| 1 | MTלא תעשׂו לכם אלילם ופסל ומצבה לא תקימו לכם ואבן משׂכית לא תתנו בארצכם להשׁתחות עליה כי אני יהוה אלהיכם |
| SPלא תעשׂו לכם אלילים ופסל ומצבה לא תקימו לכם ואבן משׂכית לא תתנו בארצכם להשׁתחות עליה כי אני יהוה אלהיכם | |
| 2 | MTאת שׁבתתי תשׁמרו ומקדשׁי תיראו אני יהוה |
| SPאת שׁבתתי תשׁמרו ומקדשׁי תיראו אני יהוה | |
| 3 | MTאם בחקתי תלכו ואת מצותי תשׁמרו ועשׂיתם אתם |
| SPאם בחקותי תלכו ואת מצותי תשׁמרו ועשׂיתם אתם | |
| 4 | MTונתתי גשׁמיכם בעתם ונתנה הארץ יבולה ועץ השׂדה יתן פריו |
| SPונתתי גשׁמיכם בעתם ונתנה הארץ יבולה ועץ השׂדה יתן פריו | |
| 5 | MTוהשׂיג לכם דישׁ את בציר ובציר ישׂיג את זרע ואכלתם לחמכם לשׂבע וישׁבתם לבטח בארצכם |
| SPוהשׂיג לכם דישׁ את בצר ובציר ישׂיג את הזרע ואכלתם לחמכם לשׁבע וישׁבתם לבטח בארצכם | |
| 6 | MTונתתי שׁלום בארץ ושׁכבתם ואין מחריד והשׁבתי חיה רעה מן הארץ וחרב לא תעבר בארצכם |
| SPונתתי שׁלום בארץ ושׁכבתם ואין מחריד והשׁבתי חיה רעה מן הארץ וחרב לא תעבר בארצכם | |
| 7 | MTורדפתם את איביכם ונפלו לפניכם לחרב |
| SPורדפתם את איביכם ונפלו לפניכם לחרב | |
| 8 | MTורדפו מכם חמשׁה מאה ומאה מכם רבבה ירדפו ונפלו איביכם לפניכם לחרב |
| SPורדפו מכם חמשׁה מאה ומאה מכם רבבה ירדפו ונפלו איביכם לפניכם לחרב | |
| 9 | MTופניתי אליכם והפריתי אתכם והרביתי אתכם והקימתי את בריתי אתכם |
| SPופניתי אליכם והפריתי אתכם והרביתי אתכם והקמתי את בריתי אתכם | |
| 10 | MTואכלתם ישׁן נושׁן וישׁן מפני חדשׁ תוציאו |
| SPואכלתם ישׁן נושׁן וישׁן מפני חדשׁ תוציאו | |
| 11 | MTונתתי משׁכני בתוככם ולא תגעל נפשׁי אתכם |
| SPונתתי משׁכני בתוככם ולא תגעל נפשׁי אתכם | |
| 12 | MTוהתהלכתי בתוככם והייתי לכם לאלהים ואתם תהיו לי לעם |
| SPוהתהלכתי בתוככם והייתי לכם לאלהים ואתם תהיו לי לעם | |
| 13 | MTאני יהוה אלהיכם אשׁר הוצאתי אתכם מארץ מצרים מהית להם עבדים ואשׁבר מטת עלכם ואולך אתכם קוממיות |
| SPאני יהוה אלהיכם אשׁר הוצאתי אתכם מארץ מצרים מהיות להם עבדים ואשׁברה מטות עולכם ואוליך אתכם קוממית | |
| 14 | MTואם לא תשׁמעו לי ולא תעשׂו את כל המצות האלה |
| SPואם לא תשׁמעו לי ולא תעשׂו את כל המצות האלה | |
| 15 | MTואם בחקתי תמאסו ואם את משׁפטי תגעל נפשׁכם לבלתי עשׂות את כל מצותי להפרכם את בריתי |
| SPאם בחקותי תמאסו ואם את משׁפטי תגעל נפשׁכם לבלתי עשׂות את כל מצותי להפרכם את בריתי | |
| 16 | MTאף אני אעשׂה זאת לכם והפקדתי עליכם בהלה את השׁחפת ואת הקדחת מכלות עינים ומדיבת נפשׁ וזרעתם לריק זרעכם ואכלהו איביכם |
| SPאף אני אעשׂה זאת לכם והפקדתי עליכם בחלה את השׁחפת ואת הקדחת מכלות עינים ומדיבת נפשׁ וזרעתם לריק זרעכם ואכלהו איביכם | |
| 17 | MTונתתי פני בכם ונגפתם לפני איביכם ורדו בכם שׂנאיכם ונסתם ואין רדף אתכם |
| SPונתתי פני בכם ונגפתם לפני איביכם ורדו בכם שׂנאיכם ונסתם ואין רדף אתכם | |
| 18 | MTואם עד אלה לא תשׁמעו לי ויספתי ליסרה אתכם שׁבע על חטאתיכם |
| SPואם עד אלה לא תשׁמעו לי ויספתי ליסרה אתכם שׁבע על חטאתיכם | |
| 19 | MTושׁברתי את גאון עזכם ונתתי את שׁמיכם כברזל ואת ארצכם כנחשׁה |
| SPושׁברתי את גאון עזכם ונתתי את שׁמיכם כברזל ואת ארצכם כנחשׁה | |
| 20 | MTותם לריק כחכם ולא תתן ארצכם את יבולה ועץ הארץ לא יתן פריו |
| SPותם לריק כחכם ולא תתן ארצכם את יבולה ועץ השׂדה לא יתן פריו | |
| 21 | MTואם תלכו עמי קרי ולא תאבו לשׁמע לי ויספתי עליכם מכה שׁבע כחטאתיכם |
| SPואם תלכו עמי קרי ולא תבאו לשׁמע לי ויספתי עליכם מכה שׁבע כחטאתיכם | |
| 22 | MTוהשׁלחתי בכם את חית השׂדה ושׁכלה אתכם והכריתה את בהמתכם והמעיטה אתכם ונשׁמו דרכיכם |
| SPושׁלחתי בכם את חית השׂדה ושׁכלה אתכם והכריתה את בהמתכם והמעיטה אתכם ונשׁמו דרככם | |
| 23 | MTואם באלה לא תוסרו לי והלכתם עמי קרי |
| SPואם באלה לא תוסרו לי והלכתם עמי קרי | |
| 24 | MTוהלכתי אף אני עמכם בקרי והכיתי אתכם גם אני שׁבע על חטאתיכם |
| SPוהלכתי גם אני עמכם בקרי והכיתי אתכם גם אני שׁבע על חטאתיכם | |
| 25 | MTוהבאתי עליכם חרב נקמת נקם ברית ונאספתם אל עריכם ושׁלחתי דבר בתוככם ונתתם ביד אויב |
| SPוהבאתי עליכם חרב נקמת נקם ברית ונאספתם אל עריכם ושׁלחתי דבר בתוככם ונתתם ביד אויב | |
| 26 | MTבשׁברי לכם מטה לחם ואפו עשׂר נשׁים לחמכם בתנור אחד והשׁיבו לחמכם במשׁקל ואכלתם ולא תשׂבעו |
| SPבשׁברי לכם מטה לחם ואפו עשׂר נשׁים לחמכם בתנור אחד והשׁיב לחמכם במשׁקול ואכלתם ולא תשׂבעו | |
| 27 | MTואם בזאת לא תשׁמעו לי והלכתם עמי בקרי |
| SPואם בזאת לא תשׁמעו לי והלכתם עמי קרי | |
| 28 | MTוהלכתי עמכם בחמת קרי ויסרתי אתכם אף אני שׁבע על חטאתיכם |
| SPוהלכתי עמכם בחמת קרי ויסרתי אתכם אף אני שׁבע על חטאתיכם | |
| 29 | MTואכלתם בשׂר בניכם ובשׂר בנתיכם תאכלו |
| SPואכלתם בשׂר בניכם ובשׂר בנתיכם תאכלו | |
| 30 | MTוהשׁמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשׁי אתכם |
| SPוהשׁמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשׁי אתכם | |
| 31 | MTונתתי את עריכם חרבה והשׁמותי את מקדשׁיכם ולא אריח בריח ניחחכם |
| SPונתתי את עריכם חרבה והשׁמתי את מקדשׁכם ולא אריח בריח ניחחכם | |
| 32 | MTוהשׁמתי אני את הארץ ושׁממו עליה איביכם הישׁבים בה |
| SPוהשׁמתי אני את הארץ ושׁממו עליה איביכם הישׁבים בה | |
| 33 | MTואתכם אזרה בגוים והריקתי אחריכם חרב והיתה ארצכם שׁממה ועריכם יהיו חרבה |
| SPואתכם אזרה בגוים והרקתי אחריכם חרב והיתה ארצכם שׁממה ועריכם יהיו חרבה | |
| 34 | MTאז תרצה הארץ את שׁבתתיה כל ימי השׁמה ואתם בארץ איביכם אז תשׁבת הארץ והרצת את שׁבתתיה |
| SPאז תרצה הארץ את שׁבתתיה כל ימי אשׁמה ואתם בארץ איביכם אז תשׁבת הארץ והרצתה את שׁבתתיה | |
| 35 | MTכל ימי השׁמה תשׁבת את אשׁר לא שׁבתה בשׁבתתיכם בשׁבתכם עליה |
| SPכל ימי אשׁמה תשׁבת את אשׁר לא שׁבתה בשׁבתתיכם בשׁבתכם עליה | |
| 36 | MTוהנשׁארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף |
| SPוהנשׁארים בכם והבאתי מרך בלבבם בארצות איביהם ורדף אתם קול עלי נדף ונסו מנוסת חרב ונפלו ואין רדף | |
| 37 | MTוכשׁלו אישׁ באחיו כמפני חרב ורדף אין ולא תהיה לכם תקומה לפני איביכם |
| SPוכשׁלו אישׁ באחיו כמפני חרב ורדף אין ולא תהיה לכם תקומה לפני איביכם | |
| 38 | MTואבדתם בגוים ואכלה אתכם ארץ איביכם |
| SPואבדתם בגוים ואכלה אתכם ארץ איביכם | |
| 39 | MTוהנשׁארים בכם ימקו בעונם בארצת איביכם ואף בעונת אבתם אתם ימקו |
| SPוהנשׁארים בכם ימקו בעונם בארצות איביהם ואף בעונות אבותם אתם ימקו | |
| 40 | MTוהתודו את עונם ואת עון אבתם במעלם אשׁר מעלו בי ואף אשׁר הלכו עמי בקרי |
| SPוהתודו את עונם ואת עון אבותם במעלם אשׁר מעלו בי ואף אשׁר הלכו עמי בקרי | |
| 41 | MTאף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם |
| SPאף אני הלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם | |
| 42 | MTוזכרתי את בריתי יעקוב ואף את בריתי יצחק ואף את בריתי אברהם אזכר והארץ אזכר |
| SPוזכרתי את בריתי יעקב ואף את בריתי יצחק ואף את בריתי אברהם אזכר והארץ אזכר | |
| 43 | MTוהארץ תעזב מהם ותרץ את שׁבתתיה בהשׁמה מהם והם ירצו את עונם יען וביען במשׁפטי מאסו ואת חקתי געלה נפשׁם |
| SPוהארץ תעזב מהם והרצתה את שׁבתתיה באשׁמה מהם והם ירצו את עונם יען ביען במשׁפטי מאסו ואת חקותי געלה נפשׁם | |
| 44 | MTואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם |
| SPואף גם זאת בהיותם בארצות איביהם לא מאסתים ולא געלתים לכלותם להפר בריתי אתם כי אני יהוה אלהיהם | |
| 45 | MTוזכרתי להם ברית ראשׁנים אשׁר הוצאתי אתם מארץ מצרים לעיני הגוים להית להם לאלהים אני יהוה |
| SPוזכרתי להם ברית ראישׁונים אשׁר הוצאתי אתם מארץ מצרים לעיני הגוים להיות להם לאלהים אני יהוה | |
| 46 | MTאלה החקים והמשׁפטים והתורת אשׁר נתן יהוה בינו ובין בני ישׂראל בהר סיני ביד משׁה |
| SPאלה החקים והמשׁפטים והתורות אשׁר נתן יהוה בינו ובין בני ישׂראל בהר סיני ביד משׁה |