| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTצו את בני ישׂראל וישׁלחו מן המחנה כל צרוע וכל זב וכל טמא לנפשׁ |
| SPצוי את בני ישׂראל וישׁלחו מן המחנה כל צרוע וכל זב וכל טמא לנפשׁ | |
| 3 | MTמזכר עד נקבה תשׁלחו אל מחוץ למחנה תשׁלחום ולא יטמאו את מחניהם אשׁר אני שׁכן בתוכם |
| SPמזכר ועד נקבה תשׁלחו אל מחוץ למחנה תשׁלחום ולא יטמאו את מחניהם אשׁר אני שׁכן בתוכם | |
| 4 | MTויעשׂו כן בני ישׂראל וישׁלחו אותם אל מחוץ למחנה כאשׁר דבר יהוה אל משׁה כן עשׂו בני ישׂראל |
| SPויעשׂו כן בני ישׂראל וישׁלחו אתם אל מחוץ למחנה כאשׁר דבר יהוה אל משׁה כן עשׂו בני ישׂראל | |
| 5 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 6 | MTדבר אל בני ישׂראל אישׁ או אשׁה כי יעשׂו מכל חטאת האדם למעל מעל ביהוה ואשׁמה הנפשׁ ההוא |
| SPדבר אל בני ישׂראל לאמר אישׁ או אשׁה כי יעשׂו מכל חטאת האדם למעל מעל ביהוה ואשׁמה הנפשׁ ההיא | |
| 7 | MTוהתודו את חטאתם אשׁר עשׂו והשׁיב את אשׁמו בראשׁו וחמישׁתו יסף עליו ונתן לאשׁר אשׁם לו |
| SPוהתודו את חטאתם אשׁר עשׂו והשׁיב את אשׁמו בראשׁו וחמישׁתו יסף עליו ונתן לאשׁר אשׁם לו | |
| 8 | MTואם אין לאישׁ גאל להשׁיב האשׁם אליו האשׁם המושׁב ליהוה לכהן מלבד איל הכפרים אשׁר יכפר בו עליו |
| SPואם אין לאישׁ גאל להשׁיב האשׁם אליו האשׁם המושׁב ליהוה לכהן מלבד איל הכפורים אשׁר יכפר בו עליו | |
| 9 | MTוכל תרומה לכל קדשׁי בני ישׂראל אשׁר יקריבו לכהן לו יהיה |
| SPוכל תרומה לכל קדשׁי בני ישׂראל אשׁר יקריבו לכהן לו יהיה | |
| 10 | MTואישׁ את קדשׁיו לו יהיו אישׁ אשׁר יתן לכהן לו יהיה |
| SPואישׁ את קדשׁיו לו יהיה ואישׁ אשׁר יתן לכהן לו יהיה | |
| 11 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 12 | MTדבר אל בני ישׂראל ואמרת אלהם אישׁ אישׁ כי תשׂטה אשׁתו ומעלה בו מעל |
| SPדבר אל בני ישׂראל ואמרת אליהם אישׁ אישׁ כי תשׂטה אשׁתו ומעלה בו מעל | |
| 13 | MTושׁכב אישׁ אתה שׁכבת זרע ונעלם מעיני אישׁה ונסתרה והיא נטמאה ועד אין בה והוא לא נתפשׂה |
| SPושׁכב אישׁ אתה שׁכבת זרע ונעלם מעיני אישׁה ונסתרה והיא נטמאה ועד אין בה והיא לא נתפשׂה | |
| 14 | MTועבר עליו רוח קנאה וקנא את אשׁתו והוא נטמאה או עבר עליו רוח קנאה וקנא את אשׁתו והיא לא נטמאה |
| SPועבר עליו רוח קנאה וקנא את אשׁתו והיא נטמאה או עבר עליו רוח קנאה וקנא את אשׁתו והיא לא נטמאה | |
| 15 | MTוהביא האישׁ את אשׁתו אל הכהן והביא את קרבנה עליה עשׂירת האיפה קמח שׂערים לא יצק עליו שׁמן ולא יתן עליו לבנה כי מנחת קנאת הוא מנחת זכרון מזכרת עון |
| SPוהביא האישׁ את אשׁתו אל הכהן והביא את קרבנה עליה עשׂירת האיפה קמח שׂערים לא יצק עליה שׁמן ולא יתן עליה לבונה כי מנחת קנאת היא מנחת זכרון מזכרת עון | |
| 16 | MTוהקריב אתה הכהן והעמדה לפני יהוה |
| SPוהקריב אתה הכהן והעמידה לפני יהוה | |
| 17 | MTולקח הכהן מים קדשׁים בכלי חרשׂ ומן העפר אשׁר יהיה בקרקע המשׁכן יקח הכהן ונתן אל המים |
| SPולקח הכהן מים קדישׁים בכלי חרשׁ ומן העפר אשׁר יהיה בקרקע המשׁכן יקח הכהן ונתן אל המים | |
| 18 | MTוהעמיד הכהן את האשׁה לפני יהוה ופרע את ראשׁ האשׁה ונתן על כפיה את מנחת הזכרון מנחת קנאת הוא וביד הכהן יהיו מי המרים המאררים |
| SPוהעמיד הכהן את האשׁה לפני יהוה ופרע את ראשׁ האשׁה ונתן על כפיה את מנחת הזכרון מנחת קנאת היא וביד הכהן יהיו מי המרים המאררים | |
| 19 | MTוהשׁביע אתה הכהן ואמר אל האשׁה אם לא שׁכב אישׁ אתך ואם לא שׂטית טמאה תחת אישׁך הנקי ממי המרים המאררים האלה |
| SPוהשׁביע אתה הכהן ואמר אל האשׁה אם לא שׁכב אישׁ אתיך ואם לא שׂטית טמאה תחת אישׁיך הנקי ממי המרים המאררים האלה | |
| 20 | MTואת כי שׂטית תחת אישׁך וכי נטמאת ויתן אישׁ בך את שׁכבתו מבלעדי אישׁך |
| SPואת כי שׂטית תחת אישׁיך וכי נטמאת ויתן אישׁ ביך את שׁכבתו מבלעדי אישׁיך | |
| 21 | MTוהשׁביע הכהן את האשׁה בשׁבעת האלה ואמר הכהן לאשׁה יתן יהוה אותך לאלה ולשׁבעה בתוך עמך בתת יהוה את ירכך נפלת ואת בטנך צבה |
| SPוהשׁביע הכהן את האשׁה בשׁבועת האלה ואמר הכהן לאשׁה יתן יהוה אתיך לאלה ולשׁבועה בתוך עמיך בתת יהוה את ירכיך נפלת ואת בטניך צבא | |
| 22 | MTובאו המים המאררים האלה במעיך לצבות בטן ולנפל ירך ואמרה האשׁה אמן אמן |
| SPובאו המים המאררים האלה במעיך לצבת בטן ולנפל ירך ואמרה האשׁה אמן אמן | |
| 23 | MTוכתב את האלת האלה הכהן בספר ומחה אל מי המרים |
| SPוכתב את האלות האלה הכהן בספר ומחה אל מי המרים | |
| 24 | MTוהשׁקה את האשׁה את מי המרים המאררים ובאו בה המים המאררים למרים |
| SPוהשׁקה את האשׁה את מי המרים המאררים ובאו בה המים המאררים למרים | |
| 25 | MTולקח הכהן מיד האשׁה את מנחת הקנאת והניף את המנחה לפני יהוה והקריב אתה אל המזבח |
| SPולקח הכהן מיד האשׁה את מנחת הקנאת והניף את המנחה לפני יהוה והקריב אתה אל המזבח | |
| 26 | MTוקמץ הכהן מן המנחה את אזכרתה והקטיר המזבחה ואחר ישׁקה את האשׁה את המים |
| SPוהרים הכהן מן המנחה את אזכרתה והקטיר המזבחה ואחר ישׁקה את האשׁה את המים | |
| 27 | MTוהשׁקה את המים והיתה אם נטמאה ותמעל מעל באישׁה ובאו בה המים המאררים למרים וצבתה בטנה ונפלה ירכה והיתה האשׁה לאלה בקרב עמה |
| SPוהשׁקה את המים והיה אם נטמאה ותמעל מעל באישׁה ובאו בה המים המאררים למרים וצבתה בטנה ונפלה ירכה והיתה האשׁה לאלה בקרב עמה | |
| 28 | MTואם לא נטמאה האשׁה וטהרה הוא ונקתה ונזרעה זרע |
| SPואם לא נטמאה האשׁה וטהרה היא ונקתה ונזרעה זרע | |
| 29 | MTזאת תורת הקנאת אשׁר תשׂטה אשׁה תחת אישׁה ונטמאה |
| SPזאת תורת הקנאת אשׁר תשׂטה אשׁה תחת אישׁה ונטמאה | |
| 30 | MTאו אישׁ אשׁר תעבר עליו רוח קנאה וקנא את אשׁתו והעמיד את האשׁה לפני יהוה ועשׂה לה הכהן את כל התורה הזאת |
| SPאו אישׁ אשׁר תעבר עליו רוח קנאה וקנא את אשׁתו והעמיד את האשׁה לפני יהוה ועשׂה לה הכהן את כל התורה הזאת | |
| 31 | MTונקה האישׁ מעון והאשׁה ההוא תשׂא את עונה |
| SPונקה האישׁ מעון והאשׁה ההיא תשׂא את עונה |