| 1 | MTויאמר יהוה אל משׁה אמר אל הכהנים בני אהרן ואמרת אלהם לנפשׁ לא יטמא בעמיו |
| SPויאמר יהוה אל משׁה אמר אל הכהנים בני אהרן ואמרת אליהם לנפשׁ לא יטמא בעמו | |
| 2 | MTכי אם לשׁארו הקרב אליו לאמו ולאביו ולבנו ולבתו ולאחיו |
| SPכי אם לשׁארו הקרוב אליו לאביו ולאמו לבנו ולבתו לאחיו | |
| 3 | MTולאחתו הבתולה הקרובה אליו אשׁר לא היתה לאישׁ לה יטמא |
| SPולאחותו הבתולה הקרובה אליו אשׁר לא היתה לאישׁ לה יטמא | |
| 4 | MTלא יטמא בעל בעמיו להחלו |
| SPלא יטמא בעל בעמו להחלו | |
| 5 | MTלא יקרחה קרחה בראשׁם ופאת זקנם לא יגלחו ובבשׂרם לא ישׂרטו שׂרטת |
| SPולא יקרחו קרחה בראשׁם ופאת זקנם לא יגלחו ובבשׂרם לא ישׂרטו שׂרטה | |
| 6 | MTקדשׁים יהיו לאלהיהם ולא יחללו שׁם אלהיהם כי את אשׁי יהוה לחם אלהיהם הם מקריבם והיו קדשׁ |
| SPקדישׁים יהיו לאלהיהם ולא יחללו את שׁם אלהיהם כי את אשׁי יהוה לחם אלהיהם הם מקרבים והיו קדישׁים | |
| 7 | MTאשׁה זנה וחללה לא יקחו ואשׁה גרושׁה מאישׁה לא יקחו כי קדשׁ הוא לאלהיו |
| SPאשׁה זונה וחללה לא יקחו ואשׁה גרושׁה מאישׁה לא יקחו כי קדושׁ הוא לאלהיו | |
| 8 | MTוקדשׁתו כי את לחם אלהיך הוא מקריב קדשׁ יהיה לך כי קדושׁ אני יהוה מקדשׁכם |
| SPוקדשׁתו כי את לחם אלהיך הוא מקריב קדושׁ יהיה לך כי קדושׁ אני יהוה מקדשׁם | |
| 9 | MTובת אישׁ כהן כי תחל לזנות את אביה היא מחללת באשׁ תשׂרף |
| SPובת אישׁ כהן כי תחל לזנות את אביה היא מחללת באשׁ תשׂרף | |
| 10 | MTוהכהן הגדול מאחיו אשׁר יוצק על ראשׁו שׁמן המשׁחה ומלא את ידו ללבשׁ את הבגדים את ראשׁו לא יפרע ובגדיו לא יפרם |
| SPוהכהן הגדול מאחיו אשׁר יוצק על ראשׁו שׁמן המשׁחה ומלא ידו ללבשׁ את הבגדים את ראשׁו לא יפרע ובגדיו לא יפרם | |
| 11 | MTועל כל נפשׁת מת לא יבא לאביו ולאמו לא יטמא |
| SPועל כל נפשׁות מת לא יבוא לאביו ולאמו לא יטמא | |
| 12 | MTומן המקדשׁ לא יצא ולא יחלל את מקדשׁ אלהיו כי נזר שׁמן משׁחת אלהיו עליו אני יהוה |
| SPומן המקדשׁ לא יצא ולא יחלל את מקדשׁ אלהיו כי נזר שׁמן משׁחת אלהיו עליו אני יהוה | |
| 13 | MTוהוא אשׁה בבתוליה יקח |
| SPוהוא אשׁה בבתוליה יקח | |
| 14 | MTאלמנה וגרושׁה וחללה זנה את אלה לא יקח כי אם בתולה מעמיו יקח אשׁה |
| SPאלמנה וגרושׁה וחללה וזונה את אלה לא יקח כי אם בתולה מעמו יקח אשׁה | |
| 15 | MTולא יחלל זרעו בעמיו כי אני יהוה מקדשׁו |
| SPולא יחלל זרעו בעמו כי אני יהוה מקדשׁו | |
| 16 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 17 | MTדבר אל אהרן לאמר אישׁ מזרעך לדרתם אשׁר יהיה בו מום לא יקרב להקריב לחם אלהיו |
| SPדבר אל אהרן לאמר אישׁ מזרעך לדרותם אשׁר יהיה בו מום לא יקרב להגישׁ לחם אלהיו | |
| 18 | MTכי כל אישׁ אשׁר בו מום לא יקרב אישׁ עור או פסח או חרם או שׂרוע |
| SPכי כל אישׁ אשׁר יהיה בו מום לא יקרב אישׁ עור או פסח או חרום או שׂרוע | |
| 19 | MTאו אישׁ אשׁר יהיה בו שׁבר רגל או שׁבר יד |
| SPאו אישׁ אשׁר יהיה בו שׁבר רגל או שׁבר יד | |
| 20 | MTאו גבן או דק או תבלל בעינו או גרב או ילפת או מרוח אשׁך |
| SPאו גבן או דק או תבלל בעיניו או גרב או ילפת או מרוח אשׁך | |
| 21 | MTכל אישׁ אשׁר בו מום מזרע אהרן הכהן לא יגשׁ להקריב את אשׁי יהוה מום בו את לחם אלהיו לא יגשׁ להקריב |
| SPכל אישׁ אשׁר בו מום מזרע אהרן הכהן לא יגישׁ את אשׁי יהוה מום בו לא יגשׁ להקריב | |
| 22 | MTלחם אלהיו מקדשׁי הקדשׁים ומן הקדשׁים יאכל |
| SPלחם אלהיו מקדשׁי הקדשׁים ומן הקדשׁים יאכל | |
| 23 | MTאך אל הפרכת לא יבא ואל המזבח לא יגשׁ כי מום בו ולא יחלל את מקדשׁי כי אני יהוה מקדשׁם |
| SPאך אל הפרכת לא יבוא ואל המזבח לא יגשׁ כי מום בו ולא יחלל את מקדשׁי כי אני יהוה מקדשׁם | |
| 24 | MTוידבר משׁה אל אהרן ואל בניו ואל כל בני ישׂראל |
| SPוידבר משׁה אל אהרן ואל בניו ואל כל בני ישׂראל |