| 1 | MTואלה תולדת אהרן ומשׁה ביום דבר יהוה את משׁה בהר סיני |
| SPואלה תולדת אהרן ומשׁה ביום דבר יהוה את משׁה בהר סיני | |
| 2 | MTואלה שׁמות בני אהרן הבכור נדב ואביהוא אלעזר ואיתמר |
| SPואלה שׁמות בני אהרן הבכור נדב ואביהוא אלעזר ואיתמר | |
| 3 | MTאלה שׁמות בני אהרן הכהנים המשׁחים אשׁר מלא ידם לכהן |
| SPאלה שׁמות בני אהרן הכהנים המשׁחים אשׁר מלא ידם לכהן | |
| 4 | MTוימת נדב ואביהוא לפני יהוה בהקרבם אשׁ זרה לפני יהוה במדבר סיני ובנים לא היו להם ויכהן אלעזר ואיתמר על פני אהרן אביהם |
| SPוימת נדב ואביהוא בהקריבם אשׁ זרה לפני יהוה במדבר סיני ובנים לא היו להם ויכהן אלעזר ואיתמר על פני אהרן אביהם | |
| 5 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 6 | MTהקרב את מטה לוי והעמדת אתו לפני אהרן הכהן ושׁרתו אתו |
| SPהקרב את מטה לוי והעמדת אתו לפני אהרן הכהן ושׁרתו אתו | |
| 7 | MTושׁמרו את משׁמרתו ואת משׁמרת כל העדה לפני אהל מועד לעבד את עבדת המשׁכן |
| SPושׁמרו את משׁמרתו ואת משׁמרת כל העדה לפני אהל מועד לעבד את עבדת המשׁכן | |
| 8 | MTושׁמרו את כל כלי אהל מועד ואת משׁמרת בני ישׂראל לעבד את עבדת המשׁכן |
| SPושׁמרו את כל כלי אהל מועד ואת משׁמרת בני ישׂראל לעבד את עבדת המשׁכן | |
| 9 | MTונתתה את הלוים לאהרן ולבניו נתונם נתונם המה לו מאת בני ישׂראל |
| SPונתתה את הלוים לאהרן ולבניו נתנים נתנים הם לי מתוך בני ישׂראל | |
| 10 | MTואת אהרן ואת בניו תפקד ושׁמרו את כהנתם והזר הקרב יומת |
| SPואת אהרן ואת בניו תפקד ושׁמרו את כהנתם והזר הקרב יומת | |
| 11 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 12 | MTואני הנה לקחתי את הלוים מתוך בני ישׂראל תחת כל בכור פטר רחם מבני ישׂראל והיו לי הלוים |
| SPואני הנה לקחתי את הלוים מתוך בני ישׂראל תחת כל בכור פטר רחם בבני ישׂראל פדויהם יהיו והיו לי הלוים | |
| 13 | MTכי לי כל בכור ביום הכתי כל בכור בארץ מצרים הקדשׁתי לי כל בכור בישׂראל מאדם עד בהמה לי יהיו אני יהוה |
| SPכי לי כל בכור ביום הכיתי כל בכור בארץ מצרים הקדשׁתי לי כל בכור בישׂראל מאדם עד בהמה לי יהיו אני יהוה | |
| 14 | MTוידבר יהוה אל משׁה במדבר סיני לאמר |
| SPוידבר יהוה אל משׁה במדבר סיני לאמר | |
| 15 | MTפקד את בני לוי לבית אבתם למשׁפחתם כל זכר מבן חדשׁ ומעלה תפקדם |
| SPפקד את בני לוי לבית אבותם למשׁפחותם כל זכר מבן חדשׁ ומעלה תפקדם | |
| 16 | MTויפקד אתם משׁה על פי יהוה כאשׁר צוה |
| SPויפקד אתם משׁה על פי יהוה כאשׁר צוהו | |
| 17 | MTויהיו אלה בני לוי בשׁמתם גרשׁון וקהת ומררי |
| SPויהיו אלה בני לוי בשׁמותם גרשׁון קהת ומררי | |
| 18 | MTואלה שׁמות בני גרשׁון למשׁפחתם לבני ושׁמעי |
| SPואלה שׁמות בני גרשׁון למשׁפחותם לבני ושׁמעי | |
| 19 | MTובני קהת למשׁפחתם עמרם ויצהר חברון ועזיאל |
| SPובני קהת למשׁפחותם עמרם ויצהר חברון ועזיאל | |
| 20 | MTובני מררי למשׁפחתם מחלי ומושׁי אלה הם משׁפחת הלוי לבית אבתם |
| SPובני מררי למשׁפחותם מחלי ומושׁי אלה הם משׁפחות הלוי לבית אבותם | |
| 21 | MTלגרשׁון משׁפחת הלבני ומשׁפחת השׁמעי אלה הם משׁפחת הגרשׁני |
| SPלגרשׁון משׁפחת הלבני ומשׁפחת השׁמעי אלה הם משׁפחות הגרשׁוני | |
| 22 | MTפקדיהם במספר כל זכר מבן חדשׁ ומעלה פקדיהם שׁבעת אלפים וחמשׁ מאות |
| SPופקדיהם במספר כל זכר מבן חדשׁ ומעלה פקדיהם שׁבעת אלפים וחמשׁ מאות | |
| 23 | MTמשׁפחת הגרשׁני אחרי המשׁכן יחנו ימה |
| SPמשׁפחת הגרשׁוני אחרי המשׁכן יחנו ימה | |
| 24 | MTונשׂיא בית אב לגרשׁני אליסף בן לאל |
| SPונשׂיא בית אב לגרשׁוני אליסף בן לאל | |
| 25 | MTומשׁמרת בני גרשׁון באהל מועד המשׁכן והאהל מכסהו ומסך פתח אהל מועד |
| SPומשׁמרת בני גרשׁון באהל מועד המשׁכן והאהל ומכסהו ומסך פתח אהל מועד | |
| 26 | MTוקלעי החצר ואת מסך פתח החצר אשׁר על המשׁכן ועל המזבח סביב ואת מיתריו לכל עבדתו |
| SPוקלעי החצר ואת מסך פתח החצר אשׁר על המשׁכן ועל המזבח סביב ואת מיתריו לכל עבדתו | |
| 27 | MTולקהת משׁפחת העמרמי ומשׁפחת היצהרי ומשׁפחת החברני ומשׁפחת העזיאלי אלה הם משׁפחת הקהתי |
| SPולקהת משׁפחת העמרמי ומשׁפחת היצהרי ומשׁפחת החברוני ומשׁפחת העזאלי אלה הם משׁפחות הקהתי | |
| 28 | MTבמספר כל זכר מבן חדשׁ ומעלה שׁמנת אלפים ושׁשׁ מאות שׁמרי משׁמרת הקדשׁ |
| SPבמספר כל זכר מבן חדשׁ ומעלה שׁמנת אלפים ושׁשׁ מאות שׁמרי משׁמרת הקדשׁ | |
| 29 | MTמשׁפחת בני קהת יחנו על ירך המשׁכן תימנה |
| SPמשׁפחת בני קהת יחנו על ירך המשׁכן תימנה | |
| 30 | MTונשׂיא בית אב למשׁפחת הקהתי אליצפן בן עזיאל |
| SPונשׂיא בית אב למשׁפחות הקהתי אליצפן בן עזיאל | |
| 31 | MTומשׁמרתם הארן והשׁלחן והמנרה והמזבחת וכלי הקדשׁ אשׁר ישׁרתו בהם והמסך וכל עבדתו |
| SPומשׁמרתם הארון והשׁלחן והמנורה והמזבחות וכלי הקדשׁ אשׁר ישׁרתו בהם והמסך והכיור וכנו וכל עבדתם | |
| 32 | MTונשׂיא נשׂיאי הלוי אלעזר בן אהרן הכהן פקדת שׁמרי משׁמרת הקדשׁ |
| SPונשׂיא נשׂיאי הלוים אלעזר בן אהרן הכהן פקדת שׁמרי משׁמרת הקדשׁ | |
| 33 | MTלמררי משׁפחת המחלי ומשׁפחת המושׁי אלה הם משׁפחת מררי |
| SPלמררי משׁפחת המחלי ומשׁפחת המושׁי אלה הם משׁפחות מררי | |
| 34 | MTופקדיהם במספר כל זכר מבן חדשׁ ומעלה שׁשׁת אלפים ומאתים |
| SPופקדיהם במספר כל זכר מבן חדשׁ ומעלה שׁשׁת אלפים ומאתים | |
| 35 | MTונשׂיא בית אב למשׁפחת מררי צוריאל בן אביחיל על ירך המשׁכן יחנו צפנה |
| SPונשׂיא בית אב למשׁפחות מררי צוראל בן אבחהל על ירך המשׁכן יחנו צפונה | |
| 36 | MTופקדת משׁמרת בני מררי קרשׁי המשׁכן ובריחיו ועמדיו ואדניו וכל כליו וכל עבדתו |
| SPופקדת משׁמרת בני מררי קרשׁי המשׁכן ובריחיו ועמודיו ואדניו וכל כליו וכל עבדתו | |
| 37 | MTועמדי החצר סביב ואדניהם ויתדתם ומיתריהם |
| SPועמודי החצר סביב ואדניהם ויתדתם ומיתריהם | |
| 38 | MTוהחנים לפני המשׁכן קדמה לפני אהל מועד מזרחה משׁה ואהרן ובניו שׁמרים משׁמרת המקדשׁ למשׁמרת בני ישׂראל והזר הקרב יומת |
| SPוהחנים את פני המשׁכן קדמה לפני אהל מועד מזרחה משׁה אהרן ובניו שׁמרי משׁמרת הקדשׁ למשׁמרת בני ישׂראל והזר הקרב יומת | |
| 39 | MTכל פקודי הלוים אשׁר פקד משׁה ואהרן על פי יהוה למשׁפחתם כל זכר מבן חדשׁ ומעלה שׁנים ועשׂרים אלף |
| SPכל פקדי הלוים אשׁר פקד משׁה על פי יהוה למשׁפחותם כל זכר מבן חדשׁ ומעלה שׁנים ועשׂרים אלף | |
| 40 | MTויאמר יהוה אל משׁה פקד כל בכר זכר לבני ישׂראל מבן חדשׁ ומעלה ושׂא את מספר שׁמתם |
| SPויאמר יהוה אל משׁה פקד כל בכור זכר לבני ישׂראל מבן חדשׁ ומעלה ושׂא את מספר שׁמותם | |
| 41 | MTולקחת את הלוים לי אני יהוה תחת כל בכר בבני ישׂראל ואת בהמת הלוים תחת כל בכור בבהמת בני ישׂראל |
| SPולקחת את הלוים לי אני יהוה תחת כל בכור בבני ישׂראל ואת בהמת הלוים תחת כל בכור בבהמת בני ישׂראל | |
| 42 | MTויפקד משׁה כאשׁר צוה יהוה אתו את כל בכר בבני ישׂראל |
| SPויפקד משׁה כאשׁר צוה יהוה אתו את כל בכור בבני ישׂראל | |
| 43 | MTויהי כל בכור זכר במספר שׁמות מבן חדשׁ ומעלה לפקדיהם שׁנים ועשׂרים אלף שׁלשׁה ושׁבעים ומאתים |
| SPויהיו כל בכור זכר במספר שׁמות מבן חדשׁ ומעלה לפקדיהם שׁנים ועשׂרים אלף שׁלשׁה ושׁבעים ומאתים | |
| 44 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 45 | MTקח את הלוים תחת כל בכור בבני ישׂראל ואת בהמת הלוים תחת בהמתם והיו לי הלוים אני יהוה |
| SPקח את הלוים תחת כל בכור בבני ישׂראל ואת בהמת הלוים תחת בהמתם והיו לי הלוים אני יהוה | |
| 46 | MTואת פדויי השׁלשׁה והשׁבעים והמאתים העדפים על הלוים מבכור בני ישׂראל |
| SPואת פדוי השׁלשׁה והשׁבעים והמאתים העדפים על הלוים מבכורי בני ישׂראל | |
| 47 | MTולקחת חמשׁת חמשׁת שׁקלים לגלגלת בשׁקל הקדשׁ תקח עשׂרים גרה השׁקל |
| SPולקחת חמשׁת חמשׁת שׁקלים לגלגלת בשׁקל הקדשׁ תקח עשׂרים גרה השׁקל | |
| 48 | MTונתתה הכסף לאהרן ולבניו פדויי העדפים בהם |
| SPונתתה הכסף לאהרן ולבניו פדוי העדפים בהם | |
| 49 | MTויקח משׁה את כסף הפדיום מאת העדפים על פדויי הלוים |
| SPויקח משׁה את כסף הפדוים מאת העדפים על פדוי הלוים | |
| 50 | MTמאת בכור בני ישׂראל לקח את הכסף חמשׁה ושׁשׁים ושׁלשׁ מאות ואלף בשׁקל הקדשׁ |
| SPמאת בכורי בני ישׂראל לקח את הכסף חמשׁה ושׁשׁים ושׁלשׁ מאות ואלף בשׁקל הקדשׁ | |
| 51 | MTויתן משׁה את כסף הפדים לאהרן ולבניו על פי יהוה כאשׁר צוה יהוה את משׁה |
| SPויתן משׁה את כסף הפדוים לאהרן ולבניו על פי יהוה כאשׁר צוה יהוה את משׁה |