| 1 | MTוידבר יהוה אל משׁה אחרי מות שׁני בני אהרן בקרבתם לפני יהוה וימתו |
| SPוידבר יהוה אל משׁה אחרי מות שׁני בני אהרן בקרבתם לפני יהוה וימתו | |
| 2 | MTויאמר יהוה אל משׁה דבר אל אהרן אחיך ואל יבא בכל עת אל הקדשׁ מבית לפרכת אל פני הכפרת אשׁר על הארן ולא ימות כי בענן אראה על הכפרת |
| SPויאמר יהוה אל משׁה דבר אל אהרן אחיך ואל יבוא בכל עת אל הקדשׁ מבית לפרכת אל פני הכפרת אשׁר על הארון ולא ימות כי בענן אראה אל הכפרת | |
| 3 | MTבזאת יבא אהרן אל הקדשׁ בפר בן בקר לחטאת ואיל לעלה |
| SPבזאת יבוא אהרן אל הקדשׁ בפר בן בקר לחטאת ואיל לעלה | |
| 4 | MTכתנת בד קדשׁ ילבשׁ ומכנסי בד יהיו על בשׂרו ובאבנט בד יחגר ובמצנפת בד יצנף בגדי קדשׁ הם ורחץ במים את בשׂרו ולבשׁם |
| SPוכיתנת בד קדשׁ ילבשׁ ומכנסי בד יהיו על בשׂרו ובאבניט בד יחגר ובמצנפת בד יצנף בגדי קדשׁ הם ורחץ במים את כל בשׂרו ולבשׁם | |
| 5 | MTומאת עדת בני ישׂראל יקח שׁני שׂעירי עזים לחטאת ואיל אחד לעלה |
| SPומאת עדת בני ישׂראל יקח שׁני שׂעירי עזים לחטאת ואיל אחד לעלה | |
| 6 | MTוהקריב אהרן את פר החטאת אשׁר לו וכפר בעדו ובעד ביתו |
| SPוהקריב אהרן את פר החטאת אשׁר לו וכפר בעדו ובעד ביתו | |
| 7 | MTולקח את שׁני השׂעירם והעמיד אתם לפני יהוה פתח אהל מועד |
| SPולקח את שׁני השׂעירים והעמיד אתם לפני יהוה פתח אהל מועד | |
| 8 | MTונתן אהרן על שׁני השׂעירם גורלות גורל אחד ליהוה וגורל אחד לעזאזל |
| SPונתן אהרן על שׁני השׂעירים גורלות גורל אחד ליהוה וגורל אחד לעזזאל | |
| 9 | MTוהקריב אהרן את השׂעיר אשׁר עלה עליו הגורל ליהוה ועשׂהו חטאת |
| SPוהקריב אהרן את השׂעיר אשׁר עלה עליו הגורל ליהוה ועשׂהו חטאת | |
| 10 | MTוהשׂעיר אשׁר עלה עליו הגורל לעזאזל יעמד חי לפני יהוה לכפר עליו לשׁלח אתו לעזאזל המדברה |
| SPוהשׂעיר אשׁר עלה עליו הגורל לעזזאל יעמיד חי לפני יהוה לכפר עליו לשׁלח אתו לעזזאל המדברה | |
| 11 | MTוהקריב אהרן את פר החטאת אשׁר לו וכפר בעדו ובעד ביתו ושׁחט את פר החטאת אשׁר לו |
| SPוהקריב אהרן את פר החטאת אשׁר לו וכפר בעדו ובעד ביתו ושׁחט את פר החטאת אשׁר לו | |
| 12 | MTולקח מלא המחתה גחלי אשׁ מעל המזבח מלפני יהוה ומלא חפניו קטרת סמים דקה והביא מבית לפרכת |
| SPולקח מלוא המחתה גחלי אשׁ מעל המזבח מלפני יהוה ומלוא חפניו קטרת סמים דקה והביא מבית לפרכת | |
| 13 | MTונתן את הקטרת על האשׁ לפני יהוה וכסה ענן הקטרת את הכפרת אשׁר על העדות ולא ימות |
| SPונתן את הקטרת על האשׁ לפני יהוה וכסה ענן הקטרת את הכפרת אשׁר על העדות ולא ימות | |
| 14 | MTולקח מדם הפר והזה באצבעו על פני הכפרת קדמה ולפני הכפרת יזה שׁבע פעמים מן הדם באצבעו |
| SPולקח מדם הפר והזה באצבעו אל פני הכפרת קדמה ולפני הכפרת יזה שׁבע פעמים מן הדם באצבעו | |
| 15 | MTושׁחט את שׂעיר החטאת אשׁר לעם והביא את דמו אל מבית לפרכת ועשׂה את דמו כאשׁר עשׂה לדם הפר והזה אתו על הכפרת ולפני הכפרת |
| SPושׁחט את שׂעיר החטאת אשׁר לעם והביא את דמו אל מבית לפרכת ועשׂה את דמו כאשׁר עשׂה לדם הפר והזה אתו על הכפרת ולפני הכפרת | |
| 16 | MTוכפר על הקדשׁ מטמאת בני ישׂראל ומפשׁעיהם לכל חטאתם וכן יעשׂה לאהל מועד השׁכן אתם בתוך טמאתם |
| SPוכפר על הקדשׁ מטמאת בני ישׂראל ומפשׁעיהם לכל חטאתם וכן יעשׂה לאהל מועד השׁכן אתם בתוך טמאתם | |
| 17 | MTוכל אדם לא יהיה באהל מועד בבאו לכפר בקדשׁ עד צאתו וכפר בעדו ובעד ביתו ובעד כל קהל ישׂראל |
| SPוכל אדם לא יהיה באהל מועד בבאו לכפר בקדשׁ עד צאתו וכפר בעדו ובעד ביתו ובעד כל קהל ישׂראל | |
| 18 | MTויצא אל המזבח אשׁר לפני יהוה וכפר עליו ולקח מדם הפר ומדם השׂעיר ונתן על קרנות המזבח סביב |
| SPויצא אל המזבח אשׁר לפני יהוה וכפר עליו ולקח מדם הפר ומדם השׂעיר ונתן על קרנות המזבח סביב | |
| 19 | MTוהזה עליו מן הדם באצבעו שׁבע פעמים וטהרו וקדשׁו מטמאת בני ישׂראל |
| SPוהזה עליו מן הדם באצבעו שׁבע פעמים וטהרו וקדשׁו מטמאת בני ישׂראל | |
| 20 | MTוכלה מכפר את הקדשׁ ואת אהל מועד ואת המזבח והקריב את השׂעיר החי |
| SPוכלה מכפר את הקדשׁ ואת אהל מועד ואת המזבח והקריב את השׂעיר החי | |
| 21 | MTוסמך אהרן את שׁתי ידו על ראשׁ השׂעיר החי והתודה עליו את כל עונת בני ישׂראל ואת כל פשׁעיהם לכל חטאתם ונתן אתם על ראשׁ השׂעיר ושׁלח ביד אישׁ עתי המדברה |
| SPוסמך אהרן את שׁתי ידיו על ראשׁ השׂעיר החי והתודה עליו את כל עונות בני ישׂראל ואת כל פשׁעיהם לכל חטאתם ונתן אתם על ראשׁ השׂעיר ושׁלח ביד אישׁ עתי המדברה | |
| 22 | MTונשׂא השׂעיר עליו את כל עונתם אל ארץ גזרה ושׁלח את השׂעיר במדבר |
| SPונשׂא השׂעיר עליו את כל עונתם אל ארץ גזרה ושׁלח את השׂעיר במדבר | |
| 23 | MTובא אהרן אל אהל מועד ופשׁט את בגדי הבד אשׁר לבשׁ בבאו אל הקדשׁ והניחם שׁם |
| SPובא אהרן אל אהל מועד ופשׁט את בגדי הבד אשׁר לבשׁ בבאו אל הקדשׁ והניחם שׁם | |
| 24 | MTורחץ את בשׂרו במים במקום קדושׁ ולבשׁ את בגדיו ויצא ועשׂה את עלתו ואת עלת העם וכפר בעדו ובעד העם |
| SPורחץ את בשׂרו במים במקום קדושׁ ולבשׁ בגדיו ויצא ועשׂה את עלתו ואת עלת העם וכפר בעדו ובעד העם | |
| 25 | MTואת חלב החטאת יקטיר המזבחה |
| SPואת חלב החטאת יקטיר המזבחה | |
| 26 | MTוהמשׁלח את השׂעיר לעזאזל יכבס בגדיו ורחץ את בשׂרו במים ואחרי כן יבוא אל המחנה |
| SPוהמשׁלח את השׂעיר לעזזאל יכבס בגדיו ורחץ את בשׂרו במים ואחרי כן יבוא אל המחנה | |
| 27 | MTואת פר החטאת ואת שׂעיר החטאת אשׁר הובא את דמם לכפר בקדשׁ יוציא אל מחוץ למחנה ושׂרפו באשׁ את ערתם ואת בשׂרם ואת פרשׁם |
| SPואת פר החטאת ואת שׂעיר החטאת אשׁר הובא את דמם לכפר בקדשׁ יוצא אל מחוץ למחנה ושׂרף באשׁ את עורתם ואת בשׂרם ואת פרשׁם | |
| 28 | MTוהשׂרף אתם יכבס בגדיו ורחץ את בשׂרו במים ואחרי כן יבוא אל המחנה |
| SPוהשׂרף אתם יכבס בגדיו ורחץ את בשׂרו במים ואחרי כן יבוא אל המחנה | |
| 29 | MTוהיתה לכם לחקת עולם בחדשׁ השׁביעי בעשׂור לחדשׁ תענו את נפשׁתיכם וכל מלאכה לא תעשׂו האזרח והגר הגר בתוככם |
| SPוהיתה לכם לחקות עולם בחדשׁ השׁביעי בעשׂור לחדשׁ תענו את נפשׁתיכם וכל מלאכה לא תעשׂו האזרח והגר הגר בתוככם | |
| 30 | MTכי ביום הזה יכפר עליכם לטהר אתכם מכל חטאתיכם לפני יהוה תטהרו |
| SPכי ביום הזה יכפר עליכם לטהר אתכם מכל חטאתיכם לפני יהוה תטהרו | |
| 31 | MTשׁבת שׁבתון היא לכם ועניתם את נפשׁתיכם חקת עולם |
| SPשׁבת שׁבתון הוא לכם ועניתם את נפשׁתיכם חקות עולם | |
| 32 | MTוכפר הכהן אשׁר ימשׁח אתו ואשׁר ימלא את ידו לכהן תחת אביו ולבשׁ את בגדי הבד בגדי הקדשׁ |
| SPיכפר הכהן אשׁר ימשׁח אתו ואשׁר ימלא את ידו לכהן תחת אביו ולבשׁ את בגדי הבד בגדי הקדשׁ | |
| 33 | MTוכפר את מקדשׁ הקדשׁ ואת אהל מועד ואת המזבח יכפר ועל הכהנים ועל כל עם הקהל יכפר |
| SPוכפר את מקדשׁ הקדשׁ ואת אהל מועד ואת המזבח יכפר על הכהנים ועל כל עם הקהל יכפר | |
| 34 | MTוהיתה זאת לכם לחקת עולם לכפר על בני ישׂראל מכל חטאתם אחת בשׁנה ויעשׂ כאשׁר צוה יהוה את משׁה |
| SPוהיתה זאת לכם לחקות עולם לכפר על בני ישׂראל מכל חטאתם אחת בשׁנה ויעשׂ כאשׁר צוה יהוה את משׁה |