| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל בני ישׂראל ואמרת אלהם אישׁ או אשׁה כי יפלא לנדר נדר נזיר להזיר ליהוה |
| SPדבר אל בני ישׂראל ואמרת אליהם אישׁ או אשׁה כי יפלא לנדר נדר נזיר להזיר ליהוה | |
| 3 | MTמיין ושׁכר יזיר חמץ יין וחמץ שׁכר לא ישׁתה וכל משׁרת ענבים לא ישׁתה וענבים לחים ויבשׁים לא יאכל |
| SPמיין ושׁכר יזיר חמץ יין וחמץ שׁכר לא ישׁתה וכל משׁארת ענבים לא ישׁתה וענבים לחים ויבישׁים לא יאכל | |
| 4 | MTכל ימי נזרו מכל אשׁר יעשׂה מגפן היין מחרצנים ועד זג לא יאכל |
| SPכל ימי נזרו מכל אשׁר יעשׂה מגפן היין מחרצנים ועד זג לא יאכל | |
| 5 | MTכל ימי נדר נזרו תער לא יעבר על ראשׁו עד מלאת הימם אשׁר יזיר ליהוה קדשׁ יהיה גדל פרע שׂער ראשׁו |
| SPכל ימי נדר נזרו תער לא יעבר על ראשׁו עד מלאת הימים אשׁר יזיר ליהוה קדושׁ יהיה גדל פרע שׂער ראשׁו | |
| 6 | MTכל ימי הזירו ליהוה על נפשׁ מת לא יבא |
| SPכל ימי הזירו ליהוה על נפשׁ מת לא יבוא | |
| 7 | MTלאביו ולאמו לאחיו ולאחתו לא יטמא להם במתם כי נזר אלהיו על ראשׁו |
| SPלאביו ולאמו לאחיו ולאחותו לא יטמא להם במותם כי נזר אלהיו על ראשׁו | |
| 8 | MTכל ימי נזרו קדשׁ הוא ליהוה |
| SPכל ימי נזרו קדושׁ הוא ליהוה | |
| 9 | MTוכי ימות מת עליו בפתע פתאם וטמא ראשׁ נזרו וגלח ראשׁו ביום טהרתו ביום השׁביעי יגלחנו |
| SPוכי ימות מת עליו בפתע פתאם וטמא ראשׁ נזרו וגלח ראשׁו ביום טהרתו ביום השׁביעי יגלחנו | |
| 10 | MTוביום השׁמיני יבא שׁתי תרים או שׁני בני יונה אל הכהן אל פתח אהל מועד |
| SPוביום השׁמיני יביא שׁתי תרים או שׁני בני יונה אל הכהן אל פתח אהל מועד | |
| 11 | MTועשׂה הכהן אחד לחטאת ואחד לעלה וכפר עליו מאשׁר חטא על הנפשׁ וקדשׁ את ראשׁו ביום ההוא |
| SPועשׂה הכהן אחד לחטאת ואחד לעלה וכפר עליו מאשׁר חטא על הנפשׁ וקדשׁ את ראשׁו ביום ההוא | |
| 12 | MTוהזיר ליהוה את ימי נזרו והביא כבשׂ בן שׁנתו לאשׁם והימים הראשׁנים יפלו כי טמא נזרו |
| SPוהזיר ליהוה את ימי נזרו והביא כבשׂ בן שׁנתו לאשׁם והימים הראישׁונים יפלו כי טמא נזרו | |
| 13 | MTוזאת תורת הנזיר ביום מלאת ימי נזרו יביא אתו אל פתח אהל מועד |
| SPוזאת תורת הנזיר ביום מלאת ימי נזרו יביא אתו אל פתח אהל מועד | |
| 14 | MTוהקריב את קרבנו ליהוה כבשׂ בן שׁנתו תמים אחד לעלה וכבשׂה אחת בת שׁנתה תמימה לחטאת ואיל אחד תמים לשׁלמים |
| SPוהקריב את קרבנו ליהוה כבשׂ בן שׁנתו תמים אחד לעלה וכבשׂה אחת בת שׁנתה תמימה לחטאת ואיל אחד תמים לשׁלמים | |
| 15 | MTוסל מצות סלת חלת בלולת בשׁמן ורקיקי מצות משׁחים בשׁמן ומנחתם ונסכיהם |
| SPוסל מצות סלת חלות בללות בשׁמן ורקיקי מצות משׁחים בשׁמן ומנחתם ונסכיהם | |
| 16 | MTוהקריב הכהן לפני יהוה ועשׂה את חטאתו ואת עלתו |
| SPוהקריב הכהן לפני יהוה ועשׂה את חטאתו ואת עלתו | |
| 17 | MTואת האיל יעשׂה זבח שׁלמים ליהוה על סל המצות ועשׂה הכהן את מנחתו ואת נסכו |
| SPואת האיל יעשׂה זבח שׁלמים ליהוה על סל המצות ועשׂה הכהן את מנחתו ואת נסכו | |
| 18 | MTוגלח הנזיר פתח אהל מועד את ראשׁ נזרו ולקח את שׂער ראשׁ נזרו ונתן על האשׁ אשׁר תחת זבח השׁלמים |
| SPוגלח הנזיר פתח אהל מועד את ראשׁ נזרו ולקח את שׂער ראשׁ נזרו ונתן על האשׁ אשׁר תחת זבח השׁלמים | |
| 19 | MTולקח הכהן את הזרע בשׁלה מן האיל וחלת מצה אחת מן הסל ורקיק מצה אחד ונתן על כפי הנזיר אחר התגלחו את נזרו |
| SPולקח הכהן את הזרוע בשׁלה מן האיל וחלת מצה אחת מן הסל ורקיק מצה אחד ונתן על כפי הנזיר אחרי התגלח את נזרו | |
| 20 | MTוהניף אותם הכהן תנופה לפני יהוה קדשׁ הוא לכהן על חזה התנופה ועל שׁוק התרומה ואחר ישׁתה הנזיר יין |
| SPוהניף אתם הכהן תנופה לפני יהוה קדשׁ הוא לכהן יהיה על חזה התנופה ועל שׁוק התרומה ואחר ישׁתה הנזיר יין | |
| 21 | MTזאת תורת הנזיר אשׁר ידר קרבנו ליהוה על נזרו מלבד אשׁר תשׂיג ידו כפי נדרו אשׁר ידר כן יעשׂה על תורת נזרו |
| SPזאת תורת הנזיר אשׁר ידר קרבנו ליהוה על נזרו מלבד אשׁר תשׂיג ידו כפי נדרו אשׁר ידר כן יעשׂה על תורת נזרו | |
| 22 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 23 | MTדבר אל אהרן ואל בניו לאמר כה תברכו את בני ישׂראל אמור להם |
| SPדבר אל אהרן ואל בניו לאמר כה תברכו את בני ישׂראל אמר להם | |
| 24 | MTיברכך יהוה וישׁמרך |
| SPיברכך יהוה וישׁמרך | |
| 25 | MTיאר יהוה פניו אליך ויחנך |
| SPיאיר יהוה פניו אליך ויחנך | |
| 26 | MTישׂא יהוה פניו אליך וישׂם לך שׁלום |
| SPישׂא יהוה פניו אליך וישׂם לך שׁלום | |
| 27 | MTושׂמו את שׁמי על בני ישׂראל ואני אברכם |
| SPושׂימו את שׁמי על בני ישׂראל ואני אברכם |