| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל בני ישׂראל לאמר אשׁה כי תזריע וילדה זכר וטמאה שׁבעת ימים כימי נדת דותה תטמא |
| SPדבר אל בני ישׂראל לאמר אשׁה כי תזרע וילדה זכר וטמאה שׁבעת ימים כימי נדת דותה תטמא | |
| 3 | MTוביום השׁמיני ימול בשׂר ערלתו |
| SPוביום השׁמיני ימול את בשׂר ערלתו | |
| 4 | MTושׁלשׁים יום ושׁלשׁת ימים תשׁב בדמי טהרה בכל קדשׁ לא תגע ואל המקדשׁ לא תבא עד מלאת ימי טהרה |
| SPושׁלשׁים יום ושׁלשׁת ימים תשׁב בדם טהרה בכל קדשׁ לא תגע ואל המקדשׁ לא תבוא עד מלאת ימי טהרה | |
| 5 | MTואם נקבה תלד וטמאה שׁבעים כנדתה ושׁשׁים יום ושׁשׁת ימים תשׁב על דמי טהרה |
| SPואם נקבה תלד וטמאה שׁבועים כנדתה ושׁשׁים יום ושׁשׁת ימים תשׁב על דמי טהרה | |
| 6 | MTובמלאת ימי טהרה לבן או לבת תביא כבשׂ בן שׁנתו לעלה ובן יונה או תר לחטאת אל פתח אהל מועד אל הכהן |
| SPובמלאת ימי טהרה לבן או לבת תביא כבשׂ בן שׁנתו לעלה או בן יונה או תר לחטאת אל פתח אהל מועד אל הכהן | |
| 7 | MTוהקריבו לפני יהוה וכפר עליה וטהרה ממקר דמיה זאת תורת הילדת לזכר או לנקבה |
| SPוהקריבו לפני יהוה וכפר עליה הכהן וטהרה ממקור דמיה זאת תורת הילדת לזכר ולנקבה | |
| 8 | MTואם לא תמצא ידה די שׂה ולקחה שׁתי תרים או שׁני בני יונה אחד לעלה ואחד לחטאת וכפר עליה הכהן וטהרה |
| SPואם לא תמצא ידה די שׂה ולקחה שׁתי תרים או שׁני בני יונה אחד לחטאת ואחד לעלה וכפר עליה הכהן וטהרה |