| 1 | MTוידבר יהוה אל משׁה ואל אהרן לאמר |
| SPוידבר יהוה אל משׁה ואל אהרן לאמר | |
| 2 | MTאדם כי יהיה בעור בשׂרו שׂאת או ספחת או בהרת והיה בעור בשׂרו לנגע צרעת והובא אל אהרן הכהן או אל אחד מבניו הכהנים |
| SPאדם כי יהיה בעור בשׂרו שׂאת או ספחת או בהרת והיה בעור בשׂרו לנגע צרעת והובא אל אהרן הכהן או אל אחד מבניו הכהנים | |
| 3 | MTוראה הכהן את הנגע בעור הבשׂר ושׂער בנגע הפך לבן ומראה הנגע עמק מעור בשׂרו נגע צרעת הוא וראהו הכהן וטמא אתו |
| SPוראה הכהן את הנגע בעור הבשׂר ושׂער בנגע הפך לבן ומראה הנגע עמק מעור בשׂרו נגע צרעת הוא וראה הכהן וטמא אתו | |
| 4 | MTואם בהרת לבנה הוא בעור בשׂרו ועמק אין מראה מן העור ושׂערה לא הפך לבן והסגיר הכהן את הנגע שׁבעת ימים |
| SPואם בהרת לבנה היא בעור בשׂרו ועמק אין מראה מן העור ושׂערה לא הפך לבן והסגיר הכהן את הנגע שׁבעת ימים | |
| 5 | MTוראהו הכהן ביום השׁביעי והנה הנגע עמד בעיניו לא פשׂה הנגע בעור והסגירו הכהן שׁבעת ימים שׁנית |
| SPוראה הכהן ביום השׁביעי והנה הנגע עמד בעיניו לא פשׂה הנגע בעור והסגירו הכהן שׁבעת ימים שׁנית | |
| 6 | MTוראה הכהן אתו ביום השׁביעי שׁנית והנה כהה הנגע ולא פשׂה הנגע בעור וטהרו הכהן מספחת היא וכבס בגדיו וטהר |
| SPוראה הכהן ביום השׁביעי שׁנית והנה כהה הנגע לא פשׂה הנגע בעור וטהרו הכהן המספחת היא וכבס בגדיו וטהר | |
| 7 | MTואם פשׂה תפשׂה המספחת בעור אחרי הראתו אל הכהן לטהרתו ונראה שׁנית אל הכהן |
| SPואם פשׂה תפשׂה המספחת בעור אחרי הראתו אל הכהן לטהרתו ונראה שׁנית אל הכהן | |
| 8 | MTוראה הכהן והנה פשׂתה המספחת בעור וטמאו הכהן צרעת הוא |
| SPוראה הכהן והנה פשׂתה המספחת בעור וטמאו הכהן צרעת היא | |
| 9 | MTנגע צרעת כי תהיה באדם והובא אל הכהן |
| SPונגע צרעת כי תהיה באדם והובא אל הכהן | |
| 10 | MTוראה הכהן והנה שׂאת לבנה בעור והיא הפכה שׂער לבן ומחית בשׂר חי בשׂאת |
| SPוראה הכהן והנה שׂאת לבנה בעור והיא הפך שׂער לבן ומחית בשׂר חי בשׂאת | |
| 11 | MTצרעת נושׁנת הוא בעור בשׂרו וטמאו הכהן לא יסגרנו כי טמא הוא |
| SPצרעת נושׁנת היא בעור בשׂרו וטמאו הכהן לא יסגירנו כי טמא הוא | |
| 12 | MTואם פרוח תפרח הצרעת בעור וכסתה הצרעת את כל עור הנגע מראשׁו ועד רגליו לכל מראה עיני הכהן |
| SPואם פרח תפרח הצרעת בעור וכסתה הצרעת את כל עור הנגע מראשׁו עד רגליו לכל מראה עיני הכהן | |
| 13 | MTוראה הכהן והנה כסתה הצרעת את כל בשׂרו וטהר את הנגע כלו הפך לבן טהור הוא |
| SPוראה הכהן והנה כסתה הצרעת את כל בשׂרו וטהר את הנגע כלו הפך לבן טהור הוא | |
| 14 | MTוביום הראות בו בשׂר חי יטמא |
| SPוביום הראות בו בשׂר חי יטמא | |
| 15 | MTוראה הכהן את הבשׂר החי וטמאו הבשׂר החי טמא הוא צרעת הוא |
| SPוראה הכהן את הבשׂר החי וטמאו הבשׂר החי טמא הוא צרעת היא | |
| 16 | MTאו כי ישׁוב הבשׂר החי ונהפך ללבן ובא אל הכהן |
| SPאו כי ישׁוב הבשׂר החי ונהפך ללבן ובא אל הכהן | |
| 17 | MTוראהו הכהן והנה נהפך הנגע ללבן וטהר הכהן את הנגע טהור הוא |
| SPוראה הכהן והנה נהפך הנגע ללבן וטהר הכהן את הנגע טהור הוא | |
| 18 | MTובשׂר כי יהיה בו בערו שׁחין ונרפא |
| SPובשׂר כי יהיה בו שׁחין ונרפא | |
| 19 | MTוהיה במקום השׁחין שׂאת לבנה או בהרת לבנה אדמדמת ונראה אל הכהן |
| SPוהיה במקום השׁחין שׂאת לבנה או בהרת לבנה אדמדמת ונראה אל הכהן | |
| 20 | MTוראה הכהן והנה מראה שׁפל מן העור ושׂערה הפך לבן וטמאו הכהן נגע צרעת הוא בשׁחין פרחה |
| SPוראה הכהן והנה מראהו שׁפל מן העור ושׂערו הפך לבן וטמאו הכהן נגע צרעת היא בשׁחין פרחה | |
| 21 | MTואם יראנה הכהן והנה אין בה שׂער לבן ושׁפלה איננה מן העור והיא כהה והסגירו הכהן שׁבעת ימים |
| SPואם יראה הכהן והנה אין בה שׂער לבן ושׁפלה איננה מן העור והיא כהה והסגירו הכהן שׁבעת ימים | |
| 22 | MTואם פשׂה תפשׂה בעור וטמא הכהן אתו נגע הוא |
| SPאם פשׂה תפשׂה בעור וטמא הכהן אתו נגע הוא | |
| 23 | MTואם תחתיה תעמד הבהרת לא פשׂתה צרבת השׁחין הוא וטהרו הכהן |
| SPואם תחתיה תעמד הבהרת לא פשׂתה צרבת השׁחין היא וטהרו הכהן | |
| 24 | MTאו בשׂר כי יהיה בערו מכות אשׁ והיתה מחית המכוה בהרת לבנה אדמדמת או לבנה |
| SPאו בשׂר כי יהיה בעורו מכות אשׁ והיתה מחית המכוה בהרת לבנה אדמדמת או לבנה | |
| 25 | MTוראה אתה הכהן והנה נהפך שׂער לבן בבהרת ומראה עמק מן העור צרעת הוא במכוה פרחה וטמא אתו הכהן נגע צרעת הוא |
| SPוראה אתה הכהן והנה הפך שׂער לבן בבהרת ומראה עמק מן העור צרעת היא במכוה פרחה וטמא אתו הכהן נגע צרעת היא | |
| 26 | MTואם יראנה הכהן והנה אין בבהרת שׂער לבן ושׁפלה איננה מן העור והוא כהה והסגירו הכהן שׁבעת ימים |
| SPואם יראה הכהן והנה אין בבהרת שׂער לבן ושׁפלה איננה מן העור והיא כהה והסגירו הכהן שׁבעת ימים | |
| 27 | MTוראהו הכהן ביום השׁביעי אם פשׂה תפשׂה בעור וטמא הכהן אתו נגע צרעת הוא |
| SPוראה הכהן ביום השׁביעי אם פשׂה תפשׂה בעור וטמא אתו הכהן נגע צרעת היא | |
| 28 | MTואם תחתיה תעמד הבהרת לא פשׂתה בעור והוא כהה שׂאת המכוה הוא וטהרו הכהן כי צרבת המכוה הוא |
| SPואם תחתיה תעמד הבהרת לא פשׂתה בעור והיא כהה שׂאת המכוה היא וטהרו הכהן כי צרבת המכוה היא | |
| 29 | MTואישׁ או אשׁה כי יהיה בו נגע בראשׁ או בזקן |
| SPואישׁ או אשׁה כי יהיה בו נגע בראשׁ או בזקן | |
| 30 | MTוראה הכהן את הנגע והנה מראהו עמק מן העור ובו שׂער צהב דק וטמא אתו הכהן נתק הוא צרעת הראשׁ או הזקן הוא |
| SPוראה הכהן את הנגע והנה מראהו עמק מן העור ובו שׂער צהב דק וטמא הכהן אתו נתק הוא צרעת הראשׁ או הזקן היא | |
| 31 | MTוכי יראה הכהן את נגע הנתק והנה אין מראהו עמק מן העור ושׂער שׁחר אין בו והסגיר הכהן את נגע הנתק שׁבעת ימים |
| SPאו כי יראה הכהן את נגע הנתק והנה אין מראהו עמק מן העור ושׂער שׁחר אין בו והסגיר הכהן את נגע הנתק שׁבעת ימים | |
| 32 | MTוראה הכהן את הנגע ביום השׁביעי והנה לא פשׂה הנתק ולא היה בו שׂער צהב ומראה הנתק אין עמק מן העור |
| SPוראה הכהן את הנתק ביום השׁביעי והנה לא פשׂה הנתק ולא היה בו שׂער צהב ומראה הנתק אין עמק מן העור | |
| 33 | MTוהתגלח ואת הנתק לא יגלח והסגיר הכהן את הנתק שׁבעת ימים שׁנית |
| SPוהתגלח ואת הנתק לא יגלח והסגיר הכהן את הנתק שׁבעת ימים שׁנית | |
| 34 | MTוראה הכהן את הנתק ביום השׁביעי והנה לא פשׂה הנתק בעור ומראהו איננו עמק מן העור וטהר אתו הכהן וכבס בגדיו וטהר |
| SPוראה הכהן את הנתק ביום השׁביעי והנה לא פשׂה הנתק בעור ומראהו איננו עמק מן העור וטהרו הכהן וכבס בגדיו וטהר | |
| 35 | MTואם פשׂה יפשׂה הנתק בעור אחרי טהרתו |
| SPואם פשׂה יפשׂה הנתק בעור אחרי טהרתו | |
| 36 | MTוראהו הכהן והנה פשׂה הנתק בעור לא יבקר הכהן לשׂער הצהב טמא הוא |
| SPוראה הכהן והנה פשׂה הנתק בעור לא יבקר הכהן לשׂער הצהב טמא הוא | |
| 37 | MTואם בעיניו עמד הנתק ושׂער שׁחר צמח בו נרפא הנתק טהור הוא וטהרו הכהן |
| SPואם בעיניו עמד הנתק ושׂער שׁחר צמח בו נרפא הנתק טהור הוא וטהרו הכהן | |
| 38 | MTואישׁ או אשׁה כי יהיה בעור בשׂרם בהרת בהרת לבנת |
| SPואישׁ או אשׁה כי יהיה בעור בשׂרם בהרות בהרות לבנות | |
| 39 | MTוראה הכהן והנה בעור בשׂרם בהרת כהות לבנת בהק הוא פרח בעור טהור הוא |
| SPוראה הכהן והנה בעור בשׂרם בהרות כהות לבנות בחק הוא פרח בעור טהור הוא | |
| 40 | MTואישׁ כי ימרט ראשׁו קרח הוא טהור הוא |
| SPואישׁ כי ימרט ראשׁו קרח הוא טהור הוא | |
| 41 | MTואם מפאת פניו ימרט ראשׁו גבח הוא טהור הוא |
| SPואם מפאת פניו ימרט ראשׁו גבח הוא טהור הוא | |
| 42 | MTוכי יהיה בקרחת או בגבחת נגע לבן אדמדם צרעת פרחת הוא בקרחתו או בגבחתו |
| SPאו כי יהיה בקרחתו או בגבחתו נגע לבן אדמדם צרעת פרחת היא בקרחתו או בגבחתו | |
| 43 | MTוראה אתו הכהן והנה שׂאת הנגע לבנה אדמדמת בקרחתו או בגבחתו כמראה צרעת עור בשׂר |
| SPוראה אתה הכהן והנה שׂאת הנגע לבנה אדמדמת בקרחתו או בגבחתו כמראה צרעת עור בשׂר | |
| 44 | MTאישׁ צרוע הוא טמא הוא טמא יטמאנו הכהן בראשׁו נגעו |
| SPאישׁ צרוע הוא טמא הוא טמא יטמאנו הכהן בראשׁו נגעו | |
| 45 | MTוהצרוע אשׁר בו הנגע בגדיו יהיו פרמים וראשׁו יהיה פרוע ועל שׂפם יעטה וטמא טמא יקרא |
| SPוהצרוע אשׁר בו הנגע בגדיו יהיו פרומים וראשׁו יהיה פרוע ועל שׂפם יעטא וטמא טמא יקרא | |
| 46 | MTכל ימי אשׁר הנגע בו יטמא טמא הוא בדד ישׁב מחוץ למחנה מושׁבו |
| SPכל ימי אשׁר הנגע בו יטמא טמא הוא בדד ישׁב מחוץ למחנה מושׁבו | |
| 47 | MTוהבגד כי יהיה בו נגע צרעת בבגד צמר או בבגד פשׁתים |
| SPוהבגד כי יהיה בו נגע צרעת בבגד צמר או בבגד פשׁתים | |
| 48 | MTאו בשׁתי או בערב לפשׁתים ולצמר או בעור או בכל מלאכת עור |
| SPאו בשׁתי או בערב לפשׁתים ולצמר או בעור או בכל מלאכת עור | |
| 49 | MTוהיה הנגע ירקרק או אדמדם בבגד או בעור או בשׁתי או בערב או בכל כלי עור נגע צרעת הוא והראה את הכהן |
| SPוהיה הנגע ירקרק או אדמדם בבגד או בעור או בשׁתי או בערב או בכל כלי עור נגע צרעת הוא והראה את הכהן | |
| 50 | MTוראה הכהן את הנגע והסגיר את הנגע שׁבעת ימים |
| SPוראה הכהן את הנגע והסגיר את הנגע שׁבעת ימים | |
| 51 | MTוראה את הנגע ביום השׁביעי כי פשׂה הנגע בבגד או בשׁתי או בערב או בעור לכל אשׁר יעשׂה העור למלאכה צרעת ממארת הנגע טמא הוא |
| SPוראה את הנגע ביום השׁביעי כי פשׂה הנגע בבגד או בשׁתי או בערב או בעור לכל אשׁר יעשׂה העור למלאכה צרעת ממראת הנגע טמא הוא | |
| 52 | MTושׂרף את הבגד או את השׁתי או את הערב בצמר או בפשׁתים או את כל כלי העור אשׁר יהיה בו הנגע כי צרעת ממארת הוא באשׁ תשׂרף |
| SPושׂרף את הבגד או את השׁתי או את הערב בצמר או בפשׁתים או את כל כלי העור אשׁר יהיה בו הנגע כי צרעת ממראת היא באשׁ תשׂרף | |
| 53 | MTואם יראה הכהן והנה לא פשׂה הנגע בבגד או בשׁתי או בערב או בכל כלי עור |
| SPואם יראה הכהן והנה לא פשׂה הנגע בבגד או בשׁתי או בערב או בכל כלי עור | |
| 54 | MTוצוה הכהן וכבסו את אשׁר בו הנגע והסגירו שׁבעת ימים שׁנית |
| SPוצוה הכהן וכבסו את אשׁר בו הנגע והסגירו שׁבעת ימים שׁנית | |
| 55 | MTוראה הכהן אחרי הכבס את הנגע והנה לא הפך הנגע את עינו והנגע לא פשׂה טמא הוא באשׁ תשׂרפנו פחתת הוא בקרחתו או בגבחתו |
| SPוראה הכהן אחרי הכבס את הנגע והנה לא הפך הנגע את עיניו והנגע לא פשׂה טמא הוא באשׁ תשׂרפנו פחתת היא בקרחתו או בגבחתו | |
| 56 | MTואם ראה הכהן והנה כהה הנגע אחרי הכבס אתו וקרע אתו מן הבגד או מן העור או מן השׁתי או מן הערב |
| SPואם ראה הכהן והנה כהה הנגע אחרי הכבסו אתו וקרעו אתו מן הבגד או מן העור או מן השׁתי או מן הערב | |
| 57 | MTואם תראה עוד בבגד או בשׁתי או בערב או בכל כלי עור פרחת הוא באשׁ תשׂרפנו את אשׁר בו הנגע |
| SPואם תראה עוד בבגד או בשׁתי או בערב או בכל כלי עור פרחת היא באשׁ תשׂרפנו את אשׁר בו הנגע | |
| 58 | MTוהבגד או השׁתי או הערב או כל כלי העור אשׁר תכבס וסר מהם הנגע וכבס שׁנית וטהר |
| SPוהבגד או השׁתי או הערב או כל כלי העור אשׁר תכבס וסר מהם הנגע וכבס שׁנית וטהר | |
| 59 | MTזאת תורת נגע צרעת בגד הצמר או הפשׁתים או השׁתי או הערב או כל כלי עור לטהרו או לטמאו |
| SPזאת תורת נגע הצרעת בגד הצמר או הפשׁתים או השׁתי או הערב או כל כלי העור לטהרו או לטמאו |