| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל אהרן ואמרת אליו בהעלתך את הנרת אל מול פני המנורה יאירו שׁבעת הנרות |
| SPדבר אל אהרן ואמרת אליו בהעלותך את הנרות אל מול פני המנורה יאירו שׁבעת הנרות | |
| 3 | MTויעשׂ כן אהרן אל מול פני המנורה העלה נרתיה כאשׁר צוה יהוה את משׁה |
| SPויעשׂ כן אהרן אל מול פני המנורה העלה נרתיה כאשׁר צוה יהוה את משׁה | |
| 4 | MTוזה מעשׂה המנרה מקשׁה זהב עד ירכה עד פרחה מקשׁה הוא כמראה אשׁר הראה יהוה את משׁה כן עשׂה את המנרה |
| SPוזה מעשׂה המנורה מקשׁה זהב עד ירכיה ועד פרחיה מקשׁה היא כמראה אשׁר הראה יהוה את משׁה כן עשׂה את המנורה | |
| 5 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 6 | MTקח את הלוים מתוך בני ישׂראל וטהרת אתם |
| SPקח את הלוים מתוך בני ישׂראל וטהרת אתם | |
| 7 | MTוכה תעשׂה להם לטהרם הזה עליהם מי חטאת והעבירו תער על כל בשׂרם וכבסו בגדיהם והטהרו |
| SPוכה תעשׂה להם לטהרם הזי עליהם מי חטאת והעבירו תער על כל בשׂרם וכבסו בגדיהם והטהרו | |
| 8 | MTולקחו פר בן בקר ומנחתו סלת בלולה בשׁמן ופר שׁני בן בקר תקח לחטאת |
| SPולקחו פר בן בקר ומנחתו סלת בלולה בשׁמן ופר שׁני בן בקר תקח לחטאת | |
| 9 | MTוהקרבת את הלוים לפני אהל מועד והקהלת את כל עדת בני ישׂראל |
| SPוהקרבת את הלוים לפני אהל מועד והקהלת את כל עדת בני ישׂראל | |
| 10 | MTוהקרבת את הלוים לפני יהוה וסמכו בני ישׂראל את ידיהם על הלוים |
| SPוהקרבת את הלוים לפני יהוה וסמכו בני ישׂראל את ידיהם על הלוים | |
| 11 | MTוהניף אהרן את הלוים תנופה לפני יהוה מאת בני ישׂראל והיו לעבד את עבדת יהוה |
| SPוהניף אהרן את הלוים תנופה לפני יהוה מאת בני ישׂראל והיו לעבד את עבדת יהוה | |
| 12 | MTוהלוים יסמכו את ידיהם על ראשׁ הפרים ועשׂה את האחד חטאת ואת האחד עלה ליהוה לכפר על הלוים |
| SPוהלוים יסמכו את ידיהם על ראשׁ הפרים ועשׂה את האחד חטאת ואת האחד עלה ליהוה לכפר על הלוים | |
| 13 | MTוהעמדת את הלוים לפני אהרן ולפני בניו והנפת אתם תנופה ליהוה |
| SPוהעמדת את הלוים לפני אהרן ולפני בניו והנפת אתם תנופה ליהוה | |
| 14 | MTוהבדלת את הלוים מתוך בני ישׂראל והיו לי הלוים |
| SPוהבדלת את הלוים מתוך בני ישׂראל והיו לי הלוים | |
| 15 | MTואחרי כן יבאו הלוים לעבד את אהל מועד וטהרת אתם והנפת אתם תנופה |
| SPואחרי כן יבאו הלוים לעבד את עבדת אהל מועד וטהרת אתם והנפת אתם תנופה | |
| 16 | MTכי נתנים נתנים המה לי מתוך בני ישׂראל תחת פטרת כל רחם בכור כל מבני ישׂראל לקחתי אתם לי |
| SPכי נתנים נתנים הם לי מתוך בני ישׂראל תחת כל בכור פטר רחם בבני ישׂראל לקחתי אתם לי | |
| 17 | MTכי לי כל בכור בבני ישׂראל באדם ובבהמה ביום הכתי כל בכור בארץ מצרים הקדשׁתי אתם לי |
| SPכי לי כל בכור בבני ישׂראל באדם ובבהמה ביום הכיתי כל בכור בארץ מצרים הקדשׁתי אתם לי | |
| 18 | MTואקח את הלוים תחת כל בכור בבני ישׂראל |
| SPואקח את הלוים תחת כל בכור בבני ישׂראל | |
| 19 | MTואתנה את הלוים נתנים לאהרן ולבניו מתוך בני ישׂראל לעבד את עבדת בני ישׂראל באהל מועד ולכפר על בני ישׂראל ולא יהיה בבני ישׂראל נגף בגשׁת בני ישׂראל אל הקדשׁ |
| SPואתנה את הלוים נתנים לאהרן ולבניו מתוך בני ישׂראל לעבד את עבדת בני ישׂראל באהל מועד ולכפר על בני ישׂראל ולא יהיה בבני ישׂראל נגף בגשׁת בני ישׂראל אל הקדשׁ | |
| 20 | MTויעשׂ משׁה ואהרן וכל עדת בני ישׂראל ללוים ככל אשׁר צוה יהוה את משׁה ללוים כן עשׂו להם בני ישׂראל |
| SPויעשׂ משׁה ואהרן וכל עדת בני ישׂראל ללוים ככל אשׁר צוה יהוה את משׁה ללוים כן עשׂו להם בני ישׂראל | |
| 21 | MTויתחטאו הלוים ויכבסו בגדיהם וינף אהרן אתם תנופה לפני יהוה ויכפר עליהם אהרן לטהרם |
| SPויתחטאו הלוים ויכבסו בגדיהם וינף אהרן אתם תנופה לפני יהוה ויכפר עליהם אהרן לטהרם | |
| 22 | MTואחרי כן באו הלוים לעבד את עבדתם באהל מועד לפני אהרן ולפני בניו כאשׁר צוה יהוה את משׁה על הלוים כן עשׂו להם |
| SPואחרי כן באו הלוים לעבד את עבדתם באהל מועד לפני אהרן ולפני בניו כאשׁר צוה יהוה את משׁה על הלוים כן עשׂו להם | |
| 23 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 24 | MTזאת אשׁר ללוים מבן חמשׁ ועשׂרים שׁנה ומעלה יבוא לצבא צבא בעבדת אהל מועד |
| SPזאת אשׁר ללוים מבן חמשׁ ועשׂרים שׁנה ומעלה יבוא לצבא צבא בעבדת אהל מועד | |
| 25 | MTומבן חמשׁים שׁנה ישׁוב מצבא העבדה ולא יעבד עוד |
| SPומבן חמשׁים שׁנה ישׁוב מצבא העבדה ולא יעבד עוד | |
| 26 | MTושׁרת את אחיו באהל מועד לשׁמר משׁמרת ועבדה לא יעבד ככה תעשׂה ללוים במשׁמרתם |
| SPושׁרת את אחיו באהל מועד לשׁמר משׁמרת ועבדה לא יעבד ככה תעשׂו ללוים במשׁמרתם |