| 1 | MTוידבר יהוה אל משׁה ואל אהרן לאמר |
| SPוידבר יהוה אל משׁה ואל אהרן לאמר | |
| 2 | MTנשׂא את ראשׁ בני קהת מתוך בני לוי למשׁפחתם לבית אבתם |
| SPנשׂא את ראשׁ בני קהת מתוך בני לוי למשׁפחותם לבית אבותם | |
| 3 | MTמבן שׁלשׁים שׁנה ומעלה ועד בן חמשׁים שׁנה כל בא לצבא לעשׂות מלאכה באהל מועד |
| SPמבן שׁלשׁים שׁנה ומעלה ועד בן חמשׁים שׁנה כל הבא לצבא לעשׂות מלאכה באהל מועד | |
| 4 | MTזאת עבדת בני קהת באהל מועד קדשׁ הקדשׁים |
| SPזאת עבדת בני קהת באהל מועד קדשׁ הקדשׁים | |
| 5 | MTובא אהרן ובניו בנסע המחנה והורדו את פרכת המסך וכסו בה את ארן העדת |
| SPובא אהרן ובניו בנסע המחנה והורידו את פרכת המסך וכסו בה את ארון העדות | |
| 6 | MTונתנו עליו כסוי עור תחשׁ ופרשׂו בגד כליל תכלת מלמעלה ושׂמו בדיו |
| SPונתנו עליו כסוי עור תחשׁ ופרשׁו עליו בגד כליל תכלת מלמעלה ושׂמו בדיו | |
| 7 | MTועל שׁלחן הפנים יפרשׂו בגד תכלת ונתנו עליו את הקערת ואת הכפת ואת המנקית ואת קשׂות הנסך ולחם התמיד עליו יהיה |
| SPועל שׁלחן הפנים יפרשׂו בגד תכלת ונתנו עליו את הקערות ואת הכפות ואת המנקיות ואת קשׂות הנסך ולחם התמיד עליו יהיה | |
| 8 | MTופרשׂו עליהם בגד תולעת שׁני וכסו אתו במכסה עור תחשׁ ושׂמו את בדיו |
| SPופרשׂו עליהם כסוי בגד תולעת שׁני וכסו אתו במכסה עור תחשׁ ושׂמו בדיו | |
| 9 | MTולקחו בגד תכלת וכסו את מנרת המאור ואת נרתיה ואת מלקחיה ואת מחתתיה ואת כל כלי שׁמנה אשׁר ישׁרתו לה בהם |
| SPולקחו בגד תכלת וכסו את מנורת המאור ואת נרתיה ואת מלקחיה ואת מחתיתיה ואת כל כלי שׁמנה אשׁר ישׁרתו לה בהם | |
| 10 | MTונתנו אתה ואת כל כליה אל מכסה עור תחשׁ ונתנו על המוט |
| SPונתנו אתה ואת כל כליה אל מכסה עור תחשׁ ונתנו על המוט | |
| 11 | MTועל מזבח הזהב יפרשׂו בגד תכלת וכסו אתו במכסה עור תחשׁ ושׂמו את בדיו |
| SPועל מזבח הזהב יפרשׂו בגד תכלת וכסו אתו במכסה עור תחשׁ ושׂמו את בדיו | |
| 12 | MTולקחו את כל כלי השׁרת אשׁר ישׁרתו בם בקדשׁ ונתנו אל בגד תכלת וכסו אותם במכסה עור תחשׁ ונתנו על המוט |
| SPולקחו את כל כלי השׁרת אשׁר ישׁרתו בהם בקדשׁ ונתנו אל בגד תכלת וכסו אתם במכסה עור תחשׁ ונתנו על המוט | |
| 13 | MTודשׁנו את המזבח ופרשׂו עליו בגד ארגמן |
| SPודשׁנו את המזבח ופרשׂו עליו בגד ארגמן | |
| 14 | MTונתנו עליו את כל כליו אשׁר ישׁרתו עליו בהם את המחתת את המזלגת ואת היעים ואת המזרקת כל כלי המזבח ופרשׂו עליו כסוי עור תחשׁ ושׂמו בדיו |
| SPונתנו עליו את כל כליו אשׁר ישׁרתו עליו בהם את המחתות ואת המזלגות ואת היעים ואת המזרקות כל כלי המזבח ופרשׂו עליו כסוי עור תחשׁ ושׂמו בדיו ולקחו בגד ארגמן וכסו את הכיור ואת כנו ונתנו אתם אל מכסה עור תחשׁ ונתנו על המוט | |
| 15 | MTוכלה אהרן ובניו לכסת את הקדשׁ ואת כל כלי הקדשׁ בנסע המחנה ואחרי כן יבאו בני קהת לשׂאת ולא יגעו אל הקדשׁ ומתו אלה משׂא בני קהת באהל מועד |
| SPוכלה אהרן ובניו לכסות את הקדשׁ ואת כל כלי הקדשׁ בנסע המחנה ואחרי כן יבאו בני קהת לשׂאת ולא יגעו אל הקדשׁ ומתו אלה משׂאי בני קהת באהל מועד | |
| 16 | MTופקדת אלעזר בן אהרן הכהן שׁמן המאור וקטרת הסמים ומנחת התמיד ושׁמן המשׁחה פקדת כל המשׁכן וכל אשׁר בו בקדשׁ ובכליו |
| SPופקדת אלעזר בן אהרן הכהן שׁמן המאור וקטרת הסמים ומנחת התמיד ושׁמן המשׁחה פקדת כל המשׁכן וכל אשׁר בו בקדשׁ ובכליו | |
| 17 | MTוידבר יהוה אל משׁה ואל אהרן לאמר |
| SPוידבר יהוה אל משׁה ואל אהרן לאמר | |
| 18 | MTאל תכריתו את שׁבט משׁפחת הקהתי מתוך הלוים |
| SPאל תכריתו את שׁבט משׁפחת הקהתי מתוך הלוים | |
| 19 | MTוזאת עשׂו להם וחיו ולא ימתו בגשׁתם את קדשׁ הקדשׁים אהרן ובניו יבאו ושׂמו אותם אישׁ אישׁ על עבדתו ואל משׂאו |
| SPזאת עשׂו להם וחיו ולא ימותו בגשׁתם אל קדשׁ הקדשׁים אהרן ובניו יבאו ושׂמו אתם אישׁ על עבדתו ועל משׂאו | |
| 20 | MTולא יבאו לראות כבלע את הקדשׁ ומתו |
| SPולא יבאו לראות כבלע את הקדשׁ ומתו | |
| 21 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 22 | MTנשׂא את ראשׁ בני גרשׁון גם הם לבית אבתם למשׁפחתם |
| SPנשׂא את ראשׁ בני גרשׁון גם הם לבית אבותם למשׁפחותם | |
| 23 | MTמבן שׁלשׁים שׁנה ומעלה עד בן חמשׁים שׁנה תפקד אותם כל הבא לצבא צבא לעבד עבדה באהל מועד |
| SPמבן שׁלשׁים שׁנה ומעלה ועד בן חמשׁים שׁנה תפקד אתם כל הבא לצבא צבא לעבד עבדה באהל מועד | |
| 24 | MTזאת עבדת משׁפחת הגרשׁני לעבד ולמשׂא |
| SPזאת עבדת משׁפחת הגרשׁוני לעבד ולמשׂא | |
| 25 | MTונשׂאו את יריעת המשׁכן ואת אהל מועד מכסהו ומכסה התחשׁ אשׁר עליו מלמעלה ואת מסך פתח אהל מועד |
| SPונשׂאו את יריעות המשׁכן ואת אהל מועד מכסהו ומכסה התחשׁ אשׁר עליו מלמעלה ואת מסך פתח אהל מועד | |
| 26 | MTואת קלעי החצר ואת מסך פתח שׁער החצר אשׁר על המשׁכן ועל המזבח סביב ואת מיתריהם ואת כל כלי עבדתם ואת כל אשׁר יעשׂה להם ועבדו |
| SPואת קלעי החצר ואת מסך פתח שׁער החצר אשׁר על המשׁכן ועל המזבח סביב ואת מיתריהם ואת כל כלי עבדתם ואת כל אשׁר יעשׂה להם ועבדו | |
| 27 | MTעל פי אהרן ובניו תהיה כל עבדת בני הגרשׁני לכל משׂאם ולכל עבדתם ופקדתם עלהם במשׁמרת את כל משׂאם |
| SPעל פי אהרן ובניו תהיה כל עבדת בני הגרשׁוני לכל משׂאם ולכל עבדתם ופקדתם עליהם במשׁמרת את כל משׂאם | |
| 28 | MTזאת עבדת משׁפחת בני הגרשׁני באהל מועד ומשׁמרתם ביד איתמר בן אהרן הכהן |
| SPזאת עבדת משׁפחת בני הגרשׁוני באהל מועד ומשׁמרתם ביד איתמר בן אהרן הכהן | |
| 29 | MTבני מררי למשׁפחתם לבית אבתם תפקד אתם |
| SPבני מררי למשׁפחותם לבית אבותם תפקד אתם | |
| 30 | MTמבן שׁלשׁים שׁנה ומעלה ועד בן חמשׁים שׁנה תפקדם כל הבא לצבא לעבד את עבדת אהל מועד |
| SPמבן שׁלשׁים שׁנה ומעלה ועד בן חמשׁים שׁנה תפקדם כל הבא לצבא לעבד את עבדת אהל מועד | |
| 31 | MTוזאת משׁמרת משׂאם לכל עבדתם באהל מועד קרשׁי המשׁכן ובריחיו ועמודיו ואדניו |
| SPוזאת משׁמרת משׂאם לכל עבדתם באהל מועד קרשׁי המשׁכן ובריחיו ועמודיו ואדניו | |
| 32 | MTועמודי החצר סביב ואדניהם ויתדתם ומיתריהם לכל כליהם ולכל עבדתם ובשׁמת תפקדו את כלי משׁמרת משׂאם |
| SPועמודי החצר סביב ואדניהם ויתדתם ומיתריהם לכל כליהם ולכל עבדתם ובשׁמות תפקדו את כל כלי משׁמרת משׂאם | |
| 33 | MTזאת עבדת משׁפחת בני מררי לכל עבדתם באהל מועד ביד איתמר בן אהרן הכהן |
| SPזאת עבדת משׁפחת בני מררי לכל עבדתם באהל מועד ביד איתמר בן אהרן הכהן | |
| 34 | MTויפקד משׁה ואהרן ונשׂיאי העדה את בני הקהתי למשׁפחתם ולבית אבתם |
| SPויפקד משׁה ואהרן ונשׂיאי העדה את בני הקהתי למשׁפחותם לבית אבותם | |
| 35 | MTמבן שׁלשׁים שׁנה ומעלה ועד בן חמשׁים שׁנה כל הבא לצבא לעבדה באהל מועד |
| SPמבן שׁלשׁים שׁנה ומעלה ועד בן חמשׁים שׁנה כל הבא לצבא לעבדה באהל מועד | |
| 36 | MTויהיו פקדיהם למשׁפחתם אלפים שׁבע מאות וחמשׁים |
| SPויהיו פקדיהם למשׁפחותם אלפים ושׁבע מאות וחמשׁים | |
| 37 | MTאלה פקודי משׁפחת הקהתי כל העבד באהל מועד אשׁר פקד משׁה ואהרן על פי יהוה ביד משׁה |
| SPאלה פקדי משׁפחת הקהתי כל העבד באהל מועד אשׁר פקד משׁה ואהרן על פי יהוה ביד משׁה | |
| 38 | MTופקודי בני גרשׁון למשׁפחותם ולבית אבתם |
| SPופקדי בני גרשׁון למשׁפחותם לבית אבותם | |
| 39 | MTמבן שׁלשׁים שׁנה ומעלה ועד בן חמשׁים שׁנה כל הבא לצבא לעבדה באהל מועד |
| SPמבן שׁלשׁים שׁנה ומעלה ועד בן חמשׁים שׁנה כל הבא לצבא לעבדה באהל מועד | |
| 40 | MTויהיו פקדיהם למשׁפחתם לבית אבתם אלפים ושׁשׁ מאות ושׁלשׁים |
| SPויהיו פקדיהם למשׁפחותם לבית אבותם אלפים ושׁשׁ מאות ושׁלשׁים | |
| 41 | MTאלה פקודי משׁפחת בני גרשׁון כל העבד באהל מועד אשׁר פקד משׁה ואהרן על פי יהוה |
| SPאלה פקדי משׁפחת בני גרשׁון כל העבד באהל מועד אשׁר פקד משׁה ואהרן על פי יהוה | |
| 42 | MTופקודי משׁפחת בני מררי למשׁפחתם לבית אבתם |
| SPופקדי משׁפחת בני מררי למשׁפחותם לבית אבותם | |
| 43 | MTמבן שׁלשׁים שׁנה ומעלה ועד בן חמשׁים שׁנה כל הבא לצבא לעבדה באהל מועד |
| SPמבן שׁלשׁים שׁנה ומעלה ועד בן חמשׁים שׁנה כל הבא לצבא לעבדה באהל מועד | |
| 44 | MTויהיו פקדיהם למשׁפחתם שׁלשׁת אלפים ומאתים |
| SPויהיו פקדיהם למשׁפחותם שׁלשׁת אלפים ומאתים | |
| 45 | MTאלה פקודי משׁפחת בני מררי אשׁר פקד משׁה ואהרן על פי יהוה ביד משׁה |
| SPאלה פקדי משׁפחת בני מררי אשׁר פקד משׁה ואהרן על פי יהוה ביד משׁה | |
| 46 | MTכל הפקדים אשׁר פקד משׁה ואהרן ונשׂיאי ישׂראל את הלוים למשׁפחתם ולבית אבתם |
| SPכל הפקדים אשׁר פקד משׁה ואהרן ונשׂיאי ישׂראל את הלוים למשׁפחותם לבית אבותם | |
| 47 | MTמבן שׁלשׁים שׁנה ומעלה ועד בן חמשׁים שׁנה כל הבא לעבד עבדת עבדה ועבדת משׂא באהל מועד |
| SPמבן שׁלשׁים שׁנה ומעלה ועד בן חמשׁים שׁנה כל הבא לעבד עבדת עבדה ועבדת משׂא באהל מועד | |
| 48 | MTויהיו פקדיהם שׁמנת אלפים וחמשׁ מאות ושׁמנים |
| SPויהיו פקדיהם שׁמנת אלפים וחמשׁ מאות ושׁמנים | |
| 49 | MTעל פי יהוה פקד אותם ביד משׁה אישׁ אישׁ על עבדתו ועל משׂאו ופקדיו אשׁר צוה יהוה את משׁה |
| SPעל פי יהוה פקד אתם ביד משׁה אישׁ אישׁ על עבדתו ועל משׂאו ופקדיו כאשׁר צוה יהוה את משׁה |