| 1 | MTויהי העם כמתאננים רע באזני יהוה וישׁמע יהוה ויחר אפו ותבער בם אשׁ יהוה ותאכל בקצה המחנה |
| SPויהי העם כמתאננים רע באזני יהוה וישׁמע יהוה ויחר אפו ותבער בם אשׁ יהוה ותאכל בקצה המחנה | |
| 2 | MTויצעק העם אל משׁה ויתפלל משׁה אל יהוה ותשׁקע האשׁ |
| SPויצעק העם אל משׁה ויתפלל משׁה אל יהוה ותשׁקע האשׁ | |
| 3 | MTויקרא שׁם המקום ההוא תבערה כי בערה בם אשׁ יהוה |
| SPויקרא שׁם המקום ההוא תבערה כי בערה בם אשׁ יהוה | |
| 4 | MTוהאספסף אשׁר בקרבו התאוו תאוה וישׁבו ויבכו גם בני ישׂראל ויאמרו מי יאכלנו בשׂר |
| SPוהספסף אשׁר בקרבו התאוו תאוה וישׁבו ויבכו גם בני ישׂראל ויאמרו מי יאכילנו בשׂר | |
| 5 | MTזכרנו את הדגה אשׁר נאכל במצרים חנם את הקשׁאים ואת האבטחים ואת החציר ואת הבצלים ואת השׁומים |
| SPזכרנו את הדגה אשׁר נאכל במצרים חנם את הקשׁואים ואת הבטחים ואת החציר ואת הבצלים ואת השׁומים | |
| 6 | MTועתה נפשׁנו יבשׁה אין כל בלתי אל המן עינינו |
| SPועתה נפשׁנו יבשׁה אין כל בלתי אל המן עיננו | |
| 7 | MTוהמן כזרע גד הוא ועינו כעין הבדלח |
| SPוהמן כזרע גד הוא ועינו כעין הבדלח | |
| 8 | MTשׁטו העם ולקטו וטחנו ברחים או דכו במדכה ובשׁלו בפרור ועשׂו אתו עגות והיה טעמו כטעם לשׁד השׁמן |
| SPשׁטו העם ולקטו וטחנו ברחים ודכו במדוכה ובשׁלו בפרור ועשׂו אתו עגות והיה טעמו כטעם לשׁד השׁמן | |
| 9 | MTוברדת הטל על המחנה לילה ירד המן עליו |
| SPוברדת הטל על המחנה לילה ירד המן עליו | |
| 10 | MTוישׁמע משׁה את העם בכה למשׁפחתיו אישׁ לפתח אהלו ויחר אף יהוה מאד ובעיני משׁה רע |
| SPוישׁמע משׁה את העם בכה למשׁפחתיו אישׁ לפתח אהלו ויחר אף יהוה מאד ובעיני משׁה רע | |
| 11 | MTויאמר משׁה אל יהוה למה הרעת לעבדך ולמה לא מצתי חן בעיניך לשׂום את משׂא כל העם הזה עלי |
| SPויאמר משׁה אל יהוה למה הרעת לעבדך ולמה לא מצאתי חן בעיניך לשׂים את משׂא כל העם הזה עלי | |
| 12 | MTהאנכי הריתי את כל העם הזה אם אנכי ילדתיהו כי תאמר אלי שׂאהו בחיקך כאשׁר ישׂא האמן את הינק על האדמה אשׁר נשׁבעת לאבתיו |
| SPהאנכי הרתי את כל העם הזה אם אנכי ילדתיו כי תאמר אלי שׂאהו בחיקך כאשׁר ישׂא האמן את הינק אל האדמה אשׁר נשׁבעת לאבתיו | |
| 13 | MTמאין לי בשׂר לתת לכל העם הזה כי יבכו עלי לאמר תנה לנו בשׂר ונאכלה |
| SPמאין לי בשׂר לתת לכל העם הזה כי יבכו עלי לאמר תנה לנו בשׂר ונאכל | |
| 14 | MTלא אוכל אנכי לבדי לשׂאת את כל העם הזה כי כבד ממני |
| SPלא אוכל אנכי לבדי לשׂאת את כל העם הזה כי כבד ממני | |
| 15 | MTואם ככה את עשׂה לי הרגני נא הרג אם מצאתי חן בעיניך ואל אראה ברעתי |
| SPואם ככה אתה עשׂה לי הרגני נא הרג ואם מצאתי חן בעיניך ואל אראה ברעתי | |
| 16 | MTויאמר יהוה אל משׁה אספה לי שׁבעים אישׁ מזקני ישׂראל אשׁר ידעת כי הם זקני העם ושׁטריו ולקחת אתם אל אהל מועד והתיצבו שׁם עמך |
| SPויאמר יהוה אל משׁה אספה לי שׁבעים אישׁ מזקני ישׂראל אשׁר ידעת כי הם זקני העם ושׁוטריו ולקחת אתם אל אהל מועד והתיצבו שׁם עמך | |
| 17 | MTוירדתי ודברתי עמך שׁם ואצלתי מן הרוח אשׁר עליך ושׂמתי עליהם ונשׂאו אתך במשׂא העם ולא תשׂא אתה לבדך |
| SPוירדתי ודברתי עמך שׁם והצלתי מן הרוח אשׁר עליך ושׂמתי עליהם ונשׂאו אתך במשׂא העם ולא תשׂא אתה לבדך | |
| 18 | MTואל העם תאמר התקדשׁו למחר ואכלתם בשׂר כי בכיתם באזני יהוה לאמר מי יאכלנו בשׂר כי טוב לנו במצרים ונתן יהוה לכם בשׂר ואכלתם |
| SPואל העם תאמר התקדשׁו למחר ואכלתם בשׂר כי בכיתם באזני יהוה לאמר מי יאכילנו בשׂר כי טוב לנו במצרים ונתן יהוה לכם בשׂר ואכלתם | |
| 19 | MTלא יום אחד תאכלון ולא יומים ולא חמשׁה ימים ולא עשׂרה ימים ולא עשׂרים יום |
| SPלא יום אחד תאכלון ולא יומים ולא חמשׁה ימים ולא עשׂרה ימים ולא עשׂרים יום | |
| 20 | MTעד חדשׁ ימים עד אשׁר יצא מאפכם והיה לכם לזרא יען כי מאסתם את יהוה אשׁר בקרבכם ותבכו לפניו לאמר למה זה יצאנו ממצרים |
| SPעד חדשׁ ימים עד אשׁר יצא מאפכם והיה לכם לזרה יען כי מאסתם את יהוה אשׁר בקרבכם ותבכו לפניו לאמר למה זה יצאנו ממצרים | |
| 21 | MTויאמר משׁה שׁשׁ מאות אלף רגלי העם אשׁר אנכי בקרבו ואתה אמרת בשׂר אתן להם ואכלו חדשׁ ימים |
| SPויאמר משׁה שׁשׁ מאות אלף רגלאי העם אשׁר אנכי בקרבו ואתה אמרת בשׂר אתן להם ואכלו חדשׁ ימים | |
| 22 | MTהצאן ובקר ישׁחט להם ומצא להם אם את כל דגי הים יאסף להם ומצא להם |
| SPהצאן והבקר ישׁחט להם ומצא להם אם את כל דגי הים יאסף להם ומצא להם | |
| 23 | MTויאמר יהוה אל משׁה היד יהוה תקצר עתה תראה היקרך דברי אם לא |
| SPויאמר יהוה אל משׁה היד יהוה תקצר אתה תראה היקרך דברי אם לא | |
| 24 | MTויצא משׁה וידבר אל העם את דברי יהוה ויאסף שׁבעים אישׁ מזקני העם ויעמד אתם סביבת האהל |
| SPויצא משׁה וידבר אל העם את דברי יהוה ויאסף שׁבעים אישׁ מזקני העם ויעמד אתם סביבת האהל | |
| 25 | MTוירד יהוה בענן וידבר אליו ויאצל מן הרוח אשׁר עליו ויתן על שׁבעים אישׁ הזקנים ויהי כנוח עליהם הרוח ויתנבאו ולא יספו |
| SPוירד יהוה בענן וידבר אליו ויצל מן הרוח אשׁר עליו ויתן על שׁבעים אישׁ הזקנים ויהי כנוח עליהם הרוח ויתנאבו ולא יאספו | |
| 26 | MTוישׁארו שׁני אנשׁים במחנה שׁם האחד אלדד ושׁם השׁני מידד ותנח עליהם הרוח והמה בכתבים ולא יצאו האהלה ויתנבאו במחנה |
| SPוישׁארו שׁני אנשׁים במחנה שׁם האחד אלדד ושׁם השׁני מודד ותנח עליהם הרוח והם בכתובים ולא יצאו האהלה ויתנאבו במחנה | |
| 27 | MTוירץ הנער ויגד למשׁה ויאמר אלדד ומידד מתנבאים במחנה |
| SPוירץ הנער ויגד למשׁה ויאמר אלדד ומודד מתנאבים במחנה | |
| 28 | MTויען יהושׁע בן נון משׁרת משׁה מבחריו ויאמר אדני משׁה כלאם |
| SPויען יהושׁע בן נון משׁרת משׁה מבחיריו ויאמר אדני משׁה כלאם | |
| 29 | MTויאמר לו משׁה המקנא אתה לי ומי יתן כל עם יהוה נביאים כי יתן יהוה את רוחו עליהם |
| SPויאמר לו משׁה המקנא אתה לי ומי יתן כל עם יהוה נביאים כי יתן יהוה את רוחו עליהם | |
| 30 | MTויאסף משׁה אל המחנה הוא וזקני ישׂראל |
| SPויאסף משׁה אל המחנה הוא וזקני ישׂראל | |
| 31 | MTורוח נסע מאת יהוה ויגז שׂלוים מן הים ויטשׁ על המחנה כדרך יום כה וכדרך יום כה סביבות המחנה וכאמתים על פני הארץ |
| SPורוח נסע מאת יהוה ויגז שׂלוי מן הים ויטשׁ אל המחנה כדרך יום כה וכדרך יום כה סביבת המחנה וכאמתים על פני הארץ | |
| 32 | MTויקם העם כל היום ההוא וכל הלילה וכל יום המחרת ויאספו את השׂלו הממעיט אסף עשׂרה חמרים וישׁטחו להם שׁטוח סביבות המחנה |
| SPויקם העם כל היום ההוא וכל הלילה וכל היום המחרת ויאספו את השׂלוי הממעיט אסף עשׂרה חמרים וישׁחטו להם שׁחוט סביבת המחנה | |
| 33 | MTהבשׂר עודנו בין שׁניהם טרם יכרת ואף יהוה חרה בעם ויך יהוה בעם מכה רבה מאד |
| SPהבשׂר עודנו בין שׁניהם טרם יכרת ואף יהוה חרה בעם ויך יהוה בעם מכה רבה מאד | |
| 34 | MTויקרא את שׁם המקום ההוא קברות התאוה כי שׁם קברו את העם המתאוים |
| SPויקרא שׁם המקום ההוא קברות התאוה כי שׁם קברו את העם המתאוים | |
| 35 | MTמקברות התאוה נסעו העם חצרות ויהיו בחצרות |
| SPמקברות התאוה נסעו העם החצרות ויהיו בחצרות |