים ויתרו את ארץ כנען אשׁר אני נתן לבני ישׂראל אישׁ אחד אישׁ אחד למטה אבתיו תשׁלחו כל נשׂיא בהם |
| SPשׁלח לך אנשׁים ויתורו את ארץ כנען אשׁר אני נתן לבני ישׂראל אישׁ אחד אישׁ אחד למטה אבתיו תשׁלח כל נשׂיא בהם | |
| 3 | MTוישׁלח אתם משׁה ממדבר פארן על פי יהוה כלם אנשׁים ראשׁי בני ישׂראל המה |
| SPוישׁלח אתם משׁה ממדבר פראן על פי יהוה כלם אנשׁים ראשׁי בני ישׂראל הם | |
| 4 | MTואלה שׁמותם למטה ראובן שׁמוע בן זכור |
| SPואלה שׁמותם למטה ראובן שׁמוע בן זכור | |
| 5 | MTלמטה שׁמעון שׁפט בן חורי |
| SPלמטה שׁמעון שׁפט בן חורי | |
| 6 | MTלמטה יהודה כלב בן יפנה |
| SPלמטה יהודה כלב בן יפנה | |
| 7 | MTלמטה ישׂשׂכר יגאל בן יוסף |
| SPלמטה ישׂשׂכר יגאל בן יוסף | |
| 8 | MTלמטה אפרים הושׁע בן נון |
| SPלמטה אפרים יהושׁע בן נון | |
| 9 | MTלמטה בנימן פלטי בן רפוא |
| SPלמטה בנימים פלטי בן רפוא | |
| 10 | MTלמטה זבולן גדיאל בן סודי |
| SPלמטה זבולן גדיאל בן סודי | |
| 11 | MTלמטה יוסף למטה מנשׁה גדי בן סוסי |
| SPלמטה יוסף למטה מנשׁה גדי בן סוסי | |
| 12 | MTלמטה דן עמיאל בן גמלי |
| SPלמטה דן עמיאל בן גמלי | |
| 13 | MTלמטה אשׁר סתור בן מיכאל |
| SPלמטה אשׁר סתור בן מיכאל | |
| 14 | MTלמטה נפתלי נחבי בן ופסי |
| SPלמטה נפתלי נחבי בן ופסי | |
| 15 | MTלמטה גד גאואל בן מכי |
| SPלמטה גד גואל בן מיכי | |
| 16 | MTאלה שׁמות האנשׁים אשׁר שׁלח משׁה לתור את הארץ ויקרא משׁה להושׁע בן נון יהושׁע |
| SPאלה שׁמות האנשׁים אשׁר שׁלח משׁה לתור את הארץ ויקרא משׁה ליהושׁע בן נון יהושׁע | |
| 17 | MTוישׁלח אתם משׁה לתור את ארץ כנען ויאמר אלהם עלו זה בנגב ועליתם את ההר |
| SPוישׁלח אתם לתור את ארץ כנען ויאמר אליהם עלו זה בנגב ועליתם את ההר | |
| 18 | MTוראיתם את הארץ מה הוא ואת העם הישׁב עליה החזק הוא הרפה המעט הוא אם רב |
| SPוראיתם את הארץ מה היא ואת העם הישׁב עליה החזק או הרפא המעט הוא אם רב | |
| 19 | MTומה הארץ אשׁר הוא ישׁב בה הטובה הוא אם רעה ומה הערים אשׁר הוא יושׁב בהנה הבמחנים אם במבצרים |
| SPומה הארץ אשׁר הוא ישׁב בה הטובה היא אם רעה ומה הערים אשׁר הוא ישׁב בהן המבחנים או מבצרים | |
| 20 | MTומה הארץ השׁמנה הוא אם רזה הישׁ בה עץ אם אין והתחזקתם ולקחתם מפרי הארץ והימים ימי בכורי ענבים |
| SPומה הארץ השׁמנה היא אם רזה הישׁ בה עץ אם אין והתחזקתם ולקחתם מפרי הארץ והימים ימי בכורת ענבים | |
| 21 | MTויעלו ויתרו את הארץ ממדבר צן עד רחב לבא חמת |
| SPוילכו ויבאו ויתורו את הארץ ממדבר צן עד רחב לבוא חמתה | |
| 22 | MTויעלו בנגב ויבא עד חברון ושׁם אחימן שׁשׁי ותלמי ילידי הענק וחברון שׁבע שׁנים נבנתה לפני צען מצרים |
| SPויעלו בנגב ויבאו עד חברון ושׁם אחימן שׁשׁי ותלמי ילידי ענק וחברון שׁבע שׁנים נבנתה לפני צען מצרים | |
| 23 | MTויבאו עד נחל אשׁכל ויכרתו משׁם זמורה ואשׁכול ענבים אחד וישׂאהו במוט בשׁנים ומן הרמנים ומן התאנים |
| SPויבאו עד נחל אשׁכול ויכרתו משׁם זמרה ואשׁכול ענבים אחד וישׂאו במוט בשׁנים ומן הרמונים ומן התאנים | |
| 24 | MTלמקום ההוא קרא נחל אשׁכול על אדות האשׁכול אשׁר כרתו משׁם בני ישׂראל |
| SPלמקום ההוא קראו נחל אשׁכול על אדות האשׁכול אשׁר כרתו משׁם בני ישׂראל | |
| 25 | MTוישׁבו מתור הארץ מקץ ארבעים יום |
| SPוישׁבו מתור את הארץ מקץ ארבעים יום | |
| 26 | MTוילכו ויבאו אל משׁה ואל אהרן ואל כל עדת בני ישׂראל אל מדבר פארן קדשׁה וישׁיבו אותם דבר ואת כל העדה ויראום את פרי הארץ |
| SPוילכו ויבאו אל משׁה ואל אהרן ואל כל עדת בני ישׂראל אל מדבר פראן קדשׁה וישׁיבו אתם דבר ואת כל העדה ויראום את פרי הארץ | |
| 27 | MTויספרו לו ויאמרו באנו אל הארץ אשׁר שׁלחתנו וגם זבת חלב ודבשׁ הוא וזה פריה |
| SPויספרו לו ויאמרו באנו אל הארץ אשׁר שׁלחתנו וגם זבת חלב ודבשׁ היא וזה פריה | |
| 28 | MTאפס כי עז העם הישׁב בארץ והערים בצרות גדלת מאד וגם ילדי הענק ראינו שׁם |
| SPאפס כי עז העם הישׁב בארץ והערים בצרות וגדלות מאד וגם ילידי ענק ראינו שׁם | |
| 29 | MTעמלק יושׁב בארץ הנגב והחתי והיבוסי והאמרי יושׁב בהר והכנעני ישׁב על הים ועל יד הירדן |
| SPעמלק ישׁב בארץ הנגב והחתי והחוי והיבוסי והאמרי ישׁב בהר והכנעני ישׁב על הים ועל יד הירדן | |
| 30 | MTויהס כלב את העם אל משׁה ויאמר עלה נעלה וירשׁנו אתה כי יכול נוכל לה |
| SPויחס כלב את העם על משׁה ויאמר לו עלה נעלה וירשׁנו אתה כי יכל נכל לה | |
| 31 | MTוהאנשׁים אשׁר עלו עמו אמרו לא נוכל לעלות אל העם כי חזק הוא ממנו |
| SPוהאנשׁים אשׁר עלו עמו אמרו לא נוכל לעלות אל העם כי חזק הוא ממנו | |
| 32 | MTויוציאו דבת הארץ אשׁר תרו אתה אל בני ישׂראל לאמר הארץ אשׁר עברנו בה לתור אתה ארץ אכלת יושׁביה הוא וכל העם אשׁר ראינו בתוכה אנשׁי מדות |
| SPויוציאו דבת הארץ אשׁר תרו אתה אל בני ישׂראל לאמר הארץ אשׁר עברנו בה לתור אתה ארץ אכלת ישׁביה היא וכל העם אשׁר ראינו בתוכה אנשׁי מדות | |
| 33 | MTושׁם ראינו את הנפילים בני ענק מן הנפלים ונהי בעינינו כחגבים וכן היינו בעיניהם |
| SPושׁם ראינו את הנפלים בני ענק מן הנפלים ונהיה בעינינו כחגבים וכן היינו בעיניהם וירגנו בני ישׂראל באהליהם ויאמרו בשׂנאת יהוה אתנו הוציאנו מארץ מצרים לתת אתנו ביד האמרי להשׁמידנו אנה אנחנו עלים ואחינו המיסו את לבבנו לאמר עם גדול ורב ממנו ערים גדלות ובצרות בשׁמים וגם בני ענקים ראינו שׁם ויאמר משׁה לבני ישׂראל לא תערצון ולא תיראון מהם יהוה אלהיכם ההלך לפניכם הוא ילחם לכם ככל אשׁר עשׂה אתכם במצרים לעיניכם ובמדבר אשׁר ראית אשׁר נשׂאך יהוה אלהיך כאשׁר ישׂא אישׁ את בנו בכל הדרך אשׁר הלכתם עד באכם עד המקום הזה ובדבר הזה אינכם מאמנים ביהוה אלהיכם ההלך לפניכם בדרך לתור לכם מקום להחנותכם באשׁ לילה להראותכם בדרך אשׁר תלכו בה ובענן יומם |