| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTעשׂה לך שׁתי חצוצרת כסף מקשׁה תעשׂה אתם והיו לך למקרא העדה ולמסע את המחנות |
| SPעשׂה לך שׁתי חצצרות כסף מקשׁה תעשׂה אתם והיו לך למקרא העדה ולמסע את המחנות | |
| 3 | MTותקעו בהן ונועדו אליך כל העדה אל פתח אהל מועד |
| SPותקעו בהן ונועדו אליך כל העדה אל פתח אהל מועד | |
| 4 | MTואם באחת יתקעו ונועדו אליך הנשׂיאים ראשׁי אלפי ישׂראל |
| SPואם באחת יתקעו ונועדו אליך הנשׂיאים ראשׁי אלפי ישׂראל | |
| 5 | MTותקעתם תרועה ונסעו המחנות החנים קדמה |
| SPותקעתם תרועה ונסעו המחנות החנים קדמה | |
| 6 | MTותקעתם תרועה שׁנית ונסעו המחנות החנים תימנה תרועה יתקעו למסעיהם |
| SPותקעתם תרועה שׁנית ונסעו המחנות החנים צפונה תרועה יתקעו למסעיהם | |
| 7 | MTובהקהיל את הקהל תתקעו ולא תריעו |
| SPובהקהל את הקהל תתקעו ולא תריעו | |
| 8 | MTובני אהרן הכהנים יתקעו בחצצרות והיו לכם לחקת עולם לדרתיכם |
| SPובני אהרן הכהנים יתקעו בחצצרות והיו לכם לחקות עולם לדרתיכם | |
| 9 | MTוכי תבאו מלחמה בארצכם על הצר הצרר אתכם והרעתם בחצצרות ונזכרתם לפני יהוה אלהיכם ונושׁעתם מאיביכם |
| SPוכי תבאו מלחמה בארצכם על הצר הצרר אתכם והרעתם בחצצרות ונזכרתם לפני יהוה אלהיכם ונושׁעתם מאיביכם | |
| 10 | MTוביום שׂמחתכם ובמועדיכם ובראשׁי חדשׁיכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם |
| SPוביום שׂמחתיכם ובמועדיכם ובראשׁי חדשׁיכם ותקעתם בחצצרות על עלתיכם ועל זבחי שׁלמיכם והיו לכם לזכרון לפני יהוה אלהיכם אני יהוה אלהיכם וידבר יהוה אל משׁה לאמר רב לכם שׁבת בהר הזה פנו וסעו לכם ובאו הר האמרי ואל כל שׁכינו בערבה בהר ובשׁפלה בנגב ובחוף הים ארץ הכנעני והלבנון עד הנהר הגדול נהר פרת ראו נתתי לפניכם את הארץ באו ורשׁו את הארץ אשׁר נשׁבעתי לאבתיכם לאברהם ליצחק וליעקב לתת לזרעם אחריהם | |
| 11 | MTויהי בשׁנה השׁנית בחדשׁ השׁני בעשׂרים בחדשׁ נעלה הענן מעל משׁכן העדת |
| SPויהי בשׁנה השׁנית בחדשׁ השׁני בעשׂרים בחדשׁ נעלה הענן מעל משׁכן העדות | |
| 12 | MTויסעו בני ישׂראל למסעיהם ממדבר סיני וישׁכן הענן במדבר פארן |
| SPויסעו בני ישׂראל למסעיהם ממדבר סיני וישׁכן הענן במדבר פראן | |
| 13 | MTויסעו בראשׁנה על פי יהוה ביד משׁה |
| SPויסעו בראישׁונה על פי יהוה ביד משׁה | |
| 14 | MTויסע דגל מחנה בני יהודה בראשׁנה לצבאתם ועל צבאו נחשׁון בן עמינדב |
| SPויסע דגל מחנה בני יהודה בראישׁונה לצבאתם ועל צבאו נחשׁון בן עמינדב | |
| 15 | MTועל צבא מטה בני ישׂשׂכר נתנאל בן צוער |
| SPועל צבא מטה בני ישׂשׂכר נתנאל בן צוער | |
| 16 | MTועל צבא מטה בני זבולן אליאב בן חלון |
| SPועל צבא מטה בני זבולן אליאב בן חילן | |
| 17 | MTוהורד המשׁכן ונסעו בני גרשׁון ובני מררי נשׂאי המשׁכן |
| SPוהורד המשׁכן ונסעו בני גרשׁון ובני מררי נשׂאי המשׁכן | |
| 18 | MTונסע דגל מחנה ראובן לצבאתם ועל צבאו אליצור בן שׁדיאור |
| SPונסע דגל מחנה בני ראובן לצבאתם ועל צבאו אליצור בן שׁדיאור | |
| 19 | MTועל צבא מטה בני שׁמעון שׁלמיאל בן צורי שׁדי |
| SPועל צבא מטה בני שׁמעון שׁלמיאל בן צורישׁדי | |
| 20 | MTועל צבא מטה בני גד אליסף בן דעואל |
| SPועל צבא מטה בני גד אליסף בן דעואל | |
| 21 | MTונסעו הקהתים נשׂאי המקדשׁ והקימו את המשׁכן עד באם |
| SPונסעו הקהתים נשׂאי המקדשׁ והקימו את המשׁכן עד באם | |
| 22 | MTונסע דגל מחנה בני אפרים לצבאתם ועל צבאו אלישׁמע בן עמיהוד |
| SPונסע דגל מחנה בני אפרים לצבאתם ועל צבאו אלישׁמע בן עמיהוד | |
| 23 | MTועל צבא מטה בני מנשׁה גמליאל בן פדה צור |
| SPועל צבא מטה בני מנשׁה גמלאל בן פדהצור | |
| 24 | MTועל צבא מטה בני בנימן אבידן בן גדעוני |
| SPועל צבא מטה בני בנימים אבידן בן גדעוני | |
| 25 | MTונסע דגל מחנה בני דן מאסף לכל המחנת לצבאתם ועל צבאו אחיעזר בן עמי שׁדי |
| SPונסע דגל מחנה בני דן מאסף לכל המחנות לצבאתם ועל צבאו אחיעזר בן עמישׁדי | |
| 26 | MTועל צבא מטה בני אשׁר פגעיאל בן עכרן |
| SPועל צבא מטה בני אשׁר פגעאל בן עכרן | |
| 27 | MTועל צבא מטה בני נפתלי אחירע בן עינן |
| SPועל צבא מטה בני נפתלי אחירע בן עינן | |
| 28 | MTאלה מסעי בני ישׂראל לצבאתם ויסעו |
| SPאלה מסעי בני ישׂראל לצבאתם ויסעו | |
| 29 | MTויאמר משׁה לחבב בן רעואל המדיני חתן משׁה נסעים אנחנו אל המקום אשׁר אמר יהוה אתו אתן לכם לכה אתנו והטבנו לך כי יהוה דבר טוב על ישׂראל |
| SPויאמר משׁה לחובב בן רעואל המדיני חתן משׁה נסעים אנחנו אל המקום אשׁר אמר יהוה אתו אתן לכם לך אתנו והטיבנו לך כי יהוה דבר טוב על ישׂראל | |
| 30 | MTויאמר אליו לא אלך כי אם אל ארצי ואל מולדתי אלך |
| SPויאמר אליו לא אלך כי אם אל ארצי ואל מולדתי אלך | |
| 31 | MTויאמר אל נא תעזב אתנו כי על כן ידעת חנתנו במדבר והיית לנו לעינים |
| SPויאמר אל נא תעזב אתנו כי על כן ידעת חנתינו במדבר והיית לנו לעינים | |
| 32 | MTוהיה כי תלך עמנו והיה הטוב ההוא אשׁר ייטיב יהוה עמנו והטבנו לך |
| SPוהיה כי תלך עמנו והיה הטוב ההוא אשׁר ייטב יהוה עמנו והטיבנו לך | |
| 33 | MTויסעו מהר יהוה דרך שׁלשׁת ימים וארון ברית יהוה נסע לפניהם דרך שׁלשׁת ימים לתור להם מנוחה |
| SPויסעו מהר יהוה דרך שׁלשׁת ימים וארון ברית יהוה נסע לפניהם דרך שׁלשׁת ימים לתור להם מנוחה | |
| 34 | MTוענן יהוה עליהם יומם בנסעם מן המחנה נ |
| SPוענן יהוה עליהם יומם בנסעם מן המחנה | |
| 35 | MTויהי בנסע הארן ויאמר משׁה קומה יהוה ויפצו איביך וינסו משׂנאיך מפניך |
| SPויהי בנסע הארון ויאמר משׁה קומה יהוה ויפוצו איביך וינסו משׂנאיך מפניך | |
| 36 | MTובנחה יאמר שׁובה יהוה רבבות אלפי ישׂראל נ |
| SPובמנוחה יאמר שׁובה יהוה רבבות אלפי ישׂראל |