| 1 | MTוידבר יהוה אל משׁה בהר סיני לאמר |
| SPוידבר יהוה אל משׁה בהר סיני לאמר | |
| 2 | MTדבר אל בני ישׂראל ואמרת אלהם כי תבאו אל הארץ אשׁר אני נתן לכם ושׁבתה הארץ שׁבת ליהוה |
| SPדבר אל בני ישׂראל ואמרת אליהם כי תבאו אל הארץ אשׁר אני נתן לכם ושׁבתה הארץ שׁבת ליהוה | |
| 3 | MTשׁשׁ שׁנים תזרע שׂדך ושׁשׁ שׁנים תזמר כרמך ואספת את תבואתה |
| SPשׁשׁ שׁנים תזרע שׂדך ושׁשׁ שׁנים תזמר כרמך ואספת את תבואתה | |
| 4 | MTובשׁנה השׁביעת שׁבת שׁבתון יהיה לארץ שׁבת ליהוה שׂדך לא תזרע וכרמך לא תזמר |
| SPובשׁנה השׁביעית שׁבת שׁבתון יהיה לארץ שׁבת ליהוה שׂדך לא תזרע וכרמך לא תזמר | |
| 5 | MTאת ספיח קצירך לא תקצור ואת ענבי נזירך לא תבצר שׁנת שׁבתון יהיה לארץ |
| SPואת ספחי קציריך לא תקצר ואת ענבי נזיריך לא תבצר שׁנת שׁבתון יהיה לארץ | |
| 6 | MTוהיתה שׁבת הארץ לכם לאכלה לך ולעבדך ולאמתך ולשׂכירך ולתושׁבך הגרים עמך |
| SPוהיתה שׁבת הארץ לכם לאכלה לך ולעבדיך ולאמתיך ולשׂכיריך ולתושׁביך הגרים עמך | |
| 7 | MTולבהמתך ולחיה אשׁר בארצך תהיה כל תבואתה לאכל |
| SPולבהמתך ולחיה אשׁר בארצך תהיה כל תבואתה לאכל | |
| 8 | MTוספרת לך שׁבע שׁבתת שׁנים שׁבע שׁנים שׁבע פעמים והיו לך ימי שׁבע שׁבתת השׁנים תשׁע וארבעים שׁנה |
| SPוספרת לך שׁבע שׁבתות שׁנים שׁבע שׁנים שׁבע פעמים והיו לך ימי שׁבע שׁבתות השׁנים תשׁע וארבעים שׁנה | |
| 9 | MTוהעברת שׁופר תרועה בחדשׁ השׁבעי בעשׂור לחדשׁ ביום הכפרים תעבירו שׁופר בכל ארצכם |
| SPוהעברת שׁופר תרועה בחדשׁ השׁביעי בעשׂור לחדשׁ ביום הכפורים תעבירו שׁופר בכל ארצכם | |
| 10 | MTוקדשׁתם את שׁנת החמשׁים שׁנה וקראתם דרור בארץ לכל ישׁביה יובל הוא תהיה לכם ושׁבתם אישׁ אל אחזתו ואישׁ אל משׁפחתו תשׁבו |
| SPוקדשׁתם את שׁנת החמשׁים שׁנה וקראתם דרור בארץ לכל ישׁביה יובל הוא תהיה לכם ושׁבתם אישׁ אל אחזתו ואישׁ אל משׁפחתו תשׁובו | |
| 11 | MTיובל הוא שׁנת החמשׁים שׁנה תהיה לכם לא תזרעו ולא תקצרו את ספיחיה ולא תבצרו את נזריה |
| SPיובל הוא שׁנת החמשׁים שׁנה תהיה לכם לא תזרעו ולא תקצרו את ספחיה ולא תבצרו את נזיריה | |
| 12 | MTכי יובל הוא קדשׁ תהיה לכם מן השׂדה תאכלו את תבואתה |
| SPכי יובל הוא קדשׁ תהיה לכם מן השׂדה תאכלו את תבואתה | |
| 13 | MTבשׁנת היובל הזאת תשׁבו אישׁ אל אחזתו |
| SPבשׁנת היובל הזאת תשׁובו אישׁ אל אחזתו | |
| 14 | MTוכי תמכרו ממכר לעמיתך או קנה מיד עמיתך אל תונו אישׁ את אחיו |
| SPוכי תמכר ממכר לעמיתך או קנה מיד עמיתך אל תונו אישׁ את אחיו | |
| 15 | MTבמספר שׁנים אחר היובל תקנה מאת עמיתך במספר שׁני תבואת ימכר לך |
| SPבמספר שׁנים אחר היובל תקנה מאת עמיתך במספר שׁני תבואת ימכר לך | |
| 16 | MTלפי רב השׁנים תרבה מקנתו ולפי מעט השׁנים תמעיט מקנתו כי מספר תבואת הוא מכר לך |
| SPלפי רב השׁנים תרבה מקנתו ולפי מעט השׁנים תמעיט מקנתו כי מספר תבואת הוא מכר לך | |
| 17 | MTולא תונו אישׁ את עמיתו ויראת מאלהיך כי אני יהוה אלהיכם |
| SPולא תונו אישׁ את עמיתו ויראת מאלהיך כי אני יהוה אלהיכם | |
| 18 | MTועשׂיתם את חקתי ואת משׁפטי תשׁמרו ועשׂיתם אתם וישׁבתם על הארץ לבטח |
| SPועשׂיתם את חקותי ואת משׁפטי תשׁמרו ועשׂיתם אתם וישׁבתם על הארץ לבטח | |
| 19 | MTונתנה הארץ פריה ואכלתם לשׂבע וישׁבתם לבטח עליה |
| SPונתנה הארץ פריה ואכלתם לשׁבע וישׁבתם לבטח עליה | |
| 20 | MTוכי תאמרו מה נאכל בשׁנה השׁביעת הן לא נזרע ולא נאסף את תבואתנו |
| SPוכי תאמרו מה נאכל בשׁנה השׁביעית הן לא נזרע ולא נאסף את תבואתינו | |
| 21 | MTוצויתי את ברכתי לכם בשׁנה השׁשׁית ועשׂת את התבואה לשׁלשׁ השׁנים |
| SPוצויתי את ברכתי לכם בשׁנה השׁשׁית ועשׂתה את תבואתה לשׁלשׁ השׁנים | |
| 22 | MTוזרעתם את השׁנה השׁמינת ואכלתם מן התבואה ישׁן עד השׁנה התשׁיעת עד בוא תבואתה תאכלו ישׁן |
| SPוזרעתם את השׁנה השׁמינית ואכלתם מן התבואתה ישׁן עד השׁנה התשׁעית עד בא תבואתה תאכלו ישׁן | |
| 23 | MTוהארץ לא תמכר לצמתת כי לי הארץ כי גרים ותושׁבים אתם עמדי |
| SPוהארץ לא תמכר לצמיתת כי לי הארץ כי גרים ותושׁבים אתם עמדי | |
| 24 | MTובכל ארץ אחזתכם גאלה תתנו לארץ |
| SPובכל ארץ אחזתכם גאלה תתנו לארץ | |
| 25 | MTכי ימוך אחיך ומכר מאחזתו ובא גאלו הקרב אליו וגאל את ממכר אחיו |
| SPוכי ימך אחיך ומכר מאחזתו ובא גאלו הקרוב אליו וגאל את ממכר אחיו | |
| 26 | MTואישׁ כי לא יהיה לו גאל והשׂיגה ידו ומצא כדי גאלתו |
| SPואישׁ כי לא יהיה לו גאל והשׂיגה ידו ומצא כדי גאלתו | |
| 27 | MTוחשׁב את שׁני ממכרו והשׁיב את העדף לאישׁ אשׁר מכר לו ושׁב לאחזתו |
| SPוחשׁב את שׁני ממכרו והשׁיב את העדף לאישׁ אשׁר מכר לו ושׁב לאחזתו | |
| 28 | MTואם לא מצאה ידו די השׁיב לו והיה ממכרו ביד הקנה אתו עד שׁנת היובל ויצא ביבל ושׁב לאחזתו |
| SPואם לא מצא ידו די השׁיב לו והיה ממכרו ביד הקנה אתו עד שׁנת היובל ויצא ביובל ושׁב לאחזתו | |
| 29 | MTואישׁ כי ימכר בית מושׁב עיר חומה והיתה גאלתו עד תם שׁנת ממכרו ימים תהיה גאלתו |
| SPואישׁ כי ימכר בית מושׁב עיר חומה והיתה גאלתו עד תם שׁנת ממכרו ימים תהיה גאלתו | |
| 30 | MTואם לא יגאל עד מלאת לו שׁנה תמימה וקם הבית אשׁר בעיר אשׁר לא חמה לצמיתת לקנה אתו לדרתיו לא יצא ביבל |
| SPואם לא יגאל עד מלאת לו שׁנה תמימה וקם הבית אשׁר בעיר אשׁר לו חומה לצמיתת לקנה אתו לדרתיו לא יצא ביובל | |
| 31 | MTובתי החצרים אשׁר אין להם חמה סביב על שׂדה הארץ יחשׁב גאלה תהיה לו וביבל יצא |
| SPובתי החצרים אשׁר אין להם חומה סביב על שׂדה הארץ יחשׁבו גאלה תהיה לו וביובל יצא | |
| 32 | MTוערי הלוים בתי ערי אחזתם גאלת עולם תהיה ללוים |
| SPוערי הלוים בתי ערי אחזתם גאלת עולם תהיה ללוים | |
| 33 | MTואשׁר יגאל מן הלוים ויצא ממכר בית ועיר אחזתו ביבל כי בתי ערי הלוים הוא אחזתם בתוך בני ישׂראל |
| SPואשׁר יגאל מן הלוים ויצא ממכר בית ועיר אחזתו ביובל כי בתי ערי הלוים היא אחזתם בתוך בני ישׂראל | |
| 34 | MTושׂדה מגרשׁ עריהם לא ימכר כי אחזת עולם הוא להם |
| SPושׂדה מגרשׁ עריהם לא ימכרו כי אחזת עולם היא להם | |
| 35 | MTוכי ימוך אחיך ומטה ידו עמך והחזקת בו גר ותושׁב וחי עמך |
| SPוכי ימך אחיך ומטה ידו עמך וחזקת בו גר ותושׁב וחי אחיך עמך | |
| 36 | MTאל תקח מאתו נשׁך ותרבית ויראת מאלהיך וחי אחיך עמך |
| SPאל תקח מאתו נשׁך ותרבית ויראת מאלהיך וחי אחיך עמך | |
| 37 | MTאת כספך לא תתן לו בנשׁך ובמרבית לא תתן אכלך |
| SPאת כספך לא תתן לו בנשׁך ובתרבית לא תתן אכלך | |
| 38 | MTאני יהוה אלהיכם אשׁר הוצאתי אתכם מארץ מצרים לתת לכם את ארץ כנען להיות לכם לאלהים |
| SPאני יהוה אלהיכם אשׁר הוצאתי אתכם מארץ מצרים לתת לכם את ארץ כנען להיות לכם לאלהים | |
| 39 | MTוכי ימוך אחיך עמך ונמכר לך לא תעבד בו עבדת עבד |
| SPוכי ימך אחיך עמך ונמכר לך לא תעבד בו עבדת עבד | |
| 40 | MTכשׂכיר כתושׁב יהיה עמך עד שׁנת היבל יעבד עמך |
| SPכשׂכיר כתושׁב יהיה עמך עד שׁנת היובל יעבד עמך | |
| 41 | MTויצא מעמך הוא ובניו עמו ושׁב אל משׁפחתו ואל אחזת אבתיו ישׁוב |
| SPויצא מעמך הוא ובניו עמו ושׁב אל משׁפחתו ואל אחזת אבתיו ישׁוב | |
| 42 | MTכי עבדי הם אשׁר הוצאתי אתם מארץ מצרים לא ימכרו ממכרת עבד |
| SPכי עבדיהם אשׁר הוצאתי אתם מארץ מצרים לא ימכרו ממכרת עבד | |
| 43 | MTלא תרדה בו בפרך ויראת מאלהיך |
| SPלא תרדה בו בפרך ויראת מאלהיך | |
| 44 | MTועבדך ואמתך אשׁר יהיו לך מאת הגוים אשׁר סביבתיכם מהם תקנו עבד ואמה |
| SPועבדיך ואמתיך אשׁר יהיו לך מאת הגוים אשׁר סביבתיכם מהם תקנהו עבד ואמה | |
| 45 | MTוגם מבני התושׁבים הגרים עמכם מהם תקנו וממשׁפחתם אשׁר עמכם אשׁר הולידו בארצכם והיו לכם לאחזה |
| SPוגם מבני התושׁבים הגרים עמכם מהם תקנהו וממשׁפחתם אשׁר עמכם אשׁר הולדו בארצכם והיו לכם לאחזה | |
| 46 | MTוהתנחלתם אתם לבניכם אחריכם לרשׁת אחזה לעלם בהם תעבדו ובאחיכם בני ישׂראל אישׁ באחיו לא תרדה בו בפרך |
| SPוהתנחלתם אתם לבניכם אחריכם לרשׁת אחזה לעולם בהם תעבידו ובאחיכם בני ישׂראל אישׁ באחיו לא תרדה בו בפרך | |
| 47 | MTוכי תשׂיג יד גר ותושׁב עמך ומך אחיך עמו ונמכר לגר תושׁב עמך או לעקר משׁפחת גר |
| SPוכי תשׂיג יד גר ותושׁב עמך ומך אחיך עמו ונמכר לגר ותושׁב עמך או לעקר משׁפחת גר | |
| 48 | MTאחרי נמכר גאלה תהיה לו אחד מאחיו יגאלנו |
| SPאחרי נמכר גאלה תהיה לו אחד מאחיו יגאלנו | |
| 49 | MTאו דדו או בן דדו יגאלנו או משׁאר בשׂרו ממשׁפחתו יגאלנו או השׂיגה ידו ונגאל |
| SPאו דדו או בן דדו יגאלנו או משׁאר בשׂרו ממשׁפחתו יגאלנו או השׂיגה ידו ונגאל | |
| 50 | MTוחשׁב עם קנהו משׁנת המכרו לו עד שׁנת היבל והיה כסף ממכרו במספר שׁנים כימי שׂכיר יהיה עמו |
| SPוחשׁב עם קנהו משׁנת המכר לו עד שׁנת היובל והיה כסף ממכרו במספר שׁנים כימי שׂכיר יהיה עמו | |
| 51 | MTאם עוד רבות בשׁנים לפיהן ישׁיב גאלתו מכסף מקנתו |
| SPאם עוד רבות בשׁנים לפיהן ישׁיב גאלתו מכסף מקנתו | |
| 52 | MTואם מעט נשׁאר בשׁנים עד שׁנת היבל וחשׁב לו כפי שׁניו ישׁיב את גאלתו |
| SPואם מעט נשׁאר בשׁנים עד שׁנת היובל וחשׁב לו כפי שׁניו ישׁיב את גאלתו | |
| 53 | MTכשׂכיר שׁנה בשׁנה יהיה עמו לא ירדנו בפרך לעיניך |
| SPכשׂכיר שׁנה בשׁנה יהיה עמו לא ירדנו בפרך לעיניך | |
| 54 | MTואם לא יגאל באלה ויצא בשׁנת היבל הוא ובניו עמו |
| SPואם לא יגאל באלה ויצא בשׁנת היובל הוא ובניו עמו | |
| 55 | MTכי לי בני ישׂראל עבדים עבדי הם אשׁר הוצאתי אותם מארץ מצרים אני יהוה אלהיכם |
| SPכי לי בני ישׂראל עבדים עבדי הם אשׁר הוצאתי אתם מארץ מצרים אני יהוה אלהיכם |