| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTקח את אהרן ואת בניו אתו ואת הבגדים ואת שׁמן המשׁחה ואת פר החטאת ואת שׁני האילים ואת סל המצות |
| SPקח את אהרן ואת בניו אתו ואת הבגדים ואת שׁמן המשׁחה ואת פר החטאת ואת שׁני האילים ואת סל המצות | |
| 3 | MTואת כל העדה הקהל אל פתח אהל מועד |
| SPואת כל העדה הקהל אל פתח אהל מועד | |
| 4 | MTויעשׂ משׁה כאשׁר צוה יהוה אתו ותקהל העדה אל פתח אהל מועד |
| SPויעשׂ משׁה כאשׁר צוה יהוה אתו ותקהל העדה אל פתח אהל מועד | |
| 5 | MTויאמר משׁה אל העדה זה הדבר אשׁר צוה יהוה לעשׂות |
| SPויאמר משׁה אל העדה זה הדבר אשׁר צוה יהוה לעשׂות | |
| 6 | MTויקרב משׁה את אהרן ואת בניו וירחץ אתם במים |
| SPויקריב משׁה את אהרן ואת בניו וירחץ אתם במים | |
| 7 | MTויתן עליו את הכתנת ויחגר אתו באבנט וילבשׁ אתו את המעיל ויתן עליו את האפד ויחגר אתו בחשׁב האפד ויאפד לו בו |
| SPויתן עליו את הכיתנת ויחגר אתו באבניט וילבשׁ אתו את המעיל ויתן עליו את האפוד ויחגר אתו בחשׁב האפוד ויאפד לו בו | |
| 8 | MTוישׂם עליו את החשׁן ויתן אל החשׁן את האורים ואת התמים |
| SPוישׂם עליו את החשׁן ויתן על החשׁן את הארים ואת התמים | |
| 9 | MTוישׂם את המצנפת על ראשׁו וישׂם על המצנפת אל מול פניו את ציץ הזהב נזר הקדשׁ כאשׁר צוה יהוה את משׁה |
| SPוישׂם את המצנפת על ראשׁו ויתן על המצנפת אל מול פניו את ציץ הזהב נזר הקדשׁ כאשׁר צוה יהוה את משׁה | |
| 10 | MTויקח משׁה את שׁמן המשׁחה וימשׁח את המשׁכן ואת כל אשׁר בו ויקדשׁ אתם |
| SPויקח משׁה את שׁמן המשׁחה וימשׁח את המשׁכן ואת כל אשׁר בו ויקדשׁ אתם | |
| 11 | MTויז ממנו על המזבח שׁבע פעמים וימשׁח את המזבח ואת כל כליו ואת הכיר ואת כנו לקדשׁם |
| SPויז ממנו על המזבח שׁבע פעמים וימשׁח את המזבח ואת כל כליו ואת הכיור ואת כנו לקדשׁם | |
| 12 | MTויצק משׁמן המשׁחה על ראשׁ אהרן וימשׁח אתו לקדשׁו |
| SPויצק משׁמן המשׁחה על ראשׁ אהרן וימשׁח אתו לקדשׁו | |
| 13 | MTויקרב משׁה את בני אהרן וילבשׁם כתנת ויחגר אתם אבנט ויחבשׁ להם מגבעות כאשׁר צוה יהוה את משׁה |
| SPויקריב משׁה את בני אהרן וילבשׁם כיתנות ויחגר אתם אבניטים ויחבשׁ להם מגבעות כאשׁר צוה יהוה את משׁה | |
| 14 | MTויגשׁ את פר החטאת ויסמך אהרן ובניו את ידיהם על ראשׁ פר החטאת |
| SPויגשׁ את פר החטאת ויסמך אהרן ובניו את ידיהם על ראשׁ פר החטאת | |
| 15 | MTוישׁחט ויקח משׁה את הדם ויתן על קרנות המזבח סביב באצבעו ויחטא את המזבח ואת הדם יצק אל יסוד המזבח ויקדשׁהו לכפר עליו |
| SPוישׁחט ויקח משׁה את הדם ויתן על קרנות המזבח סביב באצבעו ויחטא את המזבח ואת הדם יצק אל יסוד המזבח ויקדשׁהו לכפר עליו | |
| 16 | MTויקח את כל החלב אשׁר על הקרב ואת יתרת הכבד ואת שׁתי הכלית ואת חלבהן ויקטר משׁה המזבחה |
| SPויקח את כל החלב אשׁר על הקרב ואת יותרת הכבד ואת שׁתי הכליות ואת חלביהן ויקטר משׁה המזבחה | |
| 17 | MTואת הפר ואת ערו ואת בשׂרו ואת פרשׁו שׂרף באשׁ מחוץ למחנה כאשׁר צוה יהוה את משׁה |
| SPואת הפר ואת עורו ואת בשׂרו ואת פרשׁו שׂרף באשׁ מחוץ למחנה כאשׁר צוה יהוה את משׁה | |
| 18 | MTויקרב את איל העלה ויסמכו אהרן ובניו את ידיהם על ראשׁ האיל |
| SPויגשׁ את איל העלה ויסמכו אהרן ובניו את ידיהם על ראשׁ האיל | |
| 19 | MTוישׁחט ויזרק משׁה את הדם על המזבח סביב |
| SPוישׁחט ויזרק משׁה את הדם על המזבח סביב | |
| 20 | MTואת האיל נתח לנתחיו ויקטר משׁה את הראשׁ ואת הנתחים ואת הפדר |
| SPואת האיל נתח לנתחיו ויקטר משׁה את הראשׁ ואת הנתחים ואת הפדר | |
| 21 | MTואת הקרב ואת הכרעים רחץ במים ויקטר משׁה את כל האיל המזבחה עלה הוא לריח ניחח אשׁה הוא ליהוה כאשׁר צוה יהוה את משׁה |
| SPואת הקרב והכרעים רחץ במים ויקטר משׁה את כל האיל המזבחה עלה הוא לריח ניחח אשׁה הוא ליהוה כאשׁר צוה יהוה את משׁה | |
| 22 | MTויקרב את האיל השׁני איל המלאים ויסמכו אהרן ובניו את ידיהם על ראשׁ האיל |
| SPויקריב את איל השׁני איל המלאים ויסמכו אהרן ובניו את ידיהם על ראשׁ האיל | |
| 23 | MTוישׁחט ויקח משׁה מדמו ויתן על תנוך אזן אהרן הימנית ועל בהן ידו הימנית ועל בהן רגלו הימנית |
| SPוישׁחט ויקח משׁה מדמו ויתן על תנך אזן אהרן הימנית ועל בהון ידו הימנית ועל בהון רגלו הימנית | |
| 24 | MTויקרב את בני אהרן ויתן משׁה מן הדם על תנוך אזנם הימנית ועל בהן ידם הימנית ועל בהן רגלם הימנית ויזרק משׁה את הדם על המזבח סביב |
| SPויקריב את בני אהרן ויתן משׁה מן הדם על תנך אזנם הימנית ועל בהון ידם הימנית ועל בהון רגלם הימנית ויזרק משׁה את הדם על המזבח סביב | |
| 25 | MTויקח את החלב ואת האליה ואת כל החלב אשׁר על הקרב ואת יתרת הכבד ואת שׁתי הכלית ואת חלבהן ואת שׁוק הימין |
| SPויקח את החלב את האליה ואת כל החלב אשׁר על הקרב ואת יותרת הכבד ואת שׁתי הכליות ואת חלביהן ואת שׁוק הימין | |
| 26 | MTומסל המצות אשׁר לפני יהוה לקח חלת מצה אחת וחלת לחם שׁמן אחת ורקיק אחד וישׂם על החלבים ועל שׁוק הימין |
| SPומסל המצות אשׁר לפני יהוה לקח חלת מצה אחת וחלת לחם שׁמן אחת ורקיק אחד וישׂם על החלבים ועל שׁוק הימין | |
| 27 | MTויתן את הכל על כפי אהרן ועל כפי בניו וינף אתם תנופה לפני יהוה |
| SPויתן את הכל על כפי אהרן ועל כפי בניו וינף אתם תנופה לפני יהוה | |
| 28 | MTויקח משׁה אתם מעל כפיהם ויקטר המזבחה על העלה מלאים הם לריח ניחח אשׁה הוא ליהוה |
| SPויקח משׁה אתם מעל כפיהם ויקטר המזבחה על העלה מלאים הם לריח ניחח אשׁה ליהוה | |
| 29 | MTויקח משׁה את החזה ויניפהו תנופה לפני יהוה מאיל המלאים למשׁה היה למנה כאשׁר צוה יהוה את משׁה |
| SPויקח משׁה את החזה וינפהו תנופה לפני יהוה מאיל המלאים למשׁה היה למנה כאשׁר צוה יהוה את משׁה | |
| 30 | MTויקח משׁה משׁמן המשׁחה ומן הדם אשׁר על המזבח ויז על אהרן על בגדיו ועל בניו ועל בגדי בניו אתו ויקדשׁ את אהרן את בגדיו ואת בניו ואת בגדי בניו אתו |
| SPויקח משׁה משׁמן המשׁחה ומן הדם אשׁר על המזבח ויז על אהרן ועל בגדיו ועל בניו ועל בגדי בניו אתו ויקדשׁ את אהרן ואת בגדיו ואת בניו ואת בגדי בניו אתו | |
| 31 | MTויאמר משׁה אל אהרן ואל בניו בשׁלו את הבשׂר פתח אהל מועד ושׁם תאכלו אתו ואת הלחם אשׁר בסל המלאים כאשׁר צויתי לאמר אהרן ובניו יאכלהו |
| SPויאמר משׁה אל אהרן ואל בניו בשׁלו את הבשׂר פתח אהל מועד במקום הקדשׁ ושׁם תאכלו אתו ואת הלחם אשׁר בסל המלאים כאשׁר צויתי לאמר אהרן ובניו יאכלהו | |
| 32 | MTוהנותר בבשׂר ובלחם באשׁ תשׂרפו |
| SPוהנותר בבשׂר ובלחם באשׁ תשׂרפו | |
| 33 | MTומפתח אהל מועד לא תצאו שׁבעת ימים עד יום מלאת ימי מלאיכם כי שׁבעת ימים ימלא את ידכם |
| SPומפתח אהל מועד לא תצאו שׁבעת ימים עד יום מלאת ימי מלאיכם כי שׁבעת ימים ימלא את ידיכם | |
| 34 | MTכאשׁר עשׂה ביום הזה צוה יהוה לעשׂת לכפר עליכם |
| SPכאשׁר עשׂה ביום הזה צוה יהוה לעשׂות לכפר עליכם | |
| 35 | MTופתח אהל מועד תשׁבו יומם ולילה שׁבעת ימים ושׁמרתם את משׁמרת יהוה ולא תמותו כי כן צויתי |
| SPופתח אהל מועד תשׁבו יומם ולילה שׁבעת ימים ושׁמרתם את משׁמרת יהוה ולא תמותו כי כן צויתי | |
| 36 | MTויעשׂ אהרן ובניו את כל הדברים אשׁר צוה יהוה ביד משׁה |
| SPויעשׂ אהרן ובניו את כל הדברים אשׁר צוה יהוה ביד משׁה |