| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTצו את בני ישׂראל ויקחו אליך שׁמן זית זך כתית למאור להעלת נר תמיד |
| SPצוי את בני ישׂראל ויקחו אליך שׁמן זית זך כתית למאור להעלות נר תמיד | |
| 3 | MTמחוץ לפרכת העדת באהל מועד יערך אתו אהרן מערב עד בקר לפני יהוה תמיד חקת עולם לדרתיכם |
| SPמחוץ לפרכת העדות באהל מועד יערך אתו אהרן ובניו מערב עד בקר לפני יהוה תמיד חקות עולם לדרתיכם | |
| 4 | MTעל המנרה הטהרה יערך את הנרות לפני יהוה תמיד |
| SPעל המנורה הטהרה יעריך את הנרות לפני יהוה עד בקר | |
| 5 | MTולקחת סלת ואפית אתה שׁתים עשׂרה חלות שׁני עשׂרנים יהיה החלה האחת |
| SPולקחת סלת ואפית אתה שׁתים עשׂרה חלות שׁני עשׂרנים יהיה החלה האחת | |
| 6 | MTושׂמת אותם שׁתים מערכות שׁשׁ המערכת על השׁלחן הטהר לפני יהוה |
| SPושׂמת אתם שׁתי מערכות שׁשׁ המערכת על השׁלחן הטהור לפני יהוה | |
| 7 | MTונתת על המערכת לבנה זכה והיתה ללחם לאזכרה אשׁה ליהוה |
| SPונתתה על המערכת לבונה זכה והיתה ללחם לאזכרה אשׁה ליהוה | |
| 8 | MTביום השׁבת ביום השׁבת יערכנו לפני יהוה תמיד מאת בני ישׂראל ברית עולם |
| SPביום השׁבת ביום השׁבת יערכנו לפני יהוה תמיד מאת בני ישׂראל ברית עולם | |
| 9 | MTוהיתה לאהרן ולבניו ואכלהו במקום קדשׁ כי קדשׁ קדשׁים הוא לו מאשׁי יהוה חק עולם |
| SPוהיתה לאהרן ולבניו ואכלוה במקום קדושׁ כי קדשׁ קדשׁים היא לו מאשׁי יהוה חק עולם | |
| 10 | MTויצא בן אשׁה ישׂראלית והוא בן אישׁ מצרי בתוך בני ישׂראל וינצו במחנה בן הישׂראלית ואישׁ הישׂראלי |
| SPויצא בן אשׁה ישׂראלית והוא בן אישׁ מצרי בתוך בני ישׂראל וינצו במחנה בן הישׂראלית ואישׁ ישׂראלי | |
| 11 | MTויקב בן האשׁה הישׂראלית את השׁם ויקלל ויביאו אתו אל משׁה ושׁם אמו שׁלמית בת דברי למטה דן |
| SPויקב בן האשׁה הישׂראלית את השׁם ויקלל ויביאו אתו אל משׁה ושׁם אמו שׁלומית בת דברי למטה דן | |
| 12 | MTויניחהו במשׁמר לפרשׁ להם על פי יהוה |
| SPויניחהו במשׁמר לפרשׁ להם על פי יהוה | |
| 13 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 14 | MTהוצא את המקלל אל מחוץ למחנה וסמכו כל השׁמעים את ידיהם על ראשׁו ורגמו אתו כל העדה |
| SPהוציא את המקלל אל מחוץ למחנה וסמכו כל השׁמעים את ידיהם על ראשׁו ורגמו אתו כל העדה | |
| 15 | MTואל בני ישׂראל תדבר לאמר אישׁ אישׁ כי יקלל אלהיו ונשׂא חטאו |
| SPואל בני ישׂראל תדבר לאמר אישׁ אישׁ כי יקלל אלהיו ונשׂא חטאו | |
| 16 | MTונקב שׁם יהוה מות יומת רגום ירגמו בו כל העדה כגר כאזרח בנקבו שׁם יומת |
| SPונקב שׁם יהוה מות יומת רגם ירגמו בו כל העדה כגר כאזרח בנקבו השׁם יומת | |
| 17 | MTואישׁ כי יכה כל נפשׁ אדם מות יומת |
| SPואישׁ כי יכה כל נפשׁ אדם מות יומת | |
| 18 | MTומכה נפשׁ בהמה ישׁלמנה נפשׁ תחת נפשׁ |
| SPומכה נפשׁ בהמה ישׁלמנה נפשׁ תחת נפשׁ | |
| 19 | MTואישׁ כי יתן מום בעמיתו כאשׁר עשׂה כן יעשׂה לו |
| SPואישׁ כי יתן מום בעמיתו כאשׁר עשׂה כן יעשׂה לו | |
| 20 | MTשׁבר תחת שׁבר עין תחת עין שׁן תחת שׁן כאשׁר יתן מום באדם כן ינתן בו |
| SPשׁבר תחת שׁבר עין תחת עין שׁן תחת שׁן כאשׁר יתן מום באדם כן ינתן בו | |
| 21 | MTומכה בהמה ישׁלמנה ומכה אדם יומת |
| SPומכה בהמה ישׁלמנה ומכה אדם יומת | |
| 22 | MTמשׁפט אחד יהיה לכם כגר כאזרח יהיה כי אני יהוה אלהיכם |
| SPמשׁפט אחד יהיה לכם כגר כאזרח יהיה כי אני יהוה אלהיכם | |
| 23 | MTוידבר משׁה אל בני ישׂראל ויוציאו את המקלל אל מחוץ למחנה וירגמו אתו אבן ובני ישׂראל עשׂו כאשׁר צוה יהוה את משׁה |
| SPוידבר משׁה אל בני ישׂראל ויוציאו את המקלל אל מחוץ למחנה וירגמו אתו אבן ובני ישׂראל עשׂו כאשׁר צוה יהוה את משׁה |