| 1 | MTותדבר מרים ואהרן במשׁה על אדות האשׁה הכשׁית אשׁר לקח כי אשׁה כשׁית לקח |
| SPותדבר מרים ואהרן במשׁה על אדות האשׁה הכשׁית אשׁר לקח כי אשׁה כשׁית לקח | |
| 2 | MTויאמרו הרק אך במשׁה דבר יהוה הלא גם בנו דבר וישׁמע יהוה |
| SPויאמרו הרק אך במשׁה דבר יהוה הלוא גם בנו דבר וישׁמע יהוה | |
| 3 | MTוהאישׁ משׁה ענו מאד מכל האדם אשׁר על פני האדמה |
| SPוהאישׁ משׁה ענו מאד מכל האדם אשׁר על פני האדמה | |
| 4 | MTויאמר יהוה פתאם אל משׁה ואל אהרן ואל מרים צאו שׁלשׁתכם אל אהל מועד ויצאו שׁלשׁתם |
| SPויאמר יהוה פתאם אל משׁה ואל אהרן ואל מרים צאו שׁלשׁתכם אל אהל מועד ויצאו שׁלשׁתם | |
| 5 | MTוירד יהוה בעמוד ענן ויעמד פתח האהל ויקרא אהרן ומרים ויצאו שׁניהם |
| SPוירד יהוה בעמוד הענן ויעמד פתח האהל ויקרא אהרן ומרים ויצאו שׁניהם | |
| 6 | MTויאמר שׁמעו נא דברי אם יהיה נביאכם יהוה במראה אליו אתודע בחלום אדבר בו |
| SPויאמר שׁמעו נא דברי אם יהיה נביאכם יהוה במראה אליו התודע ובחלום אדבר בו | |
| 7 | MTלא כן עבדי משׁה בכל ביתי נאמן הוא |
| SPלא כן עבדי משׁה בכל ביתי נאמן הוא | |
| 8 | MTפה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשׁה |
| SPפה אל פה אדבר בו במראה ולא בחידת ותמונת יהוה יביט ומדוע לא יראתם לדבר בעבדי במשׁה | |
| 9 | MTויחר אף יהוה בם וילך |
| SPויחר אף יהוה בם וילך | |
| 10 | MTוהענן סר מעל האהל והנה מרים מצרעת כשׁלג ויפן אהרן אל מרים והנה מצרעת |
| SPוהענן סר מעל האהל והנה מרים מצרעת כשׁלג ויפן אהרן אל מרים והנה מצרעת | |
| 11 | MTויאמר אהרן אל משׁה בי אדני אל נא תשׁת עלינו חטאת אשׁר נואלנו ואשׁר חטאנו |
| SPויאמר אהרן אל משׁה בי אדני אל נא תשׁית עלינו חטאת אשׁר נואלנו ואשׁר חטאנו | |
| 12 | MTאל נא תהי כמת אשׁר בצאתו מרחם אמו ויאכל חצי בשׂרו |
| SPאל נא תהיה כמת אשׁר בצאתו מרחם אמו ויאכל חצי בשׂרו | |
| 13 | MTויצעק משׁה אל יהוה לאמר אל נא רפא נא לה |
| SPויצעק משׁה אל יהוה לאמר אל נא רפא נא לה | |
| 14 | MTויאמר יהוה אל משׁה ואביה ירק ירק בפניה הלא תכלם שׁבעת ימים תסגר שׁבעת ימים מחוץ למחנה ואחר תאסף |
| SPויאמר יהוה אל משׁה ואביה ירק ירק בפניה הלוא תכלם שׁבעת ימים תסגר שׁבעת ימים מחוץ למחנה ואחר תאסף | |
| 15 | MTותסגר מרים מחוץ למחנה שׁבעת ימים והעם לא נסע עד האסף מרים |
| SPותסגר מרים מחוץ למחנה שׁבעת ימים והעם לא נסעו עד האספה מרים | |
| 16 | MTואחר נסעו העם מחצרות ויחנו במדבר פארן |
| SPואחר נסעו העם מחצרות ויחנו במדבר פראן ויאמר משׁה לבני ישׂראל באתם עד הר האמרי אשׁר יהוה אלהינו נתן לנו ראה נתן יהוה אלהיך לפניך את הארץ עלה רשׁ כאשׁר דבר יהוה אלהי אבתיך לך אל תירא ואל תחת ויקרבו אל משׁה ויאמרו נשׁלחה אנשׁים לפנינו ויחפדו לנו את הארץ וישׁיבו אתנו דבר את הדרך אשׁר נעלה בה ואת הערים אשׁר נבוא עליהן וייטב הדבר בעיני משׁה |