| 1 | MTוידבר יהוה אל משׁה ואל אהרן לאמר |
| SPוידבר יהוה אל משׁה ואל אהרן לאמר | |
| 2 | MTדברו אל בני ישׂראל ואמרתם אלהם אישׁ אישׁ כי יהיה זב מבשׂרו זובו טמא הוא |
| SPדברו אל בני ישׂראל ואמרתם אליהם אישׁ אישׁ כי יהיה זב מבשׂרו זובו טמא הוא | |
| 3 | MTוזאת תהיה טמאתו בזובו רר בשׂרו את זובו או החתים בשׂרו מזובו טמאתו הוא |
| SPוזאת תהיה טמאתו בזובו רר בשׂרו את זובו או חתום בשׂרו מזובו טמא הוא כל ימי זב בשׂרו או החתים בשׂרו מזובו טמאתו היא | |
| 4 | MTכל המשׁכב אשׁר ישׁכב עליו הזב יטמא וכל הכלי אשׁר ישׁב עליו יטמא |
| SPכל המשׁכב אשׁר ישׁכב עליו הזב יטמא וכל הכלי אשׁר ישׁב עליו יטמא | |
| 5 | MTואישׁ אשׁר יגע במשׁכבו יכבס בגדיו ורחץ במים וטמא עד הערב |
| SPואישׁ אשׁר יגע במשׁכבו יכבס בגדיו ורחץ במים וטמא עד הערב | |
| 6 | MTוהישׁב על הכלי אשׁר ישׁב עליו הזב יכבס בגדיו ורחץ במים וטמא עד הערב |
| SPוהישׁב על הכלי אשׁר ישׁב עליו הזב יכבס בגדיו ורחץ במים וטמא עד הערב | |
| 7 | MTוהנגע בבשׂר הזב יכבס בגדיו ורחץ במים וטמא עד הערב |
| SPוהנגע בבשׂר הזב יכבס בגדיו ורחץ במים וטמא עד הערב | |
| 8 | MTוכי ירק הזב בטהור וכבס בגדיו ורחץ במים וטמא עד הערב |
| SPוכי ירק הזב בטהור יכבס בגדיו ורחץ במים וטמא עד הערב | |
| 9 | MTוכל המרכב אשׁר ירכב עליו הזב יטמא |
| SPוכל המרכב אשׁר ירכב עליו הזב יטמא | |
| 10 | MTוכל הנגע בכל אשׁר יהיה תחתיו יטמא עד הערב והנושׂא אותם יכבס בגדיו ורחץ במים וטמא עד הערב |
| SPוכל הנגע בכל אשׁר יהיה תחתיו יטמא עד הערב והנושׂא אתם יכבס בגדיו ורחץ במים וטמא עד הערב | |
| 11 | MTוכל אשׁר יגע בו הזב וידיו לא שׁטף במים וכבס בגדיו ורחץ במים וטמא עד הערב |
| SPוכל אשׁר יגע בו הזב וידו לא שׁטף במים יכבס בגדיו ורחץ במים וטמא עד הערב | |
| 12 | MTוכלי חרשׂ אשׁר יגע בו הזב ישׁבר וכל כלי עץ ישׁטף במים |
| SPוכלי חרשׂ אשׁר יגע בו הזב ישׁבר וכל כלי עץ ישׁטף במים | |
| 13 | MTוכי יטהר הזב מזובו וספר לו שׁבעת ימים לטהרתו וכבס בגדיו ורחץ בשׂרו במים חיים וטהר |
| SPוכי יטהר הזב מזובו וספר לו שׁבעת ימים לטהרתו וכבס בגדיו ורחץ את בשׂרו במים חיים וטהר | |
| 14 | MTוביום השׁמיני יקח לו שׁתי תרים או שׁני בני יונה ובא לפני יהוה אל פתח אהל מועד ונתנם אל הכהן |
| SPוביום השׁמיני יקח לו שׁתי תרים או שׁני בני יונה ובא לפני יהוה אל פתח אהל מועד ונתנם אל הכהן | |
| 15 | MTועשׂה אתם הכהן אחד חטאת והאחד עלה וכפר עליו הכהן לפני יהוה מזובו |
| SPועשׂה אתם הכהן אחד חטאת ואחד עלה וכפר עליו הכהן לפני יהוה מזובו | |
| 16 | MTואישׁ כי תצא ממנו שׁכבת זרע ורחץ במים את כל בשׂרו וטמא עד הערב |
| SPואישׁ כי תצא ממנו שׁכבת זרע ורחץ במים את כל בשׂרו וטמא עד הערב | |
| 17 | MTוכל בגד וכל עור אשׁר יהיה עליו שׁכבת זרע וכבס במים וטמא עד הערב |
| SPוכל בגד וכל עור אשׁר יהיה עליו שׁכבת זרע וכבס במים וטמא עד הערב | |
| 18 | MTואשׁה אשׁר ישׁכב אישׁ אתה שׁכבת זרע ורחצו במים וטמאו עד הערב |
| SPואשׁה אשׁר ישׁכב אישׁה אתה שׁכבת זרע ורחצו במים וטמאו עד הערב | |
| 19 | MTואשׁה כי תהיה זבה דם יהיה זבה בבשׂרה שׁבעת ימים תהיה בנדתה וכל הנגע בה יטמא עד הערב |
| SPואשׁה כי תהיה זבה דם יהיה זובה בבשׂרה שׁבעת ימים תהיה בנדתה כל הנגע בה יטמא עד הערב | |
| 20 | MTוכל אשׁר תשׁכב עליו בנדתה יטמא וכל אשׁר תשׁב עליו יטמא |
| SPוכל אשׁר תשׁכב עליו בנדתה יטמא וכל אשׁר תשׁב עליו יטמא | |
| 21 | MTוכל הנגע במשׁכבה יכבס בגדיו ורחץ במים וטמא עד הערב |
| SPוכל הנגע במשׁכבה יכבס בגדיו ורחץ במים וטמא עד הערב | |
| 22 | MTוכל הנגע בכל כלי אשׁר תשׁב עליו יכבס בגדיו ורחץ במים וטמא עד הערב |
| SPוכל הנגע בכל הכלי אשׁר תשׁב עליו יכבס בגדיו ורחץ במים וטמא עד הערב | |
| 23 | MTואם על המשׁכב הוא או על הכלי אשׁר הוא ישׁבת עליו בנגעו בו יטמא עד הערב |
| SPואם על המשׁכבה היא או על הכלי אשׁר היא ישׁבת עליו בנגעו בו יטמא עד הערב | |
| 24 | MTואם שׁכב ישׁכב אישׁ אתה ותהי נדתה עליו וטמא שׁבעת ימים וכל המשׁכב אשׁר ישׁכב עליו יטמא |
| SPואם שׁכב ישׁכב אישׁה אתה ותהי נדתה עליו יטמא שׁבעת ימים וכל המשׁכב אשׁר ישׁכב עליו יטמא | |
| 25 | MTואשׁה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה הוא |
| SPואשׁה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה היא | |
| 26 | MTכל המשׁכב אשׁר תשׁכב עליו כל ימי זובה כמשׁכב נדתה יהיה לה וכל הכלי אשׁר תשׁב עליו טמא יהיה כטמאת נדתה |
| SPכל המשׁכב אשׁר תשׁכב עליו כל ימי זובה כמשׁכב נדתה יהיה לה וכל הכלי אשׁר תשׁב עליו טמא יהיה כטמאת נדתה | |
| 27 | MTוכל הנוגע בם יטמא וכבס בגדיו ורחץ במים וטמא עד הערב |
| SPכל הנגע בם יטמא וכבס בגדיו ורחץ במים וטמא עד הערב | |
| 28 | MTואם טהרה מזובה וספרה לה שׁבעת ימים ואחר תטהר |
| SPואם טהרה מזובה וספרה לה שׁבעת ימים ואחר תטהר | |
| 29 | MTוביום השׁמיני תקח לה שׁתי תרים או שׁני בני יונה והביאה אותם אל הכהן אל פתח אהל מועד |
| SPוביום השׁמיני תקח לה שׁתי תרים או שׁני בני יונה והביאה אתם אל הכהן אל פתח אהל מועד | |
| 30 | MTועשׂה הכהן את האחד חטאת ואת האחד עלה וכפר עליה הכהן לפני יהוה מזוב טמאתה |
| SPועשׂה הכהן את האחד חטאת ואת האחד עלה וכפר עליה הכהן לפני יהוה מזוב טמאתה | |
| 31 | MTוהזרתם את בני ישׂראל מטמאתם ולא ימתו בטמאתם בטמאם את משׁכני אשׁר בתוכם |
| SPוהזהרתם את בני ישׂראל מטמאתם ולא ימותו בטמאתם בטמאם את משׁכני אשׁר בתוכם | |
| 32 | MTזאת תורת הזב ואשׁר תצא ממנו שׁכבת זרע לטמאה בה |
| SPזאת תורת הזב ואשׁר תצא ממנו שׁכבת זרע לטמאה בה | |
| 33 | MTוהדוה בנדתה והזב את זובו לזכר ולנקבה ולאישׁ אשׁר ישׁכב עם טמאה |
| SPוהדוה בנדתה והזב את זובו לזכר ולנקבה ולאישׁ אשׁר ישׁכב עם טמאה |