| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל אהרן ואל בניו וינזרו מקדשׁי בני ישׂראל ולא יחללו את שׁם קדשׁי אשׁר הם מקדשׁים לי אני יהוה |
| SPדבר אל אהרן ואל בניו וינזרו מקדשׁי בני ישׂראל ולא יחללו את שׁם קדשׁי אשׁר הם מקדישׁים לי אני יהוה | |
| 3 | MTאמר אלהם לדרתיכם כל אישׁ אשׁר יקרב מכל זרעכם אל הקדשׁים אשׁר יקדישׁו בני ישׂראל ליהוה וטמאתו עליו ונכרתה הנפשׁ ההוא מלפני אני יהוה |
| SPאמר אליהם לדרתיכם כל אישׁ אשׁר יקרב מכל זרעכם אל הקדשׁים אשׁר יקדישׁו בני ישׂראל ליהוה וטמאתו עליו ונכרתה הנפשׁ ההיא מלפני אני יהוה | |
| 4 | MTאישׁ אישׁ מזרע אהרן והוא צרוע או זב בקדשׁים לא יאכל עד אשׁר יטהר והנגע בכל טמא נפשׁ או אישׁ אשׁר תצא ממנו שׁכבת זרע |
| SPאישׁ אישׁ מזרע אהרן והוא צרוע או זב בקדשׁים לא יאכל עד אשׁר יטהר והנגע בכל טמא נפשׁ או אישׁ אשׁר תצא ממנו שׁכבת זרע | |
| 5 | MTאו אישׁ אשׁר יגע בכל שׁרץ אשׁר יטמא לו או באדם אשׁר יטמא לו לכל טמאתו |
| SPאו אישׁ אשׁר יגע בכל שׁרץ טמא אשׁר יטמא לו או באדם אשׁר יטמא לו לכל טמאתו | |
| 6 | MTנפשׁ אשׁר תגע בו וטמאה עד הערב ולא יאכל מן הקדשׁים כי אם רחץ בשׂרו במים |
| SPנפשׁ אשׁר תגע בו וטמא עד הערב ולא יאכל מן הקדשׁים כי אם רחץ בשׂרו במים | |
| 7 | MTובא השׁמשׁ וטהר ואחר יאכל מן הקדשׁים כי לחמו הוא |
| SPובא השׁמשׁ וטהר ואחר יאכל מן הקדשׁים כי לחמו הוא | |
| 8 | MTנבלה וטרפה לא יאכל לטמאה בה אני יהוה |
| SPנבלה וטרפה לא יאכלו לטמאה בה אני יהוה | |
| 9 | MTושׁמרו את משׁמרתי ולא ישׂאו עליו חטא ומתו בו כי יחללהו אני יהוה מקדשׁם |
| SPושׁמרו את משׁמרתי ולא ישׂאו עליו חטא ומתו בו כי יחללהו אני יהוה מקדשׁם | |
| 10 | MTוכל זר לא יאכל קדשׁ תושׁב כהן ושׂכיר לא יאכל קדשׁ |
| SPוכל זר לא יאכל קדשׁ תושׁב כהן ושׂכיר לא יאכל קדשׁ | |
| 11 | MTוכהן כי יקנה נפשׁ קנין כספו הוא יאכל בו ויליד ביתו הם יאכלו בלחמו |
| SPוכהן כי יקנה נפשׁ קנין כספו הוא יאכל בו וילידי ביתו הם יאכלו בלחמו | |
| 12 | MTובת כהן כי תהיה לאישׁ זר הוא בתרומת הקדשׁים לא תאכל |
| SPובת כהן כי תהיה לאישׁ זר היא בתרומת הקדשׁים לא תאכל | |
| 13 | MTובת כהן כי תהיה אלמנה וגרושׁה וזרע אין לה ושׁבה אל בית אביה כנעוריה מלחם אביה תאכל וכל זר לא יאכל בו |
| SPובת כהן כי תהיה אלמנה וגרושׁה וזרע אין לה ושׁבה אל בית אביה כנעריה מלחם אביה תאכל וכל זר לא יאכל בו | |
| 14 | MTואישׁ כי יאכל קדשׁ בשׁגגה ויסף חמשׁיתו עליו ונתן לכהן את הקדשׁ |
| SPואישׁ כי יאכל קדשׁ בשׁגגה ויסף חמישׁתו עליו ונתן לכהן את הקדשׁ | |
| 15 | MTולא יחללו את קדשׁי בני ישׂראל את אשׁר ירימו ליהוה |
| SPולא יחללו את קדשׁי בני ישׂראל אשׁר ירימו ליהוה | |
| 16 | MTוהשׂיאו אותם עון אשׁמה באכלם את קדשׁיהם כי אני יהוה מקדשׁם |
| SPוהשׂיאו אתם עון אשׁמה באכלם את קדשׁיהם כי אני יהוה מקדשׁם | |
| 17 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 18 | MTדבר אל אהרן ואל בניו ואל כל בני ישׂראל ואמרת אלהם אישׁ אישׁ מבית ישׂראל ומן הגר בישׂראל אשׁר יקריב קרבנו לכל נדריהם ולכל נדבותם אשׁר יקריבו ליהוה לעלה |
| SPדבר אל אהרן ואל בניו ואל כל בני ישׂראל ואמרת אליהם אישׁ אישׁ מבית ישׂראל ומן הגר הגר בישׂראל אשׁר יקריב קרבנו לכל נדריהם ולכל נדבתם אשׁר יקריבו ליהוה לעלה | |
| 19 | MTלרצנכם תמים זכר בבקר בכשׂבים ובעזים |
| SPלרצונכם תמים זכר בבקר או בכשׂבים או בעזים | |
| 20 | MTכל אשׁר בו מום לא תקריבו כי לא לרצון יהיה לכם |
| SPכל אשׁר בו מום לא תקריבו כי לא לרצון יהיה לכם | |
| 21 | MTואישׁ כי יקריב זבח שׁלמים ליהוה לפלא נדר או לנדבה בבקר או בצאן תמים יהיה לרצון כל מום לא יהיה בו |
| SPואישׁ כי יקריב זבח שׁלמים ליהוה לפלא נדר או נדבה בבקר או בצאן תמים יהיה לרצון וכל מום לא יהיה בו | |
| 22 | MTעורת או שׁבור או חרוץ או יבלת או גרב או ילפת לא תקריבו אלה ליהוה ואשׁה לא תתנו מהם על המזבח ליהוה |
| SPעורת או שׁבור או חרוץ או יבלת או גרב או ילפת לא תקריבו אלה ליהוה ואשׁה לא תתנו מהם על המזבח ליהוה | |
| 23 | MTושׁור ושׂה שׂרוע וקלוט נדבה תעשׂה אתו ולנדר לא ירצה |
| SPושׁור ושׂה שׂרוע וקלוט נדבה תעשׂו אתו ולנדר לא ירצה | |
| 24 | MTומעוך וכתות ונתוק וכרות לא תקריבו ליהוה ובארצכם לא תעשׂו |
| SPומעוך וכתות ונתוק וכרות לא תקריבו ליהוה ובארצכם לא תעשׂו | |
| 25 | MTומיד בן נכר לא תקריבו את לחם אלהיכם מכל אלה כי משׁחתם בהם מום בם לא ירצו לכם |
| SPומיד בן נכר לא תקריבו את לחם אלהיכם מכל אלה כי משׁחיתים בהם מום בם לא ירצו לכם | |
| 26 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 27 | MTשׁור או כשׂב או עז כי יולד והיה שׁבעת ימים תחת אמו ומיום השׁמיני והלאה ירצה לקרבן אשׁה ליהוה |
| SPשׁור או כשׂב או עז כי יולד והיה שׁבעת ימים תחת אמו ומיום השׁמיני והלאה ירצה לקרבן אשׁה ליהוה | |
| 28 | MTושׁור או שׂה אתו ואת בנו לא תשׁחטו ביום אחד |
| SPושׁור ושׂה אתו ואת בנו לא תשׁחטו ביום אחד | |
| 29 | MTוכי תזבחו זבח תודה ליהוה לרצנכם תזבחו |
| SPוכי תזבחו זבח תודה ליהוה לרצונכם תזבחהו | |
| 30 | MTביום ההוא יאכל לא תותירו ממנו עד בקר אני יהוה |
| SPביום ההוא יאכל לא תותירו ממנו עד בקר אני יהוה | |
| 31 | MTושׁמרתם מצותי ועשׂיתם אתם אני יהוה |
| SPושׁמרתם את מצותי ועשׂיתם אתם | |
| 32 | MTולא תחללו את שׁם קדשׁי ונקדשׁתי בתוך בני ישׂראל אני יהוה מקדשׁכם |
| SPולא תחללו את שׁם קדשׁי ונקדשׁתי בתוך בני ישׂראל אני יהוה מקדשׁם | |
| 33 | MTהמוציא אתכם מארץ מצרים להיות לכם לאלהים אני יהוה |
| SPהמוצא אתכם מארץ מצרים להיות לכם לאלהים אני יהוה |