| 1 | MTוידבר יהוה אל משׁה ואל אהרן לאמר אלהם |
| SPוידבר יהוה אל משׁה ואל אהרן לאמר אליהם | |
| 2 | MTדברו אל בני ישׂראל לאמר זאת החיה אשׁר תאכלו מכל הבהמה אשׁר על הארץ |
| SPדברו אל בני ישׂראל לאמר זאת החיה אשׁר תאכלו מכל הבהמה אשׁר על הארץ | |
| 3 | MTכל מפרסת פרסה ושׁסעת שׁסע פרסת מעלת גרה בבהמה אתה תאכלו |
| SPכל מפריסת פרסה ושׁסעת שׁסע שׁתי פרסות מעלות גרה בבהמה אתה תאכלו | |
| 4 | MTאך את זה לא תאכלו ממעלי הגרה וממפריסי הפרסה את הגמל כי מעלה גרה הוא ופרסה איננו מפריס טמא הוא לכם |
| SPאך את זה לא תאכלו ממעלי הגרה וממפריסי הפרסה את הגמל כי מעלי גרה הוא ופרסה איננו מפריס טמא הוא לכם | |
| 5 | MTואת השׁפן כי מעלה גרה הוא ופרסה לא יפריס טמא הוא לכם |
| SPואת השׁפן כי מעלי גרה הוא ופרסה לא הפריס טמא הוא לכם | |
| 6 | MTואת הארנבת כי מעלת גרה הוא ופרסה לא הפריסה טמאה הוא לכם |
| SPואת הארנבת כי מעלת גרה היא ופרסה לא הפריסה טמאה היא לכם | |
| 7 | MTואת החזיר כי מפריס פרסה הוא ושׁסע שׁסע פרסה והוא גרה לא יגר טמא הוא לכם |
| SPואת החזיר כי מפריס פרסה הוא ושׁסע שׁסע פרסה והוא גרה לא יגור טמא הוא לכם | |
| 8 | MTמבשׂרם לא תאכלו ובנבלתם לא תגעו טמאים הם לכם |
| SPמבשׂרם לא תאכלו ובנבלתם לא תגעו טמאים הם לכם | |
| 9 | MTאת זה תאכלו מכל אשׁר במים כל אשׁר לו סנפיר וקשׂקשׂת במים בימים ובנחלים אתם תאכלו |
| SPואת זה תאכלו מכל אשׁר במים כל אשׁר לו סנפיר וקשׂקשׂת במים בימים ובנחלים אתם תאכלו | |
| 10 | MTוכל אשׁר אין לו סנפיר וקשׂקשׂת בימים ובנחלים מכל שׁרץ המים ומכל נפשׁ החיה אשׁר במים שׁקץ הם לכם |
| SPוכל אשׁר אין לו סנפיר וקשׂקשׂת במים בימים ובנחלים מכל שׁרץ המים ומכל נפשׁ החיה אשׁר במים שׁקץ הם לכם | |
| 11 | MTושׁקץ יהיו לכם מבשׂרם לא תאכלו ואת נבלתם תשׁקצו |
| SPושׁקץ יהיו לכם מבשׂרם לא תאכלו ואת נבלתם תשׁקצו | |
| 12 | MTכל אשׁר אין לו סנפיר וקשׂקשׂת במים שׁקץ הוא לכם |
| SPוכל אשׁר אין לו סנפיר וקשׂקשׂת במים שׁקץ הוא לכם | |
| 13 | MTואת אלה תשׁקצו מן העוף לא יאכלו שׁקץ הם את הנשׁר ואת הפרס ואת העזניה |
| SPואת אלה תשׁקצו מן העוף לא תאכלו שׁקץ הם את הנשׁר ואת הפרס ואת העזניה | |
| 14 | MTואת הדאה ואת האיה למינה |
| SPואת הדאה ואת האיה למינה | |
| 15 | MTאת כל ערב למינו |
| SPואת כל ערב למינו | |
| 16 | MTואת בת היענה ואת התחמס ואת השׁחף ואת הנץ למינהו |
| SPואת בת היענה ואת התחמוס ואת השׁחף למינו ואת הנץ | |
| 17 | MTואת הכוס ואת השׁלך ואת הינשׁוף |
| SPואת הכוס ואת השׁלך ואת הינשׁוף | |
| 18 | MTואת התנשׁמת ואת הקאת ואת הרחם |
| SPואת התנשׁמת ואת הקאת ואת הרחמה | |
| 19 | MTואת החסידה האנפה למינה ואת הדוכיפת ואת העטלף |
| SPואת החסידה והאנפה למינה ואת הדגיפת ואת העטלף | |
| 20 | MTכל שׁרץ העוף ההלך על ארבע שׁקץ הוא לכם |
| SPכל שׁרץ העוף ההלך על ארבע שׁקץ הוא לכם | |
| 21 | MTאך את זה תאכלו מכל שׁרץ העוף ההלך על ארבע אשׁר לא כרעים ממעל לרגליו לנתר בהן על הארץ |
| SPאך את זה תאכלו מכל שׁרץ העוף ההלך על ארבע אשׁר לו כרעים ממעל לרגליו לנתר בהם על הארץ | |
| 22 | MTאת אלה מהם תאכלו את הארבה למינו ואת הסלעם למינהו ואת החרגל למינהו ואת החגב למינהו |
| SPאת אלה מהם תאכלו את הארבה למינהו ואת הסלעם למינהו ואת החרגל למינה ואת החגב למינהו | |
| 23 | MTוכל שׁרץ העוף אשׁר לו ארבע רגלים שׁקץ הוא לכם |
| SPוכל שׁרץ העוף אשׁר לו ארבע רגלים שׁקץ הוא לכם | |
| 24 | MTולאלה תטמאו כל הנגע בנבלתם יטמא עד הערב |
| SPולאלה תטמאו כל הנגע בנבלתם יטמא עד הערב | |
| 25 | MTוכל הנשׂא מנבלתם יכבס בגדיו וטמא עד הערב |
| SPוכל הנשׂא מנבלתם יכבס בגדיו ורחץ במים וטמא עד הערב | |
| 26 | MTלכל הבהמה אשׁר הוא מפרסת פרסה ושׁסע איננה שׁסעת וגרה איננה מעלה טמאים הם לכם כל הנגע בהם יטמא |
| SPלכל הבהמה אשׁר היא מפריסת פרסה ושׁסעה איננה שׁסע וגרה איננה מעלה טמאים הם לכם כל הנגע בהם יטמא | |
| 27 | MTוכל הולך על כפיו בכל החיה ההלכת על ארבע טמאים הם לכם כל הנגע בנבלתם יטמא עד הערב |
| SPוכל ההלך על כפיו בכל החיה ההלכת על ארבע טמאים הם לכם כל הנגע בנבלתם יטמא עד הערב | |
| 28 | MTוהנשׂא את נבלתם יכבס בגדיו וטמא עד הערב טמאים המה לכם |
| SPוהנשׂא מנבלתם יכבס בגדיו וטמא עד הערב טמאים הם לכם | |
| 29 | MTוזה לכם הטמא בשׁרץ השׁרץ על הארץ החלד והעכבר והצב למינהו |
| SPוזה לכם הטמא בשׁרץ השׁרץ על הארץ החלד והעכבור והצב למינו | |
| 30 | MTוהאנקה והכח והלטאה והחמט והתנשׁמת |
| SPוהאנקה והכח והלאטה והמט והתנשׁמת | |
| 31 | MTאלה הטמאים לכם בכל השׁרץ כל הנגע בהם במתם יטמא עד הערב |
| SPאלה הטמאים לכם מכל השׁרץ כל הנגע בהם במותם יטמא עד הערב | |
| 32 | MTוכל אשׁר יפל עליו מהם במתם יטמא מכל כלי עץ או בגד או עור או שׂק כל כלי אשׁר יעשׂה מלאכה בהם במים יובא וטמא עד הערב וטהר |
| SPוכל אשׁר יפל עליו מהם במותם יטמא מכל כלי עץ או בגד או עור או שׂק כל כלי אשׁר יעשׂה מלאכה בהם במים יבוא וטמא עד הערב וטהר | |
| 33 | MTוכל כלי חרשׂ אשׁר יפל מהם אל תוכו כל אשׁר בתוכו יטמא ואתו תשׁברו |
| SPוכל כלי חרשׁ אשׁר יפל מהם אל תוכו כל אשׁר בתוכו יטמא ואתו תשׁברו | |
| 34 | MTמכל האכל אשׁר יאכל אשׁר יבוא עליו מים יטמא וכל משׁקה אשׁר ישׁתה בכל כלי יטמא |
| SPמכל האכל אשׁר יאכל אשׁר יבוא עליו מים יטמא וכל משׁקה אשׁר ישׁתה בכל כלי יטמא | |
| 35 | MTוכל אשׁר יפל מנבלתם עליו יטמא תנור וכירים יתץ טמאים הם וטמאים יהיו לכם |
| SPוכל אשׁר יפל מנבלתם עליו יטמא תנור וכרים יתצו טמאים הם וטמאים יהיו לכם | |
| 36 | MTאך מעין ובור מקוה מים יהיה טהור ונגע בנבלתם יטמא |
| SPאך מעין מים ובור מקוה מים יהיה טהור ונגע בנבלתם יטמא | |
| 37 | MTוכי יפל מנבלתם על כל זרע זרוע אשׁר יזרע טהור הוא |
| SPוכי יפל מנבלתם על זרע זרע אשׁר יזרע טהור הוא | |
| 38 | MTוכי יתן מים על זרע ונפל מנבלתם עליו טמא הוא לכם |
| SPוכי יתן מים על הזרע ונפל מנבלתם עליו טמא הוא לכם | |
| 39 | MTוכי ימות מן הבהמה אשׁר היא לכם לאכלה הנגע בנבלתה יטמא עד הערב |
| SPוכי ימות מן הבהמה אשׁר היא לכם לאכלה הנגע בנבלתה יטמא עד הערב | |
| 40 | MTוהאכל מנבלתה יכבס בגדיו וטמא עד הערב והנשׂא את נבלתה יכבס בגדיו וטמא עד הערב |
| SPוהאכל מנבלתה יכבס בגדיו וטמא עד הערב והנשׂא את נבלתה יכבס בגדיו וטמא עד הערב | |
| 41 | MTוכל השׁרץ השׁרץ על הארץ שׁקץ הוא לא יאכל |
| SPוכל השׁרץ השׁרץ על הארץ שׁקץ הוא לא יאכל | |
| 42 | MTכל הולך על גחון וכל הולך על ארבע עד כל מרבה רגלים לכל השׁרץ השׁרץ על הארץ לא תאכלום כי שׁקץ הם |
| SPכל ההלך על גחון וכל ההלך על ארבע עד כל מרבה רגלים לכל השׁרץ השׁרץ על הארץ לא תאכלום כי שׁקץ הם | |
| 43 | MTאל תשׁקצו את נפשׁתיכם בכל השׁרץ השׁרץ ולא תטמאו בהם ונטמתם בם |
| SPאל תשׁקצו את נפשׁתיכם בכל השׁרץ השׁרץ ולא תטמאו בהם ונטמאתם בם | |
| 44 | MTכי אני יהוה אלהיכם והתקדשׁתם והייתם קדשׁים כי קדושׁ אני ולא תטמאו את נפשׁתיכם בכל השׁרץ הרמשׂ על הארץ |
| SPכי אני יהוה אלהיכם והתקדשׁתם והייתם קדישׁים כי קדושׁ אני ולא תטמאו את נפשׁתיכם בכל השׁרץ הרמשׂ על הארץ | |
| 45 | MTכי אני יהוה המעלה אתכם מארץ מצרים להית לכם לאלהים והייתם קדשׁים כי קדושׁ אני |
| SPכי אני יהוה אלהיכם המעלה אתכם מארץ מצרים להיות לכם לאלהים והייתם קדישׁים כי קדושׁ אני | |
| 46 | MTזאת תורת הבהמה והעוף וכל נפשׁ החיה הרמשׂת במים ולכל נפשׁ השׁרצת על הארץ |
| SPזאת תורת הבהמה והעוף וכל הנפשׁ החיה הרמשׂת במים לכל הנפשׁ השׁרצת על הארץ | |
| 47 | MTלהבדיל בין הטמא ובין הטהר ובין החיה הנאכלת ובין החיה אשׁר לא תאכל |
| SPלהבדיל בין הטמא ובין הטהור ובין החיה הנאכלת ובין החיה אשׁר לא תאכל |