| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTואל בני ישׂראל תאמר אישׁ אישׁ מבני ישׂראל ומן הגר הגר בישׂראל אשׁר יתן מזרעו למלך מות יומת עם הארץ ירגמהו באבן |
| SPואל בני ישׂראל תדבר אישׁ אישׁ מבית ישׂראל ומן הגר הגר בישׂראל אשׁר יתן מזרעו למלך מות יומת עם הארץ ירגמהו באבן | |
| 3 | MTואני אתן את פני באישׁ ההוא והכרתי אתו מקרב עמו כי מזרעו נתן למלך למען טמא את מקדשׁי ולחלל את שׁם קדשׁי |
| SPואני אתן את פני באישׁ ההוא והכרתי אתו מקרב עמו כי מזרעו נתן למלך למען טמא את מקדשׁי וחלל את שׁם קדשׁי | |
| 4 | MTואם העלם יעלימו עם הארץ את עיניהם מן האישׁ ההוא בתתו מזרעו למלך לבלתי המית אתו |
| SPואם העלם יעלמו עם הארץ את עיניהם מן האישׁ ההוא בתתו מזרעו למלך לבלתי המית אתו | |
| 5 | MTושׂמתי אני את פני באישׁ ההוא ובמשׁפחתו והכרתי אתו ואת כל הזנים אחריו לזנות אחרי המלך מקרב עמם |
| SPושׂמתי אני את פני באישׁ ההוא ובמשׁפחתו והכרתי אתו ואת כל הזנים אחריו לזנות אחרי המלך מקרב עמם | |
| 6 | MTוהנפשׁ אשׁר תפנה אל האבת ואל הידענים לזנות אחריהם ונתתי את פני בנפשׁ ההוא והכרתי אתו מקרב עמו |
| SPוהנפשׁ אשׁר תפנה אל האובות ואל הידעונים לזנות אחריהם ונתתי את פני בנפשׁ ההיא והכרתי אתה מקרב עמה | |
| 7 | MTוהתקדשׁתם והייתם קדשׁים כי אני יהוה אלהיכם |
| SPוהייתם קדישׁים כי קדושׁ אני יהוה אלהיכם | |
| 8 | MTושׁמרתם את חקתי ועשׂיתם אתם אני יהוה מקדשׁכם |
| SPושׁמרתם את כל חקותי ועשׂיתם אתם אני יהוה מקדשׁכם | |
| 9 | MTכי אישׁ אישׁ אשׁר יקלל את אביו ואת אמו מות יומת אביו ואמו קלל דמיו בו |
| SPכי אישׁ אישׁ אשׁר יקלל את אביו ואת אמו מות יומת אביו ואמו קלל דמו בו | |
| 10 | MTואישׁ אשׁר ינאף את אשׁת אישׁ אשׁר ינאף את אשׁת רעהו מות יומת הנאף והנאפת |
| SPואישׁ אשׁר ינאף את אשׁת אישׁ אשׁר ינאף את אשׁת רעהו מות יומת הנאף והנאפת | |
| 11 | MTואישׁ אשׁר ישׁכב את אשׁת אביו ערות אביו גלה מות יומתו שׁניהם דמיהם בם |
| SPואישׁ אשׁר ישׁכב את אשׁת אביו ערות אביו גלה מות יומתו שׁניהם דמיהם בם | |
| 12 | MTואישׁ אשׁר ישׁכב את כלתו מות יומתו שׁניהם תבל עשׂו דמיהם בם |
| SPואישׁ אשׁר ישׁכב את כלתו מות יומתו שׁניהם תבל עשׂו דמיהם בם | |
| 13 | MTואישׁ אשׁר ישׁכב את זכר משׁכבי אשׁה תועבה עשׂו שׁניהם מות יומתו דמיהם בם |
| SPואישׁ אשׁר ישׁכב את זכר משׁכבי אשׁה תועבה עשׂו מות יומתו שׁניהם דמיהם בם | |
| 14 | MTואישׁ אשׁר יקח את אשׁה ואת אמה זמה הוא באשׁ ישׂרפו אתו ואתהן ולא תהיה זמה בתוככם |
| SPואישׁ אשׁר יקח את אשׁה ואת אמה זמה היא באשׁ ישׂרפו אתו ואתהן ולא תהיה זמה בתוככם | |
| 15 | MTואישׁ אשׁר יתן שׁכבתו בבהמה מות יומת ואת הבהמה תהרגו |
| SPואישׁ אשׁר יתן שׁכבתו בבהמה מות יומת ואת הבהמה תהרגו | |
| 16 | MTואשׁה אשׁר תקרב אל כל בהמה לרבעה אתה והרגת את האשׁה ואת הבהמה מות יומתו דמיהם בם |
| SPואשׁה אשׁר תקרב אל כל בהמה לרבעה אתה והרגת את האשׁה ואת הבהמה מות יומתו דמיהם בם | |
| 17 | MTואישׁ אשׁר יקח את אחתו בת אביו או בת אמו וראה את ערותה והיא תראה את ערותו חסד הוא ונכרתו לעיני בני עמם ערות אחתו גלה עונו ישׂא |
| SPואישׁ אשׁר יקח את אחותו בת אביו או בת אמו וראה את ערותה והיא תראה את ערותו חסד הוא ונכרתו לעיני בני עמם ערות אחותו גלה עונו ישׂא | |
| 18 | MTואישׁ אשׁר ישׁכב את אשׁה דוה וגלה את ערותה את מקרה הערה והיא גלתה את מקור דמיה ונכרתו שׁניהם מקרב עמם |
| SPואישׁ אשׁר ישׁכב את אשׁה דוה וגלה את ערותה את מקור הערוה והיא גלתה את מקור דמיה ונכרתו שׁניהם מקרב עמם | |
| 19 | MTוערות אחות אמך ואחות אביך לא תגלה כי את שׁארו הערה עונם ישׂאו |
| SPערות אחות אביך ואחות אמך לא תגלה כי את שׁאר הערוה עונם ישׂאו | |
| 20 | MTואישׁ אשׁר ישׁכב את דדתו ערות דדו גלה חטאם ישׂאו ערירים ימתו |
| SPואישׁ אשׁר ישׁכב את דדתו את ערות דדו גלה חטאם ישׂאו עררים יומתו | |
| 21 | MTואישׁ אשׁר יקח את אשׁת אחיו נדה הוא ערות אחיו גלה ערירים יהיו |
| SPואישׁ אשׁר יקח את אשׁת אחיו נדה היא ערות אחיו גלה עררים יהיו | |
| 22 | MTושׁמרתם את כל חקתי ואת כל משׁפטי ועשׂיתם אתם ולא תקיא אתכם הארץ אשׁר אני מביא אתכם שׁמה לשׁבת בה |
| SPושׁמרתם את כל חקותי ואת כל משׁפטי ועשׂיתם אתם ולא תקיא הארץ אתכם אשׁר אני מביא אתכם שׁמה לשׁבת בה | |
| 23 | MTולא תלכו בחקת הגוי אשׁר אני משׁלח מפניכם כי את כל אלה עשׂו ואקץ בם |
| SPולא תלכו בחקות הגוים אשׁר אני משׁלח מפניכם כי את כל אלה עשׂו ואקץ בם | |
| 24 | MTואמר לכם אתם תירשׁו את אדמתם ואני אתננה לכם לרשׁת אתה ארץ זבת חלב ודבשׁ אני יהוה אלהיכם אשׁר הבדלתי אתכם מן העמים |
| SPואמר לכם אתם תירשׁו את אדמתם ואני אתננה לכם לרשׁת אתה ארץ זבת חלב ודבשׁ אני יהוה אלהיכם אשׁר הבדלתי אתכם מן העמים | |
| 25 | MTוהבדלתם בין הבהמה הטהרה לטמאה ובין העוף הטמא לטהר ולא תשׁקצו את נפשׁתיכם בבהמה ובעוף ובכל אשׁר תרמשׂ האדמה אשׁר הבדלתי לכם לטמא |
| SPוהבדלתם בין הבהמה הטהרה לטמאה ובין העוף הטמא לטהור ולא תשׁקצו את נפשׁתיכם בבהמה ובעוף ובכל אשׁר תרמשׂ האדמה אשׁר הבדלתי לכם לטמאה | |
| 26 | MTוהייתם לי קדשׁים כי קדושׁ אני יהוה ואבדל אתכם מן העמים להיות לי |
| SPוהייתם לי קדישׁים כי אני יהוה ואבדיל אתכם מן העמים להיות לי | |
| 27 | MTואישׁ או אשׁה כי יהיה בהם אוב או ידעני מות יומתו באבן ירגמו אתם דמיהם בם |
| SPואישׁ או אשׁה אשׁר יהיה בהם אוב או ידעוני מות יומתו באבנים תרגמום דמיהם בם |