| 1 | MTוידבר יהוה אל משׁה ואל אהרן לאמר |
| SPוידבר יהוה אל משׁה ואל אהרן לאמר | |
| 2 | MTאישׁ על דגלו באתת לבית אבתם יחנו בני ישׂראל מנגד סביב לאהל מועד יחנו |
| SPאישׁ על דגליו באתות לבית אבותם יחנו בני ישׂראל מנגד סביב לאהל מועד יחנו | |
| 3 | MTוהחנים קדמה מזרחה דגל מחנה יהודה לצבאתם ונשׂיא לבני יהודה נחשׁון בן עמינדב |
| SPוהחנים קדמה מזרחה דגל מחנה יהודה לצבאתם ונשׂיא לבני יהודה נחשׁון בן עמינדב | |
| 4 | MTוצבאו ופקדיהם ארבעה ושׁבעים אלף ושׁשׁ מאות |
| SPוצבאו ופקדיו ארבעה ושׁבעים אלף ושׁשׁ מאות | |
| 5 | MTוהחנים עליו מטה ישׂשׂכר ונשׂיא לבני ישׂשׂכר נתנאל בן צוער |
| SPוהחנים עליו מטה ישׂשׂכר ונשׂיא לבני ישׂשׂכר נתנאל בן צוער | |
| 6 | MTוצבאו ופקדיו ארבעה וחמשׁים אלף וארבע מאות |
| SPוצבאו ופקדיו ארבעה וחמשׁים אלף וארבע מאות | |
| 7 | MTמטה זבולן ונשׂיא לבני זבולן אליאב בן חלן |
| SPומטה זבולן ונשׂיא לבני זבולן אליאב בן חילן | |
| 8 | MTוצבאו ופקדיו שׁבעה וחמשׁים אלף וארבע מאות |
| SPוצבאו ופקדיו שׁבעה וחמשׁים אלף וארבע מאות | |
| 9 | MTכל הפקדים למחנה יהודה מאת אלף ושׁמנים אלף ושׁשׁת אלפים וארבע מאות לצבאתם ראשׁנה יסעו |
| SPכל הפקדים למחנה יהודה מאת אלף ושׁמנים אלף ושׁשׁת אלפים וארבע מאות לצבאתם ראישׁונה יסעו | |
| 10 | MTדגל מחנה ראובן תימנה לצבאתם ונשׂיא לבני ראובן אליצור בן שׁדיאור |
| SPדגל מחנה ראובן תימנה לצבאתם ונשׂיא לבני ראובן אליצור בן שׁדיאור | |
| 11 | MTוצבאו ופקדיו שׁשׁה וארבעים אלף וחמשׁ מאות |
| SPוצבאו ופקדיו שׁשׁה וארבעים אלף וחמשׁ מאות | |
| 12 | MTוהחונם עליו מטה שׁמעון ונשׂיא לבני שׁמעון שׁלמיאל בן צורי שׁדי |
| SPוהחנים עליו מטה שׁמעון ונשׂיא לבני שׁמעון שׁלמיאל בן צורישׁדי | |
| 13 | MTוצבאו ופקדיהם תשׁעה וחמשׁים אלף ושׁלשׁ מאות |
| SPוצבאו ופקדיו תשׁעה וחמשׁים אלף ושׁלשׁ מאות | |
| 14 | MTומטה גד ונשׂיא לבני גד אליסף בן רעואל |
| SPומטה גד ונשׂיא לבני גד אליסף בן דעואל | |
| 15 | MTוצבאו ופקדיהם חמשׁה וארבעים אלף ושׁשׁ מאות וחמשׁים |
| SPוצבאו ופקדיו חמשׁה וארבעים אלף ושׁשׁ מאות וחמשׁים | |
| 16 | MTכל הפקדים למחנה ראובן מאת אלף ואחד וחמשׁים אלף וארבע מאות וחמשׁים לצבאתם ושׁנים יסעו |
| SPכל הפקדים למחנה ראובן מאת אלף ואחד וחמשׁים אלף וארבע מאות וחמשׁים לצבאתם ושׁנים יסעו | |
| 17 | MTונסע אהל מועד מחנה הלוים בתוך המחנת כאשׁר יחנו כן יסעו אישׁ על ידו לדגליהם |
| SPונסע אהל מועד מחנה הלוים בתוך המחנות כאשׁר יחנו כן יסעו אישׁ על ידו לדגליהם | |
| 18 | MTדגל מחנה אפרים לצבאתם ימה ונשׂיא לבני אפרים אלישׁמע בן עמיהוד |
| SPדגל מחנה אפרים לצבאתם ימה ונשׂיא לבני אפרים אלישׁמע בן עמיהוד | |
| 19 | MTוצבאו ופקדיהם ארבעים אלף וחמשׁ מאות |
| SPוצבאו ופקדיו ארבעים אלף וחמשׁ מאות | |
| 20 | MTועליו מטה מנשׁה ונשׂיא לבני מנשׁה גמליאל בן פדהצור |
| SPועליו מטה מנשׁה ונשׂיא לבני מנשׁה גמליאל בן פדהצור | |
| 21 | MTוצבאו ופקדיהם שׁנים ושׁלשׁים אלף ומאתים |
| SPוצבאו ופקדיו שׁנים ושׁלשׁים אלף ומאתים | |
| 22 | MTומטה בנימן ונשׂיא לבני בנימן אבידן בן גדעני |
| SPומטה בנימים ונשׂיא לבני בנימים אבידן בן גדעוני | |
| 23 | MTוצבאו ופקדיהם חמשׁה ושׁלשׁים אלף וארבע מאות |
| SPוצבאו ופקדיו חמשׁה ושׁלשׁים אלף וארבע מאות | |
| 24 | MTכל הפקדים למחנה אפרים מאת אלף ושׁמנת אלפים ומאה לצבאתם ושׁלשׁים יסעו |
| SPכל הפקדים למחנה אפרים מאת אלף ושׁמנת אלפים ומאה לצבאתם ושׁלישׁים יסעו | |
| 25 | MTדגל מחנה דן צפנה לצבאתם ונשׂיא לבני דן אחיעזר בן עמישׁדי |
| SPדגל מחנה דן צפונה לצבאתם ונשׂיא לבני דן אחיעזר בן עמישׁדי | |
| 26 | MTוצבאו ופקדיהם שׁנים ושׁשׁים אלף ושׁבע מאות |
| SPוצבאו ופקדיו שׁנים ושׁשׁים אלף ושׁבע מאות | |
| 27 | MTוהחנים עליו מטה אשׁר ונשׂיא לבני אשׁר פגעיאל בן עכרן |
| SPוהחנים עליו מטה אשׁר ונשׂיא לבני אשׁר פגעאל בן עכרן | |
| 28 | MTוצבאו ופקדיהם אחד וארבעים אלף וחמשׁ מאות |
| SPוצבאו ופקדיו אחד וארבעים אלף וחמשׁ מאות | |
| 29 | MTומטה נפתלי ונשׂיא לבני נפתלי אחירע בן עינן |
| SPומטה נפתלי ונשׂיא לבני נפתלי אחירע בן עינן | |
| 30 | MTוצבאו ופקדיהם שׁלשׁה וחמשׁים אלף וארבע מאות |
| SPוצבאו ופקדיו שׁלשׁה וחמשׁים אלף וארבע מאות | |
| 31 | MTכל הפקדים למחנה דן מאת אלף ושׁבעה וחמשׁים אלף ושׁשׁ מאות לאחרנה יסעו לדגליהם |
| SPכל הפקדים למחנה דן מאת אלף ושׁבעה וחמשׁים אלף ושׁשׁ מאות לאחרנה יסעו לדגליהם | |
| 32 | MTאלה פקודי בני ישׂראל לבית אבתם כל פקודי המחנת לצבאתם שׁשׁ מאות אלף ושׁלשׁת אלפים וחמשׁ מאות וחמשׁים |
| SPאלה פקדי בני ישׂראל לבית אבותם כל פקדי המחנות לצבאתם שׁשׁ מאות אלף ושׁלשׁת אלפים וחמשׁ מאות וחמשׁים | |
| 33 | MTוהלוים לא התפקדו בתוך בני ישׂראל כאשׁר צוה יהוה את משׁה |
| SPוהלוים לא התפקדו בתוך בני ישׂראל כאשׁר צוה יהוה את משׁה | |
| 34 | MTויעשׂו בני ישׂראל ככל אשׁר צוה יהוה את משׁה כן חנו לדגליהם וכן נסעו אישׁ למשׁפחתיו על בית אבתיו |
| SPויעשׂו בני ישׂראל ככל אשׁר צוה יהוה את משׁה כן חנו לדגליהם וכן נסעו אישׁ למשׁפחותיו על בית אבותיו |