| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל בני ישׂראל ואמרת אלהם אישׁ כי יפלא נדר בערכך נפשׁת ליהוה |
| SPדבר אל בני ישׂראל ואמרת אליהם אישׁ כי יפלא נדר בערכך נפשׁות ליהוה | |
| 3 | MTוהיה ערכך הזכר מבן עשׂרים שׁנה ועד בן שׁשׁים שׁנה והיה ערכך חמשׁים שׁקל כסף בשׁקל הקדשׁ |
| SPוהיה ערכך הזכר מבן עשׂרים שׁנה ועד בן שׁשׁים שׁנה והיה ערכך חמשׁים שׁקל כסף בשׁקל הקדשׁ | |
| 4 | MTואם נקבה הוא והיה ערכך שׁלשׁים שׁקל |
| SPואם נקבה היא והיה ערכך שׁלשׁים שׁקל | |
| 5 | MTואם מבן חמשׁ שׁנים ועד בן עשׂרים שׁנה והיה ערכך הזכר עשׂרים שׁקלים ולנקבה עשׂרת שׁקלים |
| SPואם מבן חמשׁ שׁנים ועד בן עשׂרים שׁנה והיה ערכך הזכר עשׂרים שׁקלים ולנקבה עשׂרת שׁקלים | |
| 6 | MTואם מבן חדשׁ ועד בן חמשׁ שׁנים והיה ערכך הזכר חמשׁה שׁקלים כסף ולנקבה ערכך שׁלשׁת שׁקלים כסף |
| SPואם מבן חדשׁ ועד בן חמשׁ שׁנים והיה ערכך הזכר חמשׁה שׁקלים כסף ולנקבה ערכך שׁלשׁת שׁקלים כסף | |
| 7 | MTואם מבן שׁשׁים שׁנה ומעלה אם זכר והיה ערכך חמשׁה עשׂר שׁקל ולנקבה עשׂרה שׁקלים |
| SPואם מבן שׁשׁים שׁנה ומעלה אם זכר והיה ערכך חמשׁה עשׂר שׁקל ולנקבה עשׂרת שׁקלים | |
| 8 | MTואם מך הוא מערכך והעמידו לפני הכהן והעריך אתו הכהן על פי אשׁר תשׂיג יד הנדר יעריכנו הכהן |
| SPואם מך הוא מערכך והעמידו לפני הכהן והעריך אתו הכהן על פי אשׁר תשׂיג יד הנדר יעריכנו הכהן | |
| 9 | MTואם בהמה אשׁר יקריבו ממנה קרבן ליהוה כל אשׁר יתן ממנו ליהוה יהיה קדשׁ |
| SPואם בהמה אשׁר יקריב ממנה קרבן ליהוה כל אשׁר יתן ממנו ליהוה יהיה קדשׁ | |
| 10 | MTלא יחליפנו ולא ימיר אתו טוב ברע או רע בטוב ואם המר ימיר בהמה בבהמה והיה הוא ותמורתו יהיה קדשׁ |
| SPלא יחלפנו ולא ימיר אתו טוב ברע או רע בטוב ואם המר ימיר בהמה בבהמה והיה הוא ותמירתו יהיה קדשׁ | |
| 11 | MTואם כל בהמה טמאה אשׁר לא יקריבו ממנה קרבן ליהוה והעמיד את הבהמה לפני הכהן |
| SPואם כל בהמה טמאה אשׁר לא יקריב ממנה קרבן ליהוה והעמיד את הבהמה לפני הכהן | |
| 12 | MTוהעריך הכהן אתה בין טוב ובין רע כערכך הכהן כן יהיה |
| SPוהעריך הכהן אתו בין טוב ובין רע כערכך הכהן כן יהיה | |
| 13 | MTואם גאל יגאלנה ויסף חמישׁתו על ערכך |
| SPואם גאל יגאלנו ויסף חמישׁתו על ערכך | |
| 14 | MTואישׁ כי יקדשׁ את ביתו קדשׁ ליהוה והעריכו הכהן בין טוב ובין רע כאשׁר יעריך אתו הכהן כן יקום |
| SPואישׁ כי יקדישׁ את ביתו קדשׁ ליהוה והעריכו הכהן בין טוב ובין רע כאשׁר יעריך אתו הכהן כן יקום | |
| 15 | MTואם המקדישׁ יגאל את ביתו ויסף חמישׁית כסף ערכך עליו והיה לו |
| SPואם המקדישׁ יגאל את ביתו ויסף חמישׁת כסף ערכך עליו והיה לו | |
| 16 | MTואם משׂדה אחזתו יקדישׁ אישׁ ליהוה והיה ערכך לפי זרעו זרע חמר שׂערים בחמשׁים שׁקל כסף |
| SPואם משׂדה אחזתו יקדישׁ אישׁ ליהוה והיה ערכך לפי זרעו זרע חמר שׂערים בחמשׁים שׁקל כסף | |
| 17 | MTאם משׁנת היבל יקדישׁ שׂדהו כערכך יקום |
| SPואם משׁנת היובל יקדישׁ שׂדהו כערכך יקום | |
| 18 | MTואם אחר היבל יקדישׁ שׂדהו וחשׁב לו הכהן את הכסף על פי השׁנים הנותרת עד שׁנת היבל ונגרע מערכך |
| SPואם אחר היובל יקדישׁ שׂדהו וחשׁב לו הכהן את הכסף על פי השׁנים הנותרת עד שׁנת היובל ונגרע מערכך | |
| 19 | MTואם גאל יגאל את השׂדה המקדישׁ אתו ויסף חמשׁית כסף ערכך עליו וקם לו |
| SPואם גאל יגאל את השׂדה המקדישׁ אתו ויסף חמישׁת כסף ערכך עליו וקם לו | |
| 20 | MTואם לא יגאל את השׂדה ואם מכר את השׂדה לאישׁ אחר לא יגאל עוד |
| SPואם לא יגאל את השׂדה ואם מכר את השׂדה לאישׁ אחר לא יגאל עוד | |
| 21 | MTוהיה השׂדה בצאתו ביבל קדשׁ ליהוה כשׂדה החרם לכהן תהיה אחזתו |
| SPוהיה השׂדה בצאתו ביובל קדשׁ ליהוה כשׂדה החרם לכהן תהיה אחזתו | |
| 22 | MTואם את שׂדה מקנתו אשׁר לא משׂדה אחזתו יקדישׁ ליהוה |
| SPואם את שׂדה מקנתו אשׁר לא משׂדה אחזתו יקדישׁ אישׁ ליהוה | |
| 23 | MTוחשׁב לו הכהן את מכסת הערכך עד שׁנת היבל ונתן את הערכך ביום ההוא קדשׁ ליהוה |
| SPוחשׁב לו הכהן את מכסות הערכך עד שׁנת היובל ונתן את הערכך ביום ההוא קדשׁ ליהוה | |
| 24 | MTבשׁנת היובל ישׁוב השׂדה לאשׁר קנהו מאתו לאשׁר לו אחזת הארץ |
| SPבשׁנת היובל ישׁוב השׂדה לאשׁר קנהו מאתו לאשׁר לו אחזת הארץ | |
| 25 | MTוכל ערכך יהיה בשׁקל הקדשׁ עשׂרים גרה יהיה השׁקל |
| SPוכל ערכך יהיה בשׁקל הקדשׁ עשׂרים גרה השׁקל | |
| 26 | MTאך בכור אשׁר יבכר ליהוה בבהמה לא יקדישׁ אישׁ אתו אם שׁור אם שׂה ליהוה הוא |
| SPאך כל בכור אשׁר יבכר ליהוה בבהמה לא יקדישׁ אישׁ אתו אם שׁור אם שׂה ליהוה הוא | |
| 27 | MTואם בבהמה הטמאה ופדה בערכך ויסף חמשׁתו עליו ואם לא יגאל ונמכר בערכך |
| SPואם בבהמה הטמאה ופדה בערכך ויסף חמישׁתו עליו ואם לא יגאל ונמכר בערכך | |
| 28 | MTאך כל חרם אשׁר יחרם אישׁ ליהוה מכל אשׁר לו מאדם ובהמה ומשׂדה אחזתו לא ימכר ולא יגאל כל חרם קדשׁ קדשׁים הוא ליהוה |
| SPאך כל חרם אשׁר יחרם אישׁ ליהוה מכל אשׁר לו מאדם ובהמה ומשׂדה אחזתו לא ימכר ולא יגאל כל חרם קדשׁ קדשׁים הוא ליהוה | |
| 29 | MTכל חרם אשׁר יחרם מן האדם לא יפדה מות יומת |
| SPכל חרם אשׁר יחרם מן האדם לא יפדה מות יומת | |
| 30 | MTוכל מעשׂר הארץ מזרע הארץ מפרי העץ ליהוה הוא קדשׁ ליהוה |
| SPוכל מעשׂר הארץ מזרע הארץ ומפרי העץ ליהוה הוא קדשׁ ליהוה | |
| 31 | MTואם גאל יגאל אישׁ ממעשׂרו חמשׁיתו יסף עליו |
| SPואם גאל יגאל אישׁ ממעשׂרו חמישׁתו יסף עליו | |
| 32 | MTוכל מעשׂר בקר וצאן כל אשׁר יעבר תחת השׁבט העשׂירי יהיה קדשׁ ליהוה |
| SPוכל מעשׂר בקר וצאן כל אשׁר יעבר תחת השׁבט העשׂירי יהיה קדשׁ ליהוה | |
| 33 | MTלא יבקר בין טוב לרע ולא ימירנו ואם המר ימירנו והיה הוא ותמורתו יהיה קדשׁ לא יגאל |
| SPלא יבקר בין טוב לרע ולא ימירנו ואם המר ימירנו והיה הוא ותמירתו יהיה קדשׁ לא יגאל | |
| 34 | MTאלה המצות אשׁר צוה יהוה את משׁה אל בני ישׂראל בהר סיני |
| SPאלה המצות אשׁר צוה יהוה את משׁה אל בני ישׂראל בהר סיני |