| 1 | MTוידבר יהוה אל משׁה במדבר סיני בשׁנה השׁנית לצאתם מארץ מצרים בחדשׁ הראשׁון לאמר |
| SPוידבר יהוה אל משׁה במדבר סיני בשׁנה השׁנית לצאתם מארץ מצרים בחדשׁ הראישׁון לאמר | |
| 2 | MTויעשׂו בני ישׂראל את הפסח במועדו |
| SPויעשׂו בני ישׂראל את הפסח במועדיו | |
| 3 | MTבארבעה עשׂר יום בחדשׁ הזה בין הערבים תעשׂו אתו במועדו ככל חקתיו וככל משׁפטיו תעשׂו אתו |
| SPבארבעה עשׂר יום בחדשׁ הזה בין הערבים יעשׂו אתו במועדיו ככל חקתיו וככל משׁפטיו תעשׂו אתו | |
| 4 | MTוידבר משׁה אל בני ישׂראל לעשׂת הפסח |
| SPוידבר משׁה אל בני ישׂראל לעשׂות הפסח | |
| 5 | MTויעשׂו את הפסח בראשׁון בארבעה עשׂר יום לחדשׁ בין הערבים במדבר סיני ככל אשׁר צוה יהוה את משׁה כן עשׂו בני ישׂראל |
| SPויעשׂו את הפסח בראישׁון בארבעה עשׂר יום לחדשׁ בין הערבים במדבר סיני ככל אשׁר צוה יהוה את משׁה כן עשׂו בני ישׂראל | |
| 6 | MTויהי אנשׁים אשׁר היו טמאים לנפשׁ אדם ולא יכלו לעשׂת הפסח ביום ההוא ויקרבו לפני משׁה ולפני אהרן ביום ההוא |
| SPויהיו אנשׁים אשׁר היו טמאים לנפשׁ אדם ולא יכלו לעשׂות הפסח ביום ההוא ויקרבו לפני משׁה ולפני אהרן ביום ההוא | |
| 7 | MTויאמרו האנשׁים ההמה אליו אנחנו טמאים לנפשׁ אדם למה נגרע לבלתי הקרב את קרבן יהוה במעדו בתוך בני ישׂראל |
| SPויאמרו האנשׁים ההם אליו אנחנו טמאים לנפשׁ אדם למה נגרע לבלתי הקריב את קרבן יהוה במועדיו בתוך בני ישׂראל | |
| 8 | MTויאמר אלהם משׁה עמדו ואשׁמעה מה יצוה יהוה לכם |
| SPויאמר אליהם משׁה עמדו ואשׁמעה מה יצוה יהוה לכם | |
| 9 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 10 | MTדבר אל בני ישׂראל לאמר אישׁ אישׁ כי יהיה טמא לנפשׁ או בדרך רחקה לכם או לדרתיכם ועשׂה פסח ליהוה |
| SPדבר אל בני ישׂראל לאמר אישׁ אישׁ כי יהיה טמא לנפשׁ או בדרך רחוקה לכם או לדרתיכם ועשׂה פסח ליהוה | |
| 11 | MTבחדשׁ השׁני בארבעה עשׂר יום בין הערבים יעשׂו אתו על מצות ומררים יאכלהו |
| SPבחדשׁ השׁני בארבעה עשׂר יום בין הערבים יעשׂו אתו על מצות ומררים יאכלהו | |
| 12 | MTלא ישׁאירו ממנו עד בקר ועצם לא ישׁברו בו ככל חקת הפסח יעשׂו אתו |
| SPלא ישׁאירו ממנו עד בקר ועצם לא ישׁברו בו ככל חקות הפסח יעשׂו אתו | |
| 13 | MTוהאישׁ אשׁר הוא טהור ובדרך לא היה וחדל לעשׂות הפסח ונכרתה הנפשׁ ההוא מעמיה כי קרבן יהוה לא הקריב במעדו חטאו ישׂא האישׁ ההוא |
| SPוהאישׁ אשׁר הוא טהור ובדרך לא היה וחדל לעשׂות הפסח ונכרתה הנפשׁ ההיא מעמיה כי קרבן יהוה לא הקריב במועדיו חטאו ישׂא האישׁ ההוא | |
| 14 | MTוכי יגור אתכם גר ועשׂה פסח ליהוה כחקת הפסח וכמשׁפטו כן יעשׂה חקה אחת יהיה לכם ולגר ולאזרח הארץ |
| SPוכי יגור אתכם גר ועשׂה פסח ליהוה כחקות הפסח וכמשׁפטיו כן יעשׂה חקה אחת יהיה לכם ולגר ולאזרח הארץ | |
| 15 | MTוביום הקים את המשׁכן כסה הענן את המשׁכן לאהל העדת ובערב יהיה על המשׁכן כמראה אשׁ עד בקר |
| SPוביום הוקם את המשׁכן כסה הענן את המשׁכן לאהל העדות ובערב יהיה על המשׁכן כמראה אשׁ עד בקר | |
| 16 | MTכן יהיה תמיד הענן יכסנו ומראה אשׁ לילה |
| SPכן יהיה תמיד הענן יכסנו ומראה אשׁ לילה | |
| 17 | MTולפי העלת הענן מעל האהל ואחרי כן יסעו בני ישׂראל ובמקום אשׁר ישׁכן שׁם הענן שׁם יחנו בני ישׂראל |
| SPולפי העלות הענן מעל האהל ואחרי כן יסעו בני ישׂראל ובמקום אשׁר ישׁכן שׁם הענן שׁם יחנו בני ישׂראל | |
| 18 | MTעל פי יהוה יסעו בני ישׂראל ועל פי יהוה יחנו כל ימי אשׁר ישׁכן הענן על המשׁכן יחנו |
| SPעל פי יהוה יסעו בני ישׂראל ועל פי יהוה יחנו כל ימי אשׁר ישׁכן הענן על המשׁכן יחנו | |
| 19 | MTובהאריך הענן על המשׁכן ימים רבים ושׁמרו בני ישׂראל את משׁמרת יהוה ולא יסעו |
| SPובהאריך הענן על המשׁכן ימים רבים ושׁמרו בני ישׂראל את משׁמרת יהוה ולא יסעו | |
| 20 | MTוישׁ אשׁר יהיה הענן ימים מספר על המשׁכן על פי יהוה יחנו ועל פי יהוה יסעו |
| SPוישׁ אשׁר יהיה הענן ימים במספר על המשׁכן על פי יהוה יחנו ועל פי יהוה יסעו | |
| 21 | MTוישׁ אשׁר יהיה הענן מערב עד בקר ונעלה הענן בבקר ונסעו או יומם ולילה ונעלה הענן ונסעו |
| SPוישׁ אשׁר יהיה הענן מערב עד בקר ונעלה הענן בבקר ונסעו או יומם ולילה ונעלה הענן ונסעו | |
| 22 | MTאו ימים או חדשׁ או ימים בהאריך הענן על המשׁכן לשׁכן עליו יחנו בני ישׂראל ולא יסעו ובהעלתו יסעו |
| SPאו יומים או חדשׁ או ימים בהאריך הענן על המשׁכן לשׁכן עליו יחנו בני ישׂראל ולא יסעו ובהעלותו יסעו | |
| 23 | MTעל פי יהוה יחנו ועל פי יהוה יסעו את משׁמרת יהוה שׁמרו על פי יהוה ביד משׁה |
| SPעל פי יהוה יחנו ועל פי יהוה יסעו את משׁמרת יהוה שׁמרו על פי יהוה ביד משׁה |