| 1 | MTוידבר יהוה אל משׁה במדבר סיני באהל מועד באחד לחדשׁ השׁני בשׁנה השׁנית לצאתם מארץ מצרים לאמר |
| SPוידבר יהוה אל משׁה במדבר סיני באהל מועד באחד לחדשׁ השׁני בשׁנה השׁנית לצאתם מארץ מצרים לאמר | |
| 2 | MTשׂאו את ראשׁ כל עדת בני ישׂראל למשׁפחתם לבית אבתם במספר שׁמות כל זכר לגלגלתם |
| SPשׂאו את ראשׁ עדת בני ישׂראל למשׁפחותם לבית אבותם במספר שׁמות כל זכר לגלגלותם | |
| 3 | MTמבן עשׂרים שׁנה ומעלה כל יצא צבא בישׂראל תפקדו אתם לצבאתם אתה ואהרן |
| SPמבן עשׂרים שׁנה ומעלה כל יצא צבא בישׂראל תפקד אתם לצבאתם אתה ואהרן | |
| 4 | MTואתכם יהיו אישׁ אישׁ למטה אישׁ ראשׁ לבית אבתיו הוא |
| SPואתכם יהיו אישׁ אישׁ למטה אישׁ ראשׁ לבית אבתיו הוא | |
| 5 | MTואלה שׁמות האנשׁים אשׁר יעמדו אתכם לראובן אליצור בן שׁדיאור |
| SPואלה שׁמות האנשׁים אשׁר יעמדו אתכם לראובן אליצור בן שׁדיאור | |
| 6 | MTלשׁמעון שׁלמיאל בן צורישׁדי |
| SPלשׁמעון שׁלמיאל בן צורישׁדה | |
| 7 | MTליהודה נחשׁון בן עמינדב |
| SPליהודה נחשׁון בן עמינדב | |
| 8 | MTלישׂשׂכר נתנאל בן צוער |
| SPלישׂשׂכר נתנאל בן צוער | |
| 9 | MTלזבולן אליאב בן חלן |
| SPלזבולן אליאב בן חילן | |
| 10 | MTלבני יוסף לאפרים אלישׁמע בן עמיהוד למנשׁה גמליאל בן פדהצור |
| SPלבני יוסף לאפרים אלישׁמע בן עמיהוד למנשׁה גמלאל בן פדהצור | |
| 11 | MTלבנימן אבידן בן גדעני |
| SPלבנימים אבידן בן גדעוני | |
| 12 | MTלדן אחיעזר בן עמישׁדי |
| SPלדן אחיעזר בן עמישׁדי | |
| 13 | MTלאשׁר פגעיאל בן עכרן |
| SPלאשׁר פגעאל בן עכרן | |
| 14 | MTלגד אליסף בן דעואל |
| SPלגד אליסף בן דעואל | |
| 15 | MTלנפתלי אחירע בן עינן |
| SPלנפתלי אחירע בן עינן | |
| 16 | MTאלה קריאי העדה נשׂיאי מטות אבותם ראשׁי אלפי ישׂראל הם |
| SPאלה קריאי העדה נשׂיאי מטות אבותם ראשׁי אלפי ישׂראל הם | |
| 17 | MTויקח משׁה ואהרן את האנשׁים האלה אשׁר נקבו בשׁמות |
| SPויקח משׁה ואהרן את האנשׁים האלה אשׁר נקבו בשׁמות | |
| 18 | MTואת כל העדה הקהילו באחד לחדשׁ השׁני ויתילדו על משׁפחתם לבית אבתם במספר שׁמות מבן עשׂרים שׁנה ומעלה לגלגלתם |
| SPואת כל העדה הקהלו באחד לחדשׁ השׁני ויתילדו על משׁפחותם לבית אבותם במספר שׁמות מבן עשׂרים שׁנה ומעלה לגלגלותם | |
| 19 | MTכאשׁר צוה יהוה את משׁה ויפקדם במדבר סיני |
| SPכאשׁר צוה יהוה את משׁה ויפקדם במדבר סיני | |
| 20 | MTויהיו בני ראובן בכר ישׂראל תולדתם למשׁפחתם לבית אבתם במספר שׁמות לגלגלתם כל זכר מבן עשׂרים שׁנה ומעלה כל יצא צבא |
| SPויהיו בני ראובן בכור ישׂראל תולדתם למשׁפחותם לבית אבותם במספר שׁמות כל זכר לגלגלתם מבן עשׂרים שׁנה ומעלה כל יצא צבא | |
| 21 | MTפקדיהם למטה ראובן שׁשׁה וארבעים אלף וחמשׁ מאות |
| SPפקדיהם למטה ראובן שׁשׁה וארבעים אלף וחמשׁ מאות | |
| 22 | MTלבני שׁמעון תולדתם למשׁפחתם לבית אבתם פקדיו במספר שׁמות לגלגלתם כל זכר מבן עשׂרים שׁנה ומעלה כל יצא צבא |
| SPלבני שׁמעון תולדתם למשׁפחותם לבית אבותם פקדיהם במספר שׁמות לגלגלתם כל זכר מבן עשׂרים שׁנה ומעלה כל יצא צבא | |
| 23 | MTפקדיהם למטה שׁמעון תשׁעה וחמשׁים אלף ושׁלשׁ מאות |
| SPפקדיהם למטה שׁמעון תשׁעה וחמשׁים אלף ושׁלשׁ מאות | |
| 24 | MTלבני גד תולדתם למשׁפחתם לבית אבתם במספר שׁמות מבן עשׂרים שׁנה ומעלה כל יצא צבא |
| SPלבני גד תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 25 | MTפקדיהם למטה גד חמשׁה וארבעים אלף ושׁשׁ מאות וחמשׁים |
| SPפקדיהם למטה גד חמשׁה וארבעים אלף ושׁשׁ מאות וחמשׁים | |
| 26 | MTלבני יהודה תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא |
| SPלבני יהודה תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 27 | MTפקדיהם למטה יהודה ארבעה ושׁבעים אלף ושׁשׁ מאות |
| SPפקדיהם למטה יהודה ארבעה ושׁבעים אלף ושׁשׁ מאות | |
| 28 | MTלבני ישׂשׂכר תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא |
| SPלבני ישׂשׂכר תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 29 | MTפקדיהם למטה ישׂשׂכר ארבעה וחמשׁים אלף וארבע מאות |
| SPפקדיהם למטה ישׂשׂכר ארבעה וחמשׁים אלף וארבע מאות | |
| 30 | MTלבני זבולן תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא |
| SPלבני זבולן תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 31 | MTפקדיהם למטה זבולן שׁבעה וחמשׁים אלף וארבע מאות |
| SPפקדיהם למטה זבולן שׁבעה וחמשׁים אלף וארבע מאות | |
| 32 | MTלבני יוסף לבני אפרים תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא |
| SPלבני יוסף לבני אפרים תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 33 | MTפקדיהם למטה אפרים ארבעים אלף וחמשׁ מאות |
| SPפקדיהם למטה אפרים ארבעים אלף וחמשׁ מאות | |
| 34 | MTלבני מנשׁה תולדתם למשׁפחתם לבית אבתם במספר שׁמות מבן עשׂרים שׁנה ומעלה כל יצא צבא |
| SPלבני מנשׁה תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 35 | MTפקדיהם למטה מנשׁה שׁנים ושׁלשׁים אלף ומאתים |
| SPפקדיהם למטה מנשׁה שׁנים ושׁלשׁים אלף ומאתים | |
| 36 | MTלבני בנימן תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא |
| SPלבני בנימים תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 37 | MTפקדיהם למטה בנימן חמשׁה ושׁלשׁים אלף וארבע מאות |
| SPפקדיהם למטה בנימים חמשׁה ושׁלשׁים אלף וארבע מאות | |
| 38 | MTלבני דן תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא |
| SPלבני דן תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 39 | MTפקדיהם למטה דן שׁנים ושׁשׁים אלף ושׁבע מאות |
| SPפקדיהם למטה דן שׁנים ושׁשׁים אלף ושׁבע מאות | |
| 40 | MTלבני אשׁר תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא |
| SPלבני אשׁר תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 41 | MTפקדיהם למטה אשׁר אחד וארבעים אלף וחמשׁ מאות |
| SPפקדיהם למטה אשׁר אחד וארבעים אלף וחמשׁ מאות | |
| 42 | MTבני נפתלי תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא |
| SPלבני נפתלי תולדתם למשׁפחותם לבית אבותם במספר שׁמות מבן עשׂרים שׁנה ומעלה כל יצא צבא | |
| 43 | MTפקדיהם למטה נפתלי שׁלשׁה וחמשׁים אלף וארבע מאות |
| SPפקדיהם למטה נפתלי שׁלשׁה וחמשׁים אלף וארבע מאות | |
| 44 | MTאלה הפקדים אשׁר פקד משׁה ואהרן ונשׂיאי ישׂראל שׁנים עשׂר אישׁ אישׁ אחד לבית אבתיו היו |
| SPאלה הפקדים אשׁר פקד משׁה ואהרן ונשׂיאי ישׂראל שׁנים עשׂר אישׁ אישׁ אחד למטה אחד למטה בית אבותם היו | |
| 45 | MTויהיו כל פקודי בני ישׂראל לבית אבתם מבן עשׂרים שׁנה ומעלה כל יצא צבא בישׂראל |
| SPויהיו כל פקדי בני ישׂראל לצבאתם מבן עשׂרים שׁנה ומעלה כל יצא צבא בישׂראל | |
| 46 | MTויהיו כל הפקדים שׁשׁ מאות אלף ושׁלשׁת אלפים וחמשׁ מאות וחמשׁים |
| SPויהיו כל הפקדים שׁשׁ מאות אלף ושׁלשׁת אלפים וחמשׁ מאות וחמשׁים | |
| 47 | MTוהלוים למטה אבתם לא התפקדו בתוכם |
| SPוהלוים למטה אבותם לא התפקדו בתוכם | |
| 48 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 49 | MTאך את מטה לוי לא תפקד ואת ראשׁם לא תשׂא בתוך בני ישׂראל |
| SPאך את מטה הלוי לא תפקד ואת ראשׁם לא תשׂא בתוך בני ישׂראל | |
| 50 | MTואתה הפקד את הלוים על משׁכן העדת ועל כל כליו ועל כל אשׁר לו המה ישׂאו את המשׁכן ואת כל כליו והם ישׁרתהו וסביב למשׁכן יחנו |
| SPואתה הפקד את הלוים על משׁכן העדות ועל כל כליו ועל כל אשׁר לו הם ישׂאו את המשׁכן ואת כל כליו והם ישׁרתהו וסביב למשׁכן יחנו | |
| 51 | MTובנסע המשׁכן יורידו אתו הלוים ובחנת המשׁכן יקימו אתו הלוים והזר הקרב יומת |
| SPובנסע המשׁכן יורידו אתו הלוים ובהחנות המשׁכן יקימו אתו הלוים והזר הקרב יומת | |
| 52 | MTוחנו בני ישׂראל אישׁ על מחנהו ואישׁ על דגלו לצבאתם |
| SPוחנו בני ישׂראל אישׁ על מחנהו ואישׁ על ידו לצבאתם | |
| 53 | MTוהלוים יחנו סביב למשׁכן העדת ולא יהיה קצף על עדת בני ישׂראל ושׁמרו הלוים את משׁמרת משׁכן העדות |
| SPוהלוים יחנו סביב למשׁכן העדות ולא יהיה קצף על עדת בני ישׂראל ושׁמרו הלוים את משׁמרת משׁכן העדות | |
| 54 | MTויעשׂו בני ישׂראל ככל אשׁר צוה יהוה את משׁה כן עשׂו |
| SPויעשׂו בני ישׂראל ככל אשׁר צוה יהוה את משׁה כן עשׂו |