| 1 | MTויהי ביום השׁמיני קרא משׁה לאהרן ולבניו ולזקני ישׂראל |
| SPויהי ביום השׁמיני קרא משׁה לאהרן ולבניו ולזקני ישׂראל | |
| 2 | MTויאמר אל אהרן קח לך עגל בן בקר לחטאת ואיל לעלה תמימם והקרב לפני יהוה |
| SPויאמר אל אהרן קח לך עגל בן בקר לחטאת ואיל לעלה תמימם והקריב לפני יהוה | |
| 3 | MTואל בני ישׂראל תדבר לאמר קחו שׂעיר עזים לחטאת ועגל וכבשׂ בני שׁנה תמימם לעלה |
| SPואל זקני ישׂראל תדבר לאמר קחו שׂעיר עזים לחטאת ועגל וכבשׂ בני שׁנה תמימם לעלה | |
| 4 | MTושׁור ואיל לשׁלמים לזבח לפני יהוה ומנחה בלולה בשׁמן כי היום יהוה נראה אליכם |
| SPושׁור ואיל לשׁלמים לזבח לפני יהוה ומנחה בלולה בשׁמן כי היום יהוה נראה אליכם | |
| 5 | MTויקחו את אשׁר צוה משׁה אל פני אהל מועד ויקרבו כל העדה ויעמדו לפני יהוה |
| SPויקחו את אשׁר צוה משׁה אל פני אהל מועד ויקרבו כל העדה ויעמדו לפני יהוה | |
| 6 | MTויאמר משׁה זה הדבר אשׁר צוה יהוה תעשׂו וירא אליכם כבוד יהוה |
| SPויאמר משׁה זה הדבר אשׁר צוה יהוה תעשׂון ויראה אליכם כבוד יהוה | |
| 7 | MTויאמר משׁה אל אהרן קרב אל המזבח ועשׂה את חטאתך ואת עלתך וכפר בעדך ובעד העם ועשׂה את קרבן העם וכפר בעדם כאשׁר צוה יהוה |
| SPויאמר משׁה אל אהרן קרב אל המזבח ועשׂה את חטאתך ואת עלתך וכפר בעדך ובעד העם ועשׂה את קרבן העם וכפר בעדם כאשׁר צוה יהוה | |
| 8 | MTויקרב אהרן אל המזבח וישׁחט את עגל החטאת אשׁר לו |
| SPויקרב אהרן אל המזבח וישׁחט את עגל החטאת אשׁר לו | |
| 9 | MTויקרבו בני אהרן את הדם אליו ויטבל אצבעו בדם ויתן על קרנות המזבח ואת הדם יצק אל יסוד המזבח |
| SPויקריבו בני אהרן את הדם אליו ויטבל אצבעו בדם ויתן על קרנות המזבח ואת הדם יצק אל יסוד המזבח | |
| 10 | MTואת החלב ואת הכלית ואת היתרת מן הכבד מן החטאת הקטיר המזבחה כאשׁר צוה יהוה את משׁה |
| SPואת החלב ואת הכליות ואת היותרת מן הכבד מן החטאת הקטיר המזבחה כאשׁר צוה יהוה את משׁה | |
| 11 | MTואת הבשׂר ואת העור שׂרף באשׁ מחוץ למחנה |
| SPואת הבשׂר ואת העור שׂרף באשׁ מחוץ למחנה | |
| 12 | MTוישׁחט את העלה וימצאו בני אהרן אליו את הדם ויזרקהו על המזבח סביב |
| SPוישׁחט את העלה וימציאו בני אהרן אליו את הדם ויזרקהו על המזבח סביב | |
| 13 | MTואת העלה המציאו אליו לנתחיה ואת הראשׁ ויקטר על המזבח |
| SPואת העלה המציאו אליו לנתחיה ואת הראשׁ ויקטר המזבחה | |
| 14 | MTוירחץ את הקרב ואת הכרעים ויקטר על העלה המזבחה |
| SPוירחץ את הקרב ואת הכרעים ויקטר על העלה המזבחה | |
| 15 | MTויקרב את קרבן העם ויקח את שׂעיר החטאת אשׁר לעם וישׁחטהו ויחטאהו כראשׁון |
| SPויקריב את קרבן העם ויקח את שׂעיר החטאת אשׁר לעם וישׁחטהו ויחטאהו כראישׁון | |
| 16 | MTויקרב את העלה ויעשׂה כמשׁפט |
| SPויקרב את העלה ויעשׂה כמשׁפט | |
| 17 | MTויקרב את המנחה וימלא כפו ממנה ויקטר על המזבח מלבד עלת הבקר |
| SPויקרב את המנחה וימלא כפיו ממנה ויקטר על המזבח מלבד עלת הבקר | |
| 18 | MTוישׁחט את השׁור ואת האיל זבח השׁלמים אשׁר לעם וימצאו בני אהרן את הדם אליו ויזרקהו על המזבח סביב |
| SPוישׁחט את השׁור ואת האיל זבח השׁלמים אשׁר לעם וימציאו בני אהרן את הדם אליו ויזרקהו על המזבח סביב | |
| 19 | MTואת החלבים מן השׁור ומן האיל האליה והמכסה והכלית ויתרת הכבד |
| SPואת החלבים מן השׁור ומן האיל האליה והמכסה והכליות ויותרת הכבד | |
| 20 | MTוישׂימו את החלבים על החזות ויקטר החלבים המזבחה |
| SPוישׂם את החלבים על החזות ויקטר החלבים המזבחה | |
| 21 | MTואת החזות ואת שׁוק הימין הניף אהרן תנופה לפני יהוה כאשׁר צוה משׁה |
| SPואת החזות ואת שׁוק הימין הניף אהרן תנופה לפני יהוה כאשׁר צוה יהוה את משׁה | |
| 22 | MTוישׂא אהרן את ידו אל העם ויברכם וירד מעשׂת החטאת והעלה והשׁלמים |
| SPוישׂא אהרן את ידו על העם ויברכם וירד מעשׂות החטאת והעלה והשׁלמים | |
| 23 | MTויבא משׁה ואהרן אל אהל מועד ויצאו ויברכו את העם וירא כבוד יהוה אל כל העם |
| SPויבא משׁה ואהרן אל אהל מועד ויצאו ויברכו את העם וירא כבוד יהוה אל כל העם | |
| 24 | MTותצא אשׁ מלפני יהוה ותאכל על המזבח את העלה ואת החלבים וירא כל העם וירנו ויפלו על פניהם |
| SPותצא אשׁ מלפני יהוה ותאכל על המזבח את העלה ואת החלבים ויראו כל העם וירנו ויפלו על פניהם |