| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל בני ישׂראל ואמרת אלהם אני יהוה אלהיכם |
| SPדבר אל בני ישׂראל ואמרת אליהם אני יהוה אלהיכם | |
| 3 | MTכמעשׂה ארץ מצרים אשׁר ישׁבתם בה לא תעשׂו וכמעשׂה ארץ כנען אשׁר אני מביא אתכם שׁמה לא תעשׂו ובחקתיהם לא תלכו |
| SPכמעשׂה ארץ מצרים אשׁר ישׁבתם בה לא תעשׂו וכמעשׂה ארץ כנען אשׁר אני מביא אתכם שׁמה לא תעשׂו ובחקתיהם לא תלכו | |
| 4 | MTאת משׁפטי תעשׂו ואת חקתי תשׁמרו ללכת בהם אני יהוה אלהיכם |
| SPאת משׁפטי תעשׂו ואת חקותי תשׁמרו ללכת בהם אני יהוה אלהיכם | |
| 5 | MTושׁמרתם את חקתי ואת משׁפטי אשׁר יעשׂה אתם האדם וחי בהם אני יהוה |
| SPושׁמרתם את חקותי ואת משׁפטי אשׁר יעשׂה אתם האדם וחיה בהם אני יהוה | |
| 6 | MTאישׁ אישׁ אל כל שׁאר בשׂרו לא תקרבו לגלות ערוה אני יהוה |
| SPאישׁ אישׁ אל כל שׁאר בשׂרו לא תקרבו לגלות ערוה אני יהוה | |
| 7 | MTערות אביך וערות אמך לא תגלה אמך הוא לא תגלה ערותה |
| SPערות אביך וערות אמך לא תגלה אמך היא לא תגלה ערותה | |
| 8 | MTערות אשׁת אביך לא תגלה ערות אביך הוא |
| SPערות אשׁת אביך לא תגלה ערות אביך היא | |
| 9 | MTערות אחותך בת אביך או בת אמך מולדת בית או מולדת חוץ לא תגלה ערותן |
| SPערות אחותך בת אביך או בת אמך מולדת בית או מולדת חוץ לא תגלה ערותה | |
| 10 | MTערות בת בנך או בת בתך לא תגלה ערותן כי ערותך הנה |
| SPערות בת בנך או בת בתך לא תגלה ערותן כי ערותך הנה | |
| 11 | MTערות בת אשׁת אביך מולדת אביך אחותך הוא לא תגלה ערותה |
| SPערות בת אשׁת אביך מולדת אביך אחותך היא לא תגלה ערותה | |
| 12 | MTערות אחות אביך לא תגלה שׁאר אביך הוא |
| SPערות אחות אביך לא תגלה שׁאר אביך היא | |
| 13 | MTערות אחות אמך לא תגלה כי שׁאר אמך הוא |
| SPערות אחות אמך לא תגלה שׁאר אמך היא | |
| 14 | MTערות אחי אביך לא תגלה אל אשׁתו לא תקרב דדתך הוא |
| SPערות אחי אביך לא תגלה ואל אשׁתו לא תקרב דדתך היא | |
| 15 | MTערות כלתך לא תגלה אשׁת בנך הוא לא תגלה ערותה |
| SPערות כלתך לא תגלה אשׁת בנך היא לא תגלה ערותה | |
| 16 | MTערות אשׁת אחיך לא תגלה ערות אחיך הוא |
| SPערות אשׁת אחיך לא תגלה ערות אחיך היא | |
| 17 | MTערות אשׁה ובתה לא תגלה את בת בנה ואת בת בתה לא תקח לגלות ערותה שׁארה הנה זמה הוא |
| SPערות אשׁה ובתה לא תגלה את בת בנה ואת בת בתה לא תקח לגלות ערותה שׁארה הנה זמה היא | |
| 18 | MTואשׁה אל אחתה לא תקח לצרר לגלות ערותה עליה בחייה |
| SPואשׁה על אחותה לא תקח לצרר לגלות ערותה עליה בחייה | |
| 19 | MTואל אשׁה בנדת טמאתה לא תקרב לגלות ערותה |
| SPואל אשׁה בנדת טמאתה לא תקרב לגלות ערותה | |
| 20 | MTואל אשׁת עמיתך לא תתן שׁכבתך לזרע לטמאה בה |
| SPואל אשׁת עמיתך לא תתן שׁכבתך לזרע לטמאה בה | |
| 21 | MTומזרעך לא תתן להעביר למלך ולא תחלל את שׁם אלהיך אני יהוה |
| SPומזרעך לא תתן להעביד למלך ולא תחלל את שׁם אלהיך אני יהוה | |
| 22 | MTואת זכר לא תשׁכב משׁכבי אשׁה תועבה הוא |
| SPואת זכר לא תשׁכב משׁכבי אשׁה תועבה היא | |
| 23 | MTובכל בהמה לא תתן שׁכבתך לטמאה בה ואשׁה לא תעמד לפני בהמה לרבעה תבל הוא |
| SPובכל בהמה לא תתן שׁכבתך לטמאה בה ואשׁה לא תעמד לפני בהמה לרבעה תבל הוא | |
| 24 | MTאל תטמאו בכל אלה כי בכל אלה נטמאו הגוים אשׁר אני משׁלח מפניכם |
| SPאל תטמאו בכל אלה כי בכל אלה נטמאו הגוים אשׁר אני משׁלח מפניכם | |
| 25 | MTותטמא הארץ ואפקד עונה עליה ותקא הארץ את ישׁביה |
| SPותטמא הארץ ואפקד עונה עליה ותקיא הארץ את ישׁביה | |
| 26 | MTושׁמרתם אתם את חקתי ואת משׁפטי ולא תעשׂו מכל התועבת האלה האזרח והגר הגר בתוככם |
| SPושׁמרתם את חקותי ואת משׁפטי ולא תעשׂו מכל התועבות האלה האזרח והגר הגר בתוככם | |
| 27 | MTכי את כל התועבת האל עשׂו אנשׁי הארץ אשׁר לפניכם ותטמא הארץ |
| SPכי את כל התועבות האלה עשׂו אנשׁי הארץ אשׁר לפניכם ותטמא הארץ | |
| 28 | MTולא תקיא הארץ אתכם בטמאכם אתה כאשׁר קאה את הגוי אשׁר לפניכם |
| SPולא תקיא הארץ אתכם בטמאכם אתה כאשׁר קאה את הגוי אשׁר לפניכם | |
| 29 | MTכי כל אשׁר יעשׂה מכל התועבות האלה ונכרתו הנפשׁות העשׂת מקרב עמם |
| SPכי כל אשׁר יעשׂה מכל התועבות האלה ונכרתו הנפשׁות העשׂות מקרב עמם | |
| 30 | MTושׁמרתם את משׁמרתי לבלתי עשׂות מחקות התועבת אשׁר נעשׂו לפניכם ולא תטמאו בהם אני יהוה אלהיכם |
| SPושׁמרתם את משׁמרתי לבלתי עשׂות מחקות התועבות אשׁר נעשׂו לפניכם ולא תטמאו בהן כי אני יהוה אלהיכם |