| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל כל עדת בני ישׂראל ואמרת אלהם קדשׁים תהיו כי קדושׁ אני יהוה אלהיכם |
| SPדבר אל כל עדת בני ישׂראל ואמרת אליהם קדישׁים תהיו כי קדושׁ אני יהוה אלהיכם | |
| 3 | MTאישׁ אמו ואביו תיראו ואת שׁבתתי תשׁמרו אני יהוה אלהיכם |
| SPאישׁ אמו ואביו תיראו ואת שׁבתתי תשׁמרו אני יהוה אלהיכם | |
| 4 | MTאל תפנו אל האלילים ואלהי מסכה לא תעשׂו לכם אני יהוה אלהיכם |
| SPאל תפנו אל האלילים ואלהי מסכה לא תעשׂו לכם אני יהוה אלהיכם | |
| 5 | MTוכי תזבחו זבח שׁלמים ליהוה לרצנכם תזבחהו |
| SPוכי תזבחו זבח שׁלמים ליהוה לרצונכם תזבחהו | |
| 6 | MTביום זבחכם יאכל וממחרת והנותר עד יום השׁלישׁי באשׁ ישׂרף |
| SPביום זבחכם יאכל וממחרת והנותר עד יום השׁלישׁי באשׁ ישׂרף | |
| 7 | MTואם האכל יאכל ביום השׁלישׁי פגול הוא לא ירצה |
| SPואם אכל יאכל ביום השׁלישׁי פגול הוא לא ירצה | |
| 8 | MTואכליו עונו ישׂא כי את קדשׁ יהוה חלל ונכרתה הנפשׁ ההוא מעמיה |
| SPואכלו עונו ישׂא כי את קדשׁ יהוה חלל ונכרתה הנפשׁ ההיא מעמיה | |
| 9 | MTובקצרכם את קציר ארצכם לא תכלה פאת שׂדך לקצר ולקט קצירך לא תלקט |
| SPובקצירכם את קציר ארצכם לא תכלה פאת שׂדך לקצר ולקט קצירך לא תלקט | |
| 10 | MTוכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם |
| SPוכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם | |
| 11 | MTלא תגנבו ולא תכחשׁו ולא תשׁקרו אישׁ בעמיתו |
| SPלא תגנבו ולא תכחשׁו ולא תשׁקרו אישׁ בעמיתו | |
| 12 | MTולא תשׁבעו בשׁמי לשׁקר וחללת את שׁם אלהיך אני יהוה |
| SPולא תשׁבעו בשׁמי לשׁקר וחללת את שׁם אלהיך אני יהוה | |
| 13 | MTלא תעשׁק את רעך ולא תגזל לא תלין פעלת שׂכיר אתך עד בקר |
| SPלא תעשׁק את רעך ולא תגזל לא תלין פעלת שׂכיר אתך עד בקר | |
| 14 | MTלא תקלל חרשׁ ולפני עור לא תתן מכשׁל ויראת מאלהיך אני יהוה |
| SPלא תקלל חרשׁ ולפני עור לא תתן מכשׁול ויראת מאלהיך אני יהוה | |
| 15 | MTלא תעשׂו עול במשׁפט לא תשׂא פני דל ולא תהדר פני גדול בצדק תשׁפט עמיתך |
| SPלא תעשׂה עול במשׁפט לא תשׂא פני דל ולא תהדר פני גדול בצדק תשׁפט את עמיתך | |
| 16 | MTלא תלך רכיל בעמיך לא תעמד על דם רעך אני יהוה |
| SPלא תלך רכיל בעמך ולא תעמד על דם רעך אני יהוה | |
| 17 | MTלא תשׂנא את אחיך בלבבך הוכח תוכיח את עמיתך ולא תשׂא עליו חטא |
| SPלא תשׂנא את אחיך בלבבך הוכיח תוכיח את עמיתך ולא תשׂא עליו חטא | |
| 18 | MTלא תקם ולא תטר את בני עמך ואהבת לרעך כמוך אני יהוה |
| SPלא תקום ולא תהטר את בני עמך ואהבת לרעך כמוך אני יהוה | |
| 19 | MTאת חקתי תשׁמרו בהמתך לא תרביע כלאים שׂדך לא תזרע כלאים ובגד כלאים שׁעטנז לא יעלה עליך |
| SPאת חקותי תשׁמרו בהמתך לא תרביע כלאים ושׂדך לא תזרע כלאים ובגד כלאים שׁעטניז לא יעלה עליך | |
| 20 | MTואישׁ כי ישׁכב את אשׁה שׁכבת זרע והוא שׁפחה נחרפת לאישׁ והפדה לא נפדתה או חפשׁה לא נתן לה בקרת תהיה לא יומתו כי לא חפשׁה |
| SPואישׁ כי ישׁכב את אשׁה שׁכבת זרע והיא שׁפחה נחרפת לאישׁ והפדה לא נפדתה או חפשׁי לא נתן לה בקרת תהיה לו לא יומת כי לא חפשׁה | |
| 21 | MTוהביא את אשׁמו ליהוה אל פתח אהל מועד איל אשׁם |
| SPוהביא את אשׁמו ליהוה אל פתח אהל מועד איל אשׁם | |
| 22 | MTוכפר עליו הכהן באיל האשׁם לפני יהוה על חטאתו אשׁר חטא ונסלח לו מחטאתו אשׁר חטא |
| SPוכפר עליו הכהן באיל האשׁם לפני יהוה על חטאתו אשׁר חטא ונסלח לו מחטאתו אשׁר חטא | |
| 23 | MTוכי תבאו אל הארץ ונטעתם כל עץ מאכל וערלתם ערלתו את פריו שׁלשׁ שׁנים יהיה לכם ערלים לא יאכל |
| SPוכי תבאו אל הארץ ונטעתם כל עץ מאכל וערלתם את ערלתו את פריו שׁלשׁ שׁנים יהיה לכם ערלים לא יאכל | |
| 24 | MTובשׁנה הרביעת יהיה כל פריו קדשׁ הלולים ליהוה |
| SPובשׁנה הרביעית יהיו כל פריו קדשׁ חללים ליהוה | |
| 25 | MTובשׁנה החמישׁת תאכלו את פריו להוסיף לכם תבואתו אני יהוה אלהיכם |
| SPובשׁנה החמישׁית תאכלו את פריו להסיף לכם תבואתו אני יהוה אלהיכם | |
| 26 | MTלא תאכלו על הדם לא תנחשׁו ולא תעוננו |
| SPלא תאכלו על הדם ולא תנחשׁו ולא תעננו | |
| 27 | MTלא תקפו פאת ראשׁכם ולא תשׁחית את פאת זקנך |
| SPולא תקיפו את פאת ראשׁכם ולא תשׁחיתו את פאת זקנכם | |
| 28 | MTושׂרט לנפשׁ לא תתנו בבשׂרכם וכתבת קעקע לא תתנו בכם אני יהוה |
| SPושׂרטה לנפשׁ לא תתנו בבשׂרכם וכתבת קעקע לא תתנו בכם אני יהוה | |
| 29 | MTאל תחלל את בתך להזנותה ולא תזנה הארץ ומלאה הארץ זמה |
| SPאל תחלל את בתך להזנותה ולא תזנה הארץ ומלאה הארץ זמה | |
| 30 | MTאת שׁבתתי תשׁמרו ומקדשׁי תיראו אני יהוה |
| SPאת שׁבתתי תשׁמרו ומקדשׁי תיראו אני יהוה | |
| 31 | MTאל תפנו אל האבת ואל הידענים אל תבקשׁו לטמאה בהם אני יהוה אלהיכם |
| SPאל תפנו אל האובות ואל הידעונים אל תבקשׁו לטמאה בהם אני יהוה אלהיכם | |
| 32 | MTמפני שׂיבה תקום והדרת פני זקן ויראת מאלהיך אני יהוה |
| SPמפני שׂיבה תקום והדרת פני זקן ויראת מאלהיך אני יהוה | |
| 33 | MTוכי יגור אתך גר בארצכם לא תונו אתו |
| SPוכי יגור אתכם גר בארצכם לא תונו אתו | |
| 34 | MTכאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם |
| SPכאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם | |
| 35 | MTלא תעשׂו עול במשׁפט במדה במשׁקל ובמשׂורה |
| SPלא תעשׂו עול במשׁפט במדה במשׁקול ובמשׂורה | |
| 36 | MTמאזני צדק אבני צדק איפת צדק והין צדק יהיה לכם אני יהוה אלהיכם אשׁר הוצאתי אתכם מארץ מצרים |
| SPמאזני צדק אבני צדק איפת צדק והין צדק יהיה לכם אני יהוה אלהיכם אשׁר הוצאתי אתכם מארץ מצרים | |
| 37 | MTושׁמרתם את כל חקתי ואת כל משׁפטי ועשׂיתם אתם אני יהוה |
| SPושׁמרתם את כל חקותי ואת כל משׁפטי ועשׂיתם אתם אני יהוה |