| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל אהרן ואל בניו ואל כל בני ישׂראל ואמרת אליהם זה הדבר אשׁר צוה יהוה לאמר |
| SPדבר אל אהרן ואל בניו ואל כל בני ישׂראל ואמרת אליהם זה הדבר אשׁר צוה יהוה לאמר | |
| 3 | MTאישׁ אישׁ מבית ישׂראל אשׁר ישׁחט שׁור או כשׂב או עז במחנה או אשׁר ישׁחט מחוץ למחנה |
| SPאישׁ אישׁ מבית ישׂראל אשׁר ישׁחט שׁור או כשׂב או עז במחנה או אשׁר ישׁחט מחוץ למחנה | |
| 4 | MTואל פתח אהל מועד לא הביאו להקריב קרבן ליהוה לפני משׁכן יהוה דם יחשׁב לאישׁ ההוא דם שׁפך ונכרת האישׁ ההוא מקרב עמו |
| SPואל פתח אהל מועד לא הביאו לעשׂות אתו עלה או שׁלמים ליהוה לרצונכם לריח ניחח וישׁחטהו בחוץ ואל פתח אהל מועד לא הביאו להקריבו קרבן ליהוה לפני משׁכן יהוה דם יחשׁב לאישׁ ההוא דם שׁפך ונכרת האישׁ ההוא מקרב עמיו | |
| 5 | MTלמען אשׁר יביאו בני ישׂראל את זבחיהם אשׁר הם זבחים על פני השׂדה והביאם ליהוה אל פתח אהל מועד אל הכהן וזבחו זבחי שׁלמים ליהוה אותם |
| SPלמען אשׁר יביאו בני ישׂראל את זבחיהם אשׁר הם זבחים על פני השׂדה והבאום ליהוה אל פתח אהל מועד אל הכהן וזבחו זבחי שׁלמים ליהוה אתם | |
| 6 | MTוזרק הכהן את הדם על מזבח יהוה פתח אהל מועד והקטיר החלב לריח ניחח ליהוה |
| SPוזרק הכהן את הדם על מזבח יהוה אשׁר פתח אהל מועד והקטיר החלב לריח ניחח ליהוה | |
| 7 | MTולא יזבחו עוד את זבחיהם לשׂעירם אשׁר הם זנים אחריהם חקת עולם תהיה זאת להם לדרתם |
| SPולא יזבחו עוד את זבחיהם לשׂערים אשׁר הם זנים אחריהם חקות עולם תהיה זאת להם לדרותם | |
| 8 | MTואלהם תאמר אישׁ אישׁ מבית ישׂראל ומן הגר אשׁר יגור בתוכם אשׁר יעלה עלה או זבח |
| SPואליהם תאמר אישׁ אישׁ מבית ישׂראל ומן הגר אשׁר יגור בתוכם אשׁר יעשׂה עלה או זבח | |
| 9 | MTואל פתח אהל מועד לא יביאנו לעשׂות אתו ליהוה ונכרת האישׁ ההוא מעמיו |
| SPואל פתח אהל מועד לא יביאנו לעשׂות אתו ליהוה ונכרת האישׁ ההוא מעמיו | |
| 10 | MTואישׁ אישׁ מבית ישׂראל ומן הגר הגר בתוכם אשׁר יאכל כל דם ונתתי פני בנפשׁ האכלת את הדם והכרתי אתה מקרב עמה |
| SPואישׁ אישׁ מבית ישׂראל ומן הגר אשׁר יגור בתוכם אשׁר יאכל כל דם ונתתי את פני בנפשׁ האכלת את הדם והכרתי אתה מקרב עמה | |
| 11 | MTכי נפשׁ הבשׂר בדם הוא ואני נתתיו לכם על המזבח לכפר על נפשׁתיכם כי הדם הוא בנפשׁ יכפר |
| SPכי נפשׁ הבשׂר בדם הוא ואני נתתיו לכם על המזבח לכפר על נפשׁתיכם כי הדם הוא בנפשׁ יכפר | |
| 12 | MTעל כן אמרתי לבני ישׂראל כל נפשׁ מכם לא תאכל דם והגר הגר בתוככם לא יאכל דם |
| SPעל כן אמרתי לבני ישׂראל כל נפשׁ מכם לא תאכל דם והגר הגר בתוככם לא יאכל דם | |
| 13 | MTואישׁ אישׁ מבני ישׂראל ומן הגר הגר בתוכם אשׁר יצוד ציד חיה או עוף אשׁר יאכל ושׁפך את דמו וכסהו בעפר |
| SPואישׁ אישׁ מבית ישׂראל ומן הגר הגר בתוככם אשׁר יצוד ציד חיה או עוף אשׁר יאכל ושׁפך את דמו וכסהו בעפר | |
| 14 | MTכי נפשׁ כל בשׂר דמו בנפשׁו הוא ואמר לבני ישׂראל דם כל בשׂר לא תאכלו כי נפשׁ כל בשׂר דמו הוא כל אכליו יכרת |
| SPכי נפשׁ כל בשׂר דמו בנפשׁו הוא ואמר לבני ישׂראל דם כל בשׂר לא תאכלו כי נפשׁ כל בשׂר דמו הוא כל אכלו יכרת | |
| 15 | MTוכל נפשׁ אשׁר תאכל נבלה וטרפה באזרח ובגר וכבס בגדיו ורחץ במים וטמא עד הערב וטהר |
| SPוכל הנפשׁ אשׁר תאכל נבלה וטרפה באזרח ובגר וכבס בגדיו ורחץ במים וטמא עד הערב | |
| 16 | MTואם לא יכבס ובשׂרו לא ירחץ ונשׂא עונו |
| SPואם לא יכבס ובשׂרו לא ירחץ ונשׂא עונו |