| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל בני ישׂראל ואמרת אלהם מועדי יהוה אשׁר תקראו אתם מקראי קדשׁ אלה הם מועדי |
| SPדבר אל בני ישׂראל ואמרת אליהם מועדי יהוה אשׁר תקראו אתם מקראי קדשׁ אלה הם מועדי | |
| 3 | MTשׁשׁת ימים תעשׂה מלאכה וביום השׁביעי שׁבת שׁבתון מקרא קדשׁ כל מלאכה לא תעשׂו שׁבת הוא ליהוה בכל מושׁבתיכם |
| SPשׁשׁת ימים יעשׂה מלאכה וביום השׁביעי שׁבת שׁבתון מקרא קדשׁ כל מלאכה לא תעשׂו שׁבת היא ליהוה בכל מושׁבתיכם | |
| 4 | MTאלה מועדי יהוה מקראי קדשׁ אשׁר תקראו אתם במועדם |
| SPואלה מועדי יהוה מקראי קדשׁ אשׁר תקראו אתם במועדם | |
| 5 | MTבחדשׁ הראשׁון בארבעה עשׂר לחדשׁ בין הערבים פסח ליהוה |
| SPבחדשׁ הראישׁון בארבעה עשׂר יום לחדשׁ בין הערבים פסח ליהוה | |
| 6 | MTובחמשׁה עשׂר יום לחדשׁ הזה חג המצות ליהוה שׁבעת ימים מצות תאכלו |
| SPובחמשׁה עשׂר יום לחדשׁ הזה חג המצות ליהוה שׁבעת ימים מצות תאכלו | |
| 7 | MTביום הראשׁון מקרא קדשׁ יהיה לכם כל מלאכת עבדה לא תעשׂו |
| SPביום הראישׁון מקרא קדשׁ יהיה לכם כל מלאכת עבדה לא תעשׂו | |
| 8 | MTוהקרבתם אשׁה ליהוה שׁבעת ימים ביום השׁביעי מקרא קדשׁ כל מלאכת עבדה לא תעשׂו |
| SPוהקרבתם אשׁה ליהוה שׁבעת ימים וביום השׁביעי מקרא קדשׁ כל מלאכת עבדה לא תעשׂו | |
| 9 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 10 | MTדבר אל בני ישׂראל ואמרת אלהם כי תבאו אל הארץ אשׁר אני נתן לכם וקצרתם את קצירה והבאתם את עמר ראשׁית קצירכם אל הכהן |
| SPדבר אל בני ישׂראל ואמרת אליהם כי תבאו אל הארץ אשׁר אני נתן לכם וקצרתם את קצירה והבאתם את העמר ראשׁית קצירכם אל הכהן | |
| 11 | MTוהניף את העמר לפני יהוה לרצנכם ממחרת השׁבת יניפנו הכהן |
| SPוהניף את העמר לפני יהוה לרצונכם ממחרת השׁבת יניפנו הכהן | |
| 12 | MTועשׂיתם ביום הניפכם את העמר כבשׂ תמים בן שׁנתו לעלה ליהוה |
| SPועשׂיתם ביום הנפכם את העמר כבשׂ תמים בן שׁנתו לעלה ליהוה | |
| 13 | MTומנחתו שׁני עשׂרנים סלת בלולה בשׁמן אשׁה ליהוה ריח ניחח ונסכה יין רביעת ההין |
| SPומנחתו שׁני עשׂרנים סלת בלולה בשׁמן אשׁה ליהוה ריח ניחח ונסכו יין רביעית ההין | |
| 14 | MTולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משׁבתיכם |
| SPולחם וקלי וכרמל לא תאכלו עד עצם היום הזה עד הבאכם את קרבן אלהיכם חקת עולם לדרתיכם בכל מושׁבתיכם | |
| 15 | MTוספרתם לכם ממחרת השׁבת מיום הביאכם את עמר התנופה שׁבע שׁבתות תמימת תהיינה |
| SPוספרתם לכם ממחרת השׁבת מיום הבאכם את עמר התנופה שׁבע שׁבתות תמימות תהיינה | |
| 16 | MTעד ממחרת השׁבת השׁביעת תספרו חמשׁים יום והקרבתם מנחה חדשׁה ליהוה |
| SPעד ממחרת השׁבת השׁביעית תספרו חמשׁים יום והקרבתם מנחה חדשׁה ליהוה | |
| 17 | MTממושׁבתיכם תביאו לחם תנופה שׁתים שׁני עשׂרנים סלת תהיינה חמץ תאפינה בכורים ליהוה |
| SPממושׁבתיכם תביאו לחם תנופה שׁתים חלות שׁני עשׂרנים סלת תהינה חמץ תאפינה בכורים ליהוה | |
| 18 | MTוהקרבתם על הלחם שׁבעת כבשׂים תמימם בני שׁנה ופר בן בקר אחד ואילם שׁנים יהיו עלה ליהוה ומנחתם ונסכיהם אשׁה ריח ניחח ליהוה |
| SPוהקרבתם על הלחם שׁבעה כבשׂים תמימם בני שׁנה ופר בן בקר אחד ואילים שׁנים תמימם יהיו עלה ליהוה ומנחתם ונסכיהם אשׁה ריח ניחח ליהוה | |
| 19 | MTועשׂיתם שׂעיר עזים אחד לחטאת ושׁני כבשׂים בני שׁנה לזבח שׁלמים |
| SPועשׂיתם שׂעיר עזים אחד לחטאת ושׁני כבשׂים בני שׁנה לזבח השׁלמים | |
| 20 | MTוהניף הכהן אתם על לחם הבכורים תנופה לפני יהוה על שׁני כבשׂים קדשׁ יהיו ליהוה לכהן |
| SPוהניף הכהן אתם על לחם הבכורים תנופה לפני יהוה על שׁני הכבשׂים קדשׁ יהיו ליהוה לכהן | |
| 21 | MTוקראתם בעצם היום הזה מקרא קדשׁ יהיה לכם כל מלאכת עבדה לא תעשׂו חקת עולם בכל מושׁבתיכם לדרתיכם |
| SPוקראתם בעצם היום הזה מקרא קדשׁ יהיה לכם כל מלאכת עבדה לא תעשׂו חקות עולם בכל מושׁבתיכם לדרתיכם | |
| 22 | MTובקצרכם את קציר ארצכם לא תכלה פאת שׂדך בקצרך ולקט קצירך לא תלקט לעני ולגר תעזב אתם אני יהוה אלהיכם |
| SPובקצירכם את קציר ארצכם לא תכלה פאת שׂדך לקצר ולקט קצירך לא תלקט לעני ולגר תעזב אתם אני יהוה אלהיכם | |
| 23 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 24 | MTדבר אל בני ישׂראל לאמר בחדשׁ השׁביעי באחד לחדשׁ יהיה לכם שׁבתון זכרון תרועה מקרא קדשׁ |
| SPדבר אל בני ישׂראל לאמר בחדשׁ השׁביעי באחד לחדשׁ יהיה לכם שׁבתון זכרון תרועה מקרא קדשׁ | |
| 25 | MTכל מלאכת עבדה לא תעשׂו והקרבתם אשׁה ליהוה |
| SPכל מלאכת עבדה לא תעשׂו והקרבתם אשׁה ליהוה | |
| 26 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 27 | MTאך בעשׂור לחדשׁ השׁביעי הזה יום הכפרים הוא מקרא קדשׁ יהיה לכם ועניתם את נפשׁתיכם והקרבתם אשׁה ליהוה |
| SPאך בעשׂור לחדשׁ השׁביעי הזה יום כפורים הוא מקרא קדשׁ יהיה לכם ועניתם את נפשׁתיכם והקרבתם אשׁה ליהוה | |
| 28 | MTוכל מלאכה לא תעשׂו בעצם היום הזה כי יום כפרים הוא לכפר עליכם לפני יהוה אלהיכם |
| SPוכל מלאכה לא תעשׂו בעצם היום הזה כי יום כפורים הוא לכפר עליכם לפני יהוה אלהיכם | |
| 29 | MTכי כל הנפשׁ אשׁר לא תענה בעצם היום הזה ונכרתה מעמיה |
| SPכי כל הנפשׁ אשׁר לא תענה בעצם היום הזה ונכרתה מעמיה | |
| 30 | MTוכל הנפשׁ אשׁר תעשׂה כל מלאכה בעצם היום הזה והאבדתי את הנפשׁ ההוא מקרב עמה |
| SPוכל הנפשׁ אשׁר תעשׂה כל מלאכה בעצם היום הזה ואבדתי את הנפשׁ ההיא מקרב עמיה | |
| 31 | MTכל מלאכה לא תעשׂו חקת עולם לדרתיכם בכל משׁבתיכם |
| SPוכל מלאכה לא תעשׂו חקות עולם לדרתיכם בכל מושׁבתיכם | |
| 32 | MTשׁבת שׁבתון הוא לכם ועניתם את נפשׁתיכם בתשׁעה לחדשׁ בערב מערב עד ערב תשׁבתו שׁבתכם |
| SPשׁבת שׁבתון הוא לכם ועניתם את נפשׁתיכם בתשׁעה לחדשׁ בערב מערב עד ערב תשׁביתו שׁבתכם | |
| 33 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 34 | MTדבר אל בני ישׂראל לאמר בחמשׁה עשׂר יום לחדשׁ השׁביעי הזה חג הסכות שׁבעת ימים ליהוה |
| SPדבר אל בני ישׂראל לאמר בחמשׁה עשׂר יום לחדשׁ השׁביעי הזה חג הסכות שׁבעת ימים ליהוה | |
| 35 | MTביום הראשׁון מקרא קדשׁ כל מלאכת עבדה לא תעשׂו |
| SPביום הראישׁון מקרא קדשׁ כל מלאכת עבדה לא תעשׂו | |
| 36 | MTשׁבעת ימים תקריבו אשׁה ליהוה ביום השׁמיני מקרא קדשׁ יהיה לכם והקרבתם אשׁה ליהוה עצרת הוא כל מלאכת עבדה לא תעשׂו |
| SPשׁבעת ימים תקריבו אשׁה ליהוה וביום השׁמיני מקרא קדשׁ יהיה לכם והקרבתם אשׁה ליהוה עצרת היא וכל מלאכת עבדה לא תעשׂו | |
| 37 | MTאלה מועדי יהוה אשׁר תקראו אתם מקראי קדשׁ להקריב אשׁה ליהוה עלה ומנחה זבח ונסכים דבר יום ביומו |
| SPאלה מועדי יהוה אשׁר תקראו אתם מקראי קדשׁ להקריב אשׁה ליהוה עלה ומנחה זבח ונסכים דבר יום ביומו | |
| 38 | MTמלבד שׁבתת יהוה ומלבד מתנותיכם ומלבד כל נדריכם ומלבד כל נדבותיכם אשׁר תתנו ליהוה |
| SPמלבד שׁבתות יהוה ומלבד כל מתנתיכם ומלבד כל נדריכם ומלבד כל נדבתיכם אשׁר תתנו ליהוה | |
| 39 | MTאך בחמשׁה עשׂר יום לחדשׁ השׁביעי באספכם את תבואת הארץ תחגו את חג יהוה שׁבעת ימים ביום הראשׁון שׁבתון וביום השׁמיני שׁבתון |
| SPאך בחמשׁה עשׂר יום לחדשׁ השׁביעי באספכם את תבואת הארץ תחגו את חג יהוה שׁבעת ימים ביום הראישׁון שׁבתון וביום השׁמיני שׁבתון | |
| 40 | MTולקחתם לכם ביום הראשׁון פרי עץ הדר כפת תמרים וענף עץ עבת וערבי נחל ושׂמחתם לפני יהוה אלהיכם שׁבעת ימים |
| SPולקחתם לכם ביום הראישׁון פרי עץ הדר כפות תמרים וענפי עץ עבות וערבי נחל ושׂמחתם לפני יהוה אלהיכם שׁבעת ימים | |
| 41 | MTוחגתם אתו חג ליהוה שׁבעת ימים בשׁנה חקת עולם לדרתיכם בחדשׁ השׁביעי תחגו אתו |
| SPוחגתם אתו חג ליהוה שׁבעת ימים בשׁנה חקות עולם לדרתיכם בחדשׁ השׁביעי תחגו אתו | |
| 42 | MTבסכת תשׁבו שׁבעת ימים כל האזרח בישׂראל ישׁבו בסכת |
| SPבסכות תשׁבו שׁבעת ימים כל האזרח בישׂראל ישׁב בסכות | |
| 43 | MTלמען ידעו דרתיכם כי בסכות הושׁבתי את בני ישׂראל בהוציאי אותם מארץ מצרים אני יהוה אלהיכם |
| SPלמען ידעו דרתיכם כי בסכות הושׁבתי את בני ישׂראל בהוצאי אתם מארץ מצרים אני יהוה אלהיכם | |
| 44 | MTוידבר משׁה את מעדי יהוה אל בני ישׂראל |
| SPוידבר משׁה את מועדי יהוה אל בני ישׂראל |